Hechos 24:12 - Nuevo Testamento Uwotjüja

¹² Ja̧'wa̧nü̧ jä̧ja̧'a̧mä̧, Dio-rü ukuokuäkuäwodettü'i̧nä̧, sinagogas odewiyättü'i̧nä̧, ji̧yȩtä̧ ütawiyättü'i̧nä̧ suronä̧ ukuoku, ttü̧ja̧rü̧ ttürowäwuönä̧ jȩcha̧'a̧mä̧ ttü̧'o̧kui̧'o̧ko̧ku̧ päjisä.

TÄ̧DO Ä̧CUÄ̧ I̧HUȨNȨ

¹² Judíos ttö̧ja̧ ttörö tottomenä, korotöcu pä'ä'chocö päjisä. Diosrö ucuocuäcuähuodenä'inä, judíos ttö̧ja̧ ttu̧huo̧jui̧'i̧nodehuiyänä'inä, korome ötahuiyättö'inä, curuhuotörö suronä “Huopätucui” pä'ocö päjisä ttö̧ja̧rö̧mä̧.

Hechos 24:12 Referans Kwoze

Hechos 25:8

Jittäwiyäku, Pauru-mä̧ ukuokuinü̧: —Ttümä̧, judío ttukuotü weäwä wȩnȩ'i̧nä̧, Dio-rü ukuokuäkuäwode'i̧nä̧, ru̧wa̧ Emperador Césa ütü'kü'i̧nä̧ suronä̧ to'ija̧'a̧ku̧mä̧ jȩpo̧kü̧ pä'ijüsä.

Hechos 28:17

I̧rȩbȩwi̧'ä̧ja̧'a̧ttü̧mä̧, wäbodäkuätä mo̧ro̧ o'ka'a, Pauru-mä̧ Roma ütawiyättü Judío tturuwotürü ttü̧ka̧ka̧kui̧'a̧ pä'ü ä̧tȩpä̧ji̧'ka̧, juätürü pä'inü̧: —Chawaruwä chü̧jä̧wa̧tü̧, ttümä̧ judío-rü'i̧nä̧ ja̧'wa̧ta̧nü̧ tü̧tä̧mü̧ mi̧nä̧ jäwä jȩpü̧ ttü̧jä̧'i̧jü̧'i̧nä̧ to'ija̧'a̧ku̧mä̧ suronä̧mä̧ jȩcho̧ka̧'a̧ ji̧na̧'a̧nä̧, Jerusarȩ́-ttü̧ kkä̧mä̧dü̧ kärenä̧ra̧'a̧ iyü ttikuinä̧ku̧sä̧, Roma ttü̧ja̧ ttu̧mü̧nä̧;

Hechos 24:18

Ja̧'wa̧nü̧ pi̧yȩ jȩpü̧mä̧, weäwä wȩnȩ weü'akuä̧ surojü tükäu ikuäji̧'ka̧ jȩcha̧'a̧ Asia rȩjȩ ttü̧ja̧tä̧ tottinä̧ku̧sä̧, ttü̧ja̧rü̧ suronä̧ jȩpü̧ wocha'a'i̧nä̧ tottokoku pinü̧sä̧.

Hechos 24:5

Pide ütü'kü wo̧jui̧'i̧nä̧tü̧jä̧ pi̧jä̧ o'kajuiyünä̧, ttü̧ja̧rü̧ surojuoepümä̧ ja̧'wa̧ta̧nü̧ judío-rü rowäkuäu 'kȩttȩkuä̧chü̧nä̧ aditü'i̧nä̧, nazarenos ttu̧ru̧wa̧ jü̧nä̧ aditü kue'ächü jȩa̧'a̧mä̧.

San Marcos 9:14

U̧wo̧juȩtä̧u̧ ttü̧ja̧kuo̧mȩku̧ ppa̧wä̧chi̧'o̧mȩnä̧, weäwä wȩnȩ wo̧juȩkuä̧ isotü ttü̧'kä̧tȩ jo̧mȩ ttü̧ja̧kua̧'a̧ topinü̧ ja̧'wa̧ta̧nü̧ ttü̧ja̧ rekuätü ttü̧ja̧ ttü̧'kä̧tȩ jo̧mȩ juätürü jä̧'ȩpä̧rü̧ pä'ä'chäkuäwinä̧tü̧.

San Juan 18:21

¿Tta̧'a̧nü̧ pä'ü ttürümä̧ jä̧kuȩpä̧rä̧ku̧sä̧ttü̧? Jidäwa'a ä̧ju̧kuä̧'i̧jä̧tü̧rü̧ jä'epü ä̧ju̧kui̧, däjé jidäwä'ijatü ja̧ pä'ü; juätütä jidäwä'ijü wo̧juä̧tü̧mä̧.