Hechos 23:9 - Nuevo Testamento Uwotjüja

⁹ Ja̧'wa̧nü̧ ja̧'a̧ rü̧ȩnä̧ wopinä̧tü̧; ja̧'wa̧ta̧nü̧ Fariseo wotü, weäwä wȩnȩ wo̧juȩkuä̧ isotüttü, ä̧rä̧mi̧'ü̧ pä'inä̧tü̧: —Pidemä̧ suronä̧mä̧ jȩpo̧kü̧ päji ja̧'a̧; Epíritu ja̧ pä'ü'i̧nä̧, á̧gȩ ja̧ pä'ü'i̧nä̧ ttukuokuäjittümä̧. Dio-rümä̧ to'ija̧'a̧ku̧mä̧ pätü juiyü'anü̧ ja̧'a̧.

TÄ̧DO Ä̧CUÄ̧ I̧HUȨNȨ

⁹ O'ca toi'önä huopinätö. Fariseos huotöttö korotö hueähuä huȩnȩ huo̧juȩtä̧tö̧mä̧ ä̧rä̧mi̧'ö̧ pä'inätödo: —Pide suronä jȩpo̧cö̧ pi̧nö̧. Espíritu'inä, ángel'inä ja̧u̧ru̧ ucuocuttumä, huäinä ö̧jä̧cua̧, Dios aboiyotö päti'ö juiyäcua'a̧nö̧.

Hechos 23:9 Referans Kwoze

Hechos 22:7

Ja̧'wa̧nü̧ päi'omȩnä̧, rȩjȩ ma̧dä̧ma̧'a̧ttü̧, rä̧mi̧pi̧nä̧ku̧sä̧: Sauro, Sauro, ¿tta̧'a̧nü̧ pä'ü ttürümä̧, kü̧sä̧ra̧'a̧ jä̧ttü̧?

San Juan 12:29

Ja̧'wa̧nü̧ ja̧'a̧ juȩnȩ kka̧kuä̧tü̧mä̧, jua̧u̧ ä̧ju̧ku̧, ku'upä kürüächa'a pätta'anä̧; kkorotümä̧ pä'inä̧tü̧: Ya̧tȩ á̧gȩ ukuokuäjäku, jü̧nä̧.

Hechos 26:31

ja̧'wa̧nü̧ ja̧'a̧ jäyäku pä'i'ü ukuokuäkuäwinä̧tü̧: —Pidemä̧ kuä'ü ttikuarü pä'ü'i̧nä̧, kärenä̧ ü̧'a̧ pä'ü'i̧nä̧ wokü ja̧'a̧, pä'ü.

Hechos 25:25

Ja̧'wa̧nü̧ ja̧'a̧nä̧ ttü tochomȩnä̧, toe'ächa pä'ümä̧ jui̧'a̧ ja̧'a̧nä̧, chutä jäepäjomȩttü̧, tu̧ru̧wa̧ Césa-rü weda pä'ü chu̧ju̧nä̧rä̧ku̧.

Hechos 23:29

Jitütä wettäu jäwä wȩnȩnä̧ jä̧ja̧'a̧; ja̧'wa̧nü̧ ja̧'a̧nä̧ wȩnȩmä̧ jui'äji, kuä'ü ttikuarü pä'ümä̧ ja̧'wa̧ta̧nü̧ kärenä̧ ü̧'a̧ pä'ü'i̧nä̧, juiya'a.

San Marcos 2:16

Ja̧'wa̧nü̧, juätuku u̧kuȩ ukua'a topü, weäwä wȩnȩ wo̧juȩkuä̧ isotü'i̧nä̧, fariseo wotü'i̧nä̧, Jesú u̧wo̧juȩtä̧u̧rü jä'epü ä̧ju̧kui̧nä̧tü̧: —¿Tta̧'a̧nü̧ pä'ü ku̧ru̧wa̧tu̧ku̧mä̧, pärätä ka̧ka̧kuä̧ isotüku'i̧nä̧, suronä̧ jȩpä̧'i̧jä̧tu̧ku̧'i̧nä̧, u̧kuȩmä̧ ukua'ajä̧ttü̧?

1 Corintios 10:22

¿Jua̧u̧nu̧mä̧, Tu̧ru̧wa̧ a̧mi̧ surächi'ünä̧ jȩta̧ päta'a tä̧jí̧? ¿Ujutumä̧, jua̧u̧ttü̧'i̧nä̧ abonä̧nü̧ tujuru kku̧nä̧rä̧tü̧jä̧ tä̧jí̧?

Hechos 27:23

Mo̧ro̧ji̧ yodomä̧, Dio i̧sa̧ á̧gȩ i̧wä̧chä̧ji̧. Jua̧u̧ Dio-rü esetü ukuotü cha'attü ttümä̧,

Hechos 23:8

Jua'amä̧, saduceo wotümä̧ 'korujuo'ächätümä̧ tto'ächokotü, Á̧gȩrȩ'i̧nä̧ toa'a, epíritu-tu̧'i̧nä̧ toa'a pä'ü ttesetoka'attü̧. Pärokua'aku, fariseo wotümä̧ jua̧u̧ o'kajuiyünä̧tä̧ tteseta'attü̧.

Hechos 11:17

Ja̧'wa̧nü̧ ja̧'a̧ Dio-mä̧ ujutu Jesucrito-rü esetätürü, mipponä̧ jäwä iyinü̧ta̧'a̧nü̧, juätürü'i̧nä̧ iya'amä̧ ¿Dí cha'ajä̧ttü̧, Dio-rü to'ija̧'a̧ku̧ päda pä'ümä̧?

Hechos 9:4

rȩjȩku̧ ma̧ä̧cha̧'a̧, ya̧tȩ i̧wȩnȩ rȩmi̧pa̧'a̧, ä̧ju̧kui̧nü̧: Sauro, Sauro ¿tta̧'a̧nü̧ pä'ü suronä̧ jȩ'kua̧ pä'ü kusäkusättü̧? [

Hechos 5:39

Ja̧'wa̧nü̧ ja̧'a̧nä̧, Dio jäwä jü̧ttü̧mä̧ jȩpü̧mä̧ ikuokotüjä̧; Dio-ku rowäwätüjä̧ 'kua̧ra̧'a̧. Päomȩnä̧ ttesetinä̧ku̧.

San Lucas 23:22

Wäbodäkuä päi'ünä̧ Pilato-mä̧ päinä̧u̧: Jua̧u̧nu̧mä̧ ¿surojümä̧, däjé jȩä̧jä̧ttü̧? Ttü tochomȩnä̧mä̧, 'koru päi'ünä̧ jȩta̧ pä'ümä̧ juiyäkusä. Usurä ȩmä̧u̧nä̧ ro̧'ȩpi̧'i̧pü̧tä̧ rä'epü chikuäku.

San Lucas 23:4

Ja̧'wa̧nü̧ jä̧ku̧ Pilato-mä̧ sacerdote wotü tturuwotürü, pä'ü kkä̧nü̧ ttü̧ja̧rü̧'i̧nä̧ pä'inü̧: —Pide suronä̧ jȩä̧ji̧mä̧ tochü juiyünä̧ jä̧ku̧sä̧.

San Lucas 5:30

Ja̧'wa̧nü̧ ji̧yä̧u̧ fariseo wotümä̧ ja̧'wa̧ta̧nü̧ weäwä wȩnȩ wo̧juȩkuä̧ isotü'i̧nä̧ Jesú u̧wo̧juȩtä̧u̧rü ttüjü'kü juiyünä̧ jä̧u̧ pä'inä̧tü̧: —¿Tta̧'a̧nü̧ pä'ü ukutumä̧ impuesto ka̧ka̧kuä̧ isotüku, suronä̧ jȩä̧kuä̧wä̧ isotüku kuänü̧'i̧nä̧, au'i̧nä̧ pȩjä̧tü̧jä̧ttü̧?

Hechos 22:6

Ja̧'wa̧nü̧ amükuädü kkä̧nü̧, Damasco ütawiyära̧'a̧ tü'künä̧nü̧ pädi'omȩnä̧, kkä̧wa̧ jueü kkü̧rü̧ päi'ä'ijü juei isomȩ kkü̧rü̧, chu̧ni̧chä̧ra̧'a̧nä̧ mo̧ro̧jä̧ra̧'a̧ttü̧ tȩya̧u̧ kkȩdȩ'i̧nä̧ku̧sä̧, jakuätä pädi'ünä̧.