Hechos 23:6 - Nuevo Testamento Uwotjüja

⁶ Jua̧u̧ pä'ü kä'ädü, yotukunä̧mä̧ saduceo wotü'i̧nä̧, kkorotümä̧ Fariseo wotü'i̧nä̧ ji̧yä̧ku̧ Pauru-mä̧ pä̧i̧ku̧nä̧ pä'inü̧: —Chawaruwä chü̧jä̧wa̧tü̧, ttümä̧ fariseo wotü i̧sa̧sä̧ ja̧'wa̧ta̧nü̧ jua̧u̧ esetätütä tti̧tti̧sä̧; Ja̧'wa̧nü̧ ja̧'a̧ttü̧ wa'ü ikuinä̧tü̧mä̧ ttottächäkuotü pä'ü tta̧dä̧ro̧mȩttü̧ ro̧ttȩpa̧ pä'ü 'chuttädäjäkusä.

TÄ̧DO Ä̧CUÄ̧ I̧HUȨNȨ

⁶ Ja̧'hua̧nö̧ ja̧'a̧ Pablomä u̧huo̧jua̧'a̧ttö̧ judíos ttö̧ja̧ ji̧nä̧ iso ruhuotöttö korotö saduceos huotö pi̧nä̧tö̧, korotö fariseos huotö pi̧nä̧tö̧, jahuätö ttä'ca jo̧mȩ huopinö: —Chahuaruhuä, ttömä fariseo ttö̧jä̧ i̧sa̧sä̧. Chä'o'inä, cha̧ju̧'i̧nä̧ fariseos ttö̧ja̧ pi̧nä̧tö̧. 'Corupä'i'ätö ttoächäcuähuä huȩnȩ esetö tta̧dä̧ra̧'a̧ttö̧, ttörö jä'epö ä̧ju̧cuä̧tö̧jä̧.

Hechos 23:6 Referans Kwoze

Hechos 24:21

Ja̧'wa̧nü̧ ja̧'a̧nä̧, juorümä̧ ji̧yȩtȩtä̧ wopi'äjisä pä̧i̧ku̧nä̧: «wa'ü ikuinä̧tü̧rü̧, juätümä̧ ttottächäkuotü pä'ü chesetomȩttü̧ jȩ'kuä̧tu̧kuä̧ku̧sä̧,» jü̧nä̧.

Hechos 24:15

Ja̧'wa̧ta̧nü̧ Dio-nä̧mä̧ tta̧'ä̧rü̧sä̧, adiu jȩpä̧tü̧'i̧nä̧, suronä̧ jȩpä̧tü̧'i̧nä̧ yodojimä̧ ttottächäkuotü pä'ü.

Filipenses 3:5

Chuwäpächäja'attümä̧ kko̧ro̧mü̧ttü̧nü̧ wäbodäkuä mo̧ro̧ päi'omȩnä̧ circuncisió̧-mä̧ jȩtti̧nä̧ku̧sä̧, Irae ttü̧ja̧ i̧sa̧sä̧, Benjamín i̧tti̧mü̧ i̧sa̧sä̧, hebreos ttü̧ja̧ i̧sa̧. Weäwä wȩnȩ weünä̧mä̧ Fariseo wotü i̧sa̧ winü̧sä̧.

Hechos 28:20

Ja̧'wa̧nü̧ ja̧'a̧ttü̧ ukuturu topü kkä̧nü̧ pi̧yȩtä̧ jidäwa pä'ü wopäjisä; ujutu Irae ttü̧ja̧ tta̧tä̧rä̧'i̧jü̧ jäwä jo̧mȩttü̧, pa̧'a̧nü̧mä̧, pi̧sa̧ kärenä̧sa̧ nü̧'käwa'amä̧ kkü̧sä̧.

San Mateo 22:23

Jua̧u̧nu̧tä̧ mo̧ro̧, saduceo wotüttü, wa'arettümä̧ ttoächäkuäwoka'a pä'ü esetätü ja̧'a̧, yotüte Jesú-ru jä'epü ttä̧ju̧kui̧nä̧ku̧:

Hechos 22:5

Sacerdote ttu̧ru̧wa̧'i̧nä̧, judío-ttü a̧ci̧a̧nu̧ wotü'i̧nä̧ topinä̧tü̧, pi̧yȩ pädümä̧. Juätütä ttiyinä̧ku̧sä̧ wȩyu̧kuojämä̧, Damasco-ttü Jesucrito-rü esetätürü, 'chudädäja pä'ümä̧, porü Jerusarȩ́-ttü̧ ro̧ttȩpa̧tü̧ pä'ü.

San Mateo 10:16

¡Ttu̧'ȩpä̧rä̧kuä̧u̧ kka̧kuä̧tu̧kui̧! ä̧ka̧tü̧ to̧ttä̧rä̧kuä̧u̧'a̧nü̧, u̧nu̧ku̧tu̧ jü̧'a̧nü̧ pä̧i̧ juiyünä̧. Oweja-tü̧rü̧ Rowotü̧ ttü̧'kä̧tȩ jo̧mȩ wettajü'anü̧ wȩdä̧u̧jä̧.

San Mateo 3:7

Ja̧'wa̧nü̧ ja̧'a̧nä̧, rekuätü fariseo wotü'i̧nä̧, saduceo wotü'i̧nä̧, Ju̧a̧ bautizo jȩa̧'a̧ topü ttichäja'a, päinä̧u̧. «¡Ukutumä̧ ä̧ka̧tü̧ isotü wotüjä̧!» ¿Dí jiäwinä̧tu̧kuä̧ku̧ttü̧ usurä ttȩmä̧u̧nä̧ ro̧ȩpä̧kuȩttü̧ tü'ipächü ku̧ji̧pä̧tu̧kua̧ pä'ümä̧?

Hechos 22:3

Ttümä̧ isopäi'ünä̧ judío i̧sa̧sä̧, Ciricia rȩjȩnä̧ttü̧, Taso ütawiyättü uwäpächinü̧sä̧ ja̧'wa̧nü̧ ja̧'a̧nä̧ pi̧yȩtä̧ ütawiyättü büó juo'inü̧sä̧, Gamalie u̧wo̧juȩti̧nä̧ku̧sä̧, tü̧tä̧mü̧ mi̧nä̧ ttü̧ji̧nü̧nä̧ kkä̧kuä̧wä̧ i̧sa̧sä̧, tü̧ä̧nä̧wa̧ Dio-rü esetü Ä'kuoyäunü̧ kkü̧sä̧, jitä pi̧yȩ pä̧nä̧ ukutu o'katoi'ünä̧ ku̧jä̧tu̧ku̧ta'anü̧.

Hechos 22:30

Kkoro mo̧ro̧ päi'äja'a, su̧ro̧do̧u̧ ttu̧ru̧wa̧mä̧, Pauru-rü tta̧'a̧nü̧ pä'ü jȩpü̧ wottäja pä'ü, adiu u̧wo̧jua̧ pä'ü, nu̧'käwäjä̧sa̧ ejädü ttikunä̧ we'inü̧. Ja̧'wa̧nü̧ jȩpü̧, sacerdote tturuwotürü'i̧nä̧, judío tturuwotürü'i̧nä̧, ä̧tȩpä̧ji̧'ka̧, Pauru-rümä̧, juätü ttä'ka jo̧mȩ rä'epü ttu̧ju̧nu̧nä̧ we'inü̧.

Hechos 23:1

Ja̧'wa̧nü̧ ja̧'a̧ Pauru-mä̧ ukuo isotü Sanedrín, pättä̧u̧ru̧ topünü̧, pä'inü̧: —Chawaruwä chü̧jä̧wa̧tü̧, kkoro juei juiyünä̧ amükuädü kkä̧'i̧jü̧sä̧ Dio ä'ka jo̧mȩttü̧, jitä pi̧yȩ mo̧ro̧bü päi'ünä̧.

Hechos 23:7

Ja̧'wa̧nü̧ pä'a ä̧ju̧ku̧ fariseo wotü'inä̧, saduceo wotü'i̧nä̧ pä'äkuäwinä̧tü̧. Ja̧'wa̧ta̧nü̧ ttü̧ja̧ ka̧ka̧kuä̧jä̧tü̧mä̧ 'kȩ'ȩkuä̧chi̧nä̧tü̧.

Hechos 23:15

Jitämä̧ ukutu'i̧nä̧, ütawiyä ukuo isotüku yo̧mȩtȩnä̧ jä'epätukui su̧ro̧do̧u̧ ttu̧ru̧wa̧rü̧, yo̧i̧mo̧ro̧ kuä'katuku jo̧mȩ i'kächarü, kkorojuei jä̧ttȩpä̧ra̧rü̧ 'kua̧rü̧nä̧, ujutumä̧ jo̧mȩnü̧ tü̧ja̧kuä̧kuo̧tü̧jä̧ ichi'äkua'a ä'kanä̧ kuä'ü tikuarü pä'ümä̧.

Hechos 23:20

Mü̧ä̧ya̧mä̧ pä'inü̧: —Judío-mä̧ ukuokuäkuäu kku̧nä̧jä̧tü̧, ukuru yo̧i̧mo̧ro̧ jättepa pä'ü, ukuo isotü Junta Suprema ttä'ka jo̧mȩ Pauru-rü rä'epü ku̧ju̧ni̧ya̧tü̧ pä'ü. Jua̧u̧ru̧ yaboku jä̧ttȩpä̧ra̧ pä'ü jä̧'i̧nü̧'a̧nü̧,

Colosenses 1:5

mo̧ro̧jä̧ra̧'a̧ttü̧ ukuturu i̧yä̧wi̧'ä̧kuȩ tta̧kuä̧rä̧tu̧kua̧'a̧ttü̧. Jua̧u̧ ta̧kuä̧rä̧tu̧ku̧mä̧ ä̧ju̧kui̧nä̧tü̧jä̧ jueünä̧ jareü wȩnȩnä̧, Evangelio pä'ü mikunä̧,

Hebreos 6:19

Jua̧u̧ tta̧tä̧ra̧'a̧mä̧, jua̧u̧tä̧ ja̧'a̧ 'kiyü tü̧ja̧ku̧nä̧'i̧nä̧, ta̧'kua̧rü̧'i̧nä̧ 'kiyü 'chu̧ä̧rü̧nä̧ jȩü̧mä̧, woi'ka 'chu̧ä̧räkä Ancla pättäkä 'chu̧ä̧rü̧'a̧nü̧. Jua̧u̧ tta̧tä̧rü̧mä̧ Dio-rü ukuokuäkuäwodenä̧ rä̧ta̧, i̧sä̧ta̧ abora̧'a̧ päi'ünä̧ 'kuäo'ina̧'a̧.