Hechos 23:16 - Nuevo Testamento Uwotjüja

¹⁶ Ja̧'wa̧nü̧ ja̧'a̧nä̧ Pauru ijäwaju kki̧tti̧mä̧, jua̧u̧ ttukuokua'a ä̧ju̧kuä̧ji̧'ka̧, kärenä̧ra̧'a̧ do'ächächü i̧ya̧rü̧ ji'äu 'chi̧nü̧.

TÄ̧DO Ä̧CUÄ̧ I̧HUȨNȨ

¹⁶ Ja̧'hua̧nö̧ ja̧'a̧ Pablo öjähuaju ki̧tti̧, jahuätö ji̧nä̧ yo̧mȩtȩ ttamöcuädäjimä jittähua'a ä̧ju̧cui̧nö̧do. Ja̧'hua̧nö̧ ja̧'a̧ su̧ro̧da̧u̧ ttö̧ja̧cua̧'a̧cu̧ 'chä̧hui̧'ö̧, Pablorö ji'ähuinödo.

Hechos 23:16 Referans Kwoze

Hechos 23:10

Ja̧'wa̧nü̧ ja̧'a̧nä̧ ttü̧ja̧mä̧ yaboku wottiyäku, su̧ro̧do̧u̧ ttu̧ru̧wa̧mä̧, Pauru-rü kuä'ü ttiku 'kua̧ra̧'a̧ pä'ü ye'eku, su̧ro̧do̧u̧ru̧ wopo'inü̧ juorü rä'epü iku, pä'äjita'anü̧ kärenä̧ra̧'a̧ ttȩpa̧rü̧ pä'ü.

1 Corintios 3:19

Isopäi'ünä̧ pi̧jä̧ttü̧ wo̧juä̧wä̧ wȩnȩmä̧, Dio-rümä̧ suräjuä wȩnȩtä̧ ja̧'a̧. Ja̧'wa̧nü̧ ja̧'a̧ttü̧ wȩyu̧kuä̧mä̧ pä'a: «Dio-mä̧, wo̧juä̧wä̧ wȩnȩ kku̧nä̧rä̧tü̧rü̧mä̧, ji̧yȩtä̧ ttu̧wo̧juö̧nä̧ 'chu̧ä̧dä̧u̧,» jü̧nä̧.

Hechos 23:32

Ja̧'wa̧nü̧ ja̧'a̧ kkoro mo̧ro̧mä̧, su̧ro̧do̧u̧ rȩjȩnä̧ 'chä̧jä̧tü̧mä̧ ppa̧'ä̧chi̧nä̧tü̧ ttaditäwomȩku̧, suro cabayu-tü̧nä̧ 'chä̧jä̧tü̧tä̧ Pauru-rü ttȩpa̧'a̧nä̧.

Hechos 21:34

Ja̧'wa̧nü̧ jä'epü ä̧ju̧kuo̧mȩnä̧ kkorotümä̧ i̧mi̧ku̧nä̧ wotta'anä̧, kkorotü'i̧nä̧ kkara'aku wopinä̧tü̧ ja̧'wa̧nü̧ rü̧ȩnä̧ wotta'a ä̧ju̧kuä̧kuä̧wä̧ juiyäku, kärenä̧ ttü̧'ȩjo̧mȩku̧ ttȩmi̧pa̧rü̧ pä'ü weinä̧ku̧.

Hechos 21:37

Täkü kärenä̧ra̧'a̧ su̧ro̧do̧u̧ do'ädü ttikuäku, Pauru-mä̧ su̧ro̧do̧u̧ ttu̧ru̧wa̧rü̧ jä'epü ä̧ju̧kui̧nü̧: ¿Ukuku a̧'u̧ku̧nä̧ chukuoku'anü̧ ja̧'a̧? päku, su̧ro̧do̧u̧ ttu̧ru̧wa̧mä̧ ädätinä̧ku̧: ¿Grecia ttü̧ja̧ tti̧wȩnȩ ukuokuäkuäwä wo̧jua̧jä̧?

Hechos 23:17

Jua̧u̧ ä̧ju̧ku̧, Pauru-mä̧ su̧ro̧do̧u̧ tturuwotüttü ya̧tȩrü̧ wopo'ü pä'inü̧: Pide mü̧ä̧ya̧rü̧ ku̧ru̧wa̧ ü̧ja̧'a̧ o'ipi, ji̧yȩtȩ jiäwarü.

Hechos 24:23

Ja̧'wa̧ta̧nü̧ Felíx-mä̧, su̧ro̧do̧u̧ ttu̧ru̧wa̧rü̧ we'ü kku̧ni̧nü̧, Pauru-mä̧ kärenä̧mä̧ ü̧'a̧'a̧nä̧, jua'akumä̧ tta̧ttä̧ra̧'a̧nä̧, awäruwärü'i̧nä̧ do'ächü tottünä̧.