Hechos 23:15 - Nuevo Testamento Uwotjüja

¹⁵ Jitämä̧ ukutu'i̧nä̧, ütawiyä ukuo isotüku yo̧mȩtȩnä̧ jä'epätukui su̧ro̧do̧u̧ ttu̧ru̧wa̧rü̧, yo̧i̧mo̧ro̧ kuä'katuku jo̧mȩ i'kächarü, kkorojuei jä̧ttȩpä̧ra̧rü̧ 'kua̧rü̧nä̧, ujutumä̧ jo̧mȩnü̧ tü̧ja̧kuä̧kuo̧tü̧jä̧ ichi'äkua'a ä'kanä̧ kuä'ü tikuarü pä'ümä̧.

TÄ̧DO Ä̧CUÄ̧ I̧HUȨNȨ

¹⁵ Jitämä ucutu'inä, judíos ttö̧ja̧ ji̧nä̧ iso ruhuotö'inä su̧ro̧da̧u̧ ttu̧ru̧hua̧rö̧ jä'epätucui yo̧ȩi̧ mo̧ro̧ ucutu cuä'catucu jo̧mȩ tti'cächa pä'ö Pablorö. Pä'ätucui: “Jä'epö tä̧ju̧cua̧ pä'ätöjä adiu tu̧huo̧jua̧ pä'ö Pablo jȩi̧nö̧mä̧.” Ujutumä jo̧mȩ päi'önä tta̧tä̧rä̧cuo̧tö̧jä̧ ichi'omenä, ja̧u̧ru̧ cuä'ö ticua pä'ö.

Hechos 23:15 Referans Kwoze

Hechos 22:30

Kkoro mo̧ro̧ päi'äja'a, su̧ro̧do̧u̧ ttu̧ru̧wa̧mä̧, Pauru-rü tta̧'a̧nü̧ pä'ü jȩpü̧ wottäja pä'ü, adiu u̧wo̧jua̧ pä'ü, nu̧'käwäjä̧sa̧ ejädü ttikunä̧ we'inü̧. Ja̧'wa̧nü̧ jȩpü̧, sacerdote tturuwotürü'i̧nä̧, judío tturuwotürü'i̧nä̧, ä̧tȩpä̧ji̧'ka̧, Pauru-rümä̧, juätü ttä'ka jo̧mȩ rä'epü ttu̧ju̧nu̧nä̧ we'inü̧.

Hechos 25:3

Jerusarȩ́ ütawiyära̧'a̧ jua̧u̧ru̧ weiyatü pä'ü; mä̧nä̧nä̧ tti'chächomȩttü̧ kuä'ü ttikuarü pä'ü jo̧mȩnü̧ amükuädü ku̧nä̧jä̧'kotü pä'inä̧tü̧;

San Juan 18:12

Ja̧'wa̧nü̧ ja̧'a̧, su̧ro̧do̧u̧mä̧, ttu̧ru̧wa̧ku̧ ja̧'wa̧ta̧nü̧ judío ttu̧wo̧juȩtä̧u̧ su̧ro̧do̧u̧'i̧nä̧ Jesú-ru 'chu'ädo'ü nü̧'kinä̧tü̧.

Hechos 23:1

Ja̧'wa̧nü̧ ja̧'a̧ Pauru-mä̧ ukuo isotü Sanedrín, pättä̧u̧ru̧ topünü̧, pä'inü̧: —Chawaruwä chü̧jä̧wa̧tü̧, kkoro juei juiyünä̧ amükuädü kkä̧'i̧jü̧sä̧ Dio ä'ka jo̧mȩttü̧, jitä pi̧yȩ mo̧ro̧bü päi'ünä̧.

Hechos 23:6

Jua̧u̧ pä'ü kä'ädü, yotukunä̧mä̧ saduceo wotü'i̧nä̧, kkorotümä̧ Fariseo wotü'i̧nä̧ ji̧yä̧ku̧ Pauru-mä̧ pä̧i̧ku̧nä̧ pä'inü̧: —Chawaruwä chü̧jä̧wa̧tü̧, ttümä̧ fariseo wotü i̧sa̧sä̧ ja̧'wa̧ta̧nü̧ jua̧u̧ esetätütä tti̧tti̧sä̧; Ja̧'wa̧nü̧ ja̧'a̧ttü̧ wa'ü ikuinä̧tü̧mä̧ ttottächäkuotü pä'ü tta̧dä̧ro̧mȩttü̧ ro̧ttȩpa̧ pä'ü 'chuttädäjäkusä.