Hechos 23:11 - Nuevo Testamento Uwotjüja

¹¹ Kkoro yodó, Tu̧ru̧wa̧mä̧ Pauru-rü i̧jȩku̧, pä'inü̧: «Pauru kua̧'kua̧ tta̧kuȩkuä̧, porü Jerusarȩ́-ttü̧ Ttü chütü'kü jikuäwäjita'anü, Roma ütawiyättü'i̧nä̧ kukuokua pä'ü rekuä rü̧ja̧'a̧.»

TÄ̧DO Ä̧CUÄ̧ I̧HUȨNȨ

¹¹ Ja̧u̧tä̧ yodo Tu̧ru̧hua̧mä̧ Pablorö i̧jȩcui̧nö̧do. Ja̧u̧ru̧ pä'inödo: —Cua̧'cua̧ eseunu kä̧hui̧, Pablo. Porö Jerusalén ötahuiyättö ttö chi̧huȩnȩ jicuhuähuäji'a̧nö̧ Roma ötahuiyättö'inä ji̧cu̧huä̧huä̧cua̧jä̧.

Hechos 23:11 Referans Kwoze

Hechos 19:21

Pi̧yȩ 'kuäopäji o'ka'a, Pauru-mä̧ amükuädinü̧ Jerusarȩ́-ra̧'a̧ i̧'cha̧ pä'ü, jua'a 'chä̧nü̧ kkä̧nü̧mä̧, Macedonia rȩjȩnä̧'i̧nä̧, Acaya rȩjȩnä̧'i̧nä̧ 'kuäopa pä'inü̧. Ja̧'wa̧nü̧ juorü Jerusarȩ́-ttü̧ kkä̧nü̧mä̧ Roma-ra̧'a̧ i̧'cha̧ pä'ü amükuädinü̧.

Hechos 18:9

Ji̧yȩtȩ yodó, Tu̧ru̧wa̧mä̧ Pauru-rü i̧jȩkuä̧cha̧'a̧ toünä̧, pä'inü̧: Yekuekuä, yabokutä ji'äwi, ku'koruchi'oka'a.

2 Timoteo 4:17

Ja̧'wa̧nü̧ ja̧'a̧nä̧ chu̧ru̧wa̧tä̧ ji̧na̧'a̧ chujuru'i̧nä̧ iyü ppä'ädinü̧mä̧, o'katoi'ünä̧ judío pokotü surojüttü kki̧'i̧kuä̧ wȩnȩ jidäwa ttä̧ju̧kua̧ päümä̧. Ja̧'wa̧nü̧ jȩpü̧tä̧ Chü̧ä̧nä̧wa̧mä̧ mü̧yä̧wi̧tü̧ ttä jakuättü rä'epü ikuinä̧ku̧sä̧.

San Mateo 14:27

Ja̧'wa̧nü̧ ji̧yä̧ku̧ Jesú-mä̧ päinä̧u̧: —¡Wo'kuätukuä! ¡Ttütäsä!: ¡Ye'ü'i̧nä̧ yekuätukuä!

Filipenses 1:13

Ja̧'wa̧ta̧nü̧ kärenä̧ chü̧'a̧'a̧mä̧ wo̧juä̧tü̧ ruwode su̧ro̧do̧u̧'i̧nä̧, kkorotü'i̧nä̧ o'katoi'ünä̧; Crito-rü ukuotomȩttü̧, kärenä̧ pü̧ pä'ümä̧.

San Mateo 9:2

Jua'atä ü̧ja̧'a̧, ya̧tȩ parárisi na̧'ä̧chü̧rü̧ cama-bänä̧ ü̧'a̧'a̧ i'kächipinätü̧; ja̧'wa̧nü̧ tta̧'kua̧ ttu̧wȩnä̧ra̧'a̧ topü Jesú-mä̧ na̧'ä̧chü̧rü̧ pä'inü̧: —Kua̧'kua̧ tta̧kuȩkuä̧ chi̧tti̧; suronä̧ jȩ'kuä̧'i̧jü̧mä̧ jȩpü̧ chikuäkujä̧.

Hechos 22:18

Chu̧ru̧wa̧rü̧ tochäku, päinä̧ku̧sä̧: Jurunä̧, rä'opächi Jerusarȩ́ ütawiyättümä̧, Ttü chütü'kü jikuäumä̧ ttesetokäkua̧jä̧.

Hechos 20:22

Ja̧'wa̧nü̧ ja̧'a̧nä̧, jitämä̧ Epíritumä̧ wea'attü̧, Jerusarȩ́ ütawiyära̧'a̧ 'chü̧sä̧, juorü 'kuäopäkuȩmä̧ chieruwa'anä̧.

Hechos 2:25

Ru̧wa̧ rey Dawi-mä̧, Jesú ütü'kü pä'inü̧: 'Kuäopünä̧ chä'kanä̧tä̧ topinü̧sä̧ Chu̧ru̧wa̧rü̧mä̧; jua'amä̧ chu̧wo̧jua̧'a̧ku̧nä̧ ü̧ja̧'a̧ttü̧, ma̧dä̧chü̧ juiyünä̧.

San Juan 16:33

Pi̧yȩmä̧ ukuokusä, ttünä̧ wȩnȩ juiyünä̧ eseu ku̧jä̧tu̧kua̧ pä'ü. Pi̧jä̧ttü̧mä̧ usurä ȩmä̧u̧ 'kuäkuopäkuotüjä̧; ja̧'wa̧nü̧ ja̧'a̧nä̧ kua̧'kua̧ wȩnä̧rä̧tu̧kui̧, ttü ja̧'a̧ pi̧jä̧ jäwä abo 'kuä'o'inü̧mä̧.

San Juan 14:18

Reyotü kuätukunä̧mä̧ chu̧ju̧ni'o̧ko̧u̧ kuäkuotüjä̧; pä'äjita'anü̧ ukututäku ppa̧dä̧chä̧kua̧sä̧.

San Mateo 28:20

Ja̧'wa̧ta̧nü̧ o'kajuiyünä̧ ukuturu chu̧wo̧juȩti̧nü̧mä̧ ttukuotünä̧ wo̧juȩtä̧tu̧kui̧, ttümä̧, pi̧jä̧ beipächomȩbü päi'ünä̧ 'kuäopünä̧ mo̧ro̧ ji̧nü̧'a̧kuä̧ ukututäku chü̧jä̧kua̧sä̧.

San Lucas 16:28

jua'amä̧ chi̧jä̧wa̧tü̧ ji̧mü̧tȩnü̧ wotürü kku̧nä̧rü̧sä̧, jiäwiyattü pä'ü, po usurä ȩmä̧kuä̧wa̧'a̧ ttichü juiyäkua'anü̧.

Hechos 22:15

Ja̧'wa̧nü̧ ja̧'a̧ttü̧, ukumä̧ jua̧u̧ ütü'kü, pi̧jä̧ ttü̧ja̧rü̧ o'katoi'ünä̧ ji̧kuä̧wä̧kua̧jä̧, to'kuäji'i̧nä̧, kuä̧ju̧kuä̧ji̧'i̧nä̧, jü̧nä̧.

1 Corintios 9:1

¿Ttümä̧ apóto-mä̧kü̧sä̧? ¿Ttümä̧ unichä̧rü̧ chu̧ju̧nä̧ rä'epü ikuokoku pinü̧sä̧? ¿Ttümä̧ Tu̧ru̧wa̧ Jesucrito-rü topokü pinü̧sä̧? ¿Ukutumä̧ Tu̧ru̧wa̧ a̧'kua̧ iweyenä̧ chaditäwämä̧kü̧jä̧?