Hechos 23:1 - Nuevo Testamento Uwotjüja

¹ Ja̧'wa̧nü̧ ja̧'a̧ Pauru-mä̧ ukuo isotü Sanedrín, pättä̧u̧ru̧ topünü̧, pä'inü̧: —Chawaruwä chü̧jä̧wa̧tü̧, kkoro juei juiyünä̧ amükuädü kkä̧'i̧jü̧sä̧ Dio ä'ka jo̧mȩttü̧, jitä pi̧yȩ mo̧ro̧bü päi'ünä̧.

TÄ̧DO Ä̧CUÄ̧ I̧HUȨNȨ

¹ Pablomä judíos ttö̧ja̧ ji̧nä̧ iso ruhuotörö topö pä'inödo: —Chahuaruhuä, Dios ä'ca jo̧mȩttö̧ adiu chö̧jä̧'i̧jö̧mä̧ jitä pi̧yȩ mo̧ro̧ päi'önä adiu kö̧sä̧.

Hechos 23:1 Referans Kwoze

Hechos 24:16

Ja̧'wa̧nü̧ ja̧'a̧ttü̧, Dio ä'ka jo̧mȩttü̧'i̧nä̧, ttü̧ja̧ ttä'ka jo̧mȩttü̧'i̧nä̧ 'kuäopünä̧tä̧, chunä̧ surojü chȩnä̧ra̧mä̧ pä'oküsä.

2 Timoteo 1:3

Mo̧ro̧'i̧nä̧, yodo'i̧nä̧ Dio-rü chukuokuomȩnä̧ ukuru amükuädü, Dio-rümä̧ eseusä, chä̧do̧tü̧ mi̧nä̧'i̧nä̧ aditäwänä̧ ppättädinä̧ku̧ru̧ ttü'i̧nä̧ aditäwänä̧ suronä̧ chamükuädoka'a ppä̧dä̧dä̧rä̧ku̧ru̧mä̧.

2 Corintios 1:12

Isopäi'ünä̧ ujutumä̧ ukuo te'äkuäu eseäkuäwätüjä̧, pi̧jä̧ ttü̧ja̧ ttä'ka jo̧mȩttü̧ amükuädü totomȩnä̧ wȩnȩ jui̧yä̧u̧ ja̧'wa̧ta̧nü̧ ukutu kuä'katukuttü'i̧nä̧ surojü juiyomȩnä̧, jueünä̧tä̧ Dio päü'a̧kuä̧ jȩti̧na̧'a̧ttü̧, pi̧jä̧ ttü̧ja̧ ttu̧wo̧juo̧mȩnä̧mä̧kü̧; ujututä tu̧wo̧juo̧ko̧mȩnä̧ Dio ppädomemȩnä̧tä̧ jȩti̧na̧'a̧ttü̧.

Hebreos 13:18

Ujuturu Dio-rü ukuokuätukui; tamükuädünämä̧ surojü jui'ätüjä̧, o'kajuiyünä̧ jȩtü̧mä̧ adiwomȩnä̧tä̧ jȩta̧ päta'attü̧.

1 Corintios 4:4

Jua'akumä̧, ttü suronä̧ jȩchi̧na̧'a̧mä̧, wäitä chieruwuönä̧ jä̧ku̧sä̧, adiu jȩpü̧ pä'ümä̧ pättoka'anä̧. Ja̧'wa̧nü̧ ja̧'a̧nä̧, ji̧nä̧so jȩchü̧ wȩnȩ pä'ümä̧ Dio-tä ja̧'a̧.

Hechos 22:5

Sacerdote ttu̧ru̧wa̧'i̧nä̧, judío-ttü a̧ci̧a̧nu̧ wotü'i̧nä̧ topinä̧tü̧, pi̧yȩ pädümä̧. Juätütä ttiyinä̧ku̧sä̧ wȩyu̧kuojämä̧, Damasco-ttü Jesucrito-rü esetätürü, 'chudädäja pä'ümä̧, porü Jerusarȩ́-ttü̧ ro̧ttȩpa̧tü̧ pä'ü.

2 Corintios 4:2

Ja̧'wa̧nü̧ jä̧u̧, da̧ja̧wä̧rä̧kuä̧wä̧mä̧, dä'ä ttuwä'chäkuäwämä̧ jui'ätüjä̧; yaparewä'chü'i̧nä̧ jȩto̧ka̧'a̧, Dio i̧wȩnȩ'i̧nä̧ pärotokotüjä̧. Pärokua'aku, Dio-mä̧ wo̧jua̧ jueünä̧ tukuokua'amä̧. Ja̧'wa̧nü̧ jo̧mȩnä̧ o'katoi'ünä̧ ujuturu tta̧'kua̧ ttu̧wȩnä̧rü̧nä̧ ja̧'a̧.

Hechos 23:6

Jua̧u̧ pä'ü kä'ädü, yotukunä̧mä̧ saduceo wotü'i̧nä̧, kkorotümä̧ Fariseo wotü'i̧nä̧ ji̧yä̧ku̧ Pauru-mä̧ pä̧i̧ku̧nä̧ pä'inü̧: —Chawaruwä chü̧jä̧wa̧tü̧, ttümä̧ fariseo wotü i̧sa̧sä̧ ja̧'wa̧ta̧nü̧ jua̧u̧ esetätütä tti̧tti̧sä̧; Ja̧'wa̧nü̧ ja̧'a̧ttü̧ wa'ü ikuinä̧tü̧mä̧ ttottächäkuotü pä'ü tta̧dä̧ro̧mȩttü̧ ro̧ttȩpa̧ pä'ü 'chuttädäjäkusä.

1 Pedro 3:16

Ja̧'wa̧nü̧ ja̧'a̧nä̧ ukuo tekuäwätukuoka'a ukuotünü̧ jȩpü̧ adiwomȩnä̧ amükuädätukui, Crito-rü esetätü jü̧nä̧ adiu ku̧jä̧tu̧kuo̧mȩnä̧ suronä̧ ukuokuä'ijätümä̧, jitütä tti̧wȩnȩnä̧ dä'ättuttäkua'anü̧.

Hechos 22:30

Kkoro mo̧ro̧ päi'äja'a, su̧ro̧do̧u̧ ttu̧ru̧wa̧mä̧, Pauru-rü tta̧'a̧nü̧ pä'ü jȩpü̧ wottäja pä'ü, adiu u̧wo̧jua̧ pä'ü, nu̧'käwäjä̧sa̧ ejädü ttikunä̧ we'inü̧. Ja̧'wa̧nü̧ jȩpü̧, sacerdote tturuwotürü'i̧nä̧, judío tturuwotürü'i̧nä̧, ä̧tȩpä̧ji̧'ka̧, Pauru-rümä̧, juätü ttä'ka jo̧mȩ rä'epü ttu̧ju̧nu̧nä̧ we'inü̧.

Hechos 6:15

Ja̧'wa̧nü̧ pä̧tti̧yä̧u̧, juȩnȩ ruwonä̧ pȩjä̧tü̧mä̧, Esteba̧ ü'änä̧ tottomȩnä̧, á̧gȩ ü'ä 'kua̧rü̧nä̧ tottinä̧ku̧.

Hechos 22:1

«Chawaruwä chü̧jä̧wa̧tü̧, ttütä chütü'kü chukuokua'a ä̧ju̧kuä̧tu̧kui̧.»

San Mateo 5:22

Ja̧'wa̧nü̧ ji̧na̧'a̧nä̧ ttümä̧ ukuturu pä'üsä, ya̧tȩ ü̧jä̧wa̧rü̧ ü̧ra̧wä̧rü̧ttü̧mä̧, weäwä wȩnȩnä̧tä̧ ro̧ȩkui̧'ä̧kua̧, jü̧nä̧. Ja̧'wa̧ta̧nü̧ ü̧jä̧wa̧rü̧ ttu̧'ȩpä̧ro̧kü̧jä̧ päüttümä̧ ukuo isotü ttä'ka jo̧mȩ ȩkuä̧kua̧ tä̧bo̧kui̧'a̧rü̧ pä'ü; ja̧'wa̧ta̧nü̧ ü̧jä̧wa̧rü̧ «Kuamükuädü jui̧'a̧jä̧» päüttümä̧ okurä na̧wi̧po̧karänä̧ usurä ȩmä̧wa̧ pä'ütä, pä̧wi̧'ä̧kua̧.

Hechos 23:15

Jitämä̧ ukutu'i̧nä̧, ütawiyä ukuo isotüku yo̧mȩtȩnä̧ jä'epätukui su̧ro̧do̧u̧ ttu̧ru̧wa̧rü̧, yo̧i̧mo̧ro̧ kuä'katuku jo̧mȩ i'kächarü, kkorojuei jä̧ttȩpä̧ra̧rü̧ 'kua̧rü̧nä̧, ujutumä̧ jo̧mȩnü̧ tü̧ja̧kuä̧kuo̧tü̧jä̧ ichi'äkua'a ä'kanä̧ kuä'ü tikuarü pä'ümä̧.

Hechos 23:20

Mü̧ä̧ya̧mä̧ pä'inü̧: —Judío-mä̧ ukuokuäkuäu kku̧nä̧jä̧tü̧, ukuru yo̧i̧mo̧ro̧ jättepa pä'ü, ukuo isotü Junta Suprema ttä'ka jo̧mȩ Pauru-rü rä'epü ku̧ju̧ni̧ya̧tü̧ pä'ü. Jua̧u̧ru̧ yaboku jä̧ttȩpä̧ra̧ pä'ü jä̧'i̧nü̧'a̧nü̧,

Hechos 23:28

Ja̧'wa̧nü̧ jä̧ja̧'a̧, däjé jȩä̧jo̧mȩnä̧ jȩttä̧ku̧ttü̧ pä'ü, ukuo isotü Junta Suprema ttä'ka jo̧mȩ chȩpä̧ja̧'a̧mä̧,