Hechos 22:3 - Nuevo Testamento Uwotjüja

³ Ttümä̧ isopäi'ünä̧ judío i̧sa̧sä̧, Ciricia rȩjȩnä̧ttü̧, Taso ütawiyättü uwäpächinü̧sä̧ ja̧'wa̧nü̧ ja̧'a̧nä̧ pi̧yȩtä̧ ütawiyättü büó juo'inü̧sä̧, Gamalie u̧wo̧juȩti̧nä̧ku̧sä̧, tü̧tä̧mü̧ mi̧nä̧ ttü̧ji̧nü̧nä̧ kkä̧kuä̧wä̧ i̧sa̧sä̧, tü̧ä̧nä̧wa̧ Dio-rü esetü Ä'kuoyäunü̧ kkü̧sä̧, jitä pi̧yȩ pä̧nä̧ ukutu o'katoi'ünä̧ ku̧jä̧tu̧ku̧ta'anü̧.

TÄ̧DO Ä̧CUÄ̧ I̧HUȨNȨ

³ Pablo pä'inödo: —Ttömä judíos ttö̧ja̧ i̧sa̧sä̧. Tarso ötahuiyättö, Cilicia rȩjȩnä̧ chuhuäpächina'anä, porö Jerusalén ötahuiyättö, böo juo'inösä. Gamaliel ttörö huo̧juȩti̧nö̧ hueähuä huȩnȩ, tä̧do̧tö̧ mi̧nä̧ ttesetinö huȩnȩ, o'ca juiyönä ttu̧ȩcuä̧nä̧ jȩcha̧ pä'ö. 'Cuäopönä ji̧yȩtȩnä̧tä̧ Dios aditähuä jȩcha̧ pä'ö amöcuädinösä, ucutu jitä mo̧ro̧ cuamöcuädätucu ta'anö.

Hechos 22:3 Referans Kwoze

Hechos 26:5

Ja̧'wa̧ta̧nü̧ wo̧juä̧tü̧ ä̧kuo̧mȩnä̧ttü̧tä̧ päi'ünä̧, fariseo wotü jü̧nä̧ chesetina̧'a̧mä̧, jittäwa pättüttümä̧ ji'äwätü, juätütä ja̧'a̧ 'kiyünä̧ Dio-rü esetätümä̧.

Hechos 9:11

Tu̧ru̧wa̧mä̧ päinä̧ku̧: «ä̧rä̧mi̧'ü̧ täi, Ttu̧wo̧jua̧'a̧ku̧nä̧ pä'ü mikuämä̧nä̧, jua'attü Juda ojusodenä̧ do'ächi'ü kusajä̧, ya̧tȩ Taso ttü̧ja̧sa̧, Sauro pä'ü mi̧kua̧rü̧; Jua̧u̧mä̧ Dio-rü ukuoku.

Hechos 5:34

Ja̧'wa̧nü̧ ja̧'a̧nä̧, juätü ruwotüku kki̧nü̧ ya̧tȩ Fariseo wa̧, Gamalie pä'ü mi̧kua̧, weäwä wȩnȩ wo̧juȩkuä̧ i̧sa̧, ttü̧ja̧ rü̧ȩnä̧ ttukuotäku. Jua̧u̧mä̧ ä̧rä̧mi̧'ü̧, apótore-rü jurunä̧tä̧ rättepo'a pä'ü we'inü̧.

Hechos 21:39

Päku, Pauru-mä̧ pä'inü̧: —Ttümä̧kü̧. Ttümä̧ judío i̧sa̧ cha'anä̧, Taso ütawiyättü uwäpächinü̧sä̧, rü̧ȩnä̧ ukuowä'ijomȩ, Ciricia rȩjȩnä̧ttü̧. ¿Ttü̧ja̧rü̧ chukuokua pä'ümä̧ weku'anü̧ ja̧'a̧ tä̧jí̧?

Hechos 21:20

Ja̧'wa̧nü̧ jiäwa'a ä̧ju̧ku̧ Dio ü̧rü̧ä̧ eseäkuäu, Pauru-rü pä'inä̧tü̧: Ä̧ju̧kui̧tü̧ cha̧wa̧ru̧wa̧ chi̧jä̧wa̧, rekuätü judío esetü ikuätümä̧, o'katoi'ünä̧ Moisé weäwä wȩnȩmä̧ yaboku ukuotü tti̧'cha̧ pä'ätü.

2 Corintios 11:22

Juätü'i̧nä̧, hebreos ttü̧ja̧ ja̧'a̧mä̧; ttü'i̧nä̧, hebreos ttü̧ja̧sa̧sä̧. Juätü'i̧nä̧ irae ttü̧ja̧ ja̧'a̧mä̧; ttü'i̧nä̧, irae ttü̧ja̧sa̧sä̧. Juätü'i̧nä̧, Abraha̧ i̧tti̧mü̧ isotü ja̧'a̧mä̧; ttü'i̧nä̧, Abraha̧ i̧tti̧mü̧ i̧sa̧sä̧.

San Lucas 10:39

Ja̧'wa̧nü̧ ja̧'a̧ juäjumä̧ kkijäwaju María pä'ü mi̧kuajuru kku̧nä̧ri̧nä̧ju̧. Juäju María-mä̧ Jesú ü̧jä̧pü̧ jo̧mȩ pä̧mä̧di̧nä̧ju̧, ukuoku kkä̧ju̧kua̧ pä'ü.

Romanos 11:1

Ja̧'wa̧nü̧ ji̧yä̧ku̧ pä'üsä: ¿Dio-mä̧ umüwäyotü pinä̧tü̧rü̧mä̧ do'opü ikuina̧'a̧ tä̧jí̧? ¡Isokü̧, ja̧'wa̧nü̧mä̧kü̧! Ttütä'i̧nä̧ Irae ttü̧ja̧sa̧sä̧, Abraha̧ isotü i̧sa̧, Benjamín isotü i̧sa̧.

Hechos 23:6

Jua̧u̧ pä'ü kä'ädü, yotukunä̧mä̧ saduceo wotü'i̧nä̧, kkorotümä̧ Fariseo wotü'i̧nä̧ ji̧yä̧ku̧ Pauru-mä̧ pä̧i̧ku̧nä̧ pä'inü̧: —Chawaruwä chü̧jä̧wa̧tü̧, ttümä̧ fariseo wotü i̧sa̧sä̧ ja̧'wa̧ta̧nü̧ jua̧u̧ esetätütä tti̧tti̧sä̧; Ja̧'wa̧nü̧ ja̧'a̧ttü̧ wa'ü ikuinä̧tü̧mä̧ ttottächäkuotü pä'ü tta̧dä̧ro̧mȩttü̧ ro̧ttȩpa̧ pä'ü 'chuttädäjäkusä.

Hechos 6:9

Ja̧'wa̧nü̧ ja̧'a̧ libertos ttü̧ka̧ka̧kuode sinagoga-ttü, Cirene ttü̧ja̧'i̧nä̧, Alejandría ttü̧ja̧'i̧nä̧, Ciricia ttü̧ja̧'i̧nä̧ ja̧'wa̧ta̧nü̧ Asia rȩjȩ ttü̧ja̧'i̧nä̧ Esteba̧-ku̧ pä'ä'winätü̧;

Gálatas 1:21

Ja̧'wa̧nü̧ ji̧nü̧ o'ka'amä̧ Siria rȩjȩra̧'a̧tä̧, Ciricia rȩjȩra̧'a̧tä̧ 'chi̧nü̧sä̧.

Gálatas 1:14

Ja̧'wa̧ta̧nü̧ wo̧juä̧tü̧jä̧, chi̧rȩjä̧ttü̧ judío jäwänä̧ kkä̧nü̧, chawaruwä ttü ta̧'a̧nü̧ wotü ttu̧wä̧mȩnä̧ chinü̧mä̧, chä̧do̧tü̧ mi̧nä̧ jäwä ä'kuoyäunü̧ jȩcho̧mȩnä̧.

Hechos 23:34

Ttiyojä ukuoku kä'ädü, Pauru-rü jä'epinü̧ idepiyumä̧ tȩnȩ́ ja̧ pä'ü; ja̧'wa̧nü̧ ja̧'a̧ Ciricia i̧sa̧ ja̧'a̧ pä'ü wo̧jui̧'ü̧mä̧,

Hechos 15:41

Ja̧'wa̧nü̧ ja̧'a̧mä̧, Siria rȩjȩnä̧'i̧nä̧, Ciricia rȩjȩnä̧'i̧nä̧ 'kuä'opü ji'äwinä̧tü̧ tteseäkuäwünä̧, igresia wotü ttü̧ja̧kuo̧mȩmä̧.

Hechos 15:23

Ujutu apótore-mä̧, igresia-ttü a̧ci̧a̧nu̧ wotüku, ji̧nä̧ ji̧yȩtȩnä̧ wotümä̧, ukutu judío pokotü ttü̧'kä̧tȩnä̧, Antioquía-nä̧'i̧nä̧, Siria-nä̧'i̧nä̧, Ciricia-nä̧'i̧nä̧ kka̧kuä̧tü̧rü̧: Te'äwätüjä̧.

Hechos 11:25

Jua̧u̧ o'ka'a, Bernawé-mä̧, Taso ütawiyära̧'a̧ttü̧ Sauro-rü o'ü i̧wä̧ji̧'ka̧, Antioquía-ra̧'a̧ku̧ i'kächinü̧.

Hechos 9:30

Ja̧'wa̧nü̧ ttukuokua'a wo̧jui̧'ü̧, Jesucrito-rü esetätümä̧, Sauro-rü Cesarea-ra̧'a̧ ȩmi̧päjä'kotü, jua'a yabo Taso ütawiyära̧'a̧ we'ü ttikuinä̧ku̧.

San Lucas 8:35

Ja̧'wa̧nü̧ ji̧ttä̧wä̧u̧, ttü̧ja̧mä̧ däjé päi'äja pä'ü topü tti̧'chä̧ja̧'a̧mä̧, Jesú ü̧jo̧mȩ tti̧'chi̧'o̧mȩnä̧. Jua̧u̧, epíritu-tu̧ ttü̧jä̧jä̧ku̧ päjimä̧, adiwächäjitä, ü̧'ka̧tä̧wä̧ta̧ 'ka̧tü̧ rü̧tä̧wa̧tä̧, Jesú ü̧jä̧pü̧ jo̧mȩ ü̧'a̧'a̧ topü, rü̧ȩnä̧ ye'inä̧tü̧.

San Lucas 2:46

Ja̧'wa̧nü̧ jä̧ja̧'a̧ttü̧mä̧ wäbodäkuä mo̧ro̧ o'ka'atä, Dio-rü ukuokuäkuäwodenä̧ weäwä wȩnȩ wo̧juȩkuä̧ isotü ttü̧'kä̧tȩ jo̧mȩ, ä̧ju̧kuä̧rü̧ ttü̧'ȩja̧'a̧, jä̧'ȩpä̧rü̧'i̧nä̧ jȩttä̧ku̧ ü̧'a̧'a̧ ttü̧'o̧kui̧'i̧nä̧ku̧.

Hechos 9:1

Ja̧'wa̧nü̧ 'kuäopa'anä̧mä̧ Sauro-mä̧ Jesucrito-rü esetätürü rü̧ȩnä̧ üjü'kü juiyünä̧ jä̧ku̧. Sacerdote-tü̧ ttu̧ru̧wa̧rü̧ ichi'ü,

Hechos 26:9

Ttütä'i̧nä̧ ä'kojimä̧ amükuädinü̧sä̧, kka̧ku̧nä̧mä̧ o'kajuiyünä̧tä̧ jȩpü̧, Jesú nasaret i̧sa̧ i̧mi̧ surojuodepa pä'ü,