Hechos 21:8 - Nuevo Testamento Uwotjüja

⁸ Kkoro mo̧ro̧mä̧, Pauru'i̧nä̧, jua̧u̧tä̧ku̧ kue'ächätü'i̧nä̧ rä'opinä̧tü̧jä̧, Cesarea ütawiyära̧'a̧ku̧. Jua'attümä̧ Felipe Jareü Wȩnȩ jiäkuäwä i̧sa̧ ojusodenä̧ rȩbȩä̧kuä̧wä̧jä̧'kotü kka̧kui̧nä̧tü̧jä̧. Jua̧u̧mä̧ Apótore-rü ppä'ädä̧rä̧'i̧jä̧tü̧, sietenü̧ wotü i̧sa̧ ji̧na̧'a̧.

TÄ̧DO Ä̧CUÄ̧ I̧HUȨNȨ

⁸ Ti̧'chi̧'ä̧ji̧ ya'ute mo̧ro̧ o'ca'a ujutu Pablocu rä'opö 'chi̧nä̧tö̧jä̧ Cesarea ötahuiyära̧'a̧. Juhuorö Felipe ojusodenä do'ächinätöjä. Felipe adihuä huȩnȩ ji'ähuinö. Chutä Jerusalénra̧'a̧ttö̧ ko̧ro̧mö̧ttö̧nö̧ ta̧ju̧nu̧ diácono hua̧ pi̧nö̧. Ja̧u̧cu̧ ka̧cui̧nä̧tö̧jä̧.

Hechos 21:8 Referans Kwoze

Hechos 6:5

Ja̧'wa̧nü̧ pättomȩnä̧ o'katoi'ünä̧ tteseunä̧ ji̧na̧'a̧; ja̧'wa̧nü̧ ja̧'a̧ Esteba̧-rü̧ ȩmi̧nä̧tü̧, Dio-rü a̧'kua̧ wȩnä̧rü̧rü̧ ja̧'wa̧ta̧nü̧ Epíritu Sa̧tu̧ jäwä jo̧mȩnü̧ wa̧rü̧, Felipe-rü'i̧nä̧, Prócoro-rü'i̧nä̧, Nicano-rü'inä̧, Timón-rü'i̧nä̧, Pármena-rü'i̧nä̧, Nicorá Antioquía-ra̧'a̧ttü̧ ichinü̧rü̧'i̧nä̧, jü̧nä̧.

Efesios 4:11

Jua̧u̧tä̧ ji̧na̧'a̧, jȩttü̧'a̧nü̧ jü̧ iyinü̧mä̧, yotüterümä̧ apótore tta pä'ü'i̧nä̧, kkorotürümä̧ profetas tta pä'ü'i̧nä̧; kkorotürümä̧ jareü wȩnȩ jiäkuäwä isotü tta pä'ü'i̧nä̧; kkorotürümä̧ patóre tta pä'ü'i̧nä̧ ja̧'wa̧ta̧nü̧ kkorotürümä̧ wo̧juȩkuä̧ isotü tta pä'ü'i̧nä̧, jü̧nä̧.

2 Timoteo 4:5

Ja̧'wa̧nü̧ ja̧'a̧nä̧ ukumä̧ 'kuäopünä̧ adiwomȩnä̧ usurä emäwäkuäwämä̧ kua̧mi̧'ki'ächi'ü, jareü Dio i̧wȩnȩtä̧ ji'äu, kuaditäwämä̧ adiwomȩnä̧ aditi.

Hechos 28:16

Roma ütawiyänä̧ ti̧rȩbȩwi̧'ä̧ja̧'a̧mä̧, su̧ro̧do̧u̧ ttu̧ru̧wa̧mä̧ Pauru-rü we'inü̧, i̧mi̧ku̧nä̧ ü̧jü̧nä̧ ya̧tȩ su̧ro̧do̧u̧ i̧sa̧tä̧ tta̧wä̧ra̧'a̧nä̧.

Hechos 16:13

Ya'utenä̧, Sawaru mo̧ro̧, ütäwiyättü rä'opächü, aje jäyoto Dio-rü ttukuokuä'ijome pȩjä̧mü̧, juȩnȩ ka̧ka̧kuä̧jä̧tü̧ nä̧tü̧rü̧ ukuokuinä̧tü̧jä̧.

Hechos 16:10

Ja̧'wa̧nü̧ Pauru-rü i̧jȩkuä̧ja̧'a̧mä̧, yotäku Macedonia-ra̧'a̧ ti̧'cha̧ pä'inä̧tü̧jä̧, jua'amä̧ Dio jareü wȩnȩ jitäwiyarü pä'ü wo̧ä̧u̧jä̧ päta'attü̧.

Hechos 9:30

Ja̧'wa̧nü̧ ttukuokua'a wo̧jui̧'ü̧, Jesucrito-rü esetätümä̧, Sauro-rü Cesarea-ra̧'a̧ ȩmi̧päjä'kotü, jua'a yabo Taso ütawiyära̧'a̧ we'ü ttikuinä̧ku̧.

Hechos 28:11

Kkä̧wa̧tü̧mä̧ wä̧mȩtukuä jo̧mȩnä̧ kkä'ko i̧sä̧sa̧nä̧ kka̧kuä̧jä̧'kotü, Alejandría woi'kanä̧, juä'ka'i̧nä̧ juȩnȩtä̧ a̧'ȩ 'kuättopäja'a ja̧'a̧; juä'kanä̧ pȩjä̧mi̧nä̧tü̧jä̧ ttü̧ä̧nä̧wo̧tü̧ Cátorü'i̧nä̧, Pólux-rü'i̧nä̧ tti̧mi̧pi̧yä̧ wȩyu̧kua̧'a̧ pä'ka.

Hechos 27:1

Täkü ujuturu, Itaria rȩjȩra̧'a̧ we'ü ttikuomȩmä̧, Pauru-rü'i̧nä̧, kkorotürü'i̧nä̧ kärenä̧ pȩjä̧tü̧rü̧mä̧, su̧ro̧do̧u̧ ttu̧ru̧wa̧ Juriu pä'ü mi̧kua̧, emperador u̧mü̧wä̧ya̧ u̧mü̧nä̧ we'inä̧tü̧.

Hechos 23:23

Ja̧'wa̧nü̧ ji̧yä̧ku̧, comu̧da̧temä̧, i̧dȩa̧'a̧nä̧ we'ätü capita̧tü̧ ta̧ju̧ru̧ wopo'äji̧'ka̧, we'inü̧ dosciento-nü̧ jo̧mȩnä̧ su̧ro̧do̧u̧ru̧mä̧, cabayu-tü̧mä̧ setenta-nü̧ jo̧mȩnä̧, dakuodiyä ȩpä̧tü̧mä̧ dosciento-nü̧ jo̧mȩnä̧ pojopü ttu̧ju̧ni̧ya̧rü̧, Cesarea ütawiyära̧'a̧, yodó las nueve päi'omȩnä̧ rättopäkua'a ja̧'a̧.

Hechos 20:13

Ujutumä̧, ä'kanä̧ woi'kanä̧ 'chi̧nä̧tü̧jä̧ Asón ütawiyättü Pauru-rü tȩma̧ pä'ü ja̧'wa̧nü̧ päjä̧u̧, chutämä̧ rȩjȩnä̧ 'chä̧nü̧.

Hechos 20:6

Ujutu Pauru-kumä̧, levadura juiyünä̧ kuäkuäwä pan pä'käri jȩttü̧ mo̧ro̧ 'kuä'opäjä'kotü, Filipo ütawiyä ttawarättü woi'kanä̧ rä'opäjä'kotü ji̧mü̧tȩ mo̧ro̧ päi'omȩnä̧ Tróade ütawiyänä̧ rȩbȩwi̧pi̧nä̧tü̧jä̧, ä'kanä̧ 'chä̧jätü̧ ttü̧ja̧kuo̧mȩ, juȩnȩmä̧ kko̧ro̧mü̧ttü̧ todäre mo̧ro̧ jo̧mȩnä̧ kka̧kui̧nä̧tü̧jä̧.

Hechos 18:22

Cesarea ütawiyänä̧ rȩbȩwi̧pä̧ji̧'ka̧mä̧, igresia wotürü te'äu i̧wä̧ji̧'ka̧, Antioquía ütawiyära̧'a̧ku̧ 'chi̧nü̧.

Hechos 16:16

Ja̧'wa̧nü̧ ja̧'a̧, Dio-rü ttukuokuä'ijomȩku̧ ti̧'cho̧mȩnä̧, po̧kui̧pi̧nä̧tü̧jä̧ müäyajuru epíritu su̧ro̧pa̧ weäkua, jä̧kuȩmä̧ wo̧juȩku̧nä̧ wo̧jua̧ju̧ru̧. Juäjumä̧ ttu̧mü̧wäyaju ja̧'a̧ ja̧'wa̧nü̧ ji'äwe'ümä̧, kkuruwotürü rü̧ȩnä̧ pärätä ttȩmü̧nä̧ jȩpä̧'i̧jä̧ju̧ ji̧na̧'a̧.

Hechos 10:1

Ya̧tȩ kki̧nü̧, Cornelio pä'ü mi̧kua̧ Cesarea ütawiyänä̧, su̧ro̧do̧u̧ ttu̧ru̧wa̧ ciȩnü̧ wotü su̧ro̧do̧u̧ ttu̧ru̧wa̧ «Itariana» pä̧ttä̧u̧.

Hechos 21:16

Ti̧'cho̧mȩnä̧ Cesarea ütawiyättü yotukunä̧ Jesucrito-rü esetätü'i̧nä̧ ichinä̧tü̧, Mnasón-rü̧'i̧nä̧ o'ipü, ojusodenä̧ ti̧rȩbȩwi̧yä̧kua̧rü̧, Chipre ttü̧ja̧sa̧, täkü rekuo Jesucrito-rü esetinü̧rü̧.