Hechos 21:39 - Nuevo Testamento Uwotjüja

³⁹ Päku, Pauru-mä̧ pä'inü̧: —Ttümä̧kü̧. Ttümä̧ judío i̧sa̧ cha'anä̧, Taso ütawiyättü uwäpächinü̧sä̧, rü̧ȩnä̧ ukuowä'ijomȩ, Ciricia rȩjȩnä̧ttü̧. ¿Ttü̧ja̧rü̧ chukuokua pä'ümä̧ weku'anü̧ ja̧'a̧ tä̧jí̧?

TÄ̧DO Ä̧CUÄ̧ I̧HUȨNȨ

³⁹ Pablo ädätinö: —Ttötämäcö̧. Ttömä judíos ttö̧ja̧ i̧sa̧sä̧. Ötahuiyä rö̧o̧mȩttö̧, Tarso ötahuiyänä Cilicia rȩjȩttö̧ uhuäpächinösä. Ja̧'hua̧nö̧ ja̧'a̧ttö̧ jitämä ttö̧ja̧rö̧ chucuocua pä'ö hue'ittö.

Hechos 21:39 Referans Kwoze

Hechos 22:3

Ttümä̧ isopäi'ünä̧ judío i̧sa̧sä̧, Ciricia rȩjȩnä̧ttü̧, Taso ütawiyättü uwäpächinü̧sä̧ ja̧'wa̧nü̧ ja̧'a̧nä̧ pi̧yȩtä̧ ütawiyättü büó juo'inü̧sä̧, Gamalie u̧wo̧juȩti̧nä̧ku̧sä̧, tü̧tä̧mü̧ mi̧nä̧ ttü̧ji̧nü̧nä̧ kkä̧kuä̧wä̧ i̧sa̧sä̧, tü̧ä̧nä̧wa̧ Dio-rü esetü Ä'kuoyäunü̧ kkü̧sä̧, jitä pi̧yȩ pä̧nä̧ ukutu o'katoi'ünä̧ ku̧jä̧tu̧ku̧ta'anü̧.

Hechos 9:11

Tu̧ru̧wa̧mä̧ päinä̧ku̧: «ä̧rä̧mi̧'ü̧ täi, Ttu̧wo̧jua̧'a̧ku̧nä̧ pä'ü mikuämä̧nä̧, jua'attü Juda ojusodenä̧ do'ächi'ü kusajä̧, ya̧tȩ Taso ttü̧ja̧sa̧, Sauro pä'ü mi̧kua̧rü̧; Jua̧u̧mä̧ Dio-rü ukuoku.

Hechos 6:9

Ja̧'wa̧nü̧ ja̧'a̧ libertos ttü̧ka̧ka̧kuode sinagoga-ttü, Cirene ttü̧ja̧'i̧nä̧, Alejandría ttü̧ja̧'i̧nä̧, Ciricia ttü̧ja̧'i̧nä̧ ja̧'wa̧ta̧nü̧ Asia rȩjȩ ttü̧ja̧'i̧nä̧ Esteba̧-ku̧ pä'ä'winätü̧;

1 Pedro 3:15

Ja̧'wa̧nü̧ ja̧jü̧jueimä̧ Crito-rü kua̧mi̧'iso'kituku u̧ru̧wa̧ jü̧nä̧tä̧ ukuotätukui. 'Kuäopünä̧tä̧ jo̧mȩnü̧ kka̧kuä̧tu̧kui̧ o'kajuiyünä̧ ukutu tta̧'a̧rü̧ ku̧jä̧tu̧ku̧ jättepomȩnä̧ kuädätätukuä̧kuȩmä̧.

Hechos 23:34

Ttiyojä ukuoku kä'ädü, Pauru-rü jä'epinü̧ idepiyumä̧ tȩnȩ́ ja̧ pä'ü; ja̧'wa̧nü̧ ja̧'a̧ Ciricia i̧sa̧ ja̧'a̧ pä'ü wo̧jui̧'ü̧mä̧,

Hechos 23:27

Judío-mä̧ pide ttü̧ja̧sa̧rü̧ 'chu'ädäjä'kotü kuä'ü ttikuarü pä'ü jȩtta̧'a̧, Roma ttü̧ja̧sa̧ ji̧yä̧ku̧, chumüwäyotü su̧ro̧do̧u̧ku̧ 'chä̧wi̧'ü̧, juätü ttu̧mü̧ttü̧ rä'epü chikuäjäku.

Hechos 21:37

Täkü kärenä̧ra̧'a̧ su̧ro̧do̧u̧ do'ädü ttikuäku, Pauru-mä̧ su̧ro̧do̧u̧ ttu̧ru̧wa̧rü̧ jä'epü ä̧ju̧kui̧nü̧: ¿Ukuku a̧'u̧ku̧nä̧ chukuoku'anü̧ ja̧'a̧? päku, su̧ro̧do̧u̧ ttu̧ru̧wa̧mä̧ ädätinä̧ku̧: ¿Grecia ttü̧ja̧ tti̧wȩnȩ ukuokuäkuäwä wo̧jua̧jä̧?

Hechos 16:37

Ja̧'wa̧nü̧ päku Pauru-mä̧ su̧ro̧do̧u̧ru̧ pä'inü̧: —Ujutumä̧ Roma ttü̧ja̧ ta'anä̧, ttü̧ja̧ ttä'ka jo̧mȩttü̧ kuäkuäpü, kärenä̧ rütü jȩttä̧jä̧u̧jä̧ juicio pättümä̧ jȩtto̧ka̧'a̧nä̧; ¿ja̧'wa̧nü̧ ttü̧ja̧ ttieruwünä̧tä̧ jȩpä̧jä̧'kotü jitämä̧ ja̧'wa̧nü̧tä̧ rä'epü ttikua pätta'a tä̧jí̧? ¡ja̧'wa̧nü̧mä̧ pä'okotüjä̧! Jitütä rä'epü ttikuächatü pä'itü.

Hechos 15:41

Ja̧'wa̧nü̧ ja̧'a̧mä̧, Siria rȩjȩnä̧'i̧nä̧, Ciricia rȩjȩnä̧'i̧nä̧ 'kuä'opü ji'äwinä̧tü̧ tteseäkuäwünä̧, igresia wotü ttü̧ja̧kuo̧mȩmä̧.

Hechos 15:23

Ujutu apótore-mä̧, igresia-ttü a̧ci̧a̧nu̧ wotüku, ji̧nä̧ ji̧yȩtȩnä̧ wotümä̧, ukutu judío pokotü ttü̧'kä̧tȩnä̧, Antioquía-nä̧'i̧nä̧, Siria-nä̧'i̧nä̧, Ciricia-nä̧'i̧nä̧ kka̧kuä̧tü̧rü̧: Te'äwätüjä̧.

Hechos 9:30

Ja̧'wa̧nü̧ ttukuokua'a wo̧jui̧'ü̧, Jesucrito-rü esetätümä̧, Sauro-rü Cesarea-ra̧'a̧ ȩmi̧päjä'kotü, jua'a yabo Taso ütawiyära̧'a̧ we'ü ttikuinä̧ku̧.