Hechos 20:7 - Nuevo Testamento Uwotjüja

⁷ Domiku̧ mo̧ro̧ Tu̧ru̧wa̧ u̧kuȩ ukuinü̧ tukua pä'ü tü̧'ȩjä̧ma̧ja̧'a̧, Pauru-mä̧, rü̧ȩnä̧ wo̧juȩti̧nü̧ Jesucrito-rü esetätürü. Kkoro mo̧ro̧, juorü räopäkua'a jä̧ku̧, yodó kkä'kobü päi'ünä̧ jiäwomȩnä̧.

TÄ̧DO Ä̧CUÄ̧ I̧HUȨNȨ

⁷ Ja̧'hua̧nö̧ ja̧'a̧ semana ä'canä mo̧ro̧ pan 'te'chäu ca̧ca̧cui̧pi̧nä̧tö̧jä̧. Pablo Jesucristorö esetätörö huo̧juȩti̧nö̧, ja̧u̧nu̧tä̧ mo̧ro̧ juomenä rätopa pä'ö. Juhua'a yabocutä ji'ähuinö yodo kä'co päi'önä.

Hechos 20:7 Referans Kwoze

1 Corintios 16:2

Semana-ttü̧mä̧ domiku̧ jü̧ta̧'a̧nü̧, 'kȩ'ȩpü̧ rütätukui, kuȩmä̧jä̧tu̧ku̧'a̧kuä̧, wa'adü rütätukui, jua'amä̧ chichomȩnä̧mä̧ täkü ku̧ka̧ka̧kuä̧tu̧ku̧ juiyäkua'anü̧.

Hechos 2:42

Ja̧'wa̧nü̧ ja̧'a̧, apótore ttu̧wo̧juȩtü̧nä̧ kka̧kui̧nä̧tü̧, rekuä rü̧jü̧ ppä'ädäkuäu, ji̧nä̧ yo̧mȩtȩnä̧ kuä̧nü̧ ja̧'wa̧ta̧nü̧ Dio-rü ukuoku'i̧nä̧, jü̧nä̧.

San Juan 20:19

Semana-ttü̧ ä̧kuo̧mȩnä̧ mo̧ro̧, ni̧pä̧cho̧mȩnä̧ u̧wo̧juȩtä̧u̧mä̧, judío-rü ye'eku äpate ppe'tädü ikuäwa'a ka̧ka̧kuä̧jä̧'kotü ttü̧'ȩja̧'a̧, Jesú-mä̧ do'ächi'ü, u̧wo̧juȩtä̧u̧ ttü̧'ȩjo̧mȩ kkä'ko kkä̧mä̧dü̧ te'äu päinä̧u̧: —¡Wȩnȩ juiyü jäwä ukunä̧ kka̧ pä'üsä!

San Juan 20:1

Semana-ttü̧ ä̧kuo̧mȩnä̧ mo̧ro̧, María Madarena-mä̧ mo̧ro̧ päia'a, ji̧nä̧ yo̧a̧'a̧nä̧ wa'are idorära̧'a̧ 'chä̧jä̧'kaju tojomȩnä̧; ä'koju mü̧ȩkuäjäyumä̧ pporädü ikuäwa'atä topinä̧ju̧.

Apocalipsis 1:10

Tu̧ru̧wa̧ u̧mo̧ro̧ ja̧'a̧, Epíritu Sa̧tu̧ jäwänä̧ chü̧ja̧'a̧ chaboja̧'a̧ku̧nä̧ttü̧ pä̧i̧ku̧nä̧ rä̧mi̧pi̧na̧'a̧ ä̧ju̧kui̧nü̧sä̧ trompeta jä̧'i̧nü̧'a̧nü̧,

Hechos 20:11

Ja̧'wa̧nü̧ jä̧jí̧ o'ka'a Pauru-mä̧, pä'äjita'anü̧ ju'tojuku 'cha'ächächäji̧'ka̧, ttukunä̧, iyä'chü kä'ädi'ü, mo̧ro̧ juoächa'abü päi'ünä̧ ukuokuinü̧. Ja̧'wa̧nü̧ jȩpi̧'i̧pü̧tä̧ rä'opächü i̧wi̧nü̧.

Hechos 28:23

Ja̧'wa̧nü̧ ja̧'a̧ttü̧, ji̧yȩtȩ mo̧ro̧ ttü̧ka̧ka̧kua̧ pä'ü, pätetü ttu̧ju̧nä̧ja̧'a̧ rekuätü ichinä̧tü̧ Pauru ü̧jodenä̧. Juodettü jiäwinä̧u̧ ru̧wa̧ Dio weü wȩnȩ yo̧ä̧i̧ ü̧jä̧mä̧dä̧ja̧'a̧mä̧ ni̧pä̧ro̧mȩbü päi'ünä̧. Pauru-mä̧ jiäwinä̧u̧ Moisé weäwä wȩnȩnä̧'i̧nä̧ ja̧'wa̧ta̧nü̧ profeta-tü̧ ttukuokuinü̧nä̧'i̧nä̧, jü̧nä̧; Jesú-ru tesetiyarü pä'ümä̧.

Hechos 20:9

Ja̧'wa̧nü̧ ja̧'a̧, ya̧tȩ mü̧ä̧ya̧ Eutico, ventana-nä̧ wi̧nü̧. Ja̧'wa̧nü̧ ja̧'a̧, Pauru rekuo ukuokuomȩnä̧ pü̧di̧ri̧jä̧chi̧'ä̧ku̧, ä'i'ü ma̧'ä̧chi̧nü̧, wäbodäkuä piso ja̧'a̧ttü̧, 'korupä'i'äjirütä ttäräbe'ünä̧.

San Lucas 24:35

Ja̧'wa̧ta̧nü̧ jitütä'i̧nä̧ ji'äwinä̧tü̧; mä̧nä̧nä̧ tti̧'cha̧'a̧ 'kuäopäji'i̧nä̧ ja̧'wa̧ta̧nü̧ ttu̧kuȩ trigo i̧ri̧si̧ 'to'opü iyomȩnä̧ ttu̧wo̧jui̧pä̧ji̧'i̧nä̧, jü̧nä̧.

1 Corintios 15:10

Ja̧'wa̧nü̧ ja̧'a̧nä̧ Dio-mä̧ ttürü re ü̧ji̧no̧mȩttü̧tä̧, pa̧'a̧nü̧ wa̧sä̧; jua̧u̧ re ü̧ji̧nü̧mä̧ yaparemä̧ jo̧ka̧'a̧ ji̧na̧'a̧ ttürümä̧. Ja̧'wa̧nü̧ ja̧'a̧nä̧, ttümä̧ juätü o'katoi'ünä̧ttü̧'i̧nä̧ abonä̧nü̧ aditinü̧sä̧; ja̧'wa̧nü̧ ja̧'a̧nä̧ ttümä̧kü̧ ja̧'a̧, ji̧nä̧somä̧ Dio ttürü re ü̧ji̧nü̧ kka̧'a̧ ttünä̧.

1 Corintios 10:16

Ja̧'wa̧ta̧nü̧ Santa Cena, Dio-rü ukuokuäkuäwoya tawomȩnä̧mä̧, ¿Crito ukuojanä̧ ji̧nä̧ ji̧yȩtȩ pä'i'okotüjä̧ tä̧jí̧? Ja̧'wa̧ta̧nü̧ trigo i̧ri̧si̧ tukuomenämä̧, ¿Crito idepänä̧, ji̧nä̧ ji̧yȩtȩ pä'i'okotüjä̧ tä̧jí̧?

Hechos 20:31

Ja̧'wa̧nü̧ ja̧'a̧ttü̧ to̧pä̧rä̧kuä̧u̧ kka̧kuä̧tu̧kui̧; wäbodäkuä años jo̧mȩnä̧, mo̧ro̧'i̧nä̧, yodo'i̧nä̧, kädädi'oka'a chi̧'chȩrȩjaku chu̧wo̧juȩti̧nü̧, ukutu yotukunä̧rü̧.

Hechos 2:46

'Kuäopünä̧ mo̧ro̧ ji̧nü̧'a̧kuä̧, yo̧mȩtȩnä̧ Dio-rü ukuokuäkuäwodenä̧ ka̧ka̧kui̧nä̧tü̧, ttojusodettümä̧ ji̧nä̧ yo̧mȩtȩnä̧ kuä̧nü̧, rü̧ȩnä̧ eseäkuäwinä̧tü̧.

San Juan 20:26

Kko̧ro̧mü̧ttü̧nü̧ wäbodäkuä mo̧ro̧ o'ka'a, u̧wo̧juȩtä̧u̧mä̧ ka̧ka̧kuä̧jä̧'kotü isode jakuä ttü̧'ȩja̧'a̧ Tomá'i̧nä̧ pi̧nü̧; äpatemä̧ 'kiyünä̧ mü̧ȩkua̧'a̧ ja̧'a̧nä̧, Jesú-mä̧ do'ächi'ü, kkä'ko kkä̧mä̧dü̧, te'äu päinä̧u̧: —¡Wȩnȩ juiyü jäwä ukutunä̧ kka̧ pä'üsä!

San Lucas 22:19

Jua̧u̧ o'komȩnä̧, trigo i̧ri̧si̧ ȩmo̧po̧'ü̧, Dio-rü eseunu̧ ukuokuäji̧'ka̧, 'to'opü u̧wo̧juȩtä̧u̧rü iyü pä'inü̧: —Pi̧yȩmä̧, ttütä jä̧ttä̧pä̧ya̧ ja̧'a̧; ukutu jäwänä̧ iyü i̧kuä̧wä̧kuȩ; pi̧yȩmä̧ jȩ'kuä̧tu̧kua̧jä̧ ttürü amükuädü.

2 Timoteo 4:2

Pi̧yȩ Dio i̧wȩnȩmä̧ jikuäwajä̧ ttä̧ju̧kua̧ pättomȩnä̧'i̧nä̧, ja̧'wa̧ta̧nü̧ ttä̧ju̧kua̧ pättokomȩnä̧'i̧nä̧. Tesetipünä̧'i̧nä̧, ro̧'ȩpü̧'i̧nä̧ ja̧'wa̧ta̧nü̧ ttesewipünä̧ o'kajuiyünä̧ kua̧mi̧ 'ki'ächi'ü ku̧wo̧juȩta̧ja̧.

San Marcos 16:9

[Ja̧'wa̧ta̧nü̧, semana kkä̧mä̧da̧'a̧ ä̧kuo̧mȩnä̧ mo̧ro̧, pä'ü mo̧ro̧ päia'a, Jesú-mä̧ tto'ächäji̧'ka̧, ä̧kuo̧mȩnä̧mä̧ María Madarena-rü̧ i̧jȩkui̧nü̧, kko̧ro̧mü̧ttü̧nü̧ ta̧ju̧ wotü epíritu-tu̧ suropätürü rä'epü ikuinä̧kua̧rü̧.

Hechos 16:10

Ja̧'wa̧nü̧ Pauru-rü i̧jȩkuä̧ja̧'a̧mä̧, yotäku Macedonia-ra̧'a̧ ti̧'cha̧ pä'inä̧tü̧jä̧, jua'amä̧ Dio jareü wȩnȩ jitäwiyarü pä'ü wo̧ä̧u̧jä̧ päta'attü̧.

Hechos 20:5

Juätümä̧, ä'kanä̧ 'chä̧jä̧'kotü Tróade ütawiyänä̧ tta̧ttä̧ri̧nä̧u̧jä̧.