Hechos 20:3 - Nuevo Testamento Uwotjüja

³ Juȩnȩmä̧ kkä̧wa̧tü̧ wä̧mȩtukuä jo̧mȩtä̧ kkä̧ji̧'ka̧, Siria rȩjȩra̧'a̧ woi'kanä̧ i̧'cha̧ pä'ü amükuädäja'a, judío suronä̧ jȩtta̧rü̧ pä'ü tta̧mü̧kuädäja'a ä̧ju̧kuä̧kuä̧u̧. Macedonia rȩjȩra̧'a̧nä̧tä̧, pä'äji jä̧ji̧ta̧'a̧nü̧ ppa̧wä̧cha̧ pä'ü amükuädäji̧'ka̧, icha'a,

TÄ̧DO Ä̧CUÄ̧ I̧HUȨNȨ

³ Pablo juhua'a huämetucuä kä̧hua̧tö̧ ki̧nö̧do. Siria rȩjȩra̧'a̧ huoi'canä i̧'cha̧ pä'ö amöcuädomenä, “Judíos ttö̧ja̧ ucuru suronä jȩttä̧cuo̧tö̧do” jittähua'a ä̧ju̧cui̧nö̧do. Ja̧'hua̧nö̧ ja̧'a̧ttö̧ de'anä ppa̧huä̧cha̧ pä'ö Macedonia rȩjȩnä̧ 'cuä'opö i̧'cha̧ pä'ö amöcuädinödo.

Hechos 20:3 Referans Kwoze

Hechos 20:19

Tu̧ru̧wa̧ weäwä aditümä̧, ukuotünü̧'i̧nä̧, ajuäunü̧'i̧nä̧ aditä'ijüsä ja̧'wa̧ta̧nü̧ ttünä̧ ichina̧'a̧ kka̧kuä̧mü̧ toäkuäwä, judío suronä̧ jȩtta̧ttü̧ pä'ü tta̧mü̧kuädomȩnä̧.

2 Corintios 11:26

rü̧ȩnä̧ kue'ächä'ijüsä; ajewiyättü ra̧wä̧pi̧ja̧'a̧'i̧nä̧, nä̧u̧kuä̧rä̧tü̧ttü̧ ra̧wä̧pi̧ja̧'a̧'i̧nä̧, ttütä chi̧rȩjä̧ isotüttü ra̧wä̧pi̧ja̧'a̧'i̧nä̧, judío pokotüttü ra̧wä̧pi̧ja̧'a̧'i̧nä̧, ütäwiyättü ra̧wä̧pi̧ja̧'a̧'i̧nä̧, rȩba̧ dȩ'a̧ra̧'a̧ttü̧ ra̧wä̧pi̧ja̧'a̧'i̧nä̧, rü̧ä̧ ajera̧'a̧ttü̧ ra̧wä̧pi̧ja̧'a̧'i̧nä̧, chawaruwä chi̧jä̧wa̧tü̧ yapareäkuäwä isotüttü ra̧wä̧pi̧ja̧'a̧'i̧nä̧;

Hechos 25:3

Jerusarȩ́ ütawiyära̧'a̧ jua̧u̧ru̧ weiyatü pä'ü; mä̧nä̧nä̧ tti'chächomȩttü̧ kuä'ü ttikuarü pä'ü jo̧mȩnü̧ amükuädü ku̧nä̧jä̧'kotü pä'inä̧tü̧;

2 Corintios 7:5

Macedonia ütawiyänä̧ tichi'ino̧mȩbü päi'ünä̧, 'kuä'ächi'ümä̧ pȩjä̧mo̧ko̧tü̧jä̧, o'kajuiyünä̧tä̧ usurä ȩmä̧wä̧tü̧jä̧: u̧mi̧ttü̧mä̧, rowäkuäwä'i̧nä̧; jakuänä̧ttü̧mä̧ ye'ekuäjätüjä̧.

Gálatas 1:21

Ja̧'wa̧nü̧ ji̧nü̧ o'ka'amä̧ Siria rȩjȩra̧'a̧tä̧, Ciricia rȩjȩra̧'a̧tä̧ 'chi̧nü̧sä̧.

2 Corintios 1:15

Pa̧'a̧nü̧ amükuädü, ä̧kuo̧mȩnä̧mä̧, ukuturu dodächächa pä'inü̧sä̧, yȩnȩta̧'a̧nü̧'i̧nä̧ kueseäkuäwätukua pä'ü,

Hechos 21:3

'Kuätopomȩnä̧, Chipre kkä'ko i̧sä̧sa̧mä̧ tieruwa'akunä̧ kki̧'a̧'a̧nä̧, Siria rȩjȩra̧'a̧ku̧ 'chi̧nä̧tü̧jä̧. Ja̧'wa̧nü̧ ja̧'a̧nä̧, woi'kamä̧ Tiro ütawiyä ttawaränä̧ rä̧mä̧di̧na̧'a̧, juȩnȩ ttiäre wȩnä̧dü̧ ttikua pä'ü.

Hechos 19:21

Pi̧yȩ 'kuäopäji o'ka'a, Pauru-mä̧ amükuädinü̧ Jerusarȩ́-ra̧'a̧ i̧'cha̧ pä'ü, jua'a 'chä̧nü̧ kkä̧nü̧mä̧, Macedonia rȩjȩnä̧'i̧nä̧, Acaya rȩjȩnä̧'i̧nä̧ 'kuäopa pä'inü̧. Ja̧'wa̧nü̧ juorü Jerusarȩ́-ttü̧ kkä̧nü̧mä̧ Roma-ra̧'a̧ i̧'cha̧ pä'ü amükuädinü̧.

Hechos 18:18

Pauru-mä̧ Corinto ütawiyänä̧mä̧ rekuó mo̧ro̧ kkä̧ji̧'ka̧, awärüwä ü̧jä̧wa̧tü̧rü̧ te'äwi'ipü, Priscira-ku ja̧'wa̧ta̧nü̧ Aquira-ku yo̧mȩtȩnä̧ Siria rȩjȩra̧'a̧ woi'kanä̧ 'chi̧nü̧. Cencrea ütawiyättümä̧, räopäkua'a ä'kanä̧ u kiräu ikuinü̧, Dio-rü jȩchä̧kua̧sä̧ pä'a jä̧ku̧.

Hechos 16:9

Ja̧'wa̧nü̧ ja̧'a̧ juorümä̧, Pauru-rü yodó i̧jȩkui̧na̧'a̧: ya̧tȩ Macedonia ttü̧ja̧ i̧sa̧ kkä̧nü̧ ajuäkuäwa'a: «Po Macedonia-ra̧'a̧ 'kuä'o'ü ppä'ädächitü ujuturu'i̧nä̧», pä'aku.

San Mateo 4:24

Ja̧'wa̧nü̧ ja̧'a̧, Siria rȩjȩ o'kajuiyünä̧ Jesú-mä̧ ukuowi'omȩnä̧ o'katoi'ünä̧ kkorottü'i̧nä̧, kkorottü'i̧nä̧ na̧nȩpä̧tü̧rü̧ i'chächinä̧tü̧. Barau na̧nȩpä̧tü̧rü̧'i̧nä̧, epíritu-tu̧ suropätü ttü̧ja̧kuä̧u̧ru̧'i̧nä̧, epilépcia mä̧richei na̧nȩpä̧tü̧rü̧'i̧nä̧ ja̧'wa̧ta̧nü̧ parárisi mä̧richei na̧nȩpä̧tü̧rü̧'i̧nä̧, Jesú-mä̧ aditü ikuinä̧u̧.

Hechos 16:12

Juorü kkä̧nü̧mä̧ Filipo ütawiyära̧'a̧ 'chi̧nä̧tü̧jä̧, Macedonia rȩjȩttü̧ ukuo isomȩ ja̧'a̧, Roma ttü̧ja̧ ttü̧ja̧kuo̧mȩ; juȩnȩmä̧ a̧'u̧ku̧nä̧tä̧ mo̧ro̧ kka̧kui̧nä̧tü̧jä̧.

Hechos 20:1

Ja̧'wa̧nü̧ ja̧'a̧, wȩnȩ 'kuäopäji o'ka'a, Pauru-mä̧ Jesucrito-rü esetätürü wopo'ü tä̧bo̧tü̧ ro̧'ȩpi̧nü̧. Ja̧'wa̧nü̧ ukuokuäji̧'ka̧ te'äwi'ipütä, Macedonia rȩjȩra̧'a̧ 'chi̧nü̧.

Hechos 20:2

Juorümä̧ o'kajuiyünä̧ do'ächü ukuoku wo̧juȩtä̧ji̧'ka̧ Grecia rȩjȩra̧'a̧ rȩbȩwi̧nü̧.