Hechos 20:16 - Nuevo Testamento Uwotjüja

¹⁶ Ja̧'wa̧nü̧ 'chi̧nä̧tü̧jä̧, Pauru-mä̧ Jerusarȩ́-nä̧ Pentecostés pä'käri kka̧'a̧ i̧'chi̧'a̧ pä'ü amükuäda ja̧'a̧, Éfeso-mä̧ 'kuä'o'ütä, Asia rȩjȩttü̧ rekuo päi'ü'anü̧ ji̧yä̧ku̧.

TÄ̧DO Ä̧CUÄ̧ I̧HUȨNȨ

¹⁶ Pablo Efeso ötahuiyä ttahuaränä ttö̧rä̧mä̧do̧ca̧'a̧ 'cuättopa pä'inö, Asia rȩjȩnä̧ recuo ö̧jö̧ juiya pä'ö. Jurunä i̧'cha̧ pä'inö Jerusalén ötahuiyära̧'a̧, Pentecostés mo̧ro̧ yotä ö̧ja̧ pä'ö.

Hechos 20:16 Referans Kwoze

1 Corintios 16:8

Ja̧'wa̧nü̧ ja̧'a̧nä̧ Éfeso ütawiyänä̧tä̧ chü̧jä̧kua̧sä̧ pentecostés mo̧ro̧bü päi'ünä̧.

Hechos 2:1

Pentecostés pättü pä'käri pä̧nä̧ päi'omȩnä̧, Jesucrito-rü esetätümä̧ ji̧nä̧ yo̧mȩtȩ ka̧ka̧kuä̧jä̧'kotü ttü̧ja̧kua̧'a̧,

Hechos 19:21

Pi̧yȩ 'kuäopäji o'ka'a, Pauru-mä̧ amükuädinü̧ Jerusarȩ́-ra̧'a̧ i̧'cha̧ pä'ü, jua'a 'chä̧nü̧ kkä̧nü̧mä̧, Macedonia rȩjȩnä̧'i̧nä̧, Acaya rȩjȩnä̧'i̧nä̧ 'kuäopa pä'inü̧. Ja̧'wa̧nü̧ juorü Jerusarȩ́-ttü̧ kkä̧nü̧mä̧ Roma-ra̧'a̧ i̧'cha̧ pä'ü amükuädinü̧.

Hechos 24:17

Rekuo años jo̧mȩnä̧ kkoro rȩjȩra̧'a̧ kue'ächinü̧'ka̧, chi̧rȩjä̧ra̧'a̧ usurä isotürü ppädäkuäwä'i̧nä̧, ofrendas'i̧nä̧ iyü ichäjisä.

Hechos 21:4

Juorümä̧ Jesucrito-rü esetätürü po̧kui̧pü̧, juätütäku kki̧'i̧'o̧po̧'i̧nä̧tü̧jä̧ kko̧ro̧mü̧ttü̧nü̧ todäre mo̧ro̧ jo̧mȩnä̧tä̧; ja̧'wa̧nü̧ ja̧'a̧ juätümä̧, Epíritu jiäwä̧u̧, Pauru-rü ji'äwinä̧tü̧ Jerusarȩ́-ra̧'a̧ i̧'chü̧ juiya pä'ü.

Hechos 20:22

Ja̧'wa̧nü̧ ja̧'a̧nä̧, jitämä̧ Epíritumä̧ wea'attü̧, Jerusarȩ́ ütawiyära̧'a̧ 'chü̧sä̧, juorü 'kuäopäkuȩmä̧ chieruwa'anä̧.

Hechos 20:13

Ujutumä̧, ä'kanä̧ woi'kanä̧ 'chi̧nä̧tü̧jä̧ Asón ütawiyättü Pauru-rü tȩma̧ pä'ü ja̧'wa̧nü̧ päjä̧u̧, chutämä̧ rȩjȩnä̧ 'chä̧nü̧.

Hechos 20:6

Ujutu Pauru-kumä̧, levadura juiyünä̧ kuäkuäwä pan pä'käri jȩttü̧ mo̧ro̧ 'kuä'opäjä'kotü, Filipo ütawiyä ttawarättü woi'kanä̧ rä'opäjä'kotü ji̧mü̧tȩ mo̧ro̧ päi'omȩnä̧ Tróade ütawiyänä̧ rȩbȩwi̧pi̧nä̧tü̧jä̧, ä'kanä̧ 'chä̧jätü̧ ttü̧ja̧kuo̧mȩ, juȩnȩmä̧ kko̧ro̧mü̧ttü̧ todäre mo̧ro̧ jo̧mȩnä̧ kka̧kui̧nä̧tü̧jä̧.

Hechos 18:21

te'äwi'ipütä päinä̧u̧: «Dio-rü pä̧wä̧rü̧jo̧mȩnä̧ jü̧ttü̧tä̧, pä'äjita'anü̧mä̧ do'ächü chichäkuä̧u̧jä̧,» jitämä̧ Jerusarȩ́-ra̧'a̧ pä'kärinä̧ chü̧ja̧ pä'ü jä̧ku̧sä̧. Pä'ipütä, Éfeso ütawiyära̧'a̧, woi'kanä̧ 'chi̧nü̧.

Hechos 18:19

Ja̧'wa̧nü̧ ja̧'a̧, Éfeso ütawiyänä̧ tti̧rȩbȩwi̧'ä̧ja̧'a̧, Pauru-mä̧ juätürü juȩnȩtä̧ kku̧ni̧pü̧, sinagoga isodera̧'a̧ 'chi̧nü̧, judío-ku ukuoku.

Hechos 12:13

Ja̧'wa̧nü̧ ja̧'a̧, Peduru-mä̧ u̧mi̧nä̧ttü̧ äpatenä̧ wooiyäkua, yajute mü̧ä̧yaju Rode pä'ü mi̧kuaju, bajepa pä'ü kki̧'chi̧'o̧mȩnä̧.

Hechos 16:6

Frigia rȩjȩnä̧'i̧nä̧, Galacia rȩjȩnä̧'i̧nä̧ 'kuättopomȩnä̧ Epíritu Sa̧tu̧mä̧, Dio i̧wȩnȩ jittäu juiyünä̧ päinä̧u̧ Asia-nä̧mä̧.

Hechos 19:1

Aporo-mä̧, Corinto ütawiyänä̧ ü̧ja̧'a̧nä̧, Pauru-mä̧ müä'kiyu ja̧'a̧nä̧ 'kuä'opäji̧'ka̧ Éfeso ütawiyänä̧ i̧rȩbȩwi̧'o̧mȩnä̧, juorü Jesucrito-rü esetätürü po̧kui̧pü̧,

Hechos 20:4

Jua̧u̧ku̧ 'chä̧tü̧mä̧ pitü ji̧na̧'a̧: Berea i̧sa̧, Pirro i̧tti̧, Sópater'i̧nä̧; Tesalónica ütawiyä isotü, Aritarco'i̧nä̧, Segundo'i̧nä̧; Derbe ütawiyä i̧sa̧ Gayo'i̧nä̧; ja̧'wa̧ta̧nü̧ Asia rȩjȩ ttü̧ja̧mä̧, Timoteo'i̧nä̧, Tíquico'i̧nä̧, Trófimo'i̧nä̧ ji̧na̧'a̧.

Hechos 20:18

Juätü tti̧rȩbȩwi̧'ä̧ja̧'a̧ päinä̧u̧: Ukutumä̧ wo̧juä̧tü̧jä̧, Asia rȩjȩnä̧ ä̧kuo̧mȩnä̧ dodächinü̧ mo̧ro̧ttü̧ kkä̧mä̧dü̧ päi'ünä̧ jitäbü päi'ünä̧ jȩchä̧'i̧jü̧mä̧.