Hechos 2:9 - Nuevo Testamento Uwotjüja

⁹ Partos tti̧wȩnȩnä̧'i̧nä̧, medos tti̧wȩnȩnä̧'i̧nä̧, Elam ttü̧ja̧ tti̧wȩnȩnä̧'i̧nä̧; Mesopotamia ttü̧ja̧ tti̧wȩnȩnä̧'i̧nä̧, Judea ttü̧ja̧ tti̧wȩnȩnä̧'i̧nä̧, Capadocia ttü̧ja̧ tti̧wȩnȩnä̧'i̧nä̧, Ponto ttü̧ja̧ tti̧wȩnȩnä̧'i̧nä̧, Asia ttü̧ja̧ tti̧wȩnȩnä̧'i̧nä̧,

TÄ̧DO Ä̧CUÄ̧ I̧HUȨNȨ

^9-11 Partia rȩjȩ ttö̧ja̧'i̧nä̧, Media rȩjȩ ttö̧ja̧'i̧nä̧, Elam rȩjȩ ttö̧ja̧'i̧nä̧, Mesopotamia rȩjȩ ttö̧ja̧'i̧nä̧, Judea rȩjȩ ttö̧ja̧'i̧nä̧, Capadocia rȩjȩ ttö̧ja̧'i̧nä̧, Ponto rȩjȩ ttö̧ja̧'i̧nä̧, Asia rȩjȩ ttö̧ja̧'i̧nä̧, Frigia rȩjȩ ttö̧ja̧'i̧nä̧, Panfilia rȩjȩ ttö̧ja̧'i̧nä̧, Egipto rȩjȩ ttö̧ja̧'i̧nä̧, Cirene ötahuiyä abo Africa rȩjȩ ttö̧ja̧'i̧nä̧, Roma ötahuiyättö ichinätö judíos ttö̧ja̧'i̧nä̧, korotö judíos huocotö judíos ttö̧ja̧ hueähuä huȩnȩ jȩpä̧tö̧'i̧nä̧, ja̧'hua̧ta̧nö̧ Creta kä'co i̧sä̧sa̧ ttö̧ja̧'i̧nä̧, Arabia rȩjȩ ttö̧ja̧'i̧nä̧ pȩnȩtä̧ ka̧cuä̧tö̧jä̧. Ujutu ti̧huȩnȩnä̧ ttucuocua'a ä̧ju̧cuä̧tö̧jä̧ Dios adihuä juäi jȩi̧nö̧mä̧, —pä'inätödo.

Hechos 2:9 Referans Kwoze

1 Pedro 1:1

Ttü Peduru, Jesucrito u̧mü̧wä̧ya̧ te'äusä, ttidepiyuttü pperekuächino'kotü ichäkuäwotü jü̧nä̧ ponto-nä̧'inä̧, Galacia-nä̧'i̧nä̧, Capadosia-nä'i̧nä̧, asianä̧'i̧nä̧ Bitinia-nä̧'i̧nä̧ kka̧kuä̧tü̧rü̧,

Apocalipsis 1:4

Ttü Ju̧a̧, Asia rȩjȩnä̧ kka̧kuä̧tü̧, kko̧ro̧mü̧ttü̧nü̧ todäre igresia wotürü te'äusä: Wȩnȩ juiyü, adiwä juei ukuturu kka̧ pä'üsä. Jitä'i̧nä̧ kkü̧, mo̧'i̧nä̧ kki̧nü̧, pä'ejita'anü̧'i̧nä̧ i̧chä̧kua̧ ja̧'wa̧ta̧nü̧ kko̧ro̧mü̧ttü̧nü̧ ta̧ju̧ wotü uruwo dȩä̧kä̧ ä'ka jo̧mȩ kka̧kuä̧tü̧ epíritu-tu̧ru̧'i̧nä̧ kku̧nä̧rü̧ ȩmi̧nä̧u̧ kuätukua'attü,

2 Timoteo 1:15

Asia rȩjȩ ttü̧ja̧ o'katoi'ünä̧ ttüttü 'kȩtti̧pä̧chi̧na̧'a̧mä̧ täkü wo̧jua̧jä̧; juätüttümä̧ Figero'i̧nä̧, Hermógenes'i̧nä̧ ja̧'a̧.

Hechos 18:2

Juorümä̧, ya̧tȩ judío i̧sa̧ ja̧'a̧nä̧, Ponto rȩjȩttü̧ uwäpächinü̧rü̧ topinü̧, Aquira pä'ü mi̧kua̧rü̧, irekua Priscira-ku Itaria rȩjȩra̧'a̧ttü̧ i̧rȩbȩwi̧'ä̧ja̧'a̧. Jua'amä̧ Roma-ttü̧ rättopächäja'a ji̧na̧'a̧, emperador Claudio judío-rümä̧ o'katoi'ünä̧rü̧ rättopächa pä'ü weomȩttü̧. Ja̧'wa̧nü̧ ichäjätürü Pauru-mä̧ do'ächü 'chi̧nü̧.

Hechos 16:6

Frigia rȩjȩnä̧'i̧nä̧, Galacia rȩjȩnä̧'i̧nä̧ 'kuättopomȩnä̧ Epíritu Sa̧tu̧mä̧, Dio i̧wȩnȩ jittäu juiyünä̧ päinä̧u̧ Asia-nä̧mä̧.

Hechos 19:10

Ja̧'wa̧nü̧ ji'äwinü̧ todäre años jo̧mȩnä̧ ja̧'wa̧nü̧ ja̧'a̧ttü̧ Asia rȩjȩnä̧ kka̧kuä̧tü̧mä̧ o'katoi'ünä̧ ä̧ju̧kui̧nä̧tü̧, judío-ttü'i̧nä̧, judío pokotüttü'i̧nä̧, griego-ttü'i̧nä̧, jü̧nä̧, Tu̧ru̧wa̧ Jesú i̧wȩnȩmä̧.

Hechos 6:9

Ja̧'wa̧nü̧ ja̧'a̧ libertos ttü̧ka̧ka̧kuode sinagoga-ttü, Cirene ttü̧ja̧'i̧nä̧, Alejandría ttü̧ja̧'i̧nä̧, Ciricia ttü̧ja̧'i̧nä̧ ja̧'wa̧ta̧nü̧ Asia rȩjȩ ttü̧ja̧'i̧nä̧ Esteba̧-ku̧ pä'ä'winätü̧;

Apocalipsis 1:11

i̧wȩnȩ rä̧mi̧pü̧nä̧ pä'ümä̧, pä'inü̧: «Ukú to'kumä̧ wȩyu̧tu̧ we'í, kko̧ro̧mü̧ttü̧ todärenü̧ jü̧ igresia wotürü, Asia rȩjȩnä̧ kka̧kuä̧tü̧rü̧: Éfeso-ra̧'a̧'i̧nä̧, Esmirna-ra̧'a̧'i̧nä̧, Pégamo-ra̧'a̧'i̧nä̧, Tiatira-ra̧'a̧'i̧nä̧, Sadira̧'a̧'i̧nä̧, Firadefia-ra̧'a̧'i̧nä̧ ja̧'wa̧ta̧nü̧ Laodicea-ra̧'a̧'i̧nä̧,» jü̧nä̧.

2 Corintios 1:8

Isopäi'ünä̧ chawaruwä chi̧jä̧wa̧tü̧, Asia-ttü usurä temä̧wi̧nü̧mä̧ ku̧wo̧juä̧tu̧kua̧ pä'ätüjä̧; täkü tujuru jä̧ji̧'i̧nä̧ jui'ätütä päti'ünä̧, a̧'kua̧ro̧ko̧tü̧jä̧kü̧ pätünä̧ päi'ünä̧ usurä ȩmä̧wi̧nä̧tü̧jä̧.

1 Corintios 16:19

Asia rȩjȩttü̧ igresia pünä̧ ukuturu te'äwätü. Aquira'i̧nä̧, Prisca'i̧nä̧, ttojusodenä̧ dodepü ka̧ka̧kuä̧rä̧'i̧jä̧tu̧ku̧, tu̧ru̧wa̧ i̧mi̧nä̧ tettäwä̧u̧jä̧.

Romanos 16:5

Ja̧'wa̧ta̧nü̧ te'äwiyätukuittü kuojusodettü igresia isotürü. Te'äwiyätukuittü cha̧wa̧ru̧wa̧ repedäku Epéneto-rü, Acaya-ttü ä̧kuo̧mȩnä̧ Crito-rü esetinü̧rü̧.

Hechos 20:18

Juätü tti̧rȩbȩwi̧'ä̧ja̧'a̧ päinä̧u̧: Ukutumä̧ wo̧juä̧tü̧jä̧, Asia rȩjȩnä̧ ä̧kuo̧mȩnä̧ dodächinü̧ mo̧ro̧ttü̧ kkä̧mä̧dü̧ päi'ünä̧ jitäbü päi'ünä̧ jȩchä̧'i̧jü̧mä̧.

Hechos 20:16

Ja̧'wa̧nü̧ 'chi̧nä̧tü̧jä̧, Pauru-mä̧ Jerusarȩ́-nä̧ Pentecostés pä'käri kka̧'a̧ i̧'chi̧'a̧ pä'ü amükuäda ja̧'a̧, Éfeso-mä̧ 'kuä'o'ütä, Asia rȩjȩttü̧ rekuo päi'ü'anü̧ ji̧yä̧ku̧.

Hechos 19:31

Ja̧'wa̧ta̧nü̧ Asia-ttü awaruwä ruwotü'i̧nä̧, tti̧wȩnȩ wettinä̧ku̧, teatro-ra̧'a̧mä̧ i̧'chü̧ juiya pä'ü.

Hechos 19:27

Suro, taditäwä ma̧ä̧cha̧ pä'ütämä̧ ra̧wä̧pi̧jo̧ka̧'a̧, tü̧ä̧nä̧wa̧ju̧ Artemisa-rü ukuokuäkuäwode'i̧nä̧, yajurutä'i̧nä̧ ukuo juiyünä̧tä̧ juoächa pä'ü ja̧'a̧, Asia rȩjȩ o'kajuiyünä̧'i̧nä̧ ja̧'wa̧ta̧nü̧ pi̧jä̧ o'kajuiyünä̧'i̧nä̧ ttesetäkua'a ja̧'a̧mä̧.

Hechos 7:2

Päku ädätinä̧u̧: Chü̧tä̧mü̧ttü̧ chawaruwä ja̧'wa̧ta̧nü̧ judío-ttü a̧ci̧a̧nu̧ wotü ä̧ju̧kuä̧tu̧kui̧ttü̧: Tü̧ä̧nä̧wa̧ ju̧ru̧wa̧ Dio-mä̧, Abraha̧-rü̧ i̧jȩkui̧nü̧, Harán-nä̧ ü̧jä̧kua̧'a̧ ä'koji, ji̧nä̧ Mesopotamia-nä̧ ü̧jä̧i̧,

Hechos 2:8

¿Tta̧'a̧nü̧ ja̧'a̧, ya̧ku̧nä̧ ujutu ti̧wȩnȩ jü̧'a̧kuä̧ ukuokuätüttü̧, tä̧ju̧ku̧nä̧?

Hechos 20:4

Jua̧u̧ku̧ 'chä̧tü̧mä̧ pitü ji̧na̧'a̧: Berea i̧sa̧, Pirro i̧tti̧, Sópater'i̧nä̧; Tesalónica ütawiyä isotü, Aritarco'i̧nä̧, Segundo'i̧nä̧; Derbe ütawiyä i̧sa̧ Gayo'i̧nä̧; ja̧'wa̧ta̧nü̧ Asia rȩjȩ ttü̧ja̧mä̧, Timoteo'i̧nä̧, Tíquico'i̧nä̧, Trófimo'i̧nä̧ ji̧na̧'a̧.

Hechos 21:27

Dio-rü jȩtä̧kuo̧tü̧jä̧ pä'inä̧tü̧, ttiyü sietenü̧ mo̧ro̧ beipächa pä'ümä̧ a̧'u̧ku̧nä̧tä̧ juiya'a, yotüte Asia rȩjȩttü̧ ichäjätü, judío topo'inä̧tü̧ Pauru-rü, Dio-rü ukuokuäkuäwodenä̧ ü̧ja̧'a̧. Topo'ü, ttü̧ja̧rü̧ wopo'ü jȩpü̧, Pauru-rü 'chu'ädü,

Hechos 24:18

Ja̧'wa̧nü̧ pi̧yȩ jȩpü̧mä̧, weäwä wȩnȩ weü'akuä̧ surojü tükäu ikuäji̧'ka̧ jȩcha̧'a̧ Asia rȩjȩ ttü̧ja̧tä̧ tottinä̧ku̧sä̧, ttü̧ja̧rü̧ suronä̧ jȩpü̧ wocha'a'i̧nä̧ tottokoku pinü̧sä̧.

Hechos 27:2

Ja̧'wa̧nü̧ ja̧'a̧, Adramitio ttawarättü woi'kanä̧ pȩjä̧mü̧ 'chi̧nä̧tü̧jä̧, Asia ttawaränä̧ rä̧mä̧di̧'ü̧ 'kuäopäkua'a ja̧'a̧. Ja̧'wa̧ta̧nü̧ ujutukumä̧, Aritarco Macedonia rȩjȩttü̧, Tesalónica ütawiyättü i̧chä̧kuä̧wa̧'i̧nä̧ ji̧na̧'a̧.