Hechos 2:47 - Nuevo Testamento Uwotjüja

⁴⁷ Dio-rü rü̧ȩnä̧ eseu ttü̧ja̧rü̧'i̧nä̧ o'katoi'ünä̧rü̧ ppä'ädinä̧tü̧. Ja̧'wa̧nü̧ jo̧mȩnä̧, mo̧ro̧ ji̧nü̧'a̧kuä̧ Dio-mä̧ igresia yaboku rü̧ä̧chü̧nä̧ jȩpi̧nü̧, ra̧wä̧pi̧jü̧ttü̧ ttü̧ji̧pü̧nä̧.

TÄ̧DO Ä̧CUÄ̧ I̧HUȨNȨ

⁴⁷ Diosrö adiu amöcuädö ucuocuinätödo. Korotö Jesucristorö esetätörö ucuotönö topinätödo. Mo̧ro̧ji̧nö̧ a̧'u̧cuä̧ korotö'inä Tu̧ru̧hua̧rö̧ esetö recuächinätödo, Dios ȩma̧'a̧ttö̧.

Hechos 2:47 Referans Kwoze

Hechos 16:5

Ja̧'wa̧nü̧ ja̧'a̧ igresia wotümä̧ juayabokutä tta̧'kua̧ wȩnä̧rü̧nü̧ ja̧'wa̧ta̧nü̧ Jesucrito-rü esetätü'i̧nä̧ mo̧ro̧ ji̧nü̧'a̧kuä̧ rekuächinä̧tü̧.

1 Corintios 1:18

Isopäi'ünä̧, Crito ü̧jo̧kä̧ jäinä̧ 'korujuoächinü̧mä̧, suräjuä wȩnȩ ja̧'a̧ to'e'ächätürümä̧; ja̧'wa̧nü̧ ja̧'a̧nä̧, ra̧wä̧pi̧jü̧ttü̧ kka̧kui̧pä̧tü̧, ujuturumä̧ Dio ujurutä ja̧'a̧.

Hechos 2:41

Ja̧'wa̧nü̧ jiäu esetäjätümä̧, bautizo jȩtti̧nä̧u̧, jua̧u̧nü̧ mo̧ro̧tä̧mä̧ tres mil-nü̧ jo̧mȩnä̧ ji̧na̧'a̧, Jesucrito-rü esetätümä̧.

Hechos 2:39

Pi̧yȩ iya päinü̧mä̧, ukuturu iya pä'inü̧, kui̧tti̧mü̧tu̧ku̧ru̧'i̧nä̧ ja̧'wa̧ta̧nü̧ kkorotü otó kka̧kuä̧tü̧rü̧'i̧nä̧; suro juätütämä̧kü̧, Tu̧ru̧wa̧ Dio wo̧ä̧u̧mä̧ o'katoi'ünä̧rü̧.

Romanos 14:18

Isopäi'ünä̧ ja̧'wa̧nü̧ jȩpü̧ Crito-rü ukuotü kkü̧mä̧, Dio eseunä̧ kkü̧. Ja̧'wa̧nü̧ jo̧mȩnä̧ ttü̧ja̧ ttesewäku; jua̧u̧ jȩü̧mä̧.

Hechos 11:24

Jua̧u̧ Bernawé-mä̧ adiwä jueinä̧ ü̧ja̧'a̧ttü̧, Epíritu Sa̧tu̧rü̧'i̧nä̧, tta̧'kua̧ wȩnä̧rä̧kuä̧wä̧'i̧nä̧ jo̧mȩnü̧ winü̧. Ja̧'wa̧nü̧ jo̧mȩnä̧ rekuätü, Tu̧ru̧wa̧rü̧ esetü ikuinä̧tü̧.

Hechos 13:48

Pi̧yȩ pätta'a ä̧ju̧ku̧, judío pokotümä̧ rü̧ȩnä̧ eseäkuäwinä̧tü̧, Tu̧ru̧wa̧ i̧wȩnȩmä̧; Ja̧'wa̧ta̧nü̧ kkä̧kuä̧wä̧ i'ko tteseta pä'ü wotümä̧ esetinä̧tü̧.

Romanos 9:27

Ja̧'wa̧ta̧nü̧, Irae ttü̧ja̧ ttütü'kü, Isaía-mä̧ pä'inü̧: «Irae ttü̧ja̧ tti̧tti̧mü̧mä̧ rü̧ä̧dubora rȩba̧ jä̧'i̧nü̧'a̧nü̧ ttirekua'anä̧, juätüttümä̧ a̧'u̧kuo̧tü̧tä̧ jä̧kua̧'a̧ ra̧wä̧pi̧jü̧ttü̧mä̧ ttü̧ja̧kui̧'ä̧kuo̧tü̧.

Romanos 8:30

Ja̧'wa̧nü̧ ä'kanä̧ jo̧mȩnü̧ jȩi̧nä̧u̧ru̧mä̧, juätürütä wopinü̧; juätü woinä̧u̧ru̧mä̧, adiwä isotütä päi'ünä̧ pärotü ikuinä̧u̧; ja̧'wa̧ta̧nü̧ adiwä isotütä päi'ünä̧ ü'ärotinä̧u̧ru̧mä̧ chutä üadiwä iyinä̧u̧.

San Lucas 2:52

Jesú-mä̧ wo̧juä̧wä̧nä̧'i̧nä̧, ttü̧ja̧ ttesewomȩnä̧'i̧nä̧, Dio esewomȩnä̧'i̧nä̧ buojuo'inü̧.

Hechos 4:21

Ja̧'wa̧nü̧ pä̧tti̧yä̧u̧ ye'epe'ipütä rä'epü tti̧kui̧nä̧u̧. Ro̧'ȩpü̧ suronä̧ jȩtta̧tü̧ pättäja'anä̧ suronä̧ jȩttä̧ji̧ jui̧yi̧yä̧u̧ ja̧'wa̧ta̧nü̧ ttü̧ja̧rü̧'i̧nä̧ ye'eku. Ttü̧ja̧mä̧ Dio-rü rü̧ȩnä̧ o'katoi'ünä̧ esewinä̧tü̧ ja̧'wa̧nü̧ 'kuäopäjämȩnä̧.

Hechos 4:33

Apótore-mä̧, rü̧ȩnä̧ ujuru kkü̧nä̧ ji'äwinä̧tü̧ Jesú wa'arettü ttoächinü̧ wȩnȩmä̧. Ja̧'wa̧nü̧ jo̧mȩnä̧ o'katoi'ünä̧ tteseäkuäu kki̧na̧'a̧.

San Lucas 19:48

Ja̧'wa̧nü̧ ttusa'anä̧, yoriso ttü̧'o̧kui̧'ü̧ juiyünä̧ ji̧nä̧u̧, jua'amä̧ ttü̧ja̧ o'katoi'ünä̧ Jesú jiäu ttä̧ju̧kua̧ pätta'attü̧.

Hechos 4:4

Ja̧'wa̧nü̧ ja̧'a̧nä̧, jittäwa'a ä̧ju̧kuä̧jä̧tü̧mä̧, rekuätü esetinä̧tü̧; suro u̧mä̧tü̧tä̧mä̧ cinco mil jo̧mȩnä̧ ji̧na̧'a̧.

Hechos 6:1

Ji̧yȩnü̧ pä̧nä̧ Jesucrito-rü esetätü ttirekuächomȩnä̧, judío ja̧'a̧nä̧ Grecia ttü̧ja̧ tti̧wȩnȩ ukuokuätuku, ja̧'wa̧ta̧nü̧ judío ja̧'a̧nä̧ arameo ukuokuätürü, wopäkuäwinä̧tü̧ rȩkua̧mü̧rü̧ adiu ttu̧kuȩ iyokotü pä'ü.

Hechos 6:7

Ja̧'wa̧nü̧ ja̧'a̧mä̧, yabokutä Dio i̧wȩnȩmä̧ rü̧ä̧chi̧na̧'a̧, Jerusarȩ́-nä̧mä̧ Jesucrito-rü esetätümä̧ rekuächinä̧tü̧; ja̧'wa̧ta̧nü̧ rekuätü sacerdote'i̧nä̧ esetächinä̧tü̧, jua̧u̧ tta̧'kua̧ wȩnä̧rä̧kuä̧wä̧mä̧.

Hechos 9:31

Ja̧'wa̧nü̧ jo̧mȩnä̧, Judea rȩjȩttü̧'i̧nä̧, Galirea rȩjȩttü̧'i̧nä̧ ja̧'wa̧ta̧nü̧ Samaria rȩjȩttü̧'i̧nä̧ o'katoi'ünä̧ igresia wotümä̧ rü̧ȩnä̧ eseäkuäwä kku̧nä̧ri̧nä̧tü̧; Dio-rü ukuotäkuäwänä̧ ttä̧rä̧ma̧'a̧ttü̧, Epíritu Sa̧tu̧ ppädäkuäwänä̧ yaboku rü̧'ä̧chi̧nä̧tü̧.

Hechos 9:35

Ja̧'wa̧nü̧ jo̧mȩnä̧ Lida ttü̧ja̧'i̧nä̧, Sarón rȩjȩ ttü̧ja̧'i̧nä̧ o'katoi'ünä̧ jua̧u̧ru̧ topätümä̧ Jesucrito-rü esetü ikuinä̧tü̧.

Hechos 11:21

Ja̧'wa̧nü̧ jo̧mȩnä̧, Tu̧ru̧wa̧ Dio jäwä juätütäku kka̧'a̧ttü̧, rekuätü Tu̧ru̧wa̧ Jesucrito-rü esetü ikuinä̧tü̧.

Hechos 14:1

Ja̧'wa̧nü̧ ja̧'a̧ Iconio ütawiyättümä̧, Pauru-mä̧, Bernawé-ku ji̧nä̧ yo̧mȩtȩnä̧ dodepinä̧tü̧ judío ttiärode sinagoga isodenä̧. Ja̧'wa̧nü̧ dodepü jittäwomȩnä̧ rekuätü esetinä̧tü̧ judío'i̧nä̧ ja̧'wa̧ta̧nü̧ judío pokotü'i̧nä̧, jü̧nä̧.

Hechos 14:21

Jua̧u̧ ütawiyänä̧ jareü adiwä wȩnȩ ji'äwi'ipü, rekuätü ttesetäji o'ka'a, Ritra ütawiyära̧'a̧ku̧, Iconio ütawiyära̧'a̧ku̧ ja̧'wa̧ta̧nü̧ Antioquía ütawiyära̧'a̧ku̧ ppa̧'ä̧chi̧nä̧tü̧.

Hechos 17:12

Ja̧'wa̧nü̧ ja̧'a̧ttü̧, juätüttümä̧ rekuätü Jesucrito-rü esetinä̧tü̧, Grecia ttü̧ja̧ nä̧tü̧ ukuo isotü'i̧nä̧, u̧mä̧tü̧'i̧nä̧, jü̧nä̧.