Hechos 2:46 - Nuevo Testamento Uwotjüja

⁴⁶ 'Kuäopünä̧ mo̧ro̧ ji̧nü̧'a̧kuä̧, yo̧mȩtȩnä̧ Dio-rü ukuokuäkuäwodenä̧ ka̧ka̧kui̧nä̧tü̧, ttojusodettümä̧ ji̧nä̧ yo̧mȩtȩnä̧ kuä̧nü̧, rü̧ȩnä̧ eseäkuäwinä̧tü̧.

TÄ̧DO Ä̧CUÄ̧ I̧HUȨNȨ

⁴⁶ Mo̧ro̧ji̧nö̧ a̧'u̧cuä̧ Diosrö ucuocuäcuähuodenä ca̧ca̧cui̧pi̧nä̧tö̧do. Ja̧'hua̧ta̧nö̧ ttahuaruhuärö'inä ji̧nä̧ yo̧mȩtȩ Diosrö'inä eseunu amöcuädö ttu̧cuȩ cuinätödo ttojusode pö̧nä̧.

Hechos 2:46 Referans Kwoze

Hechos 5:42

Ja̧'wa̧nü̧ ja̧'a̧mä̧, mo̧ro̧ ji̧nü̧'a̧kuä̧, Dio-rü ukuokuäwodenä'i̧nä̧, ttü̧ja̧ ttoju odewiyänä̧'i̧nä̧ wo̧juȩtü̧ kkä̧nü̧, ji'äwinä̧tü̧ Jesú jäwämä̧.

Hechos 2:42

Ja̧'wa̧nü̧ ja̧'a̧, apótore ttu̧wo̧juȩtü̧nä̧ kka̧kui̧nä̧tü̧, rekuä rü̧jü̧ ppä'ädäkuäu, ji̧nä̧ yo̧mȩtȩnä̧ kuä̧nü̧ ja̧'wa̧ta̧nü̧ Dio-rü ukuoku'i̧nä̧, jü̧nä̧.

Hechos 20:7

Domiku̧ mo̧ro̧ Tu̧ru̧wa̧ u̧kuȩ ukuinü̧ tukua pä'ü tü̧'ȩjä̧ma̧ja̧'a̧, Pauru-mä̧, rü̧ȩnä̧ wo̧juȩti̧nü̧ Jesucrito-rü esetätürü. Kkoro mo̧ro̧, juorü räopäkua'a jä̧ku̧, yodó kkä'kobü päi'ünä̧ jiäwomȩnä̧.

2 Corintios 1:12

Isopäi'ünä̧ ujutumä̧ ukuo te'äkuäu eseäkuäwätüjä̧, pi̧jä̧ ttü̧ja̧ ttä'ka jo̧mȩttü̧ amükuädü totomȩnä̧ wȩnȩ jui̧yä̧u̧ ja̧'wa̧ta̧nü̧ ukutu kuä'katukuttü'i̧nä̧ surojü juiyomȩnä̧, jueünä̧tä̧ Dio päü'a̧kuä̧ jȩti̧na̧'a̧ttü̧, pi̧jä̧ ttü̧ja̧ ttu̧wo̧juo̧mȩnä̧mä̧kü̧; ujututä tu̧wo̧juo̧ko̧mȩnä̧ Dio ppädomemȩnä̧tä̧ jȩti̧na̧'a̧ttü̧.

Hechos 16:34

Ja̧'wa̧ta̧nü̧ o'ka'amä̧ ojusodera̧'a̧ o'ipü ttu̧kuȩ iyinä̧u̧; ja̧'wa̧ta̧nü̧ ojusodenä̧ kka̧kuä̧tu̧ku̧ o'katoi'ünä̧ esewinü̧ Dio-rü esetäji'ka̧.

Colosenses 3:22

Ukutu, ttu̧wo̧juȩtä̧u̧'i̧nä̧, pi̧jä̧nä̧ttü̧ kuruwotürümä̧ o'kajuiyünä̧tä̧ ukuotätukui, to̧ttä̧ro̧ka̧'a̧nä̧'i̧nä̧, pi̧jä̧ ttü̧ja̧rü̧ totta pä'ü 'kua̧rü̧nä̧mä̧ jȩ'kuä̧tu̧kuä̧, pärokua'aku kua̧mi̧ iso'kittü eseu Dio-rü ye'ekunü̧ jȩpä̧tu̧kui̧.

Romanos 12:8

kkorotürü ro̧kuȩpa̧ pä'ü, ro̧ȩkuä̧ iyinü̧ttü̧mä̧, ro̧'ȩpi̧. Iyü ppäda pä'ü iyinä̧ku̧mä̧, repekuoka'a ppä'ädi; kkorotürü oikuä iyinä̧ku̧mä̧, eseunu̧ o'ipi; rekuä rü̧jä̧u̧ru̧ ppädäkuäwä iyinä̧ku̧mä̧, eseunü̧tä̧ ppä'ädi.

San Lucas 24:53

Ja̧'wa̧nü̧ ji̧na̧'a̧ttü̧, 'kuäopünä̧tä̧ Dio-rü ukuokuäkuäwodenä̧, Dio-rü eseu kue'ächinä̧tü̧. Amȩ́.

2 Corintios 11:3

Ja̧'wa̧nü̧ ja̧'a̧nä̧, yedekunä̧ jä̧ku̧sä̧, Ewa-rü ä̧ka̧ üyaparewinü̧ta̧'a̧nü̧, ukutu'i̧nä̧ Crito-rü eseunu̧ kukuotätukuttü 'kä̧kui̧pä̧chä̧tu̧ku̧'a̧nü̧ ji̧yä̧ku̧.

Hechos 5:21

Pi̧yȩ ä̧ju̧kuä̧jä̧'kotü ji̧nä̧ yo̧ä̧i̧ ja̧'a̧ku̧ Dio-rü ukuokuäkuäwodenä̧ dodepü kka̧kuä̧mü̧ wo̧juȩti̧nä̧tü̧. Ja̧'wa̧nü̧ ja̧'a̧nä̧, sacerdote-tü̧ ttu̧ru̧wa̧mä̧, kkorotüku ichi'ü, Iraettü ukuo isotüku ka̧ka̧ku̧ pȩjä̧mü̧ we'inä̧tü̧ apótore-rü kärenä̧ ttü̧'ȩja̧'a̧ttü̧ ttȩmä̧ji̧ya̧tü̧ pä'ü.

Hechos 3:1

Ya'utenä̧ Peduru-mä̧, Ju̧a̧-ku̧ ni̧pä̧ro̧mȩ las tres-nä̧ Dio-rü ukuokuäkuäwodera̧'a̧, Dio-rü ukuoku 'chi̧nä̧tü̧. Juätü judío-mä̧ ttukuokuä'ijü hora ji̧na̧'a̧.

San Lucas 24:30

Mesa isodänä̧, juätütäku pä̧mä̧dä̧ji̧'ka̧, trigo i̧ri̧si̧ ȩmo̧po̧'ü̧, Dio-rü ukuokuäji̧'ka̧, 'to'opü iyinä̧u̧.

San Mateo 6:22

Jättäpäyotürü tȩya̧u̧nä̧ kkȩdȩpü̧mä̧ tti'äre ja̧'a̧; ja̧'wa̧nü̧ ja̧'a̧ttü̧, kui'äriyä o'kajuiyünä̧ adiwomȩnä̧mä̧, jättäpäyotünä̧ tȩya̧u̧mä̧ kka̧'a̧;

Efesios 6:5

Tturuwotürü kku̧nä̧rä̧tü̧mä̧, pi̧jä̧nä̧ttü̧ kuruwotürü ukuotätukui. Ye'ekunü̧tä̧, eseunü̧tä̧ ukuotätukui kua̧mi̧ iso'kitukunä̧, Crito-rü kukuotätukuta'anü̧.

San Lucas 11:41

Ja̧'wa̧nü̧ ja̧'a̧ttü̧ usurä isotürü ppä'ädätukui. Ja̧'wa̧nü̧ jȩ'kuä̧tu̧kuo̧mȩnä̧ jättäpäyotü surojümä̧ juikuäkuotüjä̧.

1 Corintios 10:16

Ja̧'wa̧ta̧nü̧ Santa Cena, Dio-rü ukuokuäkuäwoya tawomȩnä̧mä̧, ¿Crito ukuojanä̧ ji̧nä̧ ji̧yȩtȩ pä'i'okotüjä̧ tä̧jí̧? Ja̧'wa̧ta̧nü̧ trigo i̧ri̧si̧ tukuomenämä̧, ¿Crito idepänä̧, ji̧nä̧ ji̧yȩtȩ pä'i'okotüjä̧ tä̧jí̧?