Hechos 2:42 - Nuevo Testamento Uwotjüja

⁴² Ja̧'wa̧nü̧ ja̧'a̧, apótore ttu̧wo̧juȩtü̧nä̧ kka̧kui̧nä̧tü̧, rekuä rü̧jü̧ ppä'ädäkuäu, ji̧nä̧ yo̧mȩtȩnä̧ kuä̧nü̧ ja̧'wa̧ta̧nü̧ Dio-rü ukuoku'i̧nä̧, jü̧nä̧.

TÄ̧DO Ä̧CUÄ̧ I̧HUȨNȨ

⁴² Jesús hue'ähuotö ttu̧huo̧juȩti̧nö̧mä̧ ttä̧ju̧cua̧ pä'ö, korotö Jesucristorö esetätöcu ji̧nä̧ yo̧mȩtȩ ca̧ca̧cui̧pä̧'i̧jä̧tö̧. Ji̧nä̧ yo̧mȩtȩ ca̧ca̧cu̧, ttu̧cuȩ cuä'ijätö. Ji̧nä̧ yo̧mȩtȩ Diosrö ucuocuä'ijätö.

Hechos 2:42 Referans Kwoze

Hebreos 10:25

Ka̧ka̧kuä̧rü̧ jȩpä̧tu̧kui̧, kkorotü jȩpü̧ weyejuottinü̧'a̧nü̧mä̧ ku̧ka̧ka̧kuä̧rä̧tu̧kuo̧ka̧'a̧mä̧ jȩ'kuä̧'chä̧tu̧kuä̧, ji'äkuäu wo̧juȩtü̧ jȩpä̧tu̧kui̧; Tu̧ru̧wa̧ u̧mo̧ro̧mä̧, täkü tü'kü ja̧'a̧.

Hechos 1:14

Ja̧'wa̧nü̧ ja̧'a̧, juätü o'katoi'ünä̧ ka̧ka̧ku̧ Dio-rü ji̧nä̧ yo̧mȩtȩttü̧ ukuokuinä̧tü̧, juätükumä̧ nätü̧'i̧nä̧ ji̧na̧'a̧, Jesú ja̧ju̧ María'i̧nä̧, ü̧jä̧wa̧tü̧'i̧nä̧, jü̧nä̧.

1 Juan 1:3

Jua̧u̧ totinü̧tä̧, tä̧ju̧kui̧nü̧tä̧tä̧, ji'äwätüjä̧, ukutu'i̧nä̧ ujutuku ji̧nä̧ ji̧yȩtȩnä̧ ku̧ja̧kuä̧tu̧kua̧ pä'ü. Jua̧u̧ ji̧nä̧ ji̧yȩtȩnä̧ ku̧jä̧kua̧tu̧kua̧ pädümä̧, Jä'okutä, I̧tti̧ Jesucrito-kutä ja̧'a̧.

1 Juan 1:7

Ja̧'wa̧nü̧ ja̧'a̧nä̧, Dio tȩya̧u̧nä̧ ü̧jü̧ta̧'a̧nü̧, ujutu'i̧nä̧ tȩya̧u̧nä̧ kue'ächü, kkorotüku ji̧nä̧ ji̧yȩtȩnä̧ tü̧ja̧ku̧ttü̧mä̧, Tu̧ru̧wa̧ Jesucrito, Dio i̧tti̧ ukuojamä̧ tükü i̧kuä̧u̧jä̧.

Hechos 2:46

'Kuäopünä̧ mo̧ro̧ ji̧nü̧'a̧kuä̧, yo̧mȩtȩnä̧ Dio-rü ukuokuäkuäwodenä̧ ka̧ka̧kui̧nä̧tü̧, ttojusodettümä̧ ji̧nä̧ yo̧mȩtȩnä̧ kuä̧nü̧, rü̧ȩnä̧ eseäkuäwinä̧tü̧.

Hechos 20:7

Domiku̧ mo̧ro̧ Tu̧ru̧wa̧ u̧kuȩ ukuinü̧ tukua pä'ü tü̧'ȩjä̧ma̧ja̧'a̧, Pauru-mä̧, rü̧ȩnä̧ wo̧juȩti̧nü̧ Jesucrito-rü esetätürü. Kkoro mo̧ro̧, juorü räopäkua'a jä̧ku̧, yodó kkä'kobü päi'ünä̧ jiäwomȩnä̧.

Efesios 6:18

'Kuäopünä̧tä̧ Dio-rü ukuokuätukui: Epíritu-nä̧ ajuäkuäunü̧ jä'epätukui; ji̧nä̧yo̧mȩtȩnä̧, 'kuäkuächi'ätukuoka'a'i̧nä̧, kuä'i'ätukuoka'a'i̧nä̧ ukuokuätukui o'katoi'ünä̧ Dio ȩmi̧nä̧u̧ru̧mä̧.

Judas 1:20

Ja̧'wa̧nü̧ ja̧'a̧nä̧, chawaruwä chi̧jä̧wa̧tü̧ ukutumä̧, yabokutä Dio-rü kua̧'kua̧ wȩnä̧rü̧ tätukui. Epíritu Sa̧tu̧ juȩpä̧ra̧'a̧nä̧, Dio-rü ukuokuätukui.

Colosenses 4:2

Käkuädi'ätukuoka'a, yabonü̧ Dio-rü ukuokuätukui. 'Kuäopünä̧ tta̧'a̧rä̧kuä̧u̧ Dio-rü esewätukui.

Colosenses 1:23

Jua'a'i̧nä̧, 'kiyünä̧ 'chu̧ä̧rü̧nä̧ ma̧kuä̧chä̧tu̧kuo̧ka̧'a̧, kua̧'kua̧ ku̧wȩnä̧rä̧tu̧ku̧ttü̧tä̧ jareü wȩnȩ kuäju̧kui̧nä̧tu̧ku̧nä̧. Jua̧u̧mä̧ wȩnȩmä̧ pi̧jä̧ o'kajuiyünä̧ jiäkuäwi'a'a, ja̧'wa̧ta̧nü̧, ttü Pauru'i̧nä̧ jua̧u̧tä̧ jiäkuäwä i̧sa̧ jü̧nä̧ juo'ächinü̧sä̧.

2 Timoteo 3:14

Ukumä̧ ku̧wo̧jui̧'i̧nü̧nä̧tä̧ esetü yaboku kui̧'chü̧'a̧nü̧ ja̧'a̧, ja̧'wa̧ta̧nü̧ isopäi'ünä̧ wȩnȩ pä'ümä̧ wo̧jua̧jä̧. Juȩnȩ o'komȩnä̧mä̧ ukuru wo̧juȩti̧nä̧tü̧rü̧mä̧ täkü wo̧jua̧jä̧.

Efesios 2:20

Ukutumä̧, apótore winä̧tü̧'i̧nä̧, profetas pinä̧tü̧'i̧nä̧ isode rü̧o̧de, kkada'kiyu ttäräbe'a'a jä̧'i̧nü̧'a̧nü̧ ttaditinü̧nä̧ wotüjä̧, ji̧nä̧so yo'kitä jueü ino'kimä̧ Crito-tä jü̧nä̧.

Hechos 14:22

Jua̧u̧ ütawiyä pünä̧ rȩbȩä̧kuä̧u̧mä̧, ttesetäjinä̧ tta̧'kua̧ wȩnä̧rü̧ yaboku tti̧'chü̧nä̧ jittäwinä̧u̧; jua̧u̧ ji'äumä̧ pättinä̧u̧: Dio weomȩ dodeta pä'ümä̧, rü̧ȩnä̧ usurä ȩmä̧u̧tä̧ dotächa pä'ü rekuä rü̧ja̧'a̧, pä'ü jittäwinä̧u̧.

Hechos 6:4

Ujutumä̧ Dio-rü yabonü̧ ukuokuätüjä̧ ja̧'wa̧ta̧nü̧ Dio i̧wȩnȩ ji'äwätüjä̧.

Hechos 4:31

Ja̧'wa̧nü̧ pä'ü Dio-rü ukuoku kättädomȩnä̧, juȩnȩ ttü̧'ȩjo̧mȩmä̧ tti̧ȩ́'i̧na̧'a̧; ja̧'wa̧nü̧ päi'omȩnä̧ juȩnȩ kka̧kuä̧tü̧ o'katoi'ünä̧ Epíritu Sa̧tu̧ jäwä jo̧mȩnü̧ pätti'omȩnä̧, Dio i̧wȩnȩ ttujuruku ji'äwinä̧tü̧.

1 Corintios 10:21

Tu̧ru̧wa̧ a̧wo̧'ta̧ttü̧ au kkä̧nü̧'i̧nä̧, ä̧wȩttü̧ tta̧wo̧'ta̧ttü̧ kuawätukua pä'ümä̧ juiya'a; ja̧'wa̧ta̧nü̧ Tu̧ru̧wa̧ iäre mesa-ttü kuä̧nü̧ kkä̧nü̧, ä̧wȩttü̧ ttiäre mesa-ttü kukuätukua pä'ümä̧ juiya'a.

Romanos 12:12

Tta̧'a̧rü̧ kkä̧kuä̧wä̧nä̧ kkä̧nü̧ eseäkuäwätukui; usurä ȩmä̧wä̧kuä̧wä̧ yekuekuätukuä; yaboku 'kuäopünä̧ Dio-rü ukuokutä tätukui.

Hebreos 10:39

Ja̧'wa̧nü̧ ja̧'a̧ttü̧ ujutumä̧ tto'ka'aku ppa̧'ä̧chü̧ toe'ächäkuäwä isotümä̧kü̧jä̧ ja̧'wa̧nü̧ ja̧jü̧ jueimä̧ ta̧'kua̧ wȩnä̧rü̧, ta̧'kua̧rü̧ kki̧'i̧kuä̧ isotüjä̧.

Hechos 11:23

Bernawé-mä̧ jua'a i̧'chi̧'o̧mȩnä̧, Dio jäwä rü̧ȩnä̧ kki̧yä̧ku̧, juätütäku eseu, jiäwinä̧u̧, tta̧mi̧so'ki o'kajuiyünä̧ Ttu̧ru̧wa̧nä̧tä̧ ukuotü tti̧'cha̧ pä'ü.

1 Corintios 11:2

Chawaruwä chi̧jä̧wa̧tü̧ ukuturu eseusä o'kajuiyünä̧tä̧ ttürü amükuädü jȩ'kuä̧tu̧kua̧'a̧ttü̧, chu̧wo̧juȩti̧nü̧'i̧nä̧ ukuotü jȩ'kuä̧tu̧kua̧'a̧ttü̧.

Hechos 20:11

Ja̧'wa̧nü̧ jä̧jí̧ o'ka'a Pauru-mä̧, pä'äjita'anü̧ ju'tojuku 'cha'ächächäji̧'ka̧, ttukunä̧, iyä'chü kä'ädi'ü, mo̧ro̧ juoächa'abü päi'ünä̧ ukuokuinü̧. Ja̧'wa̧nü̧ jȩpi̧'i̧pü̧tä̧ rä'opächü i̧wi̧nü̧.

1 Juan 2:19

Juätümä̧ ujututtü rättopina̧'a̧nä̧; isopäi'ünä̧mä̧ ujutu isotümä̧ pokotü pinä̧tü̧. Isopäi'ünä̧ ujutu isotü ttinü̧ttü̧mä̧, jitä'i̧nä̧ ujutuku kka̧ja̧tü̧; ja̧'wa̧nü̧ ja̧'a̧ttü̧ ujututtü rä'ächinä̧tü̧, jua'amä̧ o'katoi'ünä̧ ujutuku ttü̧ka̧ka̧kuä̧rä̧'i̧ja̧'a̧nä̧, o'katoi'ünä̧mä̧ ujutuku isotümä̧kü̧ ja̧'a̧ pä'ü tu̧wo̧jua̧ pä'ü.

Gálatas 1:6

Rü̧ȩnä̧ chamükuädünä̧ jä̧ku̧sä̧, Jesucrito re ü̧jü̧nä̧ woinä̧u̧mä̧, jua̧u̧ttü̧ yotäku rä'opächü kkoro jareü wȩnȩnä̧ bokuipächäjiyätukuäku.

Hechos 4:23

Ja̧'wa̧nü̧ ja̧'a̧ jua'attü rä'epü tti̧kuä̧jä̧u̧mä̧ jitütäku esetä'ijätü ttü̧ja̧kua̧'a̧ku̧ ichi'opo'ü ji'äwinä̧tü̧ sacerdote tturuwotü pättäji'i̧nä̧, ukuo isotü pättäji'i̧nä̧, jü̧nä̧.

San Lucas 24:35

Ja̧'wa̧ta̧nü̧ jitütä'i̧nä̧ ji'äwinä̧tü̧; mä̧nä̧nä̧ tti̧'cha̧'a̧ 'kuäopäji'i̧nä̧ ja̧'wa̧ta̧nü̧ ttu̧kuȩ trigo i̧ri̧si̧ 'to'opü iyomȩnä̧ ttu̧wo̧jui̧pä̧ji̧'i̧nä̧, jü̧nä̧.

San Lucas 24:30

Mesa isodänä̧, juätütäku pä̧mä̧dä̧ji̧'ka̧, trigo i̧ri̧si̧ ȩmo̧po̧'ü̧, Dio-rü ukuokuäji̧'ka̧, 'to'opü iyinä̧u̧.

1 Corintios 14:6

Ja̧'wa̧nü̧ ja̧'a̧ttü̧ chawaruwä chi̧jä̧wa̧tü̧, ttü'i̧nä̧ ukuturu kuieruwätuku wȩnȩnä̧ ukuoku chichüttümä̧ ¿däjé ppäda'ajä̧ttü̧ ukuturumä̧, ku̧wo̧juä̧chi̧'ä̧tu̧kua̧ pä'ü jidäwaja pä'ü'i̧nä̧, Dio i̧mi̧nä̧ jidäwaja pä'ü'i̧nä̧, kkä̧kuä̧wä̧ wȩnȩ jidäwaja pä'ü'i̧nä̧? jü̧nä̧mä̧.

Filipenses 1:5

jua'amä̧ jareü wȩnȩ jidäwomȩnä̧ ppä̧kuä̧dä̧rä̧tu̧kua̧'a̧ttü̧, ä̧kuo̧mȩnä̧ kuä̧ju̧kui̧nä̧tu̧kuo̧mȩttü̧ kkä̧mä̧dü̧ jitä mo̧ro̧bü päi'ünä̧.