Hechos 2:40 - Nuevo Testamento Uwotjüja

⁴⁰ Peduru-mä̧ pi̧yȩ'i̧nä̧ pä'ükkä̧nü̧, kkoro'i̧nä̧ pa̧'a̧nü̧ päinä̧u̧: —Pitü ttü̧ja̧rü̧ ro̧ȩkuä̧kuȩ surojüttü rä'opächü kki̧'ä̧tu̧kui̧.

TÄ̧DO Ä̧CUÄ̧ I̧HUȨNȨ

⁴⁰ Pedro juhua'a yabonö rö̧ȩnä̧ ucuocu, ji'ähuinödo: —Esetätucui, Dios pitö suronä jȩpä̧tö̧rö̧ ö̧tä̧bo̧to̧mȩnä̧, ucuturu ö̧tä̧bo̧tö̧ juiyäcua'a̧nö̧, —pä'inödo Pedro.

Hechos 2:40 Referans Kwoze

Filipenses 2:15

Ukuturu suronä̧ pättü juiyünä̧ kka̧kuä̧tu̧kui̧, pi̧jä̧ ttü̧ja̧ suropätü ttü̧'kä̧tȩnä̧ ku̧ja̧kuä̧tu̧kua̧'a̧ttü̧, ukutumä̧ Dio i̧tti̧mü̧jä̧, isopäi'ünä̧ ukutumä̧ pi̧jä̧ttü̧mä̧ tejäwore kkȩdȩpa̧'a̧ jä̧'i̧nü̧'a̧nü̧ kka̧kuä̧tu̧kui̧.

1 Timoteo 4:16

Kua̧mü̧nä̧ pa̧ja̧tü̧'i̧nä̧ tta̧'a̧rä̧kuä̧wi̧ ja̧'wa̧ta̧nü̧ kkorotürü ku̧wo̧juȩtü̧mä̧ ttu̧'ȩpä̧rü̧nü̧ wo̧juȩti̧, o'kajuiyünä̧ adiwomȩnä̧tä̧ jȩpi̧. Ja̧'wa̧nü̧ jȩ'kuo̧mȩnä̧tä̧ ukutä'i̧nä̧, ku̧wo̧juȩtü̧ ä̧ju̧kuä̧tü̧'i̧nä̧ surojü jȩä̧kuä̧wä̧ttü̧mä̧ ttü̧ja̧kui̧'ä̧kuo̧tü̧.

Efesios 4:17

Ja̧'wa̧nü̧ ja̧'a̧ttü̧ ukuturu pä'üsä, Tu̧ru̧wa̧ i̧mi̧nä̧ jä'epünü̧: täkü, ukutumä̧ Dio-rü esetokotü ttü̧jü̧'a̧nü̧mä̧ ku̧ja̧kuä̧tu̧kuä̧, juätümä̧ ttamu̧kuäda'akutä surojü jȩpü̧ kka̧kuä̧tü̧,

2 Corintios 6:17

Ja̧'wa̧nü̧ ja̧'a̧ttü̧, Tu̧ru̧wa̧mä̧ pä'ü: «Juätüttümä̧ rä'opächü, 'kȩ'i̧pä̧chä̧tu̧kui̧, Surojümä̧ mȩkuä̧tu̧kuä̧, ja̧'wa̧nü̧ jȩ'kuä̧tu̧kuo̧mȩnä̧, Ttümä̧ chȩmä̧kuä̧u̧jä̧,»

San Mateo 17:17

Päku, Jesú-mä̧ ädätinü̧: —¡Isoo ukutumä̧ esetokotü, suropätü ttü̧ja̧jä̧! ¿Ti̧yȩnü̧bü päi'ünä̧ ukutukumä̧ chü̧jä̧kua̧'a̧jä̧ttü̧? ¿Ti̧yȩnü̧bütä kuesetätukuoka'amä̧ cha̧mi̧'kidächi'äkua'ajä̧ttü̧? Poku i'chächirü.

San Mateo 16:4

Surojü jȩpü̧ ukuotokotü ttü̧ja̧mä̧ jȩtto̧kü̧ jueitä jȩtta̧'a̧ totta pä'ätü; ja̧'wa̧nü̧ ja̧'a̧nä̧ jȩpä̧kuä̧wi̧yo̧ko̧tü̧ ttäkuotü ja̧'wa̧nü̧ ja̧jü̧jueimä̧ Joná-rü̧ 'kuäopinü̧tä̧ jiäkuäwäkuotü. Ja̧'wa̧nü̧ pä'ipütä i̧wi̧'i̧nü̧.

Gálatas 5:3

Pä'äjita'anü̧ pädäu̧jä̧: o'katoi'ünä̧ circuncisión pättü jȩpä̧kuä̧wä̧tü̧mä̧ weäwä wȩnȩ päümä̧ o'kajuiyünä̧tä̧ ttukuota pä'ü ja̧'a̧.

Hechos 28:23

Ja̧'wa̧nü̧ ja̧'a̧ttü̧, ji̧yȩtȩ mo̧ro̧ ttü̧ka̧ka̧kua̧ pä'ü, pätetü ttu̧ju̧nä̧ja̧'a̧ rekuätü ichinä̧tü̧ Pauru ü̧jodenä̧. Juodettü jiäwinä̧u̧ ru̧wa̧ Dio weü wȩnȩ yo̧ä̧i̧ ü̧jä̧mä̧dä̧ja̧'a̧mä̧ ni̧pä̧ro̧mȩbü päi'ünä̧. Pauru-mä̧ jiäwinä̧u̧ Moisé weäwä wȩnȩnä̧'i̧nä̧ ja̧'wa̧ta̧nü̧ profeta-tü̧ ttukuokuinü̧nä̧'i̧nä̧, jü̧nä̧; Jesú-ru tesetiyarü pä'ümä̧.

San Mateo 23:33

¡Ä̧ka̧tü̧tä̧ wotüjä̧! ¿Toku ku̧ja̧kui̧'ä̧tu̧kuä̧'kua̧'a̧jä̧ttü̧ beipokarä okuränä̧ tä̧bo̧kuä̧kuȩttü̧mä̧?

1 Pedro 5:12

Silvano, chi̧jä̧wa̧ a̧'kua̧ wȩnä̧rü̧ pädäkunä̧ ukuturu a̧'u̧ku̧nä̧tä̧ wȩyu̧tu̧ we'üsä, ro̧'ȩpü̧ ji'äu kkä̧nü̧, ja̧'wa̧ta̧nü̧ pi̧yȩ ja̧'a̧ isopäi'ünä̧ Dio mipponä̧ iyinü̧ ukutunä̧ kkü̧mä̧ pä'ü jidäwipa pä'ümä̧.

1 Tesalonicenses 2:11

Ja̧'wa̧ta̧nü̧ wo̧juä̧tü̧jä̧ ukutu ya̧ku̧nä̧rü̧mä̧ yabokutä eseunu̧ kui̧'chä̧tu̧kua̧ pä'ütä Jitäwä'i̧jä̧u̧jä̧, ya̧tȩ ttä'o jü̧nä̧ wa̧ i̧tti̧mü̧rü̧ täbotü ji̧'ä̧wä̧rü̧ jä'i̧nü̧'a̧nü̧.

2 Corintios 5:20

Ja̧'wa̧nü̧ ji̧na̧'a̧ttü̧, ujutumä̧ Crito i̧mi̧nä̧ jitäwiyarü pä'ü weinä̧u̧jä̧, Dio-mä̧ jitäu kuä̧ju̧kui̧yä̧tu̧kua̧rü̧ pä'ü. Ja̧'wa̧nü̧ ja̧'a̧ttü̧ Crito i̧mi̧nä̧ jä̧tȩpä̧u̧jä̧: Dio-ku eseku kuikuätukua pä'ü.

Hechos 20:24

Ja̧'wa̧nü̧ ja̧'a̧nä̧, cha̧'kua̧rü̧mä̧ ukuo te'äwoküsä, Chu̧ru̧wa̧ttü̧ chȩmi̧nü̧ chaditäwä, eseunu̧ kädäda pä'ütä amükuädüsä, Dio rettü iyinü jareü wȩnȩ ji'äunu̧.

San Lucas 21:36

Ja̧'wa̧nü̧ ja̧'a̧ttü̧, kuä'i'oka'a 'kuäopünä̧ Dio-rü ukuokui, pi̧yȩ 'kuäopä̧kuȩttü̧ kujuruku kki̧'i̧pü̧, ubo I̧tti̧ ä'ka jo̧mȩ kui̧jȩkuä̧kua̧'a̧nü̧.

San Marcos 8:38

Ja̧'wa̧nü̧ ja̧'a̧ttü̧ ya̧tȩ ttü chütü'kü'i̧nä̧, chi̧wȩnȩ'i̧nä̧, pitü ukuotokotü, suronä̧ jȩpä̧tü̧ ttü̧ja̧ ttä'ka jo̧mȩttü̧ udäpekuttümä̧ ja̧'wa̧nü̧ jü̧ta̧'a̧nü̧ Ttü Ubo I̧tti̧'i̧nä̧ chä'o uruwoku, á̧gȩrȩ-ku̧ chichomȩnä̧ chüdä̧pȩkuä̧kua̧sä̧ jua̧u̧rü̧mä̧.

Hechos 20:21

Judío-rü'i̧nä̧, griego-rü'i̧nä̧, ji'äwä'ijüsä Dio-ku ppa̧'ä̧chü̧, Tu̧ru̧wa̧ Jesucrito-rü tteseta pä'ümä̧.

San Juan 21:25

Ja̧'wa̧ta̧nü̧ Jesú-mä̧ kkoro'i̧nä̧ rü̧ȩnä̧ jȩpi̧nü̧; jua̧u̧ ji̧yȩku̧pü̧nä̧ tti̧wȩyu̧ti̧nü̧ttü̧mä̧, pi̧jä̧ o'kajuiyünä'i̧nä̧ kuyäru o'tämä̧ pa̧ja̧kuä̧cho̧ka̧ja̧'a̧ 'kua̧ra̧ja̧'a̧ pä'ü amükuädüsä.

Hechos 20:11

Ja̧'wa̧nü̧ jä̧jí̧ o'ka'a Pauru-mä̧, pä'äjita'anü̧ ju'tojuku 'cha'ächächäji̧'ka̧, ttukunä̧, iyä'chü kä'ädi'ü, mo̧ro̧ juoächa'abü päi'ünä̧ ukuokuinü̧. Ja̧'wa̧nü̧ jȩpi̧'i̧pü̧tä̧ rä'opächü i̧wi̧nü̧.

Hechos 20:9

Ja̧'wa̧nü̧ ja̧'a̧, ya̧tȩ mü̧ä̧ya̧ Eutico, ventana-nä̧ wi̧nü̧. Ja̧'wa̧nü̧ ja̧'a̧, Pauru rekuo ukuokuomȩnä̧ pü̧di̧ri̧jä̧chi̧'ä̧ku̧, ä'i'ü ma̧'ä̧chi̧nü̧, wäbodäkuä piso ja̧'a̧ttü̧, 'korupä'i'äjirütä ttäräbe'ünä̧.

Hechos 20:2

Juorümä̧ o'kajuiyünä̧ do'ächü ukuoku wo̧juȩtä̧ji̧'ka̧ Grecia rȩjȩra̧'a̧ rȩbȩwi̧nü̧.

Hechos 15:32

Ja̧'wa̧ta̧nü̧ Juda-mä̧, Sira-ku, profetas wotü ja̧'a̧, Jesucrito-rü esetätürü rü̧ȩnä̧ ji'äwinä̧tü̧ tteseäkuäwünä̧.

Hechos 10:42

Ja̧'wa̧nü̧ ja̧'a̧mä̧, jua̧u̧tä̧ weinä̧u̧jä̧ ttü̧ja̧rü̧ jitäwiyarü pä'ü; Jua̧u̧ru̧tä̧ Dio-mä̧ a̧'kua̧rä̧tü̧rü̧'i̧nä̧, wa'ü ikuinä̧tü̧rü̧'i̧nä̧ juez päi'ünä̧ ütinä̧ku̧ pä'ü.

San Mateo 12:34

¡Ä̧ka̧tü̧ tti̧tti̧mü̧ wotüjä̧! ¿toku kukuokuätukua'ajä̧ttü̧ adiwäjueimä̧, suropätü isotü kuätukua'amä̧? isopäi'ünä̧ tta̧mi̧'iso'kinä̧ rü̧ȩnä̧ ȩkü̧tä̧ ttänä̧mä̧ räopa'a.

San Lucas 16:28

jua'amä̧ chi̧jä̧wa̧tü̧ ji̧mü̧tȩnü̧ wotürü kku̧nä̧rü̧sä̧, jiäwiyattü pä'ü, po usurä ȩmä̧kuä̧wa̧'a̧ ttichü juiyäkua'anü̧.

Hechos 4:36

Ja̧'wa̧nü̧ jȩpi̧nü̧, ya̧tȩ Rewi isotü i̧sa̧, José pä'ü mi̧kua̧, Chipre i̧sä̧sa̧ kkä'kosä̧sa̧ i̧sa̧, Apótore-mä̧ Bernawé pä'ü ottinä̧ku̧ (Jua̧u̧ pä'ümä̧: A̧'u̧ ro̧ȩkuä̧ i̧tti̧ pä'ü päwä ji̧nü̧).