Hechos 2:11 - Nuevo Testamento Uwotjüja

¹¹ judío kkara'attü ichinä̧tü̧'i̧nä̧ ja̧'wa̧ta̧nü̧ Creta-ra̧'a̧ttü̧, Arabia-ra̧'a̧ttü̧ ichäkuäwotü'i̧nä̧ ti̧wȩnȩnä̧ ttukuokua'a ä̧ju̧kuä̧tü̧jä̧, ¡Dio üadiwämä̧!

Hechos 2:11 Referans Kwoze

1 Corintios 12:10

Kkorotürümä̧ iyü ttujuru'i̧nä̧, jȩtto̧kü̧ juei jȩtta̧ pä'ü'i̧nä̧; kkorotürütä iyü Dio i̧mi̧nä̧ jittäwa pä'ü'i̧nä̧. Yotüterümä̧ iyü epíritu-tu̧ yaparewätürü'i̧nä̧, isopäi'ünä̧ isotürü'i̧nä̧ ttu̧wo̧jua̧ pä'ü ja̧'wa̧ta̧nü̧ kkorotürümä̧ iyü kkorotü tti̧wȩnȩ wo̧juȩku̧nä̧ ttukuokua pä'ü'i̧nä̧; ja̧'wa̧ta̧nü̧ kkorotürümä̧ iyü, kkorotü tti̧wȩnȩnä̧ ttukuokuomȩnä̧ rä'epü iku jittäwa pä'ü'i̧nä̧.

Hebreos 2:4

Juätünä̧tä̧, Dio-mä̧ ji'äwinü̧ ttieruwü'i̧nä̧ tottünä̧ i̧jȩpü̧kkä̧nü̧, na̧nȩttü̧'i̧nä̧ aditü ikukkä̧nü̧, Epíritu Sa̧tu̧rü̧'i̧nä̧ iyinä̧u̧ a̧'kua̧ iweyenä̧tä̧.

Tito 1:12

Jitütä i̧sa̧ Greta kkä'ko i̧sä̧sa̧ttü̧ profeta pättäkumä̧ awaruwärü päinü̧: «Creta kkä'ko i̧sä̧sa̧ ttü̧ja̧mä̧ 'kuäopünä̧tä̧ yaparewätü, de'a isotü ttü̧ja̧kuȩi̧na̧'a̧nü̧ ttaditoka'anä̧ kuä̧nü̧tä̧ kka̧kuä̧tü̧ ja̧'wa̧ta̧nü̧ ütäwätü.»

Tito 1:5

Creta kkä'ko i̧sä̧sa̧nä̧ chu̧ju̧ni̧'i̧nü̧mä̧, adikuokü kka̧kui̧pi̧nü̧ kuadita pä'ü ja̧'wa̧ta̧nü̧ weinü̧'a̧kuä̧ ütawiyä pünä̧ Igresia-ttü tturuwotürü ku̧ju̧nä̧'cha̧ pä'ü chu̧ju̧ni̧'i̧nä̧ku̧jä̧.

Hechos 27:12

Ja̧'wa̧ta̧nü̧, juȩnȩ ttawaränä̧, a̧'ȩ 'kuättopü juiyünä̧ suroji̧yä̧u̧, o'katoi'ünä̧ amükuädinä̧tü̧, juorü rä'opächü tti̧'cha̧ pä'ü Fenice ütawiyä ttawaränä̧ 'kuättopäkua'anü̧, a̧'ȩmä̧. Fenice-mä̧ juȩnȩtä̧ Creta kkä'ko i̧sä̧sa̧nä̧ kki̧'i̧na̧'a̧, juorütä kkä̧wa̧ räopa'aku'i̧nä̧, ma̧ä̧cha̧'a̧ku̧'i̧nä̧ rättopa pä'ü adiwomȩ ja̧'a̧ttü̧.

Hechos 27:7

Rekuo mo̧ro̧ a̧'kuo̧pa̧ja̧'a̧ 'chä̧jä̧'kotü, usurä ȩmä̧u̧nu̧ 'chä̧wi̧'i̧nä̧tü̧jä̧ Cnido ütawiyä pä̧tȩkuä̧nü̧ jo̧mȩ. Ja̧'wa̧nü̧ ja̧'a̧nä̧, ji̧nä̧ kkä̧rü̧'ko̧wä̧u̧ Creta kkä'ko i̧sä̧sa̧ aboja̧'a̧ku̧nä̧ wi̧sä̧ti̧'ü̧ 'kuä'o'inä̧tü̧jä̧, Salmona kkä'ko i̧sä̧sa̧ pä̧tȩkuä̧nü̧ jo̧mȩnä̧.

Gálatas 4:25

Aga-rümä̧ wȩnȩkuä̧cha̧'a̧ Sinaí mü̧ä̧'ka Arabia rȩjȩnä̧ kkä'kanä̧, jitämä̧ Jerusarȩ́ ütawiyänä̧, jua'amä̧ kki̧tti̧mü̧ku̧tä̧ ttu̧wo̧juȩtä̧u̧ esclavo jü̧nä̧ kkü̧ja̧'a̧ttü̧.

Gálatas 1:17

ja̧'wa̧ta̧nü̧ Jerusarȩ́-ra̧'a̧'i̧nä̧, chä'kanä̧ Apótore-rümä̧ topü 'cho̧kü̧ pinü̧sä̧; ja̧'wa̧nü̧ jo̧ka̧'a̧ Arabia rȩjȩra̧'a̧tä̧ i̧u̧ i̧wi̧nü̧'ka̧, Damasco-ra̧'a̧tä̧ pä'äjita'anü̧ ppa̧'ä̧chi̧nü̧sä̧.

1 Corintios 12:28

Dio-mä̧, igresia-nä̧mä̧ kku̧ni̧nü̧, ä̧kuo̧mȩnä̧mä̧ apótore pä̧ttä̧u̧ru̧; juȩnȩ o'komȩnä̧mä̧, profetas pättä̧u̧ru̧; wäbodäkuä päi'ünä̧mä̧ wo̧juȩkuä̧ isotürü; jua̧u̧ o'komȩnä̧mä̧ jȩtto̧kü̧ juei jȩpä̧tü̧rü̧; kkorotümä̧ na̧'ä̧chä̧tü̧rü̧ aditü ikuätürü'i̧nä̧; kkorotümä̧ ppädäkuäwä isotürü'i̧nä̧; kkorotümä̧ juȩpä̧rä̧kuä̧wä̧ isotürü'i̧nä̧ ja̧'wa̧ta̧nü̧ kkorotümä̧ kkorotü tti̧wȩnȩ wäjuönä̧ ukuokuätürü'i̧nä̧.

Hechos 2:10

Frigia ttü̧ja̧ tti̧wȩnȩnä̧'i̧nä̧, Panfilia ttü̧ja̧ tti̧wȩnȩnä̧'i̧nä̧, Egito ttü̧ja̧ tti̧wȩnȩnä̧'i̧nä̧, África ttü̧ja̧ tti̧wȩnȩnä̧'i̧nä̧, Cirene yabo Ribia rȩjȩku̧ ttü̧ja̧ tti̧wȩnȩnä̧'i̧nä̧. Ja̧'wa̧ta̧nü̧ Roma ttü̧ja̧ pȩnȩ́ kka̧kuä̧tü̧ tti̧wȩnȩnä̧'i̧nä̧;

Hechos 2:12

Ja̧'wa̧nü̧ ji̧yä̧u̧ o'katoi'ünä̧, to̧o̧ to̧pä̧rä̧kuä̧u̧ pä'äkuäwinä̧tü̧: —¿Toku pä'ü ja̧'a̧jä̧ttü̧ pi̧yȩmä̧?

Hechos 27:13

Kkä̧rü̧'koppamä̧ kkä̧wa̧ ü'oweja'a̧ku̧nä̧ttü̧ a̧'u̧ku̧nä̧tä̧ kkä̧rü̧'ko̧wi̧yä̧u̧, woi'ka u̧ru̧wa̧mä̧ ti̧'cha̧ pä'ü adiwa'akü̧ pä'ü amükuädinä̧tü̧. Ja̧'wa̧nü̧ pä'ü tta̧mü̧kuäda'attü̧ Creta jäyänä̧ 'chi̧nä̧tü̧jä̧.