Hechos 2:10 - Nuevo Testamento Uwotjüja

¹⁰ Frigia ttü̧ja̧ tti̧wȩnȩnä̧'i̧nä̧, Panfilia ttü̧ja̧ tti̧wȩnȩnä̧'i̧nä̧, Egito ttü̧ja̧ tti̧wȩnȩnä̧'i̧nä̧, África ttü̧ja̧ tti̧wȩnȩnä̧'i̧nä̧, Cirene yabo Ribia rȩjȩku̧ ttü̧ja̧ tti̧wȩnȩnä̧'i̧nä̧. Ja̧'wa̧ta̧nü̧ Roma ttü̧ja̧ pȩnȩ́ kka̧kuä̧tü̧ tti̧wȩnȩnä̧'i̧nä̧;

Hechos 2:10 Referans Kwoze

Hechos 16:6

Frigia rȩjȩnä̧'i̧nä̧, Galacia rȩjȩnä̧'i̧nä̧ 'kuättopomȩnä̧ Epíritu Sa̧tu̧mä̧, Dio i̧wȩnȩ jittäu juiyünä̧ päinä̧u̧ Asia-nä̧mä̧.

Hechos 18:23

Juȩnȩ a̧'u̧kua̧'a̧tä̧ kkä̧ji̧'ka̧, esetinä̧tü̧rü̧ yaboku wo̧juȩtü̧ 'chä̧nü̧ rä'opinü̧ Galacia rȩjȩnä̧'i̧nä̧ ja̧'wa̧ta̧nü̧ Frigia rȩjȩnä̧'i̧nä̧, ji̧yȩku̧pü̧nä̧.

Hechos 15:38

Ja̧'wa̧nü̧ ja̧'a̧nä̧, Pauru-rümä̧ adiwoka'a ji̧na̧'a̧, jua̧u̧ru̧ ȩpa̧ pä'ümä̧, aditü kuettächomȩnä̧ Panfilia rȩjȩra̧'a̧ttü̧ ji̧'ȩ'ü̧ i̧wi̧'i̧nä̧u̧ ja̧'a̧.

Hechos 13:43

Ttü̧ja̧rü̧ we'ü ttikuäji o'ka'a, rekuätü judío'i̧nä̧, judío pokotü'i̧nä̧ Pauru-ku, Bernawé-ku 'chi̧nä̧tü̧. Ja̧'wa̧nü̧ ja̧'a̧ juätürü ro̧'ȩpi̧nä̧tü̧, 'kuättächi'oka'a Dio re ü̧jü̧ jäwä ttesetäjinä̧ tti̧'cha̧ pä'ü.

Hechos 13:13

Pauru-mä̧ awaruwäku Pafo-ttü pä̧mä̧dä̧jä̧'kotümä̧, Perge pä'ü mi̧kuomȩ, Panfilia rȩjȩra̧'a̧ rȩbȩä̧kuä̧wi̧'i̧nä̧tü̧; ja̧'wa̧nü̧ ja̧'a̧nä̧ Ju̧a̧-mä̧ juätü ttü̧ja̧kui̧'a̧'a̧nä̧ Jerusarȩ́-ra̧'a̧ ppa̧'ä̧chä̧chi̧nü̧.

2 Timoteo 1:17

Ja̧'wa̧nü̧ ja̧jü̧jueimä̧ Roma ütawiyänä̧ ichi'üta̧'a̧nü̧ 'kuächi'oka'a yotäku kkä̧mä̧dü̧ usinä̧ku̧sä̧, ü̧'o̧kui̧'o̧mȩbü päi'ünä̧.

Romanos 1:15

Ja̧'wa̧nü̧ ja̧'a̧ttü̧, ttütämä̧ jitätä ja̧'a̧ chicha pä̧wä̧rü̧jä̧ku̧sä̧ Roma-ra̧'a̧ ukuturu jareü wȩnȩ jidäwa pä'ü.

Hechos 27:5

Ciricia rȩjȩ'i̧nä̧, Panfilia rȩjȩ'i̧nä̧ pä̧tȩkuä̧nü̧ 'kuä'opäjä'kotü Mira ütawiyä, Ricia rȩjȩnä̧ rȩbȩä̧kuä̧wi̧'i̧nä̧tü̧jä̧.

Hechos 14:24

Ja̧'wa̧nü̧ ja̧'a̧ Pisidia rȩjȩnä̧ 'kuä'opü, Panfilia rȩjȩnä̧'i̧nä̧ rȩbȩä̧kuä̧wi̧nä̧tü̧.

Hechos 11:20

Ja̧'wa̧nü̧ ja̧'a̧nä̧, juätüttü 'kä̧wi̧na̧'a̧, Chipre ttü̧ja̧ttü̧ a̧'u̧ku̧nä̧'i̧nä̧ ja̧'wa̧ta̧nü̧ Cirene ttü̧ja̧ttü̧'i̧nä̧, jü̧nä̧; Antioquía-ra̧'a̧, Judío pokotürü Jesucrito jäwä, jareü wȩnȩ ji'äwinä̧tü̧mä̧.

San Marcos 15:21

Ja̧'wa̧nü̧ ja̧'a̧, Simón pä'ü mi̧kua̧, Cirene ttü̧ja̧sa̧, Alejandro'i̧nä̧, Rufo'i̧nä̧ ttä'orü pättara̧'a̧ttü̧ ppa̧'ä̧chü̧ juȩnȩnä̧ 'kuäopa'a ja̧'a̧. Jua̧u̧ru̧, ra̧wärü̧nü̧ we'inä̧tü̧, ü̧jo̧kä̧nü̧ kkä̧nü̧ toe'ächäkuäi ȩpi̧ya̧rü̧ pä'ü.

San Mateo 27:32

Juorü rättopomȩnä̧ Cirene ütawiyä ttü̧ja̧sa̧ Simón pä'ü mi̧kua̧rü̧ po̧kui̧po̧'ü̧ Jesú-ru pȩ'o̧pü̧ ttu̧ju̧nä̧kuäi ü̧jo̧kä̧jäi ȩpü̧nä̧ wettinä̧ku̧.

Apocalipsis 11:8

Juätü kuä'äu i̧kuä̧jä̧u̧ o'kotümä̧, ütawiyä bäreu mä̧ni̧yä̧nä̧ ttü'ȩjä̧kuo̧tü̧, epíritu jäwänä̧mä̧ Sodoma, Egito pä'ü mi̧kuomȩ, ujutu Tu̧ru̧wa̧rü̧ ü̧jo̧kä̧nü̧ jäinä̧ kuä'ü ttikuino̧mȩ.

Romanos 1:7

Ukutu Roma-nä̧ kka̧kuä̧tü̧ o'katoi'ünä̧, Dio surojü juiyünä̧ ku̧jä̧tu̧kua̧ pä'ü pojopü ȩmi̧nä̧u̧ru̧ pä'üsä: Jä'o Dio ja̧'wa̧ta̧nü̧ Tu̧ru̧wa̧ Jesucrito iyü adiwä juei wȩnȩ juiyü kkä̧tu̧kua̧ku̧ pä'üsä.

Hechos 28:15

Roma ütawiyä isotü tawaruwä tü̧jä̧wa̧tü̧mä̧ ticha'a ukuowa'a ttäju̧kuä̧ja̧'a̧ttü̧ topü tti̧chi̧nä̧u̧jä̧ Foro de Apio pättomȩbü ja̧'wa̧ta̧nü̧ Tres Tabernas mi̧kuomȩbü. Juätürü topü, Pauru-mä̧ Dio-rü eseunu̧ a̧'kua̧ adiwächi'inä̧ku̧.

Hechos 18:2

Juorümä̧, ya̧tȩ judío i̧sa̧ ja̧'a̧nä̧, Ponto rȩjȩttü̧ uwäpächinü̧rü̧ topinü̧, Aquira pä'ü mi̧kua̧rü̧, irekua Priscira-ku Itaria rȩjȩra̧'a̧ttü̧ i̧rȩbȩwi̧'ä̧ja̧'a̧. Jua'amä̧ Roma-ttü̧ rättopächäja'a ji̧na̧'a̧, emperador Claudio judío-rümä̧ o'katoi'ünä̧rü̧ rättopächa pä'ü weomȩttü̧. Ja̧'wa̧nü̧ ichäjätürü Pauru-mä̧ do'ächü 'chi̧nü̧.

Hechos 13:1

Antioquía ütawiyättü igresia jü̧nä̧ wotükumä̧, profeta'i̧nä̧, wo̧juȩkuä̧ isotü'i̧nä̧ kka̧kui̧nä̧tü̧. Juätümä̧ Bernawé'i̧nä̧, Simón-ja̧'a̧nä̧ (Niger pättinä̧ku̧'i̧nä̧), Cirene i̧sa̧ Ruciu'i̧nä̧, Herode Antipas-ku püttächinü̧ Menahem'i̧nä̧, Sauro'i̧nä̧ ji̧na̧'a̧.

Hechos 6:9

Ja̧'wa̧nü̧ ja̧'a̧ libertos ttü̧ka̧ka̧kuode sinagoga-ttü, Cirene ttü̧ja̧'i̧nä̧, Alejandría ttü̧ja̧'i̧nä̧, Ciricia ttü̧ja̧'i̧nä̧ ja̧'wa̧ta̧nü̧ Asia rȩjȩ ttü̧ja̧'i̧nä̧ Esteba̧-ku̧ pä'ä'winätü̧;

Hechos 6:5

Ja̧'wa̧nü̧ pättomȩnä̧ o'katoi'ünä̧ tteseunä̧ ji̧na̧'a̧; ja̧'wa̧nü̧ ja̧'a̧ Esteba̧-rü̧ ȩmi̧nä̧tü̧, Dio-rü a̧'kua̧ wȩnä̧rü̧rü̧ ja̧'wa̧ta̧nü̧ Epíritu Sa̧tu̧ jäwä jo̧mȩnü̧ wa̧rü̧, Felipe-rü'i̧nä̧, Prócoro-rü'i̧nä̧, Nicano-rü'inä̧, Timón-rü'i̧nä̧, Pármena-rü'i̧nä̧, Nicorá Antioquía-ra̧'a̧ttü̧ ichinü̧rü̧'i̧nä̧, jü̧nä̧.

San Mateo 2:15

Jua'atätä kku̧nä̧ri̧nü̧ Herode 'korupäi'omȩbü päi'ünä̧. Ja̧'wa̧nü̧ jo̧mȩnä̧, Tu̧ru̧wa̧ profeta-nä̧ ukuokuinü̧ta'anü̧ 'kuäopina̧'a̧, jua̧u̧mä̧ pa̧'a̧nü̧ pä'inü̧: «Egito-ttü chi̧tti̧rü̧mä̧ wopinü̧sä̧.»

Hechos 23:11

Kkoro yodó, Tu̧ru̧wa̧mä̧ Pauru-rü i̧jȩku̧, pä'inü̧: «Pauru kua̧'kua̧ tta̧kuȩkuä̧, porü Jerusarȩ́-ttü̧ Ttü chütü'kü jikuäwäjita'anü, Roma ütawiyättü'i̧nä̧ kukuokua pä'ü rekuä rü̧ja̧'a̧.»

San Mateo 23:15

¡Isottü̧ ukutuwe! weäwä wȩnȩ wo̧juȩtä̧tü̧mä̧ ja̧'wa̧ta̧nü̧ fariseo wotümä̧ ä'koyättütä esetätüjä̧, ukutumä̧ rȩjȩnä̧'i̧nä̧, rü̧ä̧ ajenä̧'i̧nä̧ kue'ächätüjä̧ ukuturu esetürü ku̧'o̧kui̧'ä̧tu̧kua̧ pä'ü. Ja̧'wa̧nü̧ jȩpü̧ ku̧'o̧kui̧'ä̧tu̧kuä̧ku̧ru̧mä̧ ukututtü'i̧nä̧ yabonä̧nü̧ todäre jo̧mȩnä̧ okurä ä̧tȩkua̧ jü̧nä̧ juo'epätüjä̧.

Hechos 2:11

judío kkara'attü ichinä̧tü̧'i̧nä̧ ja̧'wa̧ta̧nü̧ Creta-ra̧'a̧ttü̧, Arabia-ra̧'a̧ttü̧ ichäkuäwotü'i̧nä̧ ti̧wȩnȩnä̧ ttukuokua'a ä̧ju̧kuä̧tü̧jä̧, ¡Dio üadiwämä̧!

Hechos 17:21

(Jua'amä̧ Atenas ttü̧ja̧mä̧ ja̧'wa̧ta̧nü̧ kkara'attü ichäkuäwotü'i̧nä̧ o'katoi'ünä̧, jareü wȩnȩtä̧ ä̧ju̧ku̧, ukuokuäkuäwätä ttüjü'ka'attü ji̧na̧'a̧).