Hechos 19:6 - Nuevo Testamento Uwotjüja

⁶ Ja̧'wa̧nü̧ ja̧'a̧ Pauru-mä̧ juätürü u̧mü̧nä̧ mȩ'ü̧ Dio-rü ukuokuomȩnä̧, Epíritu Sa̧tu̧mä̧ juätürü kkä̧mä̧di̧nü̧; ja̧'wa̧nü̧ päi'omȩnä̧ tti̧wȩnȩ jo̧kü̧nä̧ ukuokuinä̧tü̧ profetas 'kua̧rü̧nä̧.

TÄ̧DO Ä̧CUÄ̧ I̧HUȨNȨ

⁶ Pablo jahuätörö u̧mö̧nä̧ mȩo̧mȩnä̧, Espíritu Santo ö̧jä̧mä̧di̧nä̧u̧do. Ja̧'hua̧ta̧nö̧ korotö tti̧huȩnȩ ucuocuinätödo. Dios jahuätörö iyäjimä ji'ähuinätödo.

Hechos 19:6 Referans Kwoze

Hechos 6:6

Ja̧'wa̧nü̧ ttȩmä̧jä̧u̧ru̧mä̧, apótore ttü̧ja̧kua̧'a̧ku̧ ttȩpä̧ja̧'a̧ ttu̧mü̧ mȩ'ü̧ Dio-rü ttukuokuinä̧u̧.

Hechos 2:4

Ja̧'wa̧nü̧ päi'omȩnä̧ Epíritu Sa̧tu̧ jäwä jo̧mȩnü̧ pätti'a'attü, kkorotü tti̧wȩnȩnä̧ ukuokuinä̧tü̧; Epíritu ttukuokua pä'ü iyü'akuä̧.

1 Timoteo 5:22

Ya̧tȩrü̧ Dio i̧wȩnȩ adita pä'ü we'ü ku̧mü̧ mȩ'ü̧ kukuokuäkua'a ä'kanä̧ adiu amükuädü topi. Isopäi'ünä̧ jua̧u̧ suronä̧ jȩo̧mȩnä̧ kui̧wȩnȩkuä̧chü̧ juiyäkua'anü̧, kua̧mü̧nä̧ pa̧ja̧tü̧tä̧ surojüttümä̧ 'kȩ'i̧pä̧chi̧.

San Marcos 16:17

Ja̧'wa̧ta̧nü̧ esetätümä̧, pi̧yȩ tottünä̧ jȩttä̧kuo̧tü̧: Ttü chi̧mi̧nä̧mä̧ epíritu suropätürü'i̧nä̧ rä'epä'chü ttikua'anä̧, jareü wȩnȩ'i̧nä̧ ttukuokuäkuotü;

2 Timoteo 1:6

Ja̧'wa̧nü̧ ja̧'a̧ttü̧ kunä̧ chu̧mü̧ mȩ'ü̧ Dio-rü chukuokuokuomenä̧ ukuru Dio mippoünä̧ iyinü okurä jä̧'i̧nü̧'a̧nü̧ jü̧nä̧ kkä̧wi̧ pä'ü wedäkujä̧.

Hechos 9:17

Ja̧'wa̧nü̧ weäjäku, Ananía-mä̧, isodenä̧ do'ächi'ü, jua̧u̧ru̧ u̧mü̧ mȩ'ü̧ pä'inü̧: —Cha̧wa̧ru̧wa̧ chi̧jä̧wa̧ Sauro, uku mä̧nä̧nä̧ kuichomȩnä̧ i̧jȩkuä̧ji̧, Tu̧ru̧wa̧ Jesú weäjäkusä kui'äre pä'äjita'anü̧ to'kua pä'ü'i̧nä̧ ja̧'wa̧ta̧nü̧ Epíritu Sa̧tu̧rü̧ jo̧mȩnü̧ päkui'a pä'ü'i̧nä̧, jü̧nä̧.

Hechos 19:7

Juätü o'katoi'ünä̧mä̧ ttü̧jä̧pü̧ttü̧ ta̧ju̧nü̧ jo̧mȩnä̧ ji̧na̧'a̧, u̧mä̧tü̧mä̧.