Hechos 19:25 - Nuevo Testamento Uwotjüja

²⁵ Ja̧'wa̧nü̧ ja̧'a̧, jua̧u̧mä̧ chutä jü̧ta̧'a̧nü̧ juatäjuei aditä'ijätürü ka̧ka̧to̧'ü̧ pä'inü̧: Chawaruwä, ukutumä̧ wo̧juä̧tü̧jä̧, pi̧yȩttü̧tä̧ aditü tü̧ja̧kuä̧'i̧ja̧'a̧mä̧.

TÄ̧DO Ä̧CUÄ̧ I̧HUȨNȨ

²⁵ Jahuätö aditätörö, ja̧'hua̧ta̧nö̧ korotö aditätörö'inä ca̧ca̧tö̧ pä'inödo Demetrio: —Chahuaruhuä, ucutu huo̧juä̧tö̧jä̧ pi̧yȩ taditähuä taditomenä, pärätä rö̧ȩnä̧ ȩmä̧tö̧jä̧.

Hechos 19:25 Referans Kwoze

Hechos 16:19

Ja̧'wa̧nü̧ päi'omȩnä̧ kkuruwotümä̧, pärätä ttȩmä̧'i̧ja̧'a̧ juiyächipä̧u̧ Pauru-rü'i̧nä̧, Sira-rü'i̧nä̧, 'chu'ädo'ü dotto'inä̧u̧ ütawiyä kkä'ko ukuo isomȩku̧, ruwotü ttä'ka jo̧mȩku̧.

Apocalipsis 18:3

Ja̧'wa̧ta̧nü̧ ruwäkuiyä pa̧ja̧ku̧nä̧, juäjutäku kkü̧ä̧nä̧wo̧tü̧rü̧ eseäkuäwinä̧tü̧; Ja̧'wa̧ta̧nü̧tä̧ pi̧jä̧nä̧ttü̧ ruwotü'i̧nä̧ jȩpi̧nä̧tü̧, «Pi̧jä̧ttü̧ ruwotümä̧ juäjuttütä ruwotü juo'inä̧tü̧, pä̧wä̧rü̧jü̧, ttidepä weü ȩmü̧, iso juottepa pä'ümä̧.»

2 Pedro 2:3

Pärätä tta̧'kua̧ ro'ekumä̧, ukuturu kuesetipätukunä̧ ttu̧wo̧juȩtä̧kuo̧tü̧jä̧; ja̧'wa̧nü̧ ja̧'a̧nä̧ usurä ttȩmä̧u̧nä̧ päwi'ino̧mȩ tta̧wä̧rä̧u̧, ja̧'wa̧nü̧ ja̧'a̧ttü̧ mo̧tä̧ päi'ünä̧ usurä ttȩmä̧wä̧kuo̧tü̧ pä'ü kku̧nä̧wo̧tü̧.

Hechos 19:24

Ya̧tȩ Demetrio pättäku, pärätättü adikuä i̧sa̧ pinü̧. Jua̧u̧mä̧ pärätättü ttü̧ä̧nä̧wa̧ju̧ Artemisa-rü ukuokuäkuäwode jü̧'a̧kuä̧ a̧di̧tä̧rü̧ iyinü̧, jua̧u̧ru̧ ppä'ädä̧rä̧tü̧mä̧ pärätä rü̧ȩnä̧ ȩmi̧nä̧tü̧.

Hechos 19:26

Ja̧'wa̧nü̧ ja̧'a̧nä̧ ukutu to'kuätukutämä̧ ja̧'wa̧ta̧nü̧ kuä̧ju̧kuä̧tu̧ku̧tä̧mä̧, pide Pauru pä'a ä̧ju̧kuä̧tü̧jä̧, ttu̧mü̧ttü̧ adikuotü ttü̧ä̧nä̧wa̧tü̧mä̧, ttü̧ä̧nä̧wa̧tü̧mä̧kü̧, jü̧nä̧; suro, porü Éfeso ütawiyättütämä̧kü̧, Asia rȩjȩnä̧'i̧nä̧ o'kajuiyünä̧tä̧ rekuätü esetü ttikunä̧ jȩa̧'a̧mä̧.