Hechos 19:21 - Nuevo Testamento Uwotjüja

²¹ Pi̧yȩ 'kuäopäji o'ka'a, Pauru-mä̧ amükuädinü̧ Jerusarȩ́-ra̧'a̧ i̧'cha̧ pä'ü, jua'a 'chä̧nü̧ kkä̧nü̧mä̧, Macedonia rȩjȩnä̧'i̧nä̧, Acaya rȩjȩnä̧'i̧nä̧ 'kuäopa pä'inü̧. Ja̧'wa̧nü̧ juorü Jerusarȩ́-ttü̧ kkä̧nü̧mä̧ Roma-ra̧'a̧ i̧'cha̧ pä'ü amükuädinü̧.

TÄ̧DO Ä̧CUÄ̧ I̧HUȨNȨ

²¹ Ja̧'hua̧nö̧ 'cuäopäji o'ca'a Pablo Macedonia rȩjȩttö̧'i̧nä̧, Acaya rȩjȩttö̧'i̧nä̧ 'cuä'opö Jerusalén ötahuiyära̧'a̧ i̧'cha̧ pä'ö amöcuädinödo. Pä'inödo: —Ä'canä Jerusalén ötahuiyära̧'a̧ chi̧'chä̧cua̧sä̧. Ju̧huȩnȩ o'comenä, Roma ötahuiyära̧'a̧ chi̧'chä̧cua̧sä̧.

Hechos 19:21 Referans Kwoze

Hechos 20:22

Ja̧'wa̧nü̧ ja̧'a̧nä̧, jitämä̧ Epíritumä̧ wea'attü̧, Jerusarȩ́ ütawiyära̧'a̧ 'chü̧sä̧, juorü 'kuäopäkuȩmä̧ chieruwa'anä̧.

Hechos 20:16

Ja̧'wa̧nü̧ 'chi̧nä̧tü̧jä̧, Pauru-mä̧ Jerusarȩ́-nä̧ Pentecostés pä'käri kka̧'a̧ i̧'chi̧'a̧ pä'ü amükuäda ja̧'a̧, Éfeso-mä̧ 'kuä'o'ütä, Asia rȩjȩttü̧ rekuo päi'ü'anü̧ ji̧yä̧ku̧.

Hechos 23:11

Kkoro yodó, Tu̧ru̧wa̧mä̧ Pauru-rü i̧jȩku̧, pä'inü̧: «Pauru kua̧'kua̧ tta̧kuȩkuä̧, porü Jerusarȩ́-ttü̧ Ttü chütü'kü jikuäwäjita'anü, Roma ütawiyättü'i̧nä̧ kukuokua pä'ü rekuä rü̧ja̧'a̧.»

Romanos 1:13

Ja̧'wa̧nü̧ ja̧'a̧nä̧ chawaruwä chü̧jä̧wa̧tü̧ ku̧wo̧juä̧tu̧kua̧ pä'üsä, do'ächü chicha pä'ü jȩcha̧'a̧nä̧, do'ächü chichü juiyünä̧ weyekuä'ijüsä. Ji̧nä̧somä̧ kkorotü judío pokotürü jä̧'i̧jü̧ta̧'a̧nü̧ ukutunä̧'i̧nä̧ u̧wä̧ju̧ chu̧ju̧nä̧ra̧ pä'ü.

Hechos 18:21

te'äwi'ipütä päinä̧u̧: «Dio-rü pä̧wä̧rü̧jo̧mȩnä̧ jü̧ttü̧tä̧, pä'äjita'anü̧mä̧ do'ächü chichäkuä̧u̧jä̧,» jitämä̧ Jerusarȩ́-ra̧'a̧ pä'kärinä̧ chü̧ja̧ pä'ü jä̧ku̧sä̧. Pä'ipütä, Éfeso ütawiyära̧'a̧, woi'kanä̧ 'chi̧nü̧.

1 Tesalonicenses 1:7

Ja̧'wa̧nü̧ jȩ'kuä̧tu̧kuo̧mettü̧, Macedonia rȩjȩnä̧ kka̧kuä̧tü̧'i̧nä̧, Acaya rȩjȩnä̧ kka̧kuä̧tü̧'i̧nä̧, Crito-rü esetätümä̧ o'katoi'ünä̧tä̧ ukutu jȩ'kuä̧tu̧ku̧mä̧ jȩpä̧tü̧.

Gálatas 2:1

Jua̧u̧nü̧ ji̧na̧'a̧ttü̧mä̧, ttü̧jä̧pü̧ttü̧ pa̧ja̧kuä̧nü̧ a̧'ȩ 'kuäopinü̧ o'ka'a, pä'äjita'anü̧ Jerusarȩ́-ra̧'a̧ Bernawé-ku 'chä̧nü̧, Tito-rü'i̧nä̧ o'ipinü̧sä̧.

1 Corintios 16:5

Jua'amä̧ chichi'äkua̧sä̧, Macedonia rȩjȩnä̧ 'kuä'opi'ü'ka̧tä̧, Macedonia-nä̧ 'kuädopa pä'ü'i̧nä̧ rekuä rü̧ja̧'a̧ttü̧, juȩnȩ o'komȩnä̧ Corinto-ra̧'a̧ chi̧rȩbȩwi̧'a̧ pä'ümä̧.

Romanos 1:15

Ja̧'wa̧nü̧ ja̧'a̧ttü̧, ttütämä̧ jitätä ja̧'a̧ chicha pä̧wä̧rü̧jä̧ku̧sä̧ Roma-ra̧'a̧ ukuturu jareü wȩnȩ jidäwa pä'ü.

Hechos 28:16

Roma ütawiyänä̧ ti̧rȩbȩwi̧'ä̧ja̧'a̧mä̧, su̧ro̧do̧u̧ ttu̧ru̧wa̧mä̧ Pauru-rü we'inü̧, i̧mi̧ku̧nä̧ ü̧jü̧nä̧ ya̧tȩ su̧ro̧do̧u̧ i̧sa̧tä̧ tta̧wä̧ra̧'a̧nä̧.

Hechos 27:24

Jua̧u̧mä̧ pä'äji: Pauru, yekuekuä; ukumä̧ Roma ütawiyä ru̧wa̧ emperador ä'ka kui̧'cha̧ pä'ü rekuä rü̧ja̧'a̧. Ja̧'wa̧ta̧nü̧ ukuku 'chä̧tü̧rü̧mä̧ o'katoi'ünä̧ totte'ächü juiyünä̧tä̧ jȩpä̧ji̧ Dio-mä̧.

Hechos 27:1

Täkü ujuturu, Itaria rȩjȩra̧'a̧ we'ü ttikuomȩmä̧, Pauru-rü'i̧nä̧, kkorotürü'i̧nä̧ kärenä̧ pȩjä̧tü̧rü̧mä̧, su̧ro̧do̧u̧ ttu̧ru̧wa̧ Juriu pä'ü mi̧kua̧, emperador u̧mü̧wä̧ya̧ u̧mü̧nä̧ we'inä̧tü̧.

Hechos 21:17

Jerusarȩ́ ütawiyära̧'a̧ ti̧'chi̧'o̧mȩnä̧, tawaruwä ti̧jä̧wa̧tü̧mä̧ eseunü̧tä̧ dottädinä̧u̧jä̧.

Hechos 21:4

Juorümä̧ Jesucrito-rü esetätürü po̧kui̧pü̧, juätütäku kki̧'i̧'o̧po̧'i̧nä̧tü̧jä̧ kko̧ro̧mü̧ttü̧nü̧ todäre mo̧ro̧ jo̧mȩnä̧tä̧; ja̧'wa̧nü̧ ja̧'a̧ juätümä̧, Epíritu jiäwä̧u̧, Pauru-rü ji'äwinä̧tü̧ Jerusarȩ́-ra̧'a̧ i̧'chü̧ juiya pä'ü.

Hechos 18:12

Ja̧'wa̧nü̧ ja̧'a̧nä̧ Acaya rȩjȩnä̧mä̧, Galió̧ pä'ü mi̧kua̧ Gobernador weü pä̧nä̧ ja̧'a̧, judío-mä̧ Pauru-rü suronä̧ amükuädü 'chu'ädäjä'kotü ruwotü tribunal pä̧ttä̧u̧ ttä'ka jo̧mȩku̧ ȩpä̧jä̧'kotü,

Hechos 16:12

Juorü kkä̧nü̧mä̧ Filipo ütawiyära̧'a̧ 'chi̧nä̧tü̧jä̧, Macedonia rȩjȩttü̧ ukuo isomȩ ja̧'a̧, Roma ttü̧ja̧ ttü̧ja̧kuo̧mȩ; juȩnȩmä̧ a̧'u̧ku̧nä̧tä̧ mo̧ro̧ kka̧kui̧nä̧tü̧jä̧.

Hechos 19:22

Ja̧'wa̧nü̧ pä'ü Macedonia rȩjȩra̧'a̧ we'inü̧, churutä ppä'ädä̧rä̧'i̧jä̧tü̧ ta̧ju̧ru̧, Timoteo-rü'i̧nä̧, Erasto-rü'i̧nä̧, jü̧nä̧, chutämä̧ ji̧nä̧ a̧'u̧ku̧nä̧ mo̧ro̧, Asia-nä̧ ü̧ji̧pa̧'a̧nä̧.

Hechos 19:29

Ja̧'wa̧nü̧ päi'omȩnä̧, ütawiyämä̧ juo'eku ra̧wä̧ri̧pi̧nä̧tü̧. Ja̧'wa̧nü̧ 'kuäopa'anä̧, kkorotümä̧ Pauru awäruwä Macedonia-ra̧'a̧ttü̧ ichäjätü, Gayo-rü'i̧nä̧, Aritarco-rü'i̧nä̧, 'chu'ädü do'inä̧tü̧ teatro pättomȩku̧.

Romanos 1:11

Isopäi'ünä̧ ukuturu tochächa pä'üsä, Epíritu jäwä, iyinü̧ jidäwätukuaku pä'ü, yaboku 'kiyünä̧ ku̧jä̧kuä̧tu̧kuä̧kua̧'a̧nü̧;

1 Corintios 4:19

Ja̧'wa̧nü̧ ja̧'a̧nä̧, Chu̧ru̧wa̧rü̧ pä̧wä̧rü̧jü̧ttü̧mä̧, a̧'u̧kua̧'a̧tä̧ jü̧ o'ka'a do'ächü chichäkua̧sä̧. Ja̧'wa̧nü̧ chichomȩnä̧tä̧ tochäkua̧sä̧, yotukunä̧ ukuo te'äkuäu pättü, isopäi'ünä̧ tȩnȩbütä jȩpü̧ pättaja pä'ü.

2 Corintios 10:16

ja̧'wa̧ta̧nü̧ jareü wȩnȩmä̧ ukutu ku̧ja̧kuä̧tu̧kuo̧mȩttü̧mä̧ yabo'i̧nä̧ jitäwäkuotüjä̧ ja̧'wa̧nü̧ ja̧'a̧nä̧ kkorotü ttaditäwomemä̧ dotächoka'atä, juätü ttaditäwänä̧ teseäkuäu juiyäkua'anü̧.