Hechos 19:1 - Nuevo Testamento Uwotjüja

¹ Aporo-mä̧, Corinto ütawiyänä̧ ü̧ja̧'a̧nä̧, Pauru-mä̧ müä'kiyu ja̧'a̧nä̧ 'kuä'opäji̧'ka̧ Éfeso ütawiyänä̧ i̧rȩbȩwi̧'o̧mȩnä̧, juorü Jesucrito-rü esetätürü po̧kui̧pü̧,

TÄ̧DO Ä̧CUÄ̧ I̧HUȨNȨ

¹ Apolos Corinto ötahuiyänä ö̧jo̧mȩnä̧, Pablo juhuorö de'anä 'chi̧nö̧do Efeso ötahuiyära̧'a̧ i̧'chi̧'a̧'a̧ jubö päi'önä. Juhua'attö yotöcunä Jesucristorö esetätörö po̧cui̧pi̧nö̧do.

Hechos 19:1 Referans Kwoze

1 Corintios 16:12

Ta̧wa̧ru̧wa̧ ti̧jä̧wa̧ Aporo ütü'kü'i̧nä̧ pä'üsä, jua̧u̧mä̧ kuawaruwärü to'kua täi ti̧jä̧wa̧tu̧ku̧ päda'anä̧, jitätämä̧ i̧'cha̧ pä'okü päjí, kko̧ro̧nü̧ ichü'anü̧ jo̧mȩnä̧tä̧ i̧chä̧kua̧.

1 Corintios 1:12

Ukututtü, yotüte pättü pä'üsä: «Ttümä̧ Pauru umüwäyotü i̧sa̧sä̧»; kkorotü pä'ätü: «Ttümä̧ Aporo umüwäyotü i̧sa̧sä̧»; kkorotütä pä'ätü: «Ttümä̧ Cefa umüwäyotü i̧sa̧sä̧,» ja̧'wa̧ta̧nü̧ ttümä̧: «Crito umüwäyotü i̧sa̧sä̧,» jü̧nä̧.

Hechos 18:1

Pi̧yȩ o'komȩnä̧mä̧, Pauru-mä̧ Atenas ütawiyättü rä'opächü Corinto ütawiyära̧'a̧ku̧ 'chi̧nü̧.

Hechos 18:8

Ja̧'wa̧nü̧ ja̧'a̧, Crispo pä'ü mi̧kua̧mä̧, sinagoga isode u̧ru̧wa̧ ja̧'a̧ ojusodenä̧ kka̧kuä̧tu̧ku̧ o'katoi'ünä̧ esetü ikuinü̧, Tu̧ru̧wa̧rü̧mä̧. Ja̧'wa̧ta̧nü̧ Corinto ttü̧ja̧'i̧nä̧ ä̧ju̧ku̧ rekuätü tteseta'a bautizo jȩtti̧nä̧u̧.

Hechos 19:17

Ja̧'wa̧nü̧ jä̧ja̧'a̧, Éfeso ütawiyänä̧ kka̧kuä̧tü̧ o'katoi'ünä̧, ukuowa'a ä̧ju̧ku̧ rü̧ȩnä̧ ye'inä̧tü̧, judío'i̧nä̧, griegos'i̧nä̧, jü̧nä̧; ja̧'wa̧nü̧ jo̧mȩnä̧ Tu̧ru̧wa̧ Jesú i̧mi̧mä̧ rü̧ȩnä̧ ukuounä̧ rü̧ä̧chi̧na̧'a̧.

Hechos 19:26

Ja̧'wa̧nü̧ ja̧'a̧nä̧ ukutu to'kuätukutämä̧ ja̧'wa̧ta̧nü̧ kuä̧ju̧kuä̧tu̧ku̧tä̧mä̧, pide Pauru pä'a ä̧ju̧kuä̧tü̧jä̧, ttu̧mü̧ttü̧ adikuotü ttü̧ä̧nä̧wa̧tü̧mä̧, ttü̧ä̧nä̧wa̧tü̧mä̧kü̧, jü̧nä̧; suro, porü Éfeso ütawiyättütämä̧kü̧, Asia rȩjȩnä̧'i̧nä̧ o'kajuiyünä̧tä̧ rekuätü esetü ttikunä̧ jȩa̧'a̧mä̧.

Hechos 20:16

Ja̧'wa̧nü̧ 'chi̧nä̧tü̧jä̧, Pauru-mä̧ Jerusarȩ́-nä̧ Pentecostés pä'käri kka̧'a̧ i̧'chi̧'a̧ pä'ü amükuäda ja̧'a̧, Éfeso-mä̧ 'kuä'o'ütä, Asia rȩjȩttü̧ rekuo päi'ü'anü̧ ji̧yä̧ku̧.

Hechos 20:18

Juätü tti̧rȩbȩwi̧'ä̧ja̧'a̧ päinä̧u̧: Ukutumä̧ wo̧juä̧tü̧jä̧, Asia rȩjȩnä̧ ä̧kuo̧mȩnä̧ dodächinü̧ mo̧ro̧ttü̧ kkä̧mä̧dü̧ päi'ünä̧ jitäbü päi'ünä̧ jȩchä̧'i̧jü̧mä̧.

Hechos 21:29

Jua'amä̧ wopinä̧tü̧, ä'kanä̧mä̧ ütawiyättü Éfeso i̧sa̧, Trófimo-ku̧ kueächa'a topäjä'kotü, jua̧u̧ru̧'i̧nä̧ Dio-rü ukuokuäkuäwodenä̧ do'ädäjikü̧ pä'ü.

1 Corintios 4:6

Chawaruwä chi̧jä̧wa̧tü̧, pi̧yȩ ukuturu ukuokuäjisä, ujututä wȩnȩku̧, ttütä chütü'kü'i̧nä̧ ja̧'wa̧ta̧nü̧ Aporo ütü'kü'i̧nä̧, jü̧nä̧ ukuturu repeta'attü̧. Kkorojuei päkuätukuomȩnä̧, wȩyu̧kuä̧ wȩnȩ päomȩttü̧'i̧nä̧ abonä̧nü̧ päkuätuku juiya pä'ü, ya̧tȩ Dio i̧wȩnȩ jiäkuäwä i̧sa̧mä̧, kkorotüttü'i̧nä̧ u̧wä̧mȩnä̧ wa̧sä̧ pä'ü amükuädäkuäu juiya pä'ü.

1 Corintios 15:32

Éfeso ütawiyättümä̧ de'a isotü pä̧i̧kuä̧tü̧ jä̧'i̧nü̧'a̧nü̧ wotü ttü̧ja̧ku̧ rowäwinü̧sä̧ ja̧'wa̧nü̧ ja̧'a̧nä̧, isopäi'ünä̧ wa'ü ikuinä̧tü̧ ttoächäkuäwokü jü̧ttü̧mä̧, ¿däjetä chȩmi̧na̧'a̧jä̧ttü̧? jua̧u̧nu̧mä̧ kkorotü pättä'ijü̧'a̧kuä̧ jȩtä̧tu̧kua̧: kuä̧nü̧ jü̧nä̧tä̧, au jü̧nä̧tä̧ jȩtä̧tu̧kua̧, täkü yo̧i̧mo̧ro̧mä̧ 'korujuotächäkua'attü̧.

1 Corintios 16:8

Ja̧'wa̧nü̧ ja̧'a̧nä̧ Éfeso ütawiyänä̧tä̧ chü̧jä̧kua̧sä̧ pentecostés mo̧ro̧bü päi'ünä̧.

Efesios 1:1

Ttü Pauru, Dio üjü'komȩnä̧, Jesucrito-mä̧ apóto jü̧nä̧ weinä̧ku̧ cha'attü, Éfeso ütawiyä ttü̧ja̧rü̧ te'äusä, Jesucrito-rü esetätü, surojü jui'ätürü.