Hechos 18:8 - Nuevo Testamento Uwotjüja

⁸ Ja̧'wa̧nü̧ ja̧'a̧, Crispo pä'ü mi̧kua̧mä̧, sinagoga isode u̧ru̧wa̧ ja̧'a̧ ojusodenä̧ kka̧kuä̧tu̧ku̧ o'katoi'ünä̧ esetü ikuinü̧, Tu̧ru̧wa̧rü̧mä̧. Ja̧'wa̧ta̧nü̧ Corinto ttü̧ja̧'i̧nä̧ ä̧ju̧ku̧ rekuätü tteseta'a bautizo jȩtti̧nä̧u̧.

TÄ̧DO Ä̧CUÄ̧ I̧HUȨNȨ

⁸ Ja̧'hua̧nö̧ ja̧'a̧ judíos ttu̧huo̧jui̧'i̧node ru̧hua̧ Crispo, o'ca toi'önä ahuaruhuäcu, Tu̧ru̧hua̧rö̧ esetinödo. Ja̧'hua̧ta̧nö̧ Corinto ötahuiyä ttö̧ja̧ recuätö, Pablo jiähua'a ä̧ju̧cu̧ esetinätödo. Bautizado pä'i'inätödo.

Hechos 18:8 Referans Kwoze

Hechos 11:14

Jua̧u̧tä̧ ja̧'a̧ ukuru ji̧ä̧wä̧kua̧mä̧ kuawaruwä'i̧nä̧ o'katoi'ünä̧ ukutä'i̧nä̧ surojüttü ku̧ji̧pä̧tu̧kua̧ pä'ü.

Hechos 8:12

Ja̧'wa̧nü̧ ja̧'a̧nä̧, Felipe jareünä̧ Ru̧wa̧ Dio weü wȩnȩ'i̧nä̧, Jesucrito i̧mi̧nä̧'i̧nä̧ jiäwomȩnä̧ bautizo jȩpä̧kuä̧wi̧nä̧tü̧ u̧mä̧tü̧'i̧nä̧, nä̧tü̧'i̧nä̧, jü̧nä̧.

Hechos 18:17

Ja̧'wa̧nü̧ ja̧'a̧ sinagoga u̧ru̧wa̧ Sóstenes-rü̧ o'katoi'ünä̧ 'chu'ädo'ü, kuäkuäpü jȩpi̧nä̧tü̧, Tribunal isotü ttä'ka jo̧mȩttü̧; ja̧'wa̧nü̧ jȩtta̧'a̧nä̧ Galió̧-mä̧ ja̧'a̧tä̧ toinä̧u̧.

Hechos 16:34

Ja̧'wa̧ta̧nü̧ o'ka'amä̧ ojusodera̧'a̧ o'ipü ttu̧kuȩ iyinä̧u̧; ja̧'wa̧ta̧nü̧ ojusodenä̧ kka̧kuä̧tu̧ku̧ o'katoi'ünä̧ esewinü̧ Dio-rü esetäji'ka̧.

Hechos 13:15

Weäwä wȩnȩ'i̧nä̧, profeta-tü̧ wȩyu̧kuä̧'i̧nä̧ to̧pä̧rü̧ ttukuokuäji o'ka'a, sinagoga isode uruwotümä̧ jättepinä̧u̧: —Chawaruwä chi̧jä̧wa̧tü̧, ttü̧ja̧rü̧ jikuäwa päkuätuku kkü̧ttü̧mä̧ jitätä ji'äwätukui, pättinä̧u̧.

Hechos 10:2

Jua̧u̧ Cornelio-mä̧ Dio-rü esetinü̧ i̧tti̧mü̧tä̧ku̧ o'katoi'ünä̧, rü̧ȩnä̧ usurä isotürü'i̧nä̧ ppä'ädinü̧ ja̧'wa̧ta̧nü̧ 'kuäopünä̧ Dio-rü ukuokuinü̧.

San Marcos 5:35

Jesú-mä̧, ja̧'wa̧nü̧ ukuokua'a 'kä̧tȩnä̧, Jairo ojusodera̧'a̧ttü̧ ichi'ü jittäwinä̧ku̧: —Kuittijumä̧, täkü 'koru pä'i'äjäju ¿tta̧'a̧nü̧ pä'ü wo̧juȩkuä̧ i̧sa̧rü̧ yabonü̧ o̧kui̧pä̧ra̧'a̧jä̧ttü̧?

San Marcos 5:22

Ja̧'wa̧nü̧ ü̧ja̧'a̧, ya̧tȩ, sinagoga u̧ru̧wa̧, Jairo pä'ü mi̧kua̧ ichi'inü̧. Jua̧u̧mä̧ Jesú-ru topo'ü, ü̧jä̧pü̧ jo̧mȩ iwe'kiyunä̧ pä̧mä̧dü̧,

San Mateo 28:19

Ja̧'wa̧nü̧ ja̧'a̧ttü̧ pi̧jä̧ o'kajuiyünä̧ 'chä̧nü̧ ttü̧ja̧rü̧ chu̧wo̧juȩtä̧u̧ jü̧nä̧; Jä'o i̧mi̧nä̧, i̧tti̧ i̧mi̧nä̧ ja̧'wa̧ta̧nü̧ Epíritu Sa̧tu̧ i̧mi̧nä̧ bautizo jȩpä̧tu̧kui̧,

Hechos 18:1

Pi̧yȩ o'komȩnä̧mä̧, Pauru-mä̧ Atenas ütawiyättü rä'opächü Corinto ütawiyära̧'a̧ku̧ 'chi̧nü̧.

Hechos 19:1

Aporo-mä̧, Corinto ütawiyänä̧ ü̧ja̧'a̧nä̧, Pauru-mä̧ müä'kiyu ja̧'a̧nä̧ 'kuä'opäji̧'ka̧ Éfeso ütawiyänä̧ i̧rȩbȩwi̧'o̧mȩnä̧, juorü Jesucrito-rü esetätürü po̧kui̧pü̧,

2 Corintios 1:1

Ttü pauru, apóto jü̧nä̧ Jesucrito ȩmi̧nä̧ku̧, Dio-rü pä̧wä̧rü̧jo̧mȩnä̧ ja̧'wa̧ta̧nü̧ cha̧wa̧ru̧wa̧ chi̧jä̧wa̧ Timoteo-ku te'äwätüjä̧, Dio-rü esetätü Corinto ütawiyänä̧ kkä̧tü̧rü̧'i̧nä̧ ja̧'wa̧ta̧nü̧ Acaya rȩjȩnä̧ kka̧kuä̧tü̧rü̧'i̧nä̧ o'katoi'ünä̧rü̧.

2 Corintios 1:23

Ja̧'wa̧nü̧ ja̧'a̧nä̧, ji̧nä̧ Corinto ütawiyära̧'a̧mä̧ do'ächü ichokü pinü̧sä̧ ukuturu ukuotü, ¡wä̧i̧nä̧ Dio-mä̧ cha̧'kua̧rü̧ ȩmü̧ ikuäkusä!, yapare jidäuttümä̧.

2 Corintios 6:11

Chawaruwä chi̧jä̧wa̧tü̧, ukutu Corinto ütawiyä ttü̧ja̧rü̧mä̧, wäjuönä̧tä̧ ukuokuinä̧tü̧jä̧; ta̧mi̧'iso'ki'i̧nä̧ o'kajuiyünä̧ wäjuönä̧tä̧ ukuokuinä̧tü̧jä̧.

2 Timoteo 4:20

Erasto-mä̧ Corinto ütawiyänä̧ kki̧'i̧pi̧nü̧, ja̧'wa̧ta̧nü̧ Trófimo-rümä̧ Mileto-nä̧ na̧wä̧cha̧'a̧nä̧ chu̧ju̧ni̧'i̧nä̧ku̧.