Hechos 18:4 - Nuevo Testamento Uwotjüja

⁴ Ja̧'wa̧nü̧ ja̧'a̧, sawaru mo̧ro̧ jü̧ta̧'a̧nü̧ Pauru-mä̧ sinagoga isodenä̧ ji'äwinü̧, judío'i̧nä̧, griegos'i̧nä̧ esetä'chü ttikunä̧.

TÄ̧DO Ä̧CUÄ̧ I̧HUȨNȨ

⁴ O'ca juiyönä ttö̧ja̧ 'cuättächi'ö mo̧ro̧ Pablo judíos ttu̧huo̧jui̧'i̧nodettö Dios i̧huȩnȩ rä'epö ucuocuinödo, judíos ttö̧ja̧'i̧nä̧, judíos huocotö'inä Jesucristorö tteseta pä'ö.

Hechos 18:4 Referans Kwoze

2 Corintios 5:11

Ja̧'wa̧nü̧ ji̧yä̧u̧, Tu̧ru̧wa̧rü̧ yekuäkuäwä tu̧wo̧jua̧'a̧ttü̧, ttü̧ja̧rü̧ ji'äwätüjä̧ ttesetünä̧; jua'amä̧ Dio ä'kattümä̧ o'kajuiyütä u̧wo̧juä̧u̧tä̧ ta'attü̧, ukutu'i̧nä̧ wäjuönä̧ ku̧wo̧juä̧tu̧kua̧tü̧ pä'ü.

Hechos 28:23

Ja̧'wa̧nü̧ ja̧'a̧ttü̧, ji̧yȩtȩ mo̧ro̧ ttü̧ka̧ka̧kua̧ pä'ü, pätetü ttu̧ju̧nä̧ja̧'a̧ rekuätü ichinä̧tü̧ Pauru ü̧jodenä̧. Juodettü jiäwinä̧u̧ ru̧wa̧ Dio weü wȩnȩ yo̧ä̧i̧ ü̧jä̧mä̧dä̧ja̧'a̧mä̧ ni̧pä̧ro̧mȩbü päi'ünä̧. Pauru-mä̧ jiäwinä̧u̧ Moisé weäwä wȩnȩnä̧'i̧nä̧ ja̧'wa̧ta̧nü̧ profeta-tü̧ ttukuokuinü̧nä̧'i̧nä̧, jü̧nä̧; Jesú-ru tesetiyarü pä'ümä̧.

Hechos 17:17

Ja̧'wa̧nü̧ ji̧yä̧ku̧ judío-ku'i̧nä̧, Dio-rü esetätuku'i̧nä̧ sinagoga-ttü ukuokuinü̧ ja̧'wa̧ta̧nü̧ ttu̧kuȩ ȩmä̧wo̧mȩttü̧'i̧nä̧ ka̧ka̧kuä̧tü̧rü̧ mo̧ro̧ ji̧nü̧'a̧kuä̧ ukuokuinü̧.

Hechos 26:28

Agripa-mä̧ ädätinü̧: —Crito-rü chesetü'anü̧ päi'ünä̧ kukuokuäkusä.

Hechos 19:26

Ja̧'wa̧nü̧ ja̧'a̧nä̧ ukutu to'kuätukutämä̧ ja̧'wa̧ta̧nü̧ kuä̧ju̧kuä̧tu̧ku̧tä̧mä̧, pide Pauru pä'a ä̧ju̧kuä̧tü̧jä̧, ttu̧mü̧ttü̧ adikuotü ttü̧ä̧nä̧wa̧tü̧mä̧, ttü̧ä̧nä̧wa̧tü̧mä̧kü̧, jü̧nä̧; suro, porü Éfeso ütawiyättütämä̧kü̧, Asia rȩjȩnä̧'i̧nä̧ o'kajuiyünä̧tä̧ rekuätü esetü ttikunä̧ jȩa̧'a̧mä̧.

Hechos 19:8

Ja̧'wa̧nü̧ ja̧'a̧, juorümä̧ sinagoga-nä̧ do'ächärü, yekuäkuäwä juiyünä̧, kkä̧wa̧tü̧ wä̧mȩtukuä jo̧mȩnä̧ ji'äwinü̧, esetü ttikuä'chünä̧, ru̧wa̧ Dio weü wȩnȩ.

Hechos 18:13

pä'inä̧tü̧: Pidemä̧ ttü̧ja̧ ttesetächünä̧ ji'äu, Dio ü̧rü̧ä̧ tteseunä̧tä̧, jua̧u̧mä̧ ujutu jȩtü̧ weäwä wȩnȩmä̧ to'ija̧'a̧ku̧ ja̧'a̧.

Hechos 17:11

Juätü judío-mä̧ Tesalónica-nä̧ kka̧kuä̧tü̧ttü̧'i̧nä̧ abonä̧nü̧ adiu eseäkuäwinä̧tü̧, Dio i̧wȩnȩmä̧ eseunu̧ ä̧ju̧kui̧nä̧tü̧, mo̧ro̧ ji̧nü̧'a̧kuä̧ wȩyu̧kuä̧ wȩnȩ topü wo̧jui̧pi̧nä̧tü̧, jittäumä̧ isopäi'ünä̧ ja̧ pä'ü.

Hechos 13:14

Ja̧'wa̧nü̧ ja̧'a̧nä̧, Perge-ttü 'kuä'o'ü Antioquía ütawiyänä̧ pisidia rȩjȩnä̧ rȩbȩä̧kuä̧wi̧nä̧tü̧; ja̧'wa̧nü̧ jä̧ja̧'a̧mä̧, sawaru mo̧ro̧ sinagoga isodenä̧ dodepipü pȩjä̧mi̧nä̧tü̧.

San Lucas 16:31

Päomȩnä̧, Abraha̧-mä̧ päinä̧ku̧: Moisé-rü'i̧nä̧, profeta winä̧tü̧rü̧'i̧nä̧ ttesetü juiyüttümä̧, wa'inä̧tü̧ttü̧ tto'ächü jittäwaja pä'ü'i̧nä̧ esetokotü ttäkuotü.

San Lucas 4:16

Ja̧'wa̧nü̧ jä̧ji̧ o'ka'a Jesú-mä̧ büó juoinomȩ Nazare ütawiyäku ichinü̧. Kko̧ro̧nü̧ jä̧'i̧jü̧ta̧'a̧nü̧ sawaru mo̧ro̧ päi'omȩnä̧ sinagoga isodenä̧ do'ächi'äji̧'ka̧ wȩyu̧kuä̧ wȩnȩ ukuokua pä'ü ä̧rä̧mi̧'i̧nü̧.

San Juan 7:35

Ja̧'wa̧nü̧ pä̧i̧yä̧u̧, judío-mä̧ pä'ä'chäkuäwinä̧tü̧: —¿Tȩnȩ́ i̧'chä̧kua̧'a̧jä̧ttü̧, pidemä̧, ujutu tü̧'o̧kui̧'ü̧ juiyünä̧ jo̧mȩmä̧? ¿Judío, kko̧ro̧jä̧ra̧'a̧ grecia ttü̧ja̧ku̧ wiwawächinä̧tü̧rü̧ ja̧'wa̧ta̧nü̧ griego-rü'i̧nä̧ ji'äu i̧'cha̧ pä'ü, pä'ü 'kua̧ra̧'a̧?

Hechos 9:20

Ja̧'wa̧nü̧ jä̧ji̧ o'ka'a, yotäku sinagogas odewiyänä̧ Jesucrito ütü'kü ji'äwinü̧, jua̧u̧tä̧ ja̧'a̧ Dio i̧tti̧mä̧ pä'ü.

Hechos 14:1

Ja̧'wa̧nü̧ ja̧'a̧ Iconio ütawiyättümä̧, Pauru-mä̧, Bernawé-ku ji̧nä̧ yo̧mȩtȩnä̧ dodepinä̧tü̧ judío ttiärode sinagoga isodenä̧. Ja̧'wa̧nü̧ dodepü jittäwomȩnä̧ rekuätü esetinä̧tü̧ judío'i̧nä̧ ja̧'wa̧ta̧nü̧ judío pokotü'i̧nä̧, jü̧nä̧.

Hechos 18:19

Ja̧'wa̧nü̧ ja̧'a̧, Éfeso ütawiyänä̧ tti̧rȩbȩwi̧'ä̧ja̧'a̧, Pauru-mä̧ juätürü juȩnȩtä̧ kku̧ni̧pü̧, sinagoga isodera̧'a̧ 'chi̧nü̧, judío-ku ukuoku.