Hechos 18:2 - Nuevo Testamento Uwotjüja

² Juorümä̧, ya̧tȩ judío i̧sa̧ ja̧'a̧nä̧, Ponto rȩjȩttü̧ uwäpächinü̧rü̧ topinü̧, Aquira pä'ü mi̧kua̧rü̧, irekua Priscira-ku Itaria rȩjȩra̧'a̧ttü̧ i̧rȩbȩwi̧'ä̧ja̧'a̧. Jua'amä̧ Roma-ttü̧ rättopächäja'a ji̧na̧'a̧, emperador Claudio judío-rümä̧ o'katoi'ünä̧rü̧ rättopächa pä'ü weomȩttü̧. Ja̧'wa̧nü̧ ichäjätürü Pauru-mä̧ do'ächü 'chi̧nü̧.

TÄ̧DO Ä̧CUÄ̧ I̧HUȨNȨ

² Juhua'attö ya̧tȩ judíos ttö̧ja̧ i̧sa̧rö̧, Aquila pä'ö mi̧cua̧rö̧, Ponto rȩjȩttö̧ uhuäpächinörö po̧cui̧pi̧nö̧do. Aquilamä irecua Priscilacu ni̧po̧ ja̧'a̧cu̧ Italia rȩjȩttö̧ ichinö, ru̧hua̧ Claudio hueomenä o'ca toi'önä judíos ttö̧ja̧ Roma ötahuiyättö rä'opächö tti̧hua̧ pä'ö. Pablo jahuätörö do'ächö 'chi̧nö̧do.

Hechos 18:2 Referans Kwoze

2 Timoteo 4:19

O'katoi'ünä̧ Onesíforo awaruwärü'i̧nä̧ ja̧'wa̧ta̧nü̧ Priscirarü'i̧nä̧, Aquira-rü'i̧nä̧ te'äu chi̧wȩnȩ we'üsä.

1 Corintios 16:19

Asia rȩjȩttü̧ igresia pünä̧ ukuturu te'äwätü. Aquira'i̧nä̧, Prisca'i̧nä̧, ttojusodenä̧ dodepü ka̧ka̧kuä̧rä̧'i̧jä̧tu̧ku̧, tu̧ru̧wa̧ i̧mi̧nä̧ tettäwä̧u̧jä̧.

Hechos 18:26

Aporo-mä̧ sinagoga-ttü wäjuönä̧ ukuokua'a ä̧ju̧ku̧, Priscira'i̧nä̧, Aquira-ku i̧mi̧ku̧nä̧ o'ipächäjä'kotü adiu jittäwinä̧ku̧ Dio i̧wȩnȩmä̧.

Hechos 11:28

Juätüttü ya̧tȩ, Agabo pä'ü mi̧kua̧ ä̧rä̧mi̧'ü̧ Epíritu Sa̧tu̧ a̧'kua̧ iweyenä̧ ukuokuinü̧: pi̧jä̧ ttü̧ja̧ ttü̧ja̧kuo̧mȩ pünä̧mä̧ o'kajuiyünä̧ ppäi mo̧ro̧ rȩbȩä̧kuä̧wä̧kua̧'a̧ pä'ü; Ja̧'wa̧nü̧ jiäwinü̧ o'ka'a, ru̧wa̧ Emperador Claudio ü̧'ü̧ pä̧nä̧, päinü̧ta'anü̧ 'kuäopina̧'a̧.

Hechos 18:18

Pauru-mä̧ Corinto ütawiyänä̧mä̧ rekuó mo̧ro̧ kkä̧ji̧'ka̧, awärüwä ü̧jä̧wa̧tü̧rü̧ te'äwi'ipü, Priscira-ku ja̧'wa̧ta̧nü̧ Aquira-ku yo̧mȩtȩnä̧ Siria rȩjȩra̧'a̧ woi'kanä̧ 'chi̧nü̧. Cencrea ütawiyättümä̧, räopäkua'a ä'kanä̧ u kiräu ikuinü̧, Dio-rü jȩchä̧kua̧sä̧ pä'a jä̧ku̧.

Hechos 2:9

Partos tti̧wȩnȩnä̧'i̧nä̧, medos tti̧wȩnȩnä̧'i̧nä̧, Elam ttü̧ja̧ tti̧wȩnȩnä̧'i̧nä̧; Mesopotamia ttü̧ja̧ tti̧wȩnȩnä̧'i̧nä̧, Judea ttü̧ja̧ tti̧wȩnȩnä̧'i̧nä̧, Capadocia ttü̧ja̧ tti̧wȩnȩnä̧'i̧nä̧, Ponto ttü̧ja̧ tti̧wȩnȩnä̧'i̧nä̧, Asia ttü̧ja̧ tti̧wȩnȩnä̧'i̧nä̧,

1 Pedro 1:1

Ttü Peduru, Jesucrito u̧mü̧wä̧ya̧ te'äusä, ttidepiyuttü pperekuächino'kotü ichäkuäwotü jü̧nä̧ ponto-nä̧'inä̧, Galacia-nä̧'i̧nä̧, Capadosia-nä'i̧nä̧, asianä̧'i̧nä̧ Bitinia-nä̧'i̧nä̧ kka̧kuä̧tü̧rü̧,

Hechos 27:1

Täkü ujuturu, Itaria rȩjȩra̧'a̧ we'ü ttikuomȩmä̧, Pauru-rü'i̧nä̧, kkorotürü'i̧nä̧ kärenä̧ pȩjä̧tü̧rü̧mä̧, su̧ro̧do̧u̧ ttu̧ru̧wa̧ Juriu pä'ü mi̧kua̧, emperador u̧mü̧wä̧ya̧ u̧mü̧nä̧ we'inä̧tü̧.

Hechos 27:6

Ja̧'wa̧nü̧ ja̧'a̧, su̧ro̧do̧u̧ ttu̧ru̧wa̧ Juriu-mä̧ juorü po̧kui̧pi̧nü̧ Alejandría woi'ka, Itaria rȩjȩra̧'a̧ 'chä̧'ka. Juä'kanä̧ tü̧'ȩjä̧mü̧nä̧ wȩä̧u̧, pȩjä̧mü̧ 'chi̧nä̧tü̧jä̧.

Hebreos 13:24

O'katoi'ünä̧rü̧, kuruwotuku pató-tü̧rü̧'i̧nä̧ ja̧'wa̧ta̧nü̧ o'katoi'ünä̧ esetinä̧tü̧rü̧mä̧ te'äwiyätukuittü. Ja̧'wa̧ta̧nü̧ Itaria rȩjȩ ttü̧ja̧'i̧nä̧, pottümä̧ tettäwä̧u̧jä̧.