Hechos 18:12 - Nuevo Testamento Uwotjüja

¹² Ja̧'wa̧nü̧ ja̧'a̧nä̧ Acaya rȩjȩnä̧mä̧, Galió̧ pä'ü mi̧kua̧ Gobernador weü pä̧nä̧ ja̧'a̧, judío-mä̧ Pauru-rü suronä̧ amükuädü 'chu'ädäjä'kotü ruwotü tribunal pä̧ttä̧u̧ ttä'ka jo̧mȩku̧ ȩpä̧jä̧'kotü,

TÄ̧DO Ä̧CUÄ̧ I̧HUȨNȨ

¹² Pablo juhua'a ö̧jo̧mȩnä̧, Galiónmä Acaya rȩjȩttö̧ ru̧hua̧ ö̧jo̧mȩnä̧, judíos ttö̧ja̧ Pablorö suronä jȩtta̧ pä'ö ca̧ca̧cui̧pö̧ 'chu'ädö ttȩpi̧nä̧cu̧do ru̧hua̧ ä'ca jo̧mȩttö̧.

Hechos 18:12 Referans Kwoze

Hechos 18:27

Ja̧'wa̧nü̧ ja̧'a̧ Aporo-mä̧ Acaya rȩjȩra̧'a̧ku̧ i̧'cha̧ pä'ü amükuädiyä̧u̧, awaruwä i̧jä̧wa̧tü̧mä̧ eseu kuyäru isojä wȩyu̧tu̧ iyü ppättädinä̧ku̧ jua'a Acaya-ttü Jesucrito-rü esetätü adiu ppättädarü pä'ü. Acaya rȩjȩra̧'a̧ i̧'chi̧'o̧mȩnä̧, rekuätürü ppä'ädinü̧ Dio re ü̧ji̧nü̧ jäwänä̧ esetätürü.

Hechos 13:50

Ja̧'wa̧nü̧ ja̧'a̧nä̧ judío-mä̧, juȩnȩ ütawiyättü, nä̧tü̧ adiu Dio-rü esetätürü'i̧nä̧, ukuo isotürü'i̧nä̧ ja̧'wa̧ta̧nü̧ ruwotürü'i̧nä̧ esekuinä̧tü̧, Pauru-rü'i̧nä̧, Bernawérü'i̧nä̧ juä̧jä̧ttü̧ rä'epü ttikunä̧.

Hechos 13:7

Jua̧u̧ märimä̧, ru̧wa̧ Gobernador Sergio Pauro rü̧ȩnä̧ wo̧jua̧ku̧ kki̧nü̧. Jua̧u̧ ru̧wa̧mä̧ wopinü̧ Bernawérü'i̧nä̧, Sauro-rü'i̧nä̧ Dio i̧wȩnȩ jittäwa'a ä̧ju̧kua̧ pä'ü.

2 Corintios 11:10

¡Crito jäwä jueü wȩnȩ ttünä̧ kka̧'a̧ttü̧!, Acaya rȩjȩ pünä̧ ji'äu cheseumä̧ 'chottipokoku chä̧kua̧sä̧.

2 Corintios 9:2

jua'amä̧, ppäkuädätukua päkuätukumä̧ chu̧wo̧jua̧'a̧ttü̧. Ja̧'wa̧nü̧ ji̧yä̧ku̧, Macedonia ttü̧ja̧rü̧mä̧ eseunu̧ pä'äjisä, juätü, Acaya rȩjȩ ttü̧ja̧mä̧ täkü jo̧mȩnü̧tä̧ winä̧tü̧ ni̧po̧ año-ttü̧tä̧ päi'ünä̧, ppättäda pä'ümä̧; ja̧'wa̧nü̧ jȩ'kuä̧tu̧ku̧ ä̧ju̧ku̧ Macedonia ttü̧ja̧mä̧ rekuätü jȩtta̧ pä'ü amükuädi'inä̧tü̧.

2 Corintios 1:1

Ttü pauru, apóto jü̧nä̧ Jesucrito ȩmi̧nä̧ku̧, Dio-rü pä̧wä̧rü̧jo̧mȩnä̧ ja̧'wa̧ta̧nü̧ cha̧wa̧ru̧wa̧ chi̧jä̧wa̧ Timoteo-ku te'äwätüjä̧, Dio-rü esetätü Corinto ütawiyänä̧ kkä̧tü̧rü̧'i̧nä̧ ja̧'wa̧ta̧nü̧ Acaya rȩjȩnä̧ kka̧kuä̧tü̧rü̧'i̧nä̧ o'katoi'ünä̧rü̧.

1 Corintios 16:15

Chawaruwä chi̧jä̧wa̧tü̧, ukutumä̧ wo̧juä̧tü̧jä̧ Estéfana i̧tti̧mü̧ku̧ ä̧kuo̧mȩnä̧ Acaya rȩjȩttü̧ Dio-rü esetinä̧tü̧ pä'ümä̧ ja̧'wa̧ta̧nü̧ juätütä ja̧'a̧ Dio-rü esetinä̧tü̧rü̧ ppä'ädätümä̧.

Romanos 15:26

Jua̧u̧ pärätämä̧ Macedonia ttü̧ja̧ ja̧'wa̧ta̧nü̧ Acaya ttü̧ja̧ ttü̧ka̧ka̧tä̧ji̧, Jerusarȩ́-nä̧ kka̧kuä̧tü̧ tawaruwä ti̧jä̧wa̧tü̧ usurä isotürü ppä'ädü.

Hechos 25:10

Päiyäku, Pauru-mä̧ ädätinü̧: —Judío-rü suronä̧ jȩcho̧kü̧ jä̧ji̧mä̧ wo̧jua̧jä̧. Ja̧'wa̧ta̧nü̧ pä'ü, Roma isotü, ruwotü ttä'ka jo̧mȩ kkü̧sä̧, suronä̧ jȩchä̧ji̧ttü̧mä̧ ukututä päkuätukua pä'ü ja̧'a̧.

Hechos 17:13

Ja̧'wa̧nü̧ ja̧'a̧nä̧, Tesalónica ttü̧ja̧ judío-mä̧, Pauru-mä̧ Berea ütawiyänä̧'i̧nä̧, Dio i̧wȩnȩ ji'äudo pätta'a ä̧ju̧kuä̧jä'kotü, jua'atä 'chä̧nü̧ ttü̧ja̧rü̧ suronä̧ wottünä̧ jȩpi̧nä̧tü̧.

Hechos 14:19

Ja̧'wa̧nü̧ ja̧'a̧ jakuänä̧ Antioquía-ttü'i̧nä̧, Iconiottü̧'i̧nä̧ Judío-mä̧ ichi'ü ttü̧ja̧rü̧ esekuinä̧tü̧; ttesekuä̧u̧ Pauru-rü inä̧dunä̧ ikuäu ikuäjä'kotü, täkü 'koru pä'i'äjikü̧ pä'ü, ütawiyättü dodopü rä'epü ttikuinä̧ku̧.

Hechos 14:2

Ja̧'wa̧nü̧ ja̧'a̧nä̧ judío Jesú-ru esetokotümä̧, juätü judío pokotürü suronä̧ ji'äwinä̧tü̧, Dio i̧wȩnȩ esetätürü tta̧mi̧ surächi'ünä̧.

San Mateo 27:19

Pilato-mä̧ ji̧nä̧ jua̧u̧ wȩnȩ ukuokua'anä̧, irekuamä̧ jittäwiyaju pä'ü we'inä̧ju̧: Mo̧ro̧ji̧ yodó suronä̧ 'kuo̧ti̧kuä̧jä̧ju̧sä̧ Jua̧u̧ suronä̧ jȩpo̧kü̧ ütü'kümä̧, Jua̧u̧ru̧mä̧ ukumä̧ jȩ'kuä̧, pä'ü.

Santiago 2:6

Ja̧'wa̧nü̧ ja̧'a̧nä̧ kua̧mü̧nä̧tu̧ku̧mä̧ kukuo teäkuäwokotüjä̧. ¿Jua̧u̧nu̧mä̧ ruwotümä̧kü̧ jä̧'i̧ja̧'a̧ ukuturu iyä'chü ikuä'ijätümä̧, ja̧'wa̧ta̧nü̧ ukuo ruwotü ttä'ka jo̧mȩ do'o'ü ȩpä̧'i̧jä̧tü̧mä̧?

Romanos 16:5

Ja̧'wa̧ta̧nü̧ te'äwiyätukuittü kuojusodettü igresia isotürü. Te'äwiyätukuittü cha̧wa̧ru̧wa̧ repedäku Epéneto-rü, Acaya-ttü ä̧kuo̧mȩnä̧ Crito-rü esetinü̧rü̧.

Hechos 17:5

Ja̧'wa̧nü̧ ja̧'a̧nä̧, kkorotü judío esetokotümä̧ juätürü ä'kuoyäu ra̧wä̧rü̧, ttaditäwä jui'ätürü'i̧nä̧, ttü̧ja̧ suropätürü'i̧nä̧ ka̧ka̧ti̧nä̧tü̧ ütawiyä ttü̧ja̧rü̧ ttü̧ra̧wä̧ri̧pü̧nä̧ jȩtta̧ pä'ü; ja̧'wa̧nü̧ jȩpü̧ Jasó̧ ojusodettü Pauru'i̧nä̧, Sira-rü'i̧nä̧ ttü̧ja̧ ttä'ka jo̧mȩku̧ rä'epü ttikuatü pä'ü jȩpi̧nä̧tü̧.

Hechos 13:12

Ja̧'wa̧nü̧ ja̧'a̧ topü, ru̧wa̧ gobernador-mä̧, esetinü̧, Tu̧ru̧wa̧ i̧wȩnȩnä̧ kkä̧kuä̧wä̧mä̧, ¡isoó! pä'ü amükuädü.

San Juan 19:13

Pilato-mä̧ pi̧yȩ wotta'a ä̧ju̧ku̧, Jesú-ru u̧mi̧ku̧ rä'epü ttikunä̧ we'opo'ü; ruwo dȩä̧kä̧nä̧ pä̧mä̧di̧nü̧, i̧nä̧ttü̧ a̧'kua̧tü̧ adikuokomȩ, hebreo tti̧wȩnȩnä̧mä̧ Gabatá pä'ü mi̧kuomȩ.

Hechos 13:8

Ja̧'wa̧nü̧ ja̧'a̧nä̧ jua̧u̧ märimä̧, griego wȩnȩnä̧mä̧ Elima pättäku ja̧'a̧, ru̧wa̧ gobernado-rü Dio-rü esetü juiyünä̧ jȩpi̧nü̧.

Hechos 18:11

Ja̧'wa̧nü̧ ja̧'a̧ttü̧ Pauru-mä̧, Corinto ttü̧ja̧rü̧mä̧, ji̧yȩtȩ año 'kuäo'ünä̧ kkoro año ju'to jo̧mȩnä̧, wo̧juȩti̧nü̧ Dio i̧wȩnȩmä̧.

Hechos 19:21

Pi̧yȩ 'kuäopäji o'ka'a, Pauru-mä̧ amükuädinü̧ Jerusarȩ́-ra̧'a̧ i̧'cha̧ pä'ü, jua'a 'chä̧nü̧ kkä̧nü̧mä̧, Macedonia rȩjȩnä̧'i̧nä̧, Acaya rȩjȩnä̧'i̧nä̧ 'kuäopa pä'inü̧. Ja̧'wa̧nü̧ juorü Jerusarȩ́-ttü̧ kkä̧nü̧mä̧ Roma-ra̧'a̧ i̧'cha̧ pä'ü amükuädinü̧.

2 Corintios 11:26

rü̧ȩnä̧ kue'ächä'ijüsä; ajewiyättü ra̧wä̧pi̧ja̧'a̧'i̧nä̧, nä̧u̧kuä̧rä̧tü̧ttü̧ ra̧wä̧pi̧ja̧'a̧'i̧nä̧, ttütä chi̧rȩjä̧ isotüttü ra̧wä̧pi̧ja̧'a̧'i̧nä̧, judío pokotüttü ra̧wä̧pi̧ja̧'a̧'i̧nä̧, ütäwiyättü ra̧wä̧pi̧ja̧'a̧'i̧nä̧, rȩba̧ dȩ'a̧ra̧'a̧ttü̧ ra̧wä̧pi̧ja̧'a̧'i̧nä̧, rü̧ä̧ ajera̧'a̧ttü̧ ra̧wä̧pi̧ja̧'a̧'i̧nä̧, chawaruwä chi̧jä̧wa̧tü̧ yapareäkuäwä isotüttü ra̧wä̧pi̧ja̧'a̧'i̧nä̧;

1 Tesalonicenses 2:14

Isopäi'ünä̧ chawaruwä chi̧jä̧wa̧tü̧, ukutumä̧, Judea-ttü Dio-rü esetätürü 'kuäopinü̧ta'anü̧ usurä ȩmä̧wä̧tü̧jä̧, jua'amä̧ juätü ji̧nü̧ta'anü̧ kui̧rȩjä̧tu̧ku̧ ttü̧ja̧ judío suronä̧ jȩtta̧'a̧ usurä kuȩmä̧wä̧tu̧kua̧'a̧ttü̧.

1 Tesalonicenses 2:16

Judío pokotürü, ra̧wä̧pi̧jü̧ttü̧ ttü̧ja̧kui̧'a̧ pä'ü, jitäu juiyünä̧ jȩttä̧u̧jä̧. Ja̧'wa̧nü̧ jȩtto̧mȩnä̧mä̧, suronä̧ jȩttä̧'i̧jü̧mä̧ yaboku rü̧ä̧chä̧u̧. Ja̧'wa̧nü̧ ja̧'a̧nä̧, täkü rüjí mo̧ro̧mä̧ Dio-mä̧ usurä ttȩmä̧u̧nä̧ ro̧ȩpä̧kuä̧u̧.