Hechos 17:5 - Nuevo Testamento Uwotjüja

⁵ Ja̧'wa̧nü̧ ja̧'a̧nä̧, kkorotü judío esetokotümä̧ juätürü ä'kuoyäu ra̧wä̧rü̧, ttaditäwä jui'ätürü'i̧nä̧, ttü̧ja̧ suropätürü'i̧nä̧ ka̧ka̧ti̧nä̧tü̧ ütawiyä ttü̧ja̧rü̧ ttü̧ra̧wä̧ri̧pü̧nä̧ jȩtta̧ pä'ü; ja̧'wa̧nü̧ jȩpü̧ Jasó̧ ojusodettü Pauru'i̧nä̧, Sira-rü'i̧nä̧ ttü̧ja̧ ttä'ka jo̧mȩku̧ rä'epü ttikuatü pä'ü jȩpi̧nä̧tü̧.

TÄ̧DO Ä̧CUÄ̧ I̧HUȨNȨ

⁵ Ja̧'hua̧nö̧ ja̧'a̧nä̧ korotö judíos ttöja̧ esetocotö pi̧nä̧tö̧do. Jahuätö ra̧huä̧rö̧ a'cuoyähuinätödo. Ttaditoca'ara̧'a̧ suronä jȩpö̧ cue'ächö ka̧cuä̧tö̧rö̧ ca̧ca̧ti̧nä̧tö̧do ra̧huä̧rö̧ huotta pä'ö. Judíos ttö̧ja̧'i̧nä̧, korotö recuätö'inä Pablorö, Silasrö Jasón ojusodettö usinätödo. Pablorö, Silasrö isode jacuättö 'chu'ädö rä'epö tticua pä'inätödo, ttö̧ja̧rö̧ ttiya pä'ö.

Hechos 17:5 Referans Kwoze

Gálatas 5:26

Ukuo te'äkuäumä̧ türowäu juiyätukua, mi̧kuä̧ri̧yä̧kuä̧u̧ pä'ä'chäkuäumä̧, kkorotü ttu̧ju̧nä̧ra̧'a̧ topümä̧, ttu̧wä̧mȩnä̧ wotüjä̧ pä'ümä̧.

Hechos 17:13

Ja̧'wa̧nü̧ ja̧'a̧nä̧, Tesalónica ttü̧ja̧ judío-mä̧, Pauru-mä̧ Berea ütawiyänä̧'i̧nä̧, Dio i̧wȩnȩ ji'äudo pätta'a ä̧ju̧kuä̧jä'kotü, jua'atä 'chä̧nü̧ ttü̧ja̧rü̧ suronä̧ wottünä̧ jȩpi̧nä̧tü̧.

Gálatas 5:21

jui'ü ra̧wä̧rä̧kuä̧wä̧'i̧nä̧; tä̧mä̧'chä̧kuä̧wä̧'i̧nä̧, abo 'kuäo'ünä̧ kuäkuäwä'i̧nä̧, ja̧'wa̧ta̧nü̧ jü̧ kkoro jȩä̧'chä̧kuä̧wä̧'i̧nä̧. Mo̧ jidäwinü̧ta'anü̧, jitä'i̧nä̧ ji'äusä, jua̧u̧ jȩpä̧tü̧mä̧ ru̧wa̧ Dio weomȩmä̧ dodettokäkuotü.

Romanos 16:21

Chuku chaditäku Timoteo'i̧nä̧ teäwä̧u̧jä̧, Ruciu'i̧nä̧, Jaso̧'i̧nä̧ ja̧'wa̧ta̧nü̧ chukuojattü cha̧wa̧ru̧wa̧ Sosípatro'i̧nä̧, jü̧nä̧.

Hechos 17:7

Ja̧'wa̧nü̧ ja̧'a̧nä̧, Jasó̧-mä̧ ojusodenä̧ do'ädäji juätürü; ¡juätümä̧ o'katoi'ünä̧, Césa i̧wȩyu̧ti̧nü̧ to'ija̧'a̧ku̧ wotü, jua'amä̧ kka̧ra̧ jareünä̧ ru̧wa̧ rey-mä̧, Jesú ja̧'a̧ pätta'attü̧!

Hechos 14:2

Ja̧'wa̧nü̧ ja̧'a̧nä̧ judío Jesú-ru esetokotümä̧, juätü judío pokotürü suronä̧ ji'äwinä̧tü̧, Dio i̧wȩnȩ esetätürü tta̧mi̧ surächi'ünä̧.

1 Corintios 3:3

Jitä'i̧nä̧, kuidepä wea'anä̧tä̧ kka̧kuä̧tü̧jä̧!; ji̧nä̧ ukutunä̧ kka̧'a̧ kuä'kuoyäwätuku, kurowäwätuku'i̧nä̧, päkuä'chäkuäwätuku'i̧nä̧, jü̧nä̧ ja̧'wa̧nü̧ jȩpü̧ pi̧jä̧ jäwänä̧tä̧ kuidepä wea'anä̧ kka̧kuä̧tü̧jä̧.

Hechos 19:40

Isopäi'ünä̧ pi̧yȩ mo̧ro̧ 'kuäopäjinä̧mä̧, ttü̧ja̧rü̧ suronä̧ jȩttü̧nä̧ jȩpä̧tü̧ pättü'anü̧ wotüjä̧, kkorojueimä̧ juiya'anä̧tä̧ jä̧ja̧'a̧ttü̧.

Hechos 18:12

Ja̧'wa̧nü̧ ja̧'a̧nä̧ Acaya rȩjȩnä̧mä̧, Galió̧ pä'ü mi̧kua̧ Gobernador weü pä̧nä̧ ja̧'a̧, judío-mä̧ Pauru-rü suronä̧ amükuädü 'chu'ädäjä'kotü ruwotü tribunal pä̧ttä̧u̧ ttä'ka jo̧mȩku̧ ȩpä̧jä̧'kotü,

Hechos 14:19

Ja̧'wa̧nü̧ ja̧'a̧ jakuänä̧ Antioquía-ttü'i̧nä̧, Iconiottü̧'i̧nä̧ Judío-mä̧ ichi'ü ttü̧ja̧rü̧ esekuinä̧tü̧; ttesekuä̧u̧ Pauru-rü inä̧dunä̧ ikuäu ikuäjä'kotü, täkü 'koru pä'i'äjikü̧ pä'ü, ütawiyättü dodopü rä'epü ttikuinä̧ku̧.

Hechos 13:45

Ja̧'wa̧nü̧ ttü̧ja̧ rekuätü ttü̧ka̧ka̧kuo̧mȩnä̧, judío-mä̧ Pauru-rü ra̧wä̧ri̧pü̧, Pauru jiäu to'ija̧'a̧ku̧ pä'ä'chinä̧tü̧, suronä̧'i̧nä̧ pä'ä'chinä̧tü̧.

San Mateo 27:18

isopäi'ünä̧ kkü'kü jui'ü iyu ttikuäku pä'ü u̧wo̧jua̧'a̧ttü̧.

Santiago 4:5

Ji̧yȩtȩ pätetü pä'a wȩyu̧kuä̧ wȩnȩmä̧: «Dio-mä̧ eseu repe'ünü̧ ä'kuoyäu Epíritu ujutunä̧ u̧ju̧ni̧nä̧ku̧ru̧mä̧.»

Hechos 7:9

Pitü ttä̧'o̧tü̧ ttäkuotü pinä̧tü̧mä̧, tti̧jä̧wa̧ José-rü kkü'kü jui'ü, mikuä pä'ü iyü ikuinä̧tü̧ Egito-ra̧'a̧. Ja̧'wa̧nü̧ ja̧'a̧nä̧, Dio-mä̧ José-rü tta̧'ä̧ri̧nü̧,

Hechos 17:6

Ja̧'wa̧nü̧ ja̧'a̧nä̧, juätürü ttü̧'o̧kui̧'ü̧ juiyünä̧ jä̧u̧, Jasó̧-rü̧tä̧ ja̧'wa̧ta̧nü̧ kkorotü Jesucrito-rü esetätürütä, 'chu'ädi'ü dodopü ttȩmi̧pi̧nä̧u̧, pa̧'a̧nü̧ wopü kkä̧nü̧: —¡Pitü, pi̧jä̧ o'kajuiyünä̧ suro juo'epä'ijätümä̧, po'i̧nä̧ suro juo'epü ichäjätü!

Hechos 17:9

Ja̧'wa̧nü̧ ja̧'a̧nä̧ Jaso̧'i̧nä̧, kkorotü'i̧nä̧ pärätä tti̧mi̧täwomȩnä̧ kä'ädü tti̧kui̧nä̧u̧.

2 Corintios 11:26

rü̧ȩnä̧ kue'ächä'ijüsä; ajewiyättü ra̧wä̧pi̧ja̧'a̧'i̧nä̧, nä̧u̧kuä̧rä̧tü̧ttü̧ ra̧wä̧pi̧ja̧'a̧'i̧nä̧, ttütä chi̧rȩjä̧ isotüttü ra̧wä̧pi̧ja̧'a̧'i̧nä̧, judío pokotüttü ra̧wä̧pi̧ja̧'a̧'i̧nä̧, ütäwiyättü ra̧wä̧pi̧ja̧'a̧'i̧nä̧, rȩba̧ dȩ'a̧ra̧'a̧ttü̧ ra̧wä̧pi̧ja̧'a̧'i̧nä̧, rü̧ä̧ ajera̧'a̧ttü̧ ra̧wä̧pi̧ja̧'a̧'i̧nä̧, chawaruwä chi̧jä̧wa̧tü̧ yapareäkuäwä isotüttü ra̧wä̧pi̧ja̧'a̧'i̧nä̧;

1 Tesalonicenses 1:6

Ukutumä̧, ujutu jȩpü̧ tü̧ja̧kui̧nü̧ta̧'a̧nü̧'i̧nä̧, Tu̧ru̧wa̧ jȩi̧nü̧ta̧'a̧nü̧'i̧nä̧ jȩpä̧tü̧jä̧, wȩnȩ rü̧ȩnä̧ usurä kuȩmä̧wä̧tu̧kua̧'a̧nä̧'i̧nä̧, Epíritu Sa̧tu̧ kuesewätukunä̧ iyomȩnä̧.