Biblia Todo Logo
Bib sou entènèt

- Piblisite -




Hechos 17:15 - Nuevo Testamento Uwotjüja

15 Ja̧'wa̧nü̧ ja̧'a̧ Pauru-rü o'ipäjätümä̧, chutäku 'chi̧nä̧tü̧ Atenas ütawiyäbü. Ja̧'wa̧nü̧ jä̧ja̧'a̧ juätürütä Pauru-mä̧ we'inü̧, kka̧kui̧pä̧jä̧tü̧mä̧ Sira'i̧nä̧, Timoteo'i̧nä̧ jurunä̧nü̧ juȩnȩtä̧ ttü̧ka̧ka̧kui̧'a̧ pä'ü.

Gade chapit la Kopi

TÄ̧DO Ä̧CUÄ̧ I̧HUȨNȨ

15 Pablocu 'chi̧nä̧tö̧mä̧ Atenas ötahuiyära̧'a̧ Pablorö ku̧no̧po̧'ö̧ i̧huä̧jä̧'co̧tö̧ juhua'attö Berea ötahuiyära̧'a̧ pä'aji ta'anö ppa̧'ä̧chi̧nä̧tö̧do jittähua pä'ö Silasrö'inä, Timoteorö'inä Pablo ö̧ja̧'a̧cu̧ jurunä tti̧'cha̧ pä'ö.

Gade chapit la Kopi




Hechos 17:15
11 Referans Kwoze  

Ja̧'wa̧nü̧ ja̧'a̧ttü̧, ukuturu tota pä'ü ta̧mu̧kuä̧rü̧nä̧ jä̧u̧ Atenas ütawiyänä̧tä̧ tü̧ja̧kui̧'a̧ pä'ü amükuäjä'kotü, kka̧kui̧pi̧nä̧tü̧jä̧.


Sira'i̧nä̧, Timoteo'i̧nä̧ Macedonia rȩjȩra̧'a̧ttü̧ tti̧'chi̧'o̧mȩnä̧mä̧, Pauru-mä̧ jo̧mȩnü̧tä̧ judío-rü jareü wȩnȩ ji'äwinü̧, Jesú-mä̧ Crito ja̧'a̧ pä'ü.


Pi̧yȩ o'komȩnä̧mä̧, Pauru-mä̧ Atenas ütawiyättü rä'opächü Corinto ütawiyära̧'a̧ku̧ 'chi̧nü̧.


Artemas jü̧ttü̧'i̧nä̧, Tíquico jü̧ttü̧'i̧nä̧ uku ku̧ja̧'a̧ wedomȩnä̧mä̧, Nicópori-ra̧'a̧ kui'chi'ü'a̧nü̧ ja̧'a̧, juorü totäkuäwäkua'anü̧, isopäi'ünä̧ a̧'ȩnä̧mä̧ juȩnȩtä̧ 'kuädopa pä'ü amükuädüsä.


(Jua'amä̧ Atenas ttü̧ja̧mä̧ ja̧'wa̧ta̧nü̧ kkara'attü ichäkuäwotü'i̧nä̧ o'katoi'ünä̧, jareü wȩnȩtä̧ ä̧ju̧ku̧, ukuokuäkuäwätä ttüjü'ka'attü ji̧na̧'a̧).


Ja̧'wa̧nü̧ Pauru-mä̧, Atenas ütawiyänä̧ Sira-rü'i̧nä̧, Timoteo-rü'i̧nä̧ tta̧'ä̧rü̧ ü̧jo̧mȩnä̧, ttü̧ä̧nä̧wo̧tü̧rü̧ esetü jȩä̧kuä̧wä̧ rü̧ȩnä̧ kka̧'a̧ toomȩnä̧ a̧'kua̧ tta̧'ȩkui̧nü̧.


Ja̧'wa̧nü̧ pä'ü, igresia jü̧nä̧ wȩttä̧jä̧u̧mä̧, Fenicia rȩjȩnä̧'i̧nä̧, Samaria rȩjȩnä̧'i̧nä̧ 'kuä'opü ji'äwinä̧tü̧ judío pokotü Jesucrito-rü jareünä̧ esetü ttiku wȩnȩmä̧; jua̧u̧ ä̧ju̧ku̧ Jesucrito-rü esetätümä̧ rü̧ȩnä̧ eseäkuäwinä̧tü̧.


Ja̧'wa̧nü̧ jȩtta̧'a̧nä̧, Jesucrito-rü esetätümä̧ yotäku Pauru-rü rü̧ä̧ ajeku we'opo'ü ikuinä̧tü̧; Sira-ku, Timoteo-kutä juȩnȩmä̧ ttü̧ji̧pa̧'a̧nä̧.


Ja̧'wa̧nü̧ ja̧'a̧, Pauru-mä̧ Areópago-ttü ä̧rä̧mi̧'ü̧, ttü̧'kä̧tȩttü̧ päinä̧u̧: Ukutu Atenas ttü̧ja̧mä̧, tochomȩnä̧, o'katoi'ünä̧ ku̧ä̧nä̧wo̧tü̧rü̧ esetätüjä̧;


Swiv nou:

Piblisite


Piblisite