Hechos 17:13 - Nuevo Testamento Uwotjüja

¹³ Ja̧'wa̧nü̧ ja̧'a̧nä̧, Tesalónica ttü̧ja̧ judío-mä̧, Pauru-mä̧ Berea ütawiyänä̧'i̧nä̧, Dio i̧wȩnȩ ji'äudo pätta'a ä̧ju̧kuä̧jä'kotü, jua'atä 'chä̧nü̧ ttü̧ja̧rü̧ suronä̧ wottünä̧ jȩpi̧nä̧tü̧.

TÄ̧DO Ä̧CUÄ̧ I̧HUȨNȨ

¹³ Ja̧'hua̧nö̧ ja̧'a̧ judíos ttö̧ja̧ Tesalónica ötahuiyänä ka̧cuä̧tö̧mä̧ Pablomä Dios i̧huȩnȩ Berea ötahuiyättö ji'äudo jittähua'a ttä̧ju̧cuo̧mȩnä̧, juhua'atä 'chä̧nö̧ ttö̧ja̧rö̧ ucuocuinätödo suronä jȩtta̧ pä'ö Pablorö.

Hechos 17:13 Referans Kwoze

Hechos 21:27

Dio-rü jȩtä̧kuo̧tü̧jä̧ pä'inä̧tü̧, ttiyü sietenü̧ mo̧ro̧ beipächa pä'ümä̧ a̧'u̧ku̧nä̧tä̧ juiya'a, yotüte Asia rȩjȩttü̧ ichäjätü, judío topo'inä̧tü̧ Pauru-rü, Dio-rü ukuokuäkuäwodenä̧ ü̧ja̧'a̧. Topo'ü, ttü̧ja̧rü̧ wopo'ü jȩpü̧, Pauru-rü 'chu'ädü,

Hechos 17:5

Ja̧'wa̧nü̧ ja̧'a̧nä̧, kkorotü judío esetokotümä̧ juätürü ä'kuoyäu ra̧wä̧rü̧, ttaditäwä jui'ätürü'i̧nä̧, ttü̧ja̧ suropätürü'i̧nä̧ ka̧ka̧ti̧nä̧tü̧ ütawiyä ttü̧ja̧rü̧ ttü̧ra̧wä̧ri̧pü̧nä̧ jȩtta̧ pä'ü; ja̧'wa̧nü̧ jȩpü̧ Jasó̧ ojusodettü Pauru'i̧nä̧, Sira-rü'i̧nä̧ ttü̧ja̧ ttä'ka jo̧mȩku̧ rä'epü ttikuatü pä'ü jȩpi̧nä̧tü̧.

Hechos 14:2

Ja̧'wa̧nü̧ ja̧'a̧nä̧ judío Jesú-ru esetokotümä̧, juätü judío pokotürü suronä̧ ji'äwinä̧tü̧, Dio i̧wȩnȩ esetätürü tta̧mi̧ surächi'ünä̧.

Hechos 6:12

Ja̧'wa̧nü̧ jȩpü̧ ttü̧ja̧rü̧'i̧nä̧, judío-ttü a̧ci̧a̧nu̧ wotü'i̧nä̧, weäwä wȩnȩ wo̧juȩkuä̧ isottürü'i̧nä̧ ttü̧ra̧wä̧ri̧pü̧nä̧ jȩpi̧nä̧tü̧; ja̧'wa̧nü̧ jo̧mȩnä̧ Esteba̧-rü̧ 'chu'ädü ruwotü ukuo isotü ttä'ka jo̧mȩ ȩpü̧ kku̧ni̧nä̧tü̧.

San Mateo 23:13

¡Isottü̧ ukutuwe! weäwä wȩnȩ wo̧juȩtä̧tü̧mä̧ ja̧'wa̧ta̧nü̧ fariseo wotümä̧ ä'koyättütä esetätüjä̧, ukutumä̧ mo̧ro̧jä̧ ru̧wa̧ weünä̧ dodettü juiyünä̧ tto̧'ȩpä̧rä̧tü̧jä̧. Ukututä'i̧nä̧ dode'kuätukuoka'anä̧, kkorotürü'i̧nä̧ dottächa pä'ätürü dodettü juiyünä̧ jȩpä̧tü̧jä̧.

San Lucas 12:51

¿Pi̧jä̧ra̧'a̧mä̧ wȩnȩ juiyünä̧ kkä̧kuä̧wä̧ i'kächinü̧kü̧ päkuätukua'a? Ja̧'wa̧nü̧mä̧kü̧ ja̧'wa̧nü̧ ja̧jü̧ jueimä̧ pä'ä'chäkuäu tti̧'kȩ'chä̧wä̧chü̧nä̧ i'kächinü̧sä̧.

Hechos 17:1

Pauru-mä̧, Sira-ku Anfípolis ütawiyänä̧'i̧nä̧, Apolonia ütawiyänä̧'i̧nä̧ 'kuä'opäjä'kotü Tesalónica ütawiyänä̧ rȩbȩä̧kuä̧wi̧'i̧nä̧tü̧, judío ttiäre sinagoga isode kko̧mȩ.

Hechos 17:10

Yodó päi'omȩnä̧, Jesucrito-rü esetätümä̧ Pauru-rü'i̧nä̧, Sira-rü'i̧nä̧, Berea ütawiyära̧'a̧ku̧ tti̧wi̧'a̧ pä'ü we'ü tti̧kui̧nä̧u̧. Jua'a rȩbȩä̧kuä̧wi̧'ä̧'kotümä̧ judío ttiäre sinagoga-nä̧ dodepinä̧tü̧.

Hechos 20:4

Jua̧u̧ku̧ 'chä̧tü̧mä̧ pitü ji̧na̧'a̧: Berea i̧sa̧, Pirro i̧tti̧, Sópater'i̧nä̧; Tesalónica ütawiyä isotü, Aritarco'i̧nä̧, Segundo'i̧nä̧; Derbe ütawiyä i̧sa̧ Gayo'i̧nä̧; ja̧'wa̧ta̧nü̧ Asia rȩjȩ ttü̧ja̧mä̧, Timoteo'i̧nä̧, Tíquico'i̧nä̧, Trófimo'i̧nä̧ ji̧na̧'a̧.

2 Corintios 11:26

rü̧ȩnä̧ kue'ächä'ijüsä; ajewiyättü ra̧wä̧pi̧ja̧'a̧'i̧nä̧, nä̧u̧kuä̧rä̧tü̧ttü̧ ra̧wä̧pi̧ja̧'a̧'i̧nä̧, ttütä chi̧rȩjä̧ isotüttü ra̧wä̧pi̧ja̧'a̧'i̧nä̧, judío pokotüttü ra̧wä̧pi̧ja̧'a̧'i̧nä̧, ütäwiyättü ra̧wä̧pi̧ja̧'a̧'i̧nä̧, rȩba̧ dȩ'a̧ra̧'a̧ttü̧ ra̧wä̧pi̧ja̧'a̧'i̧nä̧, rü̧ä̧ ajera̧'a̧ttü̧ ra̧wä̧pi̧ja̧'a̧'i̧nä̧, chawaruwä chi̧jä̧wa̧tü̧ yapareäkuäwä isotüttü ra̧wä̧pi̧ja̧'a̧'i̧nä̧;