Hechos 17:11 - Nuevo Testamento Uwotjüja

¹¹ Juätü judío-mä̧ Tesalónica-nä̧ kka̧kuä̧tü̧ttü̧'i̧nä̧ abonä̧nü̧ adiu eseäkuäwinä̧tü̧, Dio i̧wȩnȩmä̧ eseunu̧ ä̧ju̧kui̧nä̧tü̧, mo̧ro̧ ji̧nü̧'a̧kuä̧ wȩyu̧kuä̧ wȩnȩ topü wo̧jui̧pi̧nä̧tü̧, jittäumä̧ isopäi'ünä̧ ja̧ pä'ü.

TÄ̧DO Ä̧CUÄ̧ I̧HUȨNȨ

¹¹ Judíos ttö̧ja̧mä̧ Berea ötahuiyänä ka̧cuä̧tö̧mä̧ Tesalónica ötahuiyä ttö̧ja̧ttö̧'i̧nä̧ abonänö adiu ä̧ju̧cui̧nä̧tö̧ Jesucristo i̧huȩnȩ. Berea ötahuiyä ttö̧ja̧ Pablo jiäumä adiu ttä̧ju̧cua̧ pä'inätödo. Mo̧ro̧ji̧nö̧ a̧'u̧cuä̧ Huȩyu̧cuä̧ Huȩnȩ adiu topinätödo, Pablo jiähuäjimä iso päi'önä jueö jiähuäja pä'ö.

Hechos 17:11 Referans Kwoze

San Juan 5:39

Wȩyu̧kuä̧ wȩnȩ adiu topü ukuokuätukui; jua̧u̧nä̧tä̧ kka̧'a̧ 'kua̧'ra̧'a̧, ukutu ku̧jä̧tu̧kuä̧kuȩ kkä̧kuä̧wä̧ i'komä̧; jua̧u̧tä̧tä̧ ja̧'a̧ ttü chütü'kü jiäumä̧.

1 Tesalonicenses 2:13

Ja̧'wa̧nü̧ ja̧'a̧ttü̧, 'kuäopünä̧ Dio-rümä̧ eseunu̧ ukuokuätüjä̧. Jua'amä̧ Dio i̧wȩnȩ jitäwomȩnä̧ ttü̧ja̧ tti̧wȩnȩ 'kua̧rü̧nä̧ kuä̧ju̧kuä̧tu̧kuo̧ka̧'a̧, Dio i̧wȩnȩ jü̧nä̧tä̧, kuesetinä̧tu̧kua̧'a̧ttü̧, iweye ja̧'wa̧nü̧ ja̧'a̧tä̧mä̧. Jua̧u̧ wȩnȩtä̧ ja̧'a̧ isopäi'ünä̧ ukutu esetätünä̧ aditümä̧.

San Mateo 13:23

Ja̧'wa̧nü̧ ja̧'a̧nä̧, rȩjȩ adiwomȩ ma̧ä̧chi̧nü̧ jä̧ji̧mä̧ wȩnȩkuä̧cha̧'a̧, Dio i̧wȩnȩ ttä̧ju̧kuo̧mȩnä̧ adiu wo̧jui̧'ä̧tü̧rü̧ ja̧'wa̧nü̧ ja̧'a̧ jo̧mȩnü̧ u̧wä̧ju̧ wȩjä̧u̧ru̧, yotütenä̧mä̧ ciȩnü̧ pünä̧, kkorotünä̧mä̧ sesenta-nü̧ pünä̧, kkorotünä̧tä̧ treinta-nü̧ pünä̧, yotüku pünä̧mä̧.

1 Tesalonicenses 1:6

Ukutumä̧, ujutu jȩpü̧ tü̧ja̧kui̧nü̧ta̧'a̧nü̧'i̧nä̧, Tu̧ru̧wa̧ jȩi̧nü̧ta̧'a̧nü̧'i̧nä̧ jȩpä̧tü̧jä̧, wȩnȩ rü̧ȩnä̧ usurä kuȩmä̧wä̧tu̧kua̧'a̧nä̧'i̧nä̧, Epíritu Sa̧tu̧ kuesewätukunä̧ iyomȩnä̧.

San Juan 3:21

Ja̧'wa̧nü̧ ja̧'a̧nä̧, jueü wȩnȩnä̧ jȩpü̧ kka̧kuä̧tü̧mä̧ tȩya̧u̧ra̧'a̧ku̧ ichätü, Dio a̧'kua̧ iweyenä̧ jȩpü̧ ttü̧jä̧'i̧jü̧ i̧jȩkuä̧chü̧nä̧.

2 Tesalonicenses 2:10

Ja̧'wa̧ta̧nü̧ surojümä̧ o'kajuiyünä̧tä̧ jȩä̧kua̧ ro̧ȩkuä̧ra̧'a̧ tti̧'chä̧kuo̧tü̧rü̧ üyaparewa pä'ümä̧, Isopäi'ünä̧ juätümä̧ ra̧wäpi̧jü̧ttü̧ ttü̧ji̧pa̧ pä'ümä̧ isopäi'ünä̧ wȩnȩmä̧ ttesewoka'a ja̧'wa̧ta̧nü̧ tteseta pättoka'a ji̧na̧'a̧ttü̧.

1 Pedro 2:2

Ji̧'chi̧cha̧wa̧ jareünä̧ uwäpächü atate isoya päkuoya pä̧wä̧rü̧jü̧nä̧ usa'a jä̧'i̧nü̧'a̧nü̧ Epíritu jäwä usätukui, ja̧u̧nä̧tä̧ büó juokuätukuomȩnä̧ ra̧wä̧pi̧jü̧ttü̧ kki̧'i̧kuä̧mä̧ ku̧ju̧nä̧rä̧tu̧kua̧,

San Lucas 24:44

Ja̧'wa̧ta̧nü̧ päinä̧u̧: —Pi̧yȩ ukuokuinü̧sä̧ ukutuku kue'ächümä̧: Ttü chütü'kümä̧, Moisé i̧wȩyu̧ti̧nü̧'i̧nä̧, profeta tti̧wȩyu̧ti̧nü̧'i̧nä̧ ja̧'wa̧ta̧nü̧ Salmos-nä̧ wȩyu̧kuä̧'i̧nä̧ o'kajuiyünä̧tä̧ 'kuäopäkua'a pädinü̧mä̧.

Santiago 1:21

Ja̧'wa̧nü̧ ja̧'a̧ttü̧ o'kajuiyünä̧ surojü jȩ'kuä̧tu̧ku̧ttu̧'i̧nä̧, pi̧jä̧nä̧ttü̧ surojü rü̧ä̧chü̧ttü̧'i̧nä̧ kä'ädi'ü, Dio i̧wȩnȩ ukuru iyinü̧tä̧ esetü ukuo teäwäkuäwä juiyünä̧ ȩmi̧; jua̧u̧tä̧ jä̧kua̧'a̧ surojüttü'i̧nä̧ kua̧'kua̧rü̧ kki̧'i̧pü̧nä̧ jȩü̧mä̧.

Hechos 10:33

Ja̧'wa̧nü̧ päjiyäku, yotäku ottäjaku pä'ü wedäja'a ichi'äjijä̧. Ja̧'wa̧nü̧ ja̧'a̧ttü̧, jitämä̧ o'katoi'ünä̧ pȩnȩtä̧ Dio ä'ka jo̧mȩ pȩjä̧tü̧jä̧, ukuru Dio weäji tä̧ju̧kua̧ pä'ümä̧.

Hechos 2:41

Ja̧'wa̧nü̧ jiäu esetäjätümä̧, bautizo jȩtti̧nä̧u̧, jua̧u̧nü̧ mo̧ro̧tä̧mä̧ tres mil-nü̧ jo̧mȩnä̧ ji̧na̧'a̧, Jesucrito-rü esetätümä̧.

Hechos 17:1

Pauru-mä̧, Sira-ku Anfípolis ütawiyänä̧'i̧nä̧, Apolonia ütawiyänä̧'i̧nä̧ 'kuä'opäjä'kotü Tesalónica ütawiyänä̧ rȩbȩä̧kuä̧wi̧'i̧nä̧tü̧, judío ttiäre sinagoga isode kko̧mȩ.

Hechos 11:1

Apótore'i̧nä̧, kkorotü Jesucrito-rü esetätü'i̧nä̧ Judea-nä̧ kka̧kuä̧tü̧mä̧ ä̧ju̧kui̧nä̧tü̧, Judío pokotü'i̧nä̧ Dio i̧wȩnȩ ä̧ju̧kuä̧tü̧do pä'ü ukuowi'a'a.

San Lucas 16:29

Pä'ü ajuäkuäwäku Abraha̧-mä̧ päinä̧ku̧: Juätümä̧ Moisé i̧wȩyu̧ti̧nü̧'i̧nä̧, profeta wotü tti̧wȩyu̧ti̧nü̧'i̧nä̧ kku̧nä̧rä̧tü̧; ja̧'wa̧nü̧ ja̧'a̧ttü̧ juätürütä ä̧ju̧kuä̧tü̧.

San Lucas 1:2

Ä̧kuo̧mȩnä̧ttü̧ kkä̧mä̧dü̧ tti'ärenä̧ tottinü̧'a̧kuä̧, Dio i̧wȩnȩ ji'äwinä̧tü̧.

San Lucas 11:3

Jitä mo̧ro̧ tu̧kuä̧kuȩ'i̧nä̧ iyitü.