Hechos 17:1 - Nuevo Testamento Uwotjüja

¹ Pauru-mä̧, Sira-ku Anfípolis ütawiyänä̧'i̧nä̧, Apolonia ütawiyänä̧'i̧nä̧ 'kuä'opäjä'kotü Tesalónica ütawiyänä̧ rȩbȩä̧kuä̧wi̧'i̧nä̧tü̧, judío ttiäre sinagoga isode kko̧mȩ.

TÄ̧DO Ä̧CUÄ̧ I̧HUȨNȨ

¹ Pablocu, Silascu Anfípolis ötahuiyä'inä, Apolonia ötahuiyä'inä 'cuä'opö, Tesalónica ötahuiyära̧'a̧ 'chä̧hui̧'i̧nä̧tö̧do. Juhua'amä judíos ttu̧huo̧jui̧'i̧node huina'ado.

Hechos 17:1 Referans Kwoze

Filipenses 4:16

Suro, juȩnȩbütämä̧kü̧ ji̧na̧'a̧, Tesalónica ütawiyära̧'a̧ chü̧ja̧'a̧'i̧nä̧, todärenä̧ jo̧mȩnä̧ wekuinä̧tu̧kuä̧ku̧sä̧, ttürü rekuä rü̧ja̧'a̧ ppä'ädümä̧.

1 Tesalonicenses 1:1

Ttü Pauru'i̧nä̧, Silvano'i̧nä̧, Timoteo'i̧nä̧, te'äwätüjä̧ Tesalónica ütawiyänä̧ kka̧kuä̧tü̧, Dio-ku, Tu̧ru̧wa̧ Jesucrito-ku ji̧yȩtȩnä̧ wotürü. Tami'iso'ki o'kajuiyünä̧ pä̧wä̧rü̧jä̧u̧jä̧, wȩnȩ juiyünä̧ kkä̧kuä̧wä̧, eseäkuäwä Dio jo̧mȩnü̧ iyätukuaku pä'ü.

2 Tesalonicenses 1:1

Ttü Pauru, Silvano-ku, ja̧'wa̧ta̧nü̧ Timoteo-ku ukuturu te'äwätüjä̧ Tesalónica ütawiyättü Igresia jü̧nä̧ wotürü, Dio-ttü'i̧nä̧ Tu̧ru̧wa̧ Jesucrito-ttü'i̧nä̧ todepätürü.

Hechos 20:4

Jua̧u̧ku̧ 'chä̧tü̧mä̧ pitü ji̧na̧'a̧: Berea i̧sa̧, Pirro i̧tti̧, Sópater'i̧nä̧; Tesalónica ütawiyä isotü, Aritarco'i̧nä̧, Segundo'i̧nä̧; Derbe ütawiyä i̧sa̧ Gayo'i̧nä̧; ja̧'wa̧ta̧nü̧ Asia rȩjȩ ttü̧ja̧mä̧, Timoteo'i̧nä̧, Tíquico'i̧nä̧, Trófimo'i̧nä̧ ji̧na̧'a̧.

2 Timoteo 4:10

ja̧'wa̧ta̧nü̧ Dema, pi̧jä̧ jäwä kkü'kekuienä̧ku̧'i̧nä̧ Tesalónica-ra̧'a̧ 'chä̧nü̧ kkatä u̧ju̧ni̧'i̧nä̧ku̧sä̧. Crecente-tä Galacia rȩjȩra̧'a̧ i̧'cha̧'a̧nä̧ Tito-mä̧ Dalmacia-ra̧'a̧ 'chi̧nü̧.

Hechos 27:2

Ja̧'wa̧nü̧ ja̧'a̧, Adramitio ttawarättü woi'kanä̧ pȩjä̧mü̧ 'chi̧nä̧tü̧jä̧, Asia ttawaränä̧ rä̧mä̧di̧'ü̧ 'kuäopäkua'a ja̧'a̧. Ja̧'wa̧ta̧nü̧ ujutukumä̧, Aritarco Macedonia rȩjȩttü̧, Tesalónica ütawiyättü i̧chä̧kuä̧wa̧'i̧nä̧ ji̧na̧'a̧.

Hechos 17:13

Ja̧'wa̧nü̧ ja̧'a̧nä̧, Tesalónica ttü̧ja̧ judío-mä̧, Pauru-mä̧ Berea ütawiyänä̧'i̧nä̧, Dio i̧wȩnȩ ji'äudo pätta'a ä̧ju̧kuä̧jä'kotü, jua'atä 'chä̧nü̧ ttü̧ja̧rü̧ suronä̧ wottünä̧ jȩpi̧nä̧tü̧.

Hechos 17:11

Juätü judío-mä̧ Tesalónica-nä̧ kka̧kuä̧tü̧ttü̧'i̧nä̧ abonä̧nü̧ adiu eseäkuäwinä̧tü̧, Dio i̧wȩnȩmä̧ eseunu̧ ä̧ju̧kui̧nä̧tü̧, mo̧ro̧ ji̧nü̧'a̧kuä̧ wȩyu̧kuä̧ wȩnȩ topü wo̧jui̧pi̧nä̧tü̧, jittäumä̧ isopäi'ünä̧ ja̧ pä'ü.

Hechos 16:13

Ya'utenä̧, Sawaru mo̧ro̧, ütäwiyättü rä'opächü, aje jäyoto Dio-rü ttukuokuä'ijome pȩjä̧mü̧, juȩnȩ ka̧ka̧kuä̧jä̧tü̧ nä̧tü̧rü̧ ukuokuinä̧tü̧jä̧.

Hechos 15:21

isopäi'ünä̧, Moisé weäwä wȩnȩmä̧ mo̧ täbokütä päi'ünä̧, sawaru mo̧ro̧ jü̧ta̧'a̧nü̧, sinagogas odewiyänä̧mä̧ ji'äu tukuokuä'ijiyäku, weyeku juiyünä̧.

Hechos 14:1

Ja̧'wa̧nü̧ ja̧'a̧ Iconio ütawiyättümä̧, Pauru-mä̧, Bernawé-ku ji̧nä̧ yo̧mȩtȩnä̧ dodepinä̧tü̧ judío ttiärode sinagoga isodenä̧. Ja̧'wa̧nü̧ dodepü jittäwomȩnä̧ rekuätü esetinä̧tü̧ judío'i̧nä̧ ja̧'wa̧ta̧nü̧ judío pokotü'i̧nä̧, jü̧nä̧.

Hechos 17:10

Yodó päi'omȩnä̧, Jesucrito-rü esetätümä̧ Pauru-rü'i̧nä̧, Sira-rü'i̧nä̧, Berea ütawiyära̧'a̧ku̧ tti̧wi̧'a̧ pä'ü we'ü tti̧kui̧nä̧u̧. Jua'a rȩbȩä̧kuä̧wi̧'ä̧'kotümä̧ judío ttiäre sinagoga-nä̧ dodepinä̧tü̧.

1 Tesalonicenses 2:2

Ja̧'wa̧ta̧nü̧ wo̧juä̧tü̧jä̧ Filipo ütawiyä ttü̧ja̧ ujuturu suronä̧ wopü kkä̧nü̧ suronä̧ jȩtti̧nü̧mä̧. Ja̧'wa̧nü̧ rü̧ȩnä̧ suroja'anä̧'i̧nä̧, Dio-mä̧ tujuru iyinä̧u̧jä̧ jareü wȩnȩ jitäwa pä'ümä̧.