Hechos 16:5 - Nuevo Testamento Uwotjüja

⁵ Ja̧'wa̧nü̧ ja̧'a̧ igresia wotümä̧ juayabokutä tta̧'kua̧ wȩnä̧rü̧nü̧ ja̧'wa̧ta̧nü̧ Jesucrito-rü esetätü'i̧nä̧ mo̧ro̧ ji̧nü̧'a̧kuä̧ rekuächinä̧tü̧.

TÄ̧DO Ä̧CUÄ̧ I̧HUȨNȨ

⁵ Ja̧'hua̧nö̧ ja̧'a̧ iglesia ruhuämä juhua'a yabonö rö̧ä̧chö̧nä̧ esetinätödo. Mo̧ro̧ji̧nö̧ a̧'u̧cuä̧ korotö'inä Tu̧ru̧hua̧rö̧ esetö recuächinätödo.

Hechos 16:5 Referans Kwoze

Hechos 9:31

Ja̧'wa̧nü̧ jo̧mȩnä̧, Judea rȩjȩttü̧'i̧nä̧, Galirea rȩjȩttü̧'i̧nä̧ ja̧'wa̧ta̧nü̧ Samaria rȩjȩttü̧'i̧nä̧ o'katoi'ünä̧ igresia wotümä̧ rü̧ȩnä̧ eseäkuäwä kku̧nä̧ri̧nä̧tü̧; Dio-rü ukuotäkuäwänä̧ ttä̧rä̧ma̧'a̧ttü̧, Epíritu Sa̧tu̧ ppädäkuäwänä̧ yaboku rü̧'ä̧chi̧nä̧tü̧.

Hechos 2:47

Dio-rü rü̧ȩnä̧ eseu ttü̧ja̧rü̧'i̧nä̧ o'katoi'ünä̧rü̧ ppä'ädinä̧tü̧. Ja̧'wa̧nü̧ jo̧mȩnä̧, mo̧ro̧ ji̧nü̧'a̧kuä̧ Dio-mä̧ igresia yaboku rü̧ä̧chü̧nä̧ jȩpi̧nü̧, ra̧wä̧pi̧jü̧ttü̧ ttü̧ji̧pü̧nä̧.

Hechos 6:7

Ja̧'wa̧nü̧ ja̧'a̧mä̧, yabokutä Dio i̧wȩnȩmä̧ rü̧ä̧chi̧na̧'a̧, Jerusarȩ́-nä̧mä̧ Jesucrito-rü esetätümä̧ rekuächinä̧tü̧; ja̧'wa̧ta̧nü̧ rekuätü sacerdote'i̧nä̧ esetächinä̧tü̧, jua̧u̧ tta̧'kua̧ wȩnä̧rä̧kuä̧wä̧mä̧.

1 Pedro 5:10

Ja̧'wa̧nü̧ ja̧'a̧nä̧ ukutu usurä kuȩmä̧wä̧tu̧kua̧'a̧ttü̧mä̧ a̧'u̧kua̧'a̧tä̧ mo̧ro̧ o'ka'a Dio-mä̧ surojü juikuätukunä̧'i̧nä̧, 'kiyünä̧ ku̧jä̧tu̧ku̧nä̧'i̧nä̧, kujuruwätukunä̧'i̧nä̧ ja̧'wa̧ta̧nü̧ jo̧mȩnü̧ kuätukunä̧'i̧nä̧ jȩä̧kuä̧u̧jä̧. Dio-mä̧ chutätä Crito-nä̧ rü̧ȩnä̧ eseunä̧ uruwo beipokü ku̧ju̧nä̧rä̧tu̧kua̧ pä'ü woinä̧u̧jä̧.

Hechos 15:41

Ja̧'wa̧nü̧ ja̧'a̧mä̧, Siria rȩjȩnä̧'i̧nä̧, Ciricia rȩjȩnä̧'i̧nä̧ 'kuä'opü ji'äwinä̧tü̧ tteseäkuäwünä̧, igresia wotü ttü̧ja̧kuo̧mȩmä̧.

Colosenses 2:6

Ja̧'wa̧nü̧ ja̧'a̧ttü̧, Jesucrito-rü ku̧ru̧wa̧tu̧ku̧ jü̧nä̧ kuesetinä̧tu̧kua̧'a̧mä̧, churutä pä̧wä̧rü̧jo̧mȩnä̧ kka̧kuä̧tu̧kui̧.

1 Corintios 15:58

Ja̧'wa̧nü̧ ja̧'a̧ttü̧, chawaruwä chi̧jä̧wa̧tü̧, kua̧mi̧'ki'ächi'ü yaboku tätukui, yabonü̧, 'kuäopünä̧tä̧ Tu̧ru̧wa̧ aditäwä aditü; Tu̧ru̧wa̧nä̧ adikuämä̧ yaparemä̧ adikuokü pä'ü.

Romanos 16:25

¡Dio-rü teseäkuäwätukua! jua̧u̧tä̧ ja̧'a̧ yaboku kui'chä̧tu̧ku̧nä̧ ppä'ädümä̧ jareü wȩnȩ jidäu ja̧'wa̧nü̧ pä'a ja̧'wa̧ta̧nü̧ Jesucrito'i̧nä̧ ja̧'wa̧nü̧tä̧ wo̧juȩti̧nü̧. Ja̧'wa̧nü̧tä̧ ja̧'a̧ Dio ttieruwuönä̧ amükuädinü̧mä̧, mo̧ täbokü pi̧jä̧ kkä̧kua̧'a̧ a'kojitä päi'ünä̧ wo̧jui̧'ä̧kuä̧wo̧kü̧ ji̧nü̧.

Hechos 12:24

Ja̧'wa̧nü̧ ja̧'a̧nä̧, Dio i̧wȩnȩmä̧ yabonü̧ rü̧ä̧chi̧na̧'a̧.

Hebreos 13:9

Kuieruwätuku, kkoro kkä̧kuä̧wä̧ wȩnȩku̧mä̧ pekuächächätukuä; Isopäi'ünä̧, ttu̧kuȩ kuäkuäwänä̧ repettajü jueimä̧, tamiso'kinä̧, Dio iyinü̧nä̧ repetächa pä'ü ja̧'a̧, büó juo'ünü̧; ja̧'wa̧nü̧ kkä̧'chä̧kuä̧wä̧mä̧ yorisotä ppädokü ji̧nü̧.

2 Tesalonicenses 2:16

Tä'o Dio-mä̧ adiwä i̧sa̧; ja̧'wa̧nü̧ ja̧'a̧ttü̧ ujuturumä̧ eseunu̧ repe'ü ja̧'wa̧ta̧nü̧ a̧'u̧ri̧jo̧mȩnä̧ tta̧'kua̧ ȩmä̧wä̧ beipächokü, ja̧'wa̧ta̧nü̧ ra̧wä̧pi̧jü̧ttü̧ tü̧ji̧pä̧kuȩ jueünä̧ wo̧juä̧wä̧'i̧nä̧ iyinä̧u̧jä̧. Jä'o Dio-rü'i̧nä̧ tu̧ru̧wa̧ Jesucrito'i̧nä̧ jä'epüsä,

1 Tesalonicenses 3:13

Ja̧'wa̧ta̧nü̧ Tu̧ru̧wa̧rü̧ jä'epätüjä̧, Chutätä rü̧ȩnä̧ kua̧'kua̧ ku̧wȩnä̧rä̧tu̧ku̧nä̧, surojü juiyünä̧ kujurutuku iyätukuaku pä'ü. Ja̧'wa̧nü̧ jo̧mȩnä̧ chutä pojopü ȩmi̧nä̧u̧ku̧ ichomȩnä̧ Dio ä'ka jo̧mȩttü̧ ukuturu, jitüjamä̧ suropätü pä'ü jittäu juiyäkua'anü̧. Amȩ́.

1 Tesalonicenses 3:2

Ja̧'wa̧nü̧ jä̧u̧, ta̧wa̧ru̧wa̧ ti̧jä̧wa̧ Dio i̧wȩnȩ, Crito i̧wȩnȩ jareü wȩnȩ jiäkuäwä ppä'ädä̧ri̧'i̧jü̧, Timoteo-rütä, ukuturu we'ätüjä̧ ppädätukuaku pä'ü.

Gálatas 5:1

Crito rä'epü ikuinü̧nä̧tä̧, 'kiyünä̧ kka̧kuä̧tu̧kui̧, pä'äjita'anü̧mä̧ weäwä wȩnȩ kkȩdä̧ra̧'a̧ku̧mä̧ ku̧ja̧kuä̧tu̧kuä̧.

Hechos 11:21

Ja̧'wa̧nü̧ jo̧mȩnä̧, Tu̧ru̧wa̧ Dio jäwä juätütäku kka̧'a̧ttü̧, rekuätü Tu̧ru̧wa̧ Jesucrito-rü esetü ikuinä̧tü̧.

Hechos 5:14

Ja̧'wa̧nü̧ jo̧mȩnä̧ Jesucrito-rü esetätümä̧ yaboku rekuächinä̧tü̧, u̧mä̧tü̧'i̧nä̧, nä̧tü̧'i̧nä̧, jü̧nä̧.

Hechos 4:4

Ja̧'wa̧nü̧ ja̧'a̧nä̧, jittäwa'a ä̧ju̧kuä̧jä̧tü̧mä̧, rekuätü esetinä̧tü̧; suro u̧mä̧tü̧tä̧mä̧ cinco mil jo̧mȩnä̧ ji̧na̧'a̧.