Hechos 16:22 - Nuevo Testamento Uwotjüja

²² Pä'ü jittäwiyä̧u̧, ttü̧ja̧mä̧ juätürü ttüjü'kü juiyünä̧ päi'inä̧u̧, ja̧'wa̧ta̧nü̧ ruwotümä̧, juätürü ttü̧'ka̧tä̧wä̧ti̧yu̧ kko̧sü̧ ttikunä̧ we'ü, o̧'ki̧yä̧nä̧ kuäkuättatü pä'ü wȩtti̧nä̧u̧.

TÄ̧DO Ä̧CUÄ̧ I̧HUȨNȨ

²² Möäyaju kuruhuotö jittähua'a ttä̧ju̧cuo̧mȩnä̧, ttö̧ja̧ recuätö Pablorö, Silasrö ra̧huä̧rö̧ cuättinä̧u̧. Romanos ttö̧ja̧ tturuhuotö hue'inätö ttö̧'ca̧tä̧huä̧ti̧yu̧ ko̧'ä̧dö̧ icu cuäcuättatö pä'ö i̧so̧'quȩnä̧.

Hechos 16:22 Referans Kwoze

1 Tesalonicenses 2:2

Ja̧'wa̧ta̧nü̧ wo̧juä̧tü̧jä̧ Filipo ütawiyä ttü̧ja̧ ujuturu suronä̧ wopü kkä̧nü̧ suronä̧ jȩtti̧nü̧mä̧. Ja̧'wa̧nü̧ rü̧ȩnä̧ suroja'anä̧'i̧nä̧, Dio-mä̧ tujuru iyinä̧u̧jä̧ jareü wȩnȩ jitäwa pä'ümä̧.

2 Corintios 6:5

kuäkuättomȩnä̧'i̧nä̧, kärenä̧ tü̧'o̧mȩnä̧'i̧nä̧, tä'oka'a usurä tȩmä̧wo̧mȩnä̧'i̧nä̧, ppäi ttütomȩnä̧'i̧nä̧;

Hebreos 11:36

Kkorotümä̧ ya̧'a̧wä̧'chü̧ kuäkuättinä̧u̧, kä̧rȩnä̧sa̧nä̧ nü'kä̧rü̧, kärenä̧ ttütä'chinä̧u̧.

1 Pedro 2:24

Crito-mä̧ chutätä surojü jȩtä̧'i̧jü̧mä̧ ja̧ttä̧pä̧ya̧ ü̧jo̧kä̧ jäinä̧ ȩpi̧nü̧, ujutu surojünä̧ 'korujuo'ächi'ü'kotü a̧'kua̧rä̧kuä̧wä̧ra̧'a̧ ttü̧ja̧kua̧ pä'ümä̧. Crito-mä̧ ta'ü ttikuinä̧ku̧ ukutu ku̧'ȩji̧'ä̧tu̧kua̧ pä'ümä̧.

Hechos 18:12

Ja̧'wa̧nü̧ ja̧'a̧nä̧ Acaya rȩjȩnä̧mä̧, Galió̧ pä'ü mi̧kua̧ Gobernador weü pä̧nä̧ ja̧'a̧, judío-mä̧ Pauru-rü suronä̧ amükuädü 'chu'ädäjä'kotü ruwotü tribunal pä̧ttä̧u̧ ttä'ka jo̧mȩku̧ ȩpä̧jä̧'kotü,

Hechos 17:5

Ja̧'wa̧nü̧ ja̧'a̧nä̧, kkorotü judío esetokotümä̧ juätürü ä'kuoyäu ra̧wä̧rü̧, ttaditäwä jui'ätürü'i̧nä̧, ttü̧ja̧ suropätürü'i̧nä̧ ka̧ka̧ti̧nä̧tü̧ ütawiyä ttü̧ja̧rü̧ ttü̧ra̧wä̧ri̧pü̧nä̧ jȩtta̧ pä'ü; ja̧'wa̧nü̧ jȩpü̧ Jasó̧ ojusodettü Pauru'i̧nä̧, Sira-rü'i̧nä̧ ttü̧ja̧ ttä'ka jo̧mȩku̧ rä'epü ttikuatü pä'ü jȩpi̧nä̧tü̧.

Hechos 16:37

Ja̧'wa̧nü̧ päku Pauru-mä̧ su̧ro̧do̧u̧ru̧ pä'inü̧: —Ujutumä̧ Roma ttü̧ja̧ ta'anä̧, ttü̧ja̧ ttä'ka jo̧mȩttü̧ kuäkuäpü, kärenä̧ rütü jȩttä̧jä̧u̧jä̧ juicio pättümä̧ jȩtto̧ka̧'a̧nä̧; ¿ja̧'wa̧nü̧ ttü̧ja̧ ttieruwünä̧tä̧ jȩpä̧jä̧'kotü jitämä̧ ja̧'wa̧nü̧tä̧ rä'epü ttikua pätta'a tä̧jí̧? ¡ja̧'wa̧nü̧mä̧ pä'okotüjä̧! Jitütä rä'epü ttikuächatü pä'itü.

Hechos 5:40

Ja̧'wa̧nü̧ jua̧u̧ku̧ esekuäjä'kotü; apótore-rü wopo'ü, kuäkuättünä̧ we'äjä'kotü, Jesú i̧mi̧nä̧ ttukuoku juiyünä̧tä̧ ye'epe'ipü, rä'epü tti̧kui̧nä̧u̧.

San Mateo 27:26

Ja̧'wa̧nü̧ ja̧'a̧ttü̧, Pilato-mä̧ Barrabá-rütä rä'epü iku; Jesú-rumä̧ kuäkuätta pä'ü we'ü kkä̧nü̧, ü̧jo̧kä̧nü̧ jäinä̧ pȩ'o̧pü̧ ttu̧ju̧na̧rü̧ pä'ü we'inü̧.

San Mateo 10:17

Ja̧'wa̧ta̧nü̧ tta̧kuä̧rä̧kuä̧wä̧tu̧kua̧jä̧, isopäi'ünä̧ ruwotürü iyü iku kkä̧nü̧'i̧nä̧, sinagogas odewiyättü'i̧nä̧ kuäkuättäkuä̧u̧jä̧.

San Lucas 12:11

Ukuturu sinagoga odewiyära̧'a̧ ttȩpü̧ttü̧'i̧nä̧, Juez jü̧nä̧ wotü ttü̧'ȩjo̧mȩ ttȩpü̧ttü̧'i̧nä̧ ja̧'wa̧ta̧nü̧ ukuo isotü ttü̧'ȩjo̧mȩ ttȩpü̧ttü̧'i̧nä̧, tta̧'a̧nü̧ tädätäkua'ajó, toku jitäwäkua'ajó pä'ümä̧ kua̧'kua̧ tta̧kuȩkuä̧tu̧kuä̧.