Hechos 16:2 - Nuevo Testamento Uwotjüja

² Ja̧'wa̧nü̧ ja̧'a̧, Ritra-ttü'i̧nä̧, Iconio-ttü̧'i̧nä̧ Dio-rü esetätümä̧ jua̧u̧ ütü'kümä̧ adiu ukuokuinä̧tü̧.

TÄ̧DO Ä̧CUÄ̧ I̧HUȨNȨ

² Jesucristorö esetätömä Listra ötahuiyänä'inä, Iconio ötahuiyänä'inä ka̧cuä̧tö̧mä̧: —Timoteotä adiu jȩpö̧ kö̧mä̧, —pä'inätödo.

Hechos 16:2 Referans Kwoze

2 Timoteo 3:15

Amükuädi kua̧'u̧kuä̧'i̧ttü̧ kkä̧mä̧dü̧ wȩyu̧kuä̧ wȩnȩmä̧ wo̧jui̧pi̧nü̧jä̧, ukuru u̧wo̧juȩtü̧'a̧nü̧ jü̧mä̧ ja̧'wa̧ta̧nü̧ Jesucrito-nä̧ kua̧'kua̧ ku̧wȩnä̧ro̧mȩnä̧ surojüttü kki̧'i̧kuä̧ra̧'a̧ ukuru ȩpa̧'a̧nü̧ jü̧mä̧.

1 Timoteo 5:10

Kkaditäwä adiwäjuei jȩjü̧ttü̧ ttu̧wo̧juä̧kuo̧ju̧, kki̧tti̧mü̧rü̧ adiu kku'utädinomettü̧; kkojusodenä̧ rȩbȩwä̧tü̧rü̧ adiu dojädino̧mȩttü̧; surojü jui'ätürü ttü̧jä̧pi̧yä̧ kkütükinomȩttü̧ ja̧'wa̧ta̧nü̧ usurä ȩmä̧wä̧tü̧rü̧ ppäjädinomȩttü̧. Rüjinä̧mä̧ kkorottü'i̧nä̧ abonä̧nü̧ kkorojuei o'kajuiyünä̧ adiu jȩji̧nomȩttü̧.

Hebreos 11:2

Dio-mä̧, tü̧tä̧mü̧ mi̧nä̧rü̧mä̧ tta̧'kua̧ ttu̧wȩnä̧ro̧mȩttü̧ adiu esewinä̧u̧.

2 Timoteo 3:11

Ja̧'wa̧ta̧nü̧ Antioquía-ttü'i̧nä̧, Iconiottü̧'i̧nä̧, ja̧'wa̧ta̧nü̧ Ritra ütawiyättü'i̧nä̧ ttürü kuäkuätta'a, usurä chȩmä̧wi̧nü̧mä̧ wo̧jua̧jä̧, ja̧'wa̧nü̧ ja̧'a̧nä̧ chu̧ru̧wa̧ Jesucrito-mä̧ ja̧u̧ttü̧mä̧ o'kajuiyünä̧tä̧ rä'epü ikuinä̧ku̧sä̧.

1 Timoteo 3:7

Ja̧'wa̧ta̧nü̧ ttü̧ja̧ Dio-rü esetokotü'i̧nä̧ ttukuotäkuttü, dä'ä ttuäwänä̧'i̧nä̧, kkoro äwettä kka̧kuä̧mȩ'ü̧ toünä̧'i̧nä̧ ma̧ä̧chü̧ juiyäkua'anü̧.

Hechos 16:40

Ja̧'wa̧nü̧ ja̧'a̧, kärenä̧ttü̧ rä'ekuächümä̧ Lidia kkojusodenä̧ dodepü, Jesucrito-rü esetätürü ro̧'ȩpi̧'i̧pü̧tä̧, juorütä i̧wi̧nä̧tü̧.

Hechos 14:21

Jua̧u̧ ütawiyänä̧ jareü adiwä wȩnȩ ji'äwi'ipü, rekuätü ttesetäji o'ka'a, Ritra ütawiyära̧'a̧ku̧, Iconio ütawiyära̧'a̧ku̧ ja̧'wa̧ta̧nü̧ Antioquía ütawiyära̧'a̧ku̧ ppa̧'ä̧chi̧nä̧tü̧.

Hechos 13:51

Ja̧'wa̧nü̧ jȩttä̧u̧, tti̧jä̧pi̧yä̧ ppüsäwi'ütä rä'opächinä̧tü̧ Iconio ütawiyära̧'a̧ku̧.

Hechos 6:3

Ja̧'wa̧nü̧ ja̧'a̧ttü̧, chawaruwä chi̧jä̧wa̧tü̧, ukututtütä usätukui, ttü̧jä̧pü̧ttü̧ ta̧ju̧nü̧ wotürü, ukututä ku̧wo̧juä̧tu̧kuä̧u̧ru̧, adiu wo̧juȩku̧nä̧ amükuädätürü, Epíritu Sa̧tu̧ jäwä jo̧mȩnü̧ wotürü, pi̧yȩ ttadita we'ü tu̧ju̧na̧tü̧.

1 Timoteo 5:25

Ja̧'wa̧nü̧ jü̧ ta̧'a̧nü̧ adiwä jueimä̧ jü̧ttü̧'i̧nä̧ i̧jȩkua̧'a̧; ja̧'wa̧ta̧nü̧ adiwäjuei jo̧kü̧mä̧ 'kuäopünä̧tä̧mä̧ dajawä̧ru̧mä̧ kko̧kü̧ jä̧kuȩ.

Hechos 1:15

Ja̧'wa̧nü̧ ttü̧'ȩjü̧ mo̧ro̧, ciento veinte-nü̧ jo̧mȩnä̧ ji̧yȩtȩnä̧ wotü ka̧ka̧kuä̧jä̧tü̧rü̧ Peduru-mä̧ ä̧rä̧mi̧'ü̧ pä'inü̧:

Hechos 14:1

Ja̧'wa̧nü̧ ja̧'a̧ Iconio ütawiyättümä̧, Pauru-mä̧, Bernawé-ku ji̧nä̧ yo̧mȩtȩnä̧ dodepinä̧tü̧ judío ttiärode sinagoga isodenä̧. Ja̧'wa̧nü̧ dodepü jittäwomȩnä̧ rekuätü esetinä̧tü̧ judío'i̧nä̧ ja̧'wa̧ta̧nü̧ judío pokotü'i̧nä̧, jü̧nä̧.

Hechos 14:6

Ja̧'wa̧nü̧ jȩtta̧tü̧ pä'ü tta̧mü̧kuädäja'a, ä̧ju̧kuä̧kuä̧wo̧'ü̧ Pauru-mä̧, Bernawé-kumä̧ tü'ipächü i̧wi̧'i̧nä̧tü̧ Ritra ütawiyära̧'a̧ku̧, Derbe-ra̧'a̧ku̧, Ricaonia rȩjȩnä̧ tü'künä̧nü̧ wȩjü̧ ütawiyä pünä̧.

Filipenses 2:22

Ja̧'wa̧nü̧ ja̧'a̧nä̧, täkü wo̧juä̧tü̧jä̧ Timoteo adiu jȩü̧ tü'kümä̧ ja̧'wa̧ta̧nü̧ wo̧juä̧tü̧jä̧ chi̧tti̧ 'kua̧rü̧nä̧ Dio i̧wȩnȩ jidäwa'anä̧ ttürü ppädärä̧'i̧jü̧mä̧.