Hechos 16:19 - Nuevo Testamento Uwotjüja

¹⁹ Ja̧'wa̧nü̧ päi'omȩnä̧ kkuruwotümä̧, pärätä ttȩmä̧'i̧ja̧'a̧ juiyächipä̧u̧ Pauru-rü'i̧nä̧, Sira-rü'i̧nä̧, 'chu'ädo'ü dotto'inä̧u̧ ütawiyä kkä'ko ukuo isomȩku̧, ruwotü ttä'ka jo̧mȩku̧.

TÄ̧DO Ä̧CUÄ̧ I̧HUȨNȨ

¹⁹ Espíritu su̧ro̧pa̧ räopächäji o'ca'a möäyaju kuruhuotö amöcuädinätö: “Korotörö 'cuäopä̧cuȩ jijäu micuä jitämä ujutu töäre pärätä ȩmo̧co̧tö̧jä̧”, pä'inätödo. Ja̧'hua̧nö̧ ja̧'a̧ Pablorö, Silasrö 'chu'ädö ttȩmi̧pi̧nä̧u̧ ötahuiyä kä'cocu, ruhuotö ttö̧ja̧cuo̧mȩcu̧.

Hechos 16:19 Referans Kwoze

Hechos 21:30

Ja̧'wa̧nü̧ jȩtto̧mȩnä̧, ttü̧ja̧ ma̧'ä̧mi̧pü̧; Pauru-rü 'chu'ädo'ü, Dio-rü ukuokuäkuäwodettü rä'epü iku, u̧mi̧ku̧ do'opü ikuipü äpatiyä mü̧'ȩpü̧ ikuinä̧tü̧.

Hechos 17:6

Ja̧'wa̧nü̧ ja̧'a̧nä̧, juätürü ttü̧'o̧kui̧'ü̧ juiyünä̧ jä̧u̧, Jasó̧-rü̧tä̧ ja̧'wa̧ta̧nü̧ kkorotü Jesucrito-rü esetätürütä, 'chu'ädi'ü dodopü ttȩmi̧pi̧nä̧u̧, pa̧'a̧nü̧ wopü kkä̧nü̧: —¡Pitü, pi̧jä̧ o'kajuiyünä̧ suro juo'epä'ijätümä̧, po'i̧nä̧ suro juo'epü ichäjätü!

2 Corintios 6:5

kuäkuättomȩnä̧'i̧nä̧, kärenä̧ tü̧'o̧mȩnä̧'i̧nä̧, tä'oka'a usurä tȩmä̧wo̧mȩnä̧'i̧nä̧, ppäi ttütomȩnä̧'i̧nä̧;

Hechos 16:16

Ja̧'wa̧nü̧ ja̧'a̧, Dio-rü ttukuokuä'ijomȩku̧ ti̧'cho̧mȩnä̧, po̧kui̧pi̧nä̧tü̧jä̧ müäyajuru epíritu su̧ro̧pa̧ weäkua, jä̧kuȩmä̧ wo̧juȩku̧nä̧ wo̧jua̧ju̧ru̧. Juäjumä̧ ttu̧mü̧wäyaju ja̧'a̧ ja̧'wa̧nü̧ ji'äwe'ümä̧, kkuruwotürü rü̧ȩnä̧ pärätä ttȩmü̧nä̧ jȩpä̧'i̧jä̧ju̧ ji̧na̧'a̧.

Hechos 8:3

Ja̧'wa̧nü̧ jȩpü̧ Sauro-mä̧, Jesucrito-rü esetätürü usurä ttȩmä̧u̧nä̧ jȩpi̧nü̧, u̧mä̧tü̧rü̧'i̧nä̧, nä̧tü̧rü̧'i̧nä̧ dodottünä̧ jȩpü̧, kärenä̧ rütä'chinü jȩpi̧nü̧.

Hechos 15:26

Juätümä̧, yettekuoka'a tta̧'kua̧rü̧ iyäwinä̧tü̧, Tu̧ru̧wa̧ Jesucrito i̧mi̧nä̧.

Hechos 14:19

Ja̧'wa̧nü̧ ja̧'a̧ jakuänä̧ Antioquía-ttü'i̧nä̧, Iconiottü̧'i̧nä̧ Judío-mä̧ ichi'ü ttü̧ja̧rü̧ esekuinä̧tü̧; ttesekuä̧u̧ Pauru-rü inä̧dunä̧ ikuäu ikuäjä'kotü, täkü 'koru pä'i'äjikü̧ pä'ü, ütawiyättü dodopü rä'epü ttikuinä̧ku̧.

Hechos 14:5

Ja̧'wa̧nü̧ jä̧ja̧'a̧ttü̧mä̧, judío-mä̧, judío pokotüku'i̧nä̧ ja̧'wa̧ta̧nü̧ ruwotüku'i̧nä̧ esekuäjä'kotü ra̧wä̧rü̧ inä̧dunä̧ ikuäu ttikua pä'ü jȩpi̧nä̧tü̧ Pauru-rü'i̧nä̧, Bernawérü'i̧nä̧, jü̧nä̧.

Hechos 9:16

Isopäi'ünä̧ Ttü jua̧u̧ru̧ chi̧jȩpä̧kua̧sä̧, ttü chi̧mi̧nä̧ usurä ttȩmä̧wa̧ pä'ü rü̧ȩnä̧ rekuä rü̧jü̧ wȩnȩ.

San Marcos 13:9

Ja̧'wa̧nü̧ ukututä'i̧nä̧, tta̧'a̧rä̧kuä̧u̧ kka̧kuä̧tu̧kui̧; isopäi'ünä̧, ruwotürü iyü ttikuäkuä̧u̧jä̧ ja̧'wa̧ta̧nü̧ sinagoga odewiyättü kuäkuättäkuä̧u̧jä̧. Ttü jäwänä̧mä̧, gobernador ruwotü ttä'ka jo̧mȩ'i̧nä̧, rȩjȩ ruwotü ttä'ka jo̧mȩ'i̧nä̧ ttȩpä̧kuä̧u̧jä̧; ttü chütü'kü juätürü jikuäwätukua pä'ü.

San Mateo 24:9

Ja̧'wa̧nü̧ jo̧mȩnä̧ usurä kuȩmä̧wä̧tu̧ku̧nä̧ iyü tti̧kuä̧kuä̧u̧jä̧; ja̧'wa̧nü̧ jȩpü̧ kuä'äu iku, pi̧jä̧ ttü̧ja̧mä̧ o'katoi'ünä̧ ttü jäwänä̧ ttüjü'koko̧u̧ kuäkuotüjä̧.

Santiago 2:6

Ja̧'wa̧nü̧ ja̧'a̧nä̧ kua̧mü̧nä̧tu̧ku̧mä̧ kukuo teäkuäwokotüjä̧. ¿Jua̧u̧nu̧mä̧ ruwotümä̧kü̧ jä̧'i̧ja̧'a̧ ukuturu iyä'chü ikuä'ijätümä̧, ja̧'wa̧ta̧nü̧ ukuo ruwotü ttä'ka jo̧mȩ do'o'ü ȩpä̧'i̧jä̧tü̧mä̧?

Hechos 15:22

Apótore-mä̧, igresia-ttü a̧ci̧a̧nu̧ wotüku, igresia wotüku amükuädü tottomȩnä̧ adiwina̧'a̧, jitütä ttü̧'kä̧tȩttü̧ a̧'u̧ku̧nä̧ wotürü, Pauru-ku, Bernawé-ku tti̧'cho̧mȩttü̧ we'ü ttikuatü pä'ü; ja̧'wa̧nü̧ ja̧'a̧ttü̧, Juda ja̧'a̧nä̧, Barsabás pättä'ijäku'i̧nä̧, Sira-rü'i̧nä̧, ukuo isotü päi'ünä̧ wotürü we'inä̧tü̧. Ja̧'wa̧ta̧nü̧ juätükumä̧ pa̧'a̧nü̧ wȩyu̧tu̧ we'inä̧tü̧:

1 Timoteo 6:10

Ja̧'wa̧ta̧nü̧ pärätä kkü'kekunä̧ toäkuäwämä̧ surojü kkada'ka ja̧'a̧; kkorotü kka̧kuä̧tü̧ pärätä rü̧ȩnä̧ kku̧nä̧rü̧ Dio-rü unichi'inä̧tü̧, juätümä̧ rü̧ȩnä̧ ubara ttu'u usurä ȩmä̧wä̧tü̧.

Hechos 15:40

Ja̧'wa̧nü̧ ja̧'a̧nä̧ Pauru-mä̧, Sira-rütä o'ipü 'chi̧nü̧, Jesucrito-rü esetätü, Dio-rü ttukuokuäji o'ka'a.

Hechos 16:20

Ja̧'wa̧nü̧ ja̧'a̧ juätü ruwotürü pä'inä̧tü̧: Pitü Judío-mä̧ tidepiyu ttü̧ja̧rü̧ suronä̧ ji'äu surojuo'epätü.

Hechos 16:25

Ja̧'wa̧nü̧ ja̧'a̧ yodó kkä'ko päi'omȩnä̧, Pauru-rü'i̧nä̧, Sira-rü'i̧nä̧ Dio-rü ra̧wä̧wä̧ ra̧tta̧'a̧ ä̧ju̧kui̧nä̧tü̧, kkorotü juȩnȩ kärenä̧ pȩjä̧tü̧mä̧.

Hechos 16:29

Ja̧'wa̧nü̧ ja̧'a̧ kärenä̧ tta̧'a̧rä̧ji̧mä̧, ttitejädiyarü pä'ü jä'epü, jakuojuku tti̧'ä̧u̧ kkä̧nü̧ jopipü iwe'kiyunä̧ pä̧mä̧di̧nü̧ Pauru'i̧nä̧, Sira'i̧nä̧ ttä'ka jo̧mȩ;

Filipenses 1:30

Isopäi'ünä̧ ttü usurä ȩmä̧u̧ 'chu̧dä̧rä̧kuä̧wa̧'a̧ to'kuinä̧tu̧ku̧mä̧ jitä'i̧nä̧ wo̧juä̧tü̧jä̧ usurä ȩmä̧u̧ 'chu̧dä̧rä̧kuä̧u̧mä̧.

1 Tesalonicenses 2:2

Ja̧'wa̧ta̧nü̧ wo̧juä̧tü̧jä̧ Filipo ütawiyä ttü̧ja̧ ujuturu suronä̧ wopü kkä̧nü̧ suronä̧ jȩtti̧nü̧mä̧. Ja̧'wa̧nü̧ rü̧ȩnä̧ suroja'anä̧'i̧nä̧, Dio-mä̧ tujuru iyinä̧u̧jä̧ jareü wȩnȩ jitäwa pä'ümä̧.