Hechos 16:1 - Nuevo Testamento Uwotjüja

¹ Ja̧'wa̧nü̧ ja̧'a̧ Pauru-mä̧ Derbe-ra̧'a̧'i̧nä̧, Ritra-ra̧'a̧'i̧nä̧ i̧rȩbȩwi̧'o̧mȩnä̧ ya̧tȩ Jesú-ru esetürü, Timoteo pä'ü mi̧kua̧rü̧ po̧kui̧pi̧nü̧, ja̧ju̧ttu̧mä̧ Judío i̧sa̧ ja̧'a̧nä̧, jä'ottümä̧ Grecia ttü̧ja̧sa̧rü̧.

TÄ̧DO Ä̧CUÄ̧ I̧HUȨNȨ

¹ Pablocu, Silascu Derbe ötahuiyära̧'a̧ 'chä̧hui̧'i̧nä̧tö̧do. Juhuorö kä̧nö̧ Listra ötahuiyära̧'a̧ 'chä̧hui̧'i̧nä̧tö̧do. Ju̧huȩnȩ ki̧nö̧do ya̧tȩ Jesucristorö esetinö, Timoteo pä'ö mi̧cua̧. Judíos ttö̧ja̧ isaju, Jesucristorö esetäju, ki̧tti̧ pi̧nö̧do. Jä'omä griegos ttö̧ja̧ i̧sa̧ pi̧nö̧do.

Hechos 16:1 Referans Kwoze

2 Timoteo 1:5

Ä̧kuo̧mȩnä̧mä̧ kuä̧da̧ Roida'i̧nä̧ kua̧ju̧ Eunice'i̧nä̧ Dio-rü tta̧'kua̧ wȩnä̧ri̧nä̧tü̧; ja̧'wa̧nü̧ ja̧'a̧ttü̧ ukuru chamükuädomȩnä̧mä̧, juätü ji̧nü̧ta'anü̧ uku'i̧nä̧ kua̧'kua̧ ku̧wȩnä̧rü̧mä̧ isopäi'ünä̧tä̧ kku̧nä̧rü̧jä̧ pädünä̧ jä̧ku̧sä̧.

2 Timoteo 1:2

Chi̧tti̧ chu̧'ä̧kua̧ rȩni̧'a̧ Timoteo-rü te'äusä. Chä'o Dio, Tu̧ru̧wa̧ Jesucrito-tä eseäkuäwä'i̧nä̧ re kkä̧kuä̧wä̧'i̧nä̧, unichä̧rü̧ kkä̧kuä̧wä̧'i̧nä̧ iyäkujä̧.

1 Timoteo 1:2

Isopäi'ünä̧ tta̧'kua̧ wȩnä̧rä̧kuä̧wä̧ i̧tti̧ Timoteo-rü te'äu. Tä'o Dio-tä ja̧'wa̧ta̧nü̧ Tu̧ru̧wa̧ Jesucrito-tä, mippoünä̧ iyäwämä̧, re kkä̧kuä̧wä̧mä̧, wȩnȩ juiyünä̧ kkä̧kuä̧wä̧nä̧ iyätukuakujä̧.

1 Tesalonicenses 3:2

Ja̧'wa̧nü̧ jä̧u̧, ta̧wa̧ru̧wa̧ ti̧jä̧wa̧ Dio i̧wȩnȩ, Crito i̧wȩnȩ jareü wȩnȩ jiäkuäwä ppä'ädä̧ri̧'i̧jü̧, Timoteo-rütä, ukuturu we'ätüjä̧ ppädätukuaku pä'ü.

1 Corintios 4:17

Ja̧'wa̧nü̧ ja̧'a̧ttü̧ Timoteo-rü wedinä̧u̧jä̧, Chu̧ru̧wa̧nä̧ chi̧tti̧ ukuotä'ijü rȩni̧'a̧rü̧. Jua̧u̧tä̧ jiäwäkuä̧u̧jä̧ Crito-nä̧ jȩpü̧ chü̧jä̧'i̧jü̧ wȩnȩmä̧, kkoromȩ pünä̧, kkoro igresia pünä̧ chu̧wo̧juȩtä̧'i̧jü'a̧kuä̧.

Hechos 18:5

Sira'i̧nä̧, Timoteo'i̧nä̧ Macedonia rȩjȩra̧'a̧ttü̧ tti̧'chi̧'o̧mȩnä̧mä̧, Pauru-mä̧ jo̧mȩnü̧tä̧ judío-rü jareü wȩnȩ ji'äwinü̧, Jesú-mä̧ Crito ja̧'a̧ pä'ü.

Hechos 17:14

Ja̧'wa̧nü̧ jȩtta̧'a̧nä̧, Jesucrito-rü esetätümä̧ yotäku Pauru-rü rü̧ä̧ ajeku we'opo'ü ikuinä̧tü̧; Sira-ku, Timoteo-kutä juȩnȩmä̧ ttü̧ji̧pa̧'a̧nä̧.

2 Tesalonicenses 1:1

Ttü Pauru, Silvano-ku, ja̧'wa̧ta̧nü̧ Timoteo-ku ukuturu te'äwätüjä̧ Tesalónica ütawiyättü Igresia jü̧nä̧ wotürü, Dio-ttü'i̧nä̧ Tu̧ru̧wa̧ Jesucrito-ttü'i̧nä̧ todepätürü.

Colosenses 1:1

Ttü Pauru, Dio-rü pä̧wä̧rü̧jo̧mȩnä̧, Jesucrito-mä̧ apóto päi'ünä̧ woinä̧ku̧ cha'attü, cha̧wa̧ru̧wa̧ chi̧jä̧wa̧ Timoteo-ku,

Filipenses 2:19

Chu̧ru̧wa̧ Jesucrito-nä̧ tta̧'ä̧rü̧sä̧, jitätä ja̧'a̧ Timoteo-rü weda pä'ü, ukutu kutü'kütuku ä̧ju̧ku̧ rü̧ȩnä̧ chesewa pä'ü.

Romanos 16:21

Chuku chaditäku Timoteo'i̧nä̧ teäwä̧u̧jä̧, Ruciu'i̧nä̧, Jaso̧'i̧nä̧ ja̧'wa̧ta̧nü̧ chukuojattü cha̧wa̧ru̧wa̧ Sosípatro'i̧nä̧, jü̧nä̧.

Hechos 14:6

Ja̧'wa̧nü̧ jȩtta̧tü̧ pä'ü tta̧mü̧kuädäja'a, ä̧ju̧kuä̧kuä̧wo̧'ü̧ Pauru-mä̧, Bernawé-kumä̧ tü'ipächü i̧wi̧'i̧nä̧tü̧ Ritra ütawiyära̧'a̧ku̧, Derbe-ra̧'a̧ku̧, Ricaonia rȩjȩnä̧ tü'künä̧nü̧ wȩjü̧ ütawiyä pünä̧.

Hebreos 13:23

Ta̧wa̧ru̧wa̧ tti̧jä̧wa̧ Timoteo-mä̧ täkü rä'epü ttikuäjäku pä'ü jidäwä̧u̧jä̧, jurunä̧nü̧ ichi'üttümä̧, jua̧u̧tä̧ku̧ jua'amä̧, ukuturu topü chi̧chä̧kua̧sä̧.

1 Timoteo 1:18

Chi̧tti̧, Timoteo, pi̧yȩ wedäkujä̧ kurä adiwäjuei kurowäwa pä'ü kua̧'kua̧ wȩnä̧rü̧ kkä̧nü̧, adiwomȩnä̧ amükuädü, 'kuäopä̧kuȩ wȩnȩ uku kutü'kü jittäwinü̧'a̧kuä̧.

1 Tesalonicenses 1:1

Ttü Pauru'i̧nä̧, Silvano'i̧nä̧, Timoteo'i̧nä̧, te'äwätüjä̧ Tesalónica ütawiyänä̧ kka̧kuä̧tü̧, Dio-ku, Tu̧ru̧wa̧ Jesucrito-ku ji̧yȩtȩnä̧ wotürü. Tami'iso'ki o'kajuiyünä̧ pä̧wä̧rü̧jä̧u̧jä̧, wȩnȩ juiyünä̧ kkä̧kuä̧wä̧, eseäkuäwä Dio jo̧mȩnü̧ iyätukuaku pä'ü.

Filipenses 1:1

Chawaruwä chi̧jä̧wa̧tü̧, Filipo ütawiyänä̧ kka̧kuä̧tü̧rü̧, diákunu̧ wotürü'i̧nä̧, Pató-tü̧ wotürü'i̧nä̧, te'äwätüjä̧, ujutu Jesucrito umüwäyotü päi'ünä̧ wotü Pauru'i̧nä̧, Timoteo'i̧nä̧ Jü̧nä̧.

Hechos 19:22

Ja̧'wa̧nü̧ pä'ü Macedonia rȩjȩra̧'a̧ we'inü̧, churutä ppä'ädä̧rä̧'i̧jä̧tü̧ ta̧ju̧ru̧, Timoteo-rü'i̧nä̧, Erasto-rü'i̧nä̧, jü̧nä̧, chutämä̧ ji̧nä̧ a̧'u̧ku̧nä̧ mo̧ro̧, Asia-nä̧ ü̧ji̧pa̧'a̧nä̧.

2 Timoteo 3:11

Ja̧'wa̧ta̧nü̧ Antioquía-ttü'i̧nä̧, Iconiottü̧'i̧nä̧, ja̧'wa̧ta̧nü̧ Ritra ütawiyättü'i̧nä̧ ttürü kuäkuätta'a, usurä chȩmä̧wi̧nü̧mä̧ wo̧jua̧jä̧, ja̧'wa̧nü̧ ja̧'a̧nä̧ chu̧ru̧wa̧ Jesucrito-mä̧ ja̧u̧ttü̧mä̧ o'kajuiyünä̧tä̧ rä'epü ikuinä̧ku̧sä̧.

1 Tesalonicenses 3:6

Ja̧'wa̧nü̧ ji̧na̧'a̧nä̧, jitämä̧ Timoteo-mä̧ jua'a Tesalónica-ra̧'a̧ttü̧ ppa̧'ä̧chi̧'ä̧ji̧'ka̧mä̧, eseku ku̧jä̧tu̧ku̧tä̧, Dio-rü kua̧'kua̧ ku̧wȩnä̧rä̧tu̧ku̧tä̧, ukuturu ujutu tota pätüta'anü̧, ukutu ujuturu to'kuätukua päkuätukutä jiäwäjä̧u̧jä̧.

2 Corintios 1:19

Isopäi'ünä̧, Dio I̧tti̧ Jesucrito, Silvano-ku̧'i̧nä̧, Timoteo-ku̧'i̧nä̧ ujutu, ukuturu jitäwinä̧ku̧mä̧, todärenä̧mä̧ ji'äwokü pinü̧, Ya'utekutä «A̧» pä'inü̧.

2 Corintios 1:1

Ttü pauru, apóto jü̧nä̧ Jesucrito ȩmi̧nä̧ku̧, Dio-rü pä̧wä̧rü̧jo̧mȩnä̧ ja̧'wa̧ta̧nü̧ cha̧wa̧ru̧wa̧ chi̧jä̧wa̧ Timoteo-ku te'äwätüjä̧, Dio-rü esetätü Corinto ütawiyänä̧ kkä̧tü̧rü̧'i̧nä̧ ja̧'wa̧ta̧nü̧ Acaya rȩjȩnä̧ kka̧kuä̧tü̧rü̧'i̧nä̧ o'katoi'ünä̧rü̧.

1 Corintios 7:14

Isopäi'ünä̧ kkirekuo Dio-rü esetokümä̧, juäju irekua Dio-rü esetäjunä̧ surojü jui̧'a̧ jü̧nä̧ juo'ächü; ja̧'wa̧ta̧nü̧ isaju Dio-rü esetokoju ü̧jä̧kua̧mä̧, kkirekuo Dio-rü esetünä̧ surojü jui'ächächäju. Ja̧'wa̧nü̧ jo̧ka̧'a̧ jü̧ttü̧mä̧, kui̧tti̧mü̧tu̧ku̧mä̧ suropätütä jü̧nä̧ wotü, ja̧'wa̧nü̧ ja̧'a̧nä̧ jitämä̧ surojü jui'ätü isotü ja̧'a̧.

Hechos 14:21

Jua̧u̧ ütawiyänä̧ jareü adiwä wȩnȩ ji'äwi'ipü, rekuätü ttesetäji o'ka'a, Ritra ütawiyära̧'a̧ku̧, Iconio ütawiyära̧'a̧ku̧ ja̧'wa̧ta̧nü̧ Antioquía ütawiyära̧'a̧ku̧ ppa̧'ä̧chi̧nä̧tü̧.

Hechos 14:1

Ja̧'wa̧nü̧ ja̧'a̧ Iconio ütawiyättümä̧, Pauru-mä̧, Bernawé-ku ji̧nä̧ yo̧mȩtȩnä̧ dodepinä̧tü̧ judío ttiärode sinagoga isodenä̧. Ja̧'wa̧nü̧ dodepü jittäwomȩnä̧ rekuätü esetinä̧tü̧ judío'i̧nä̧ ja̧'wa̧ta̧nü̧ judío pokotü'i̧nä̧, jü̧nä̧.

1 Corintios 16:10

Timoteo jua'a i̧rȩbȩwi̧'ü̧ttü̧mä̧ adiu esewomȩnä̧ jȩpä̧tu̧kui̧rü̧, jua̧u̧'i̧nä̧ ttüta'a̧nü̧ Tu̧ru̧wa̧ aditäwä aditü.

Filemón 1:1

Ttü Pauru, Jesucrito jäwänä̧ kärenä̧ pä̧nü̧ kkä̧nü̧ ja̧'wa̧ta̧nü̧ cha̧wa̧ru̧wa̧ chi̧jä̧wa̧ Timoteo-ku te'äusä, ujuturu ppä'ädä̧rä̧'i̧jü̧ Filemó̧-rü̧,