Hechos 15:9 - Nuevo Testamento Uwotjüja

⁹ ja̧'wa̧nü̧ ja̧'a̧ttü̧, Dio-mä̧ ujutu jü̧ta̧'a̧nü̧tä̧ jȩi̧nä̧u̧, tta̧'kua̧ ttu̧wȩnä̧ra̧'a̧ttü̧, tta̧mi̧ iso'ki tükü ikumä̧.

TÄ̧DO Ä̧CUÄ̧ I̧HUȨNȨ

⁹ Dios judíos huocotö ttami iso'quittö suronä jȩtti̧nö̧ jȩpö̧ icuinö, ujutu judíos ttö̧ja̧rö̧ jȩpö̧ icuinö ta'anö, Jesucristorö tesetomenä. Ja̧'hua̧nö̧ jahuätö'inä, ujutu'inä yoräteunä tö̧ja̧ pä'ö i̧jȩpi̧nö̧.

Hechos 15:9 Referans Kwoze

Efesios 3:6

Jua̧u̧mä̧, pi̧yȩ ja̧'a̧: judío pokotü'i̧nä̧, irae ttü̧ja̧ku̧ yo̧mȩtȩnä̧ Dio jäwä ttȩmä̧kuo̧tü̧, ji̧nä̧ ya̧tȩnä̧tä̧ ji̧nä̧ yotüte ttäkuotü, Crito-nä̧ iya päinü̧mä̧ ttȩmä̧kuo̧tü̧, jareü wȩnȩnä̧.

Hechos 10:28

Juätürü Peduru-mä̧ pä'inü̧: —Ukutumä̧ wo̧juä̧tü̧jä̧ judío wa̧, judío pokotüku esekua pä'ümä̧, weäwi'o̧ko̧u̧ pä'ü. Ja̧'wa̧nü̧ ja̧'a̧nä̧ Dio-mä̧ i̧jȩpä̧jä̧ku̧sä̧, ttü̧ja̧sa̧rü̧mä̧ ya̧tȩrü̧'i̧nä̧, su̧ro̧pa̧ pä'ümä̧ okuä pä'ü.

Colosenses 3:11

Ja̧'wa̧nü̧ ja̧'a̧ttü̧, judío i̧sa̧ ja̧ pä'ü'i̧nä̧, Grecia i̧sa̧ ja̧ pä'ü'i̧nä̧, circuncisión jȩpä̧kuä̧wa̧ ja̧ pä'ü'i̧nä̧, circuncisión jȩpä̧kuä̧wo̧kü̧ ja̧ pä'ü'i̧nä̧, esclavo pättäku ja̧ pä'ü'i̧nä̧, esclavo pättäku wokü ja̧ pä'ü'i̧nä̧ Crito-nä̧mä̧ o'kajuiyünä̧ jo̧mȩnü̧ wotüjä̧, o'kajuiyünä̧tä̧ ü̧ja̧'a̧ttü̧.

Gálatas 5:6

Isopäi'ünä̧ Crito-nä̧ kkä̧kuä̧wä̧mä̧, circuncisión pättü jȩ'kuä̧kuä̧wa̧ja̧ pä'ü'i̧nä̧, jȩ'kuä̧kuä̧wuö̧ juiyaja pä'ü'i̧nä̧ mikuäwoka'a, ji̧nä̧somä̧ Crito-rü ta̧'kua̧ wȩnä̧rü̧ eseu jȩpü̧ tü̧jü̧tä̧ ja̧'a̧.

Gálatas 3:28

Ja̧'wa̧nü̧ ja̧'a̧ttü̧, täkü toa'a judío'i̧nä̧, Grecia ttü̧ja̧'i̧nä̧, ttu̧wo̧juȩtä̧u̧ esclavo wotü'i̧nä̧, ttu̧ru̧wa̧ to'ätü'i̧nä̧, ubo'i̧nä̧, isaju'i̧nä̧, jü̧nä̧; isopäi'ünä̧ Crito Jesú-nä̧mä̧, ukutu o'katoi'ünä̧ ji̧nä̧ ya̧tȩ wotüjä̧.

Romanos 3:22

O'katoi'ünä̧ Jesucrito-rü esetü tta̧'kua̧ wȩnä̧rä̧tü̧rü̧mä̧, Dio-mä̧ adiwä juei isotü jü̧nä̧ juo'epü. Judío'i̧nä̧, judío pokotürü'i̧nä̧ yoräteunä̧tä̧,

Hechos 11:12

Ja̧'wa̧nü̧ ja̧'a̧ Epíritu Sa̧tu̧mä̧, kuarodoka'a juätütäku täi päinä̧ku̧sä̧. Ja̧'wa̧ta̧nü̧, pitü kko̧ro̧mü̧ttü̧nü̧ ya̧tȩ wotü esetätuku 'chä̧ji̧'ka̧, ya̧tȩ ojusodenä̧ dodepinä̧tü̧jä̧,

1 Pedro 1:22

Jitä ukutumä̧ isopäi'ünä̧ wȩnȩ kukuotätukuomȩttü̧, kuawaruwärü kua̧'kua̧pü̧nü̧ kuesewätukua pä'ü tükü i̧kui̧nä̧u̧jä̧. Ja̧'wa̧nü̧ jo̧mȩttü̧ ukutumä̧ kkorotüku kua̧mi̧'iso'kituku surojü juiyünä̧, kujurutuku'i̧nä̧ o'kajuiyünä̧ kuesewätuku'anü̧ ja̧'a̧.

Hechos 10:34

Ja̧'wa̧nü̧ ukuokuiyäku, Peduru-mä̧ pä'inü̧: —Jitämä̧ isopäi'ünä̧ wo̧jui̧'ü̧sä̧, Dio-mä̧ yotüterütämä̧ esewokü pä'ü,

1 Corintios 7:18

¿Ya̧tȩ, circuncisión pättü jȩpä̧kuä̧wa̧rü̧ Dio woina̧'a̧ jü̧ttü̧mä̧? Circuncisión jȩpä̧kuä̧wa̧tä̧ kkä̧wi̧. ¿Ja̧'wa̧ta̧nü̧ circuncisión jȩpä̧kuä̧wo̧kü̧rü̧ woina̧'a̧ jü̧ttü̧mä̧? Circuncisión pättü jȩ'kuä̧kuä̧wo̧ka̧'a̧tä̧ kkä̧wi̧.

Romanos 9:24

Ja̧'wa̧nü̧ ja̧'a̧ttü̧ woinä̧u̧jä̧ Dio-mä̧ suro, judío ttütämä̧kü̧ ja̧'wa̧ta̧nü̧ judío pokotürü'i̧nä̧, jü̧nä̧.

Romanos 3:9

¿Ja̧'wa̧nü̧ ja̧'a̧ttü̧, ujutu judío-mä̧ juätüttü'i̧nä̧ abonä̧nü̧ adiwä isotü jü̧nä̧ wotüjä̧ tä̧jí̧? ja̧'wa̧nü̧mä̧ wokotüjä̧, täkü ji'äwäjätüjä̧ judío'i̧nä̧, judío pokotü'i̧nä̧, o'katoi'ünä̧ surojü kkȩdä̧rä̧u̧jä̧ pä'ü.

Hechos 14:27

Juȩnȩ rȩbȩä̧kuä̧u̧mä̧, igresia wotüku ka̧ka̧ku̧ ji'äwinä̧tü̧, kuettächomȩnä̧ Dio judío pokotürü rü̧ȩnä̧ jȩä̧ji̧ wȩnȩ.

Hechos 14:1

Ja̧'wa̧nü̧ ja̧'a̧ Iconio ütawiyättümä̧, Pauru-mä̧, Bernawé-ku ji̧nä̧ yo̧mȩtȩnä̧ dodepinä̧tü̧ judío ttiärode sinagoga isodenä̧. Ja̧'wa̧nü̧ dodepü jittäwomȩnä̧ rekuätü esetinä̧tü̧ judío'i̧nä̧ ja̧'wa̧ta̧nü̧ judío pokotü'i̧nä̧, jü̧nä̧.

Hechos 10:15

Pä'äjita'anü̧ rä̧mi̧pi̧nä̧ku̧: «Dio tükü ikuinü̧mä̧, ukumä̧ surojü pä'ümä̧ okuä,» jü̧nä̧.