Hechos 15:4 - Nuevo Testamento Uwotjüja

⁴ Ja̧'wa̧nü̧ ja̧'a̧ Pauru-mä̧, Bernawé-ku Jerusarȩ́-nä̧ tti̧rȩbȩä̧kuä̧wi̧'ä̧ja̧'a̧, igresia wotümä̧, apótore'i̧nä̧, a̧ci̧a̧nu̧tu̧'i̧nä̧ dottädinä̧u̧. Ja̧'wa̧nü̧ ja̧'a̧ ji'äwinä̧tü̧, jitünä̧tä̧ Dio jȩä̧ji̧mä̧ o'kajuiyünä̧tä̧.

TÄ̧DO Ä̧CUÄ̧ I̧HUȨNȨ

⁴ Pablocu, Bernabécu, ahuaruhuäcu Jerusalén ötahuiyära̧'a̧ 'chä̧hui̧'ö̧ Jesús hue'ähuotö'inä, ancianos huotö'inä, korotö Jesucristorö esetätö'inä esehuinätödo jahuätörö. Pablocu, Bernabécu ji'ähuinätödo o'ca juiyönä Dios jahuätöcu jȩi̧nö̧.

Hechos 15:4 Referans Kwoze

Hechos 15:12

Ja̧'wa̧nü̧ ukuokuomȩnä̧ o'katoi'ünä̧tä̧ 'koruchi'äjä'kotü ä̧ju̧kuä̧ri̧nä̧tü̧. Ja̧'wa̧ta̧nü̧ Pauru-mä̧, Bernawé-ku ukuokuinä̧tü̧ judío pokotü ttü̧'kä̧tȩttü̧ Dio jȩi̧nü̧ wȩnȩ, juätürü.

Hechos 14:27

Juȩnȩ rȩbȩä̧kuä̧u̧mä̧, igresia wotüku ka̧ka̧ku̧ ji'äwinä̧tü̧, kuettächomȩnä̧ Dio judío pokotürü rü̧ȩnä̧ jȩä̧ji̧ wȩnȩ.

Hechos 15:3

Ja̧'wa̧nü̧ pä'ü, igresia jü̧nä̧ wȩttä̧jä̧u̧mä̧, Fenicia rȩjȩnä̧'i̧nä̧, Samaria rȩjȩnä̧'i̧nä̧ 'kuä'opü ji'äwinä̧tü̧ judío pokotü Jesucrito-rü jareünä̧ esetü ttiku wȩnȩmä̧; jua̧u̧ ä̧ju̧ku̧ Jesucrito-rü esetätümä̧ rü̧ȩnä̧ eseäkuäwinä̧tü̧.

Romanos 15:18

Ja̧'wa̧nü̧ ja̧'a̧ttü̧ kkoromä̧ chukuokuoka'a, Crito ttünä̧ judío pokotürü, Dio-rü ttukuotächünä̧ jidäwa pä'ü jȩi̧nü̧tä̧ ji'äusä. Jua̧u̧mä̧ chi̧wȩnȩnä̧'i̧nä̧, tottünä̧'i̧nä̧ jȩpä'ijüsä.

Hechos 21:17

Jerusarȩ́ ütawiyära̧'a̧ ti̧'chi̧'o̧mȩnä̧, tawaruwä ti̧jä̧wa̧tü̧mä̧ eseunü̧tä̧ dottädinä̧u̧jä̧.

2 Juan 1:10

Ya̧tȩ, ukuturu do'ächü ichü pi̧yȩ wo̧juȩkuä̧ wȩnȩ i'chächoka'a ichüttümä̧ kuojusodetukunä̧mä̧ do'ädü'i̧nä̧ te'äu'i̧nä̧ jü̧nä̧mä̧ jȩ'kuä̧tu̧kuä̧rü̧.

Colosenses 4:10

Ttütäku kärenä̧ pü̧ Aritarco'i̧nä̧ teäwä̧u̧jä̧. Ja̧'wa̧ta̧nü̧ Bernawé, a̧wa̧ru̧wa̧ Maruku'i̧nä̧ teäwä̧u̧jä̧. Jua̧u̧ ütü'kümä̧ wedinä̧u̧jä̧, do'ächü ichüttümä̧ adiutä ppä'ädätukuirü.

2 Corintios 6:1

Ja̧'wa̧nü̧ Dio aditäwä ppä̧dä̧rä̧kuä̧wä̧ isotü ta'attü̧, ukuturu jä'epätüjä̧, Dio rettü iyinü̧mä̧, mikuäwokü jäwä 'kua̧rü̧nä̧mä̧ kuȩmä̧tu̧ku̧ juiya pä'ü.

2 Corintios 5:19

Dio-mä̧, Crito-nä̧tä̧ a̧mü̧nä̧ pa̧ja̧tü̧ pi̧jä̧ ttü̧ja̧rü̧ esekuinü̧, suronä̧ jȩttä̧'i̧jü̧mä̧ toäkuäwä juiyünä̧, ujuturumä̧ eseku ikuäwä wȩnȩ jitäwiyarü pä'ü we'inü̧.

1 Corintios 15:10

Ja̧'wa̧nü̧ ja̧'a̧nä̧ Dio-mä̧ ttürü re ü̧ji̧no̧mȩttü̧tä̧, pa̧'a̧nü̧ wa̧sä̧; jua̧u̧ re ü̧ji̧nü̧mä̧ yaparemä̧ jo̧ka̧'a̧ ji̧na̧'a̧ ttürümä̧. Ja̧'wa̧nü̧ ja̧'a̧nä̧, ttümä̧ juätü o'katoi'ünä̧ttü̧'i̧nä̧ abonä̧nü̧ aditinü̧sä̧; ja̧'wa̧nü̧ ja̧'a̧nä̧ ttümä̧kü̧ ja̧'a̧, ji̧nä̧somä̧ Dio ttürü re ü̧ji̧nü̧ kka̧'a̧ ttünä̧.

Romanos 15:7

Ja̧'wa̧nü̧ ja̧'a̧ttü̧, yotukunä̧ repe'äkuäu esewätukui, Crito'i̧nä̧ ukuturu repe'ü esewinü̧ta'anü̧; kkorotü'i̧nä̧ o'katoi'ünä̧ Dio-rü tteseäkuäwäkua'anü̧.

Hechos 21:19

Ja̧'wa̧nü̧ ja̧'a̧ Pauru-mä̧ juätürü te'äwäji̧'ka̧, ji̧yȩku̧pü̧nä̧ ji'äwinü̧, aditü kueächomȩnä̧ judío pokotürü Dio jȩä̧'i̧jü̧ wȩnȩ.

Hechos 18:27

Ja̧'wa̧nü̧ ja̧'a̧ Aporo-mä̧ Acaya rȩjȩra̧'a̧ku̧ i̧'cha̧ pä'ü amükuädiyä̧u̧, awaruwä i̧jä̧wa̧tü̧mä̧ eseu kuyäru isojä wȩyu̧tu̧ iyü ppättädinä̧ku̧ jua'a Acaya-ttü Jesucrito-rü esetätü adiu ppättädarü pä'ü. Acaya rȩjȩra̧'a̧ i̧'chi̧'o̧mȩnä̧, rekuätürü ppä'ädinü̧ Dio re ü̧ji̧nü̧ jäwänä̧ esetätürü.

San Mateo 10:40

Ukuturu eseu do'ädümä̧, ttürü eseu do'ädü; ja̧'wa̧ta̧nü̧ ttürü eseu do'ädümä̧, ttürü we'inü̧rü̧ eseu do'ädü.

Hechos 11:30

Ja̧'wa̧nü̧ pärätä ppä'ädümä̧, Bernawé'i̧nä̧, Sauro'i̧nä̧ ȩpü̧ iyinätü̧ Jerusarȩ́ igresia-ttü a̧ci̧a̧nu̧ wotü ttu̧mü̧nä̧.

Hechos 15:2

Ja̧'wa̧nü̧ ji̧yä̧u̧ Pauru-mä̧, Bernawé'i̧nä̧ juätuku rü̧ȩnä̧ pä'ä'kuäwinä̧tü̧ ja̧'wa̧nü̧ jä̧jí̧ o'ka'a Antioquía-ttü igresia tturuwotümä̧, Pauru-rü'i̧nä̧, Bernawérü'i̧nä̧, kkorotürü'i̧nä̧ Jerusarȩ́-ra̧'a̧ tti̧'chi̧ya̧tü̧ pä'ü we'inä̧tü̧; pi̧yȩ tü'kü, jua̧u̧ ütawiyära̧'a̧ttü̧, apótore-ku, igresia-ttü a̧ci̧a̧nu̧ wotüku ttukuokuäja pä'ü.

Hechos 15:6

Ja̧'wa̧nü̧ jo̧mȩnä̧, apótore-mä̧ ja̧'wa̧ta̧nü̧ igresia-ttü a̧ci̧a̧nu̧ wotümä̧ ka̧ka̧kui̧nä̧tü̧ pi̧yȩ tü'kü ttukuokua pä'ü.

Hechos 15:22

Apótore-mä̧, igresia-ttü a̧ci̧a̧nu̧ wotüku, igresia wotüku amükuädü tottomȩnä̧ adiwina̧'a̧, jitütä ttü̧'kä̧tȩttü̧ a̧'u̧ku̧nä̧ wotürü, Pauru-ku, Bernawé-ku tti̧'cho̧mȩttü̧ we'ü ttikuatü pä'ü; ja̧'wa̧nü̧ ja̧'a̧ttü̧, Juda ja̧'a̧nä̧, Barsabás pättä'ijäku'i̧nä̧, Sira-rü'i̧nä̧, ukuo isotü päi'ünä̧ wotürü we'inä̧tü̧. Ja̧'wa̧ta̧nü̧ juätükumä̧ pa̧'a̧nü̧ wȩyu̧tu̧ we'inä̧tü̧:

Hechos 16:4

Ja̧'wa̧nü̧ ja̧'a̧, ütawiyä dottächomȩ pünä̧mä̧, apótore-tü̧, igresia-ttü ukuo isotü Jerusarȩ́-ra̧'a̧ttü̧ wettäji, jȩpü̧ ttü̧jä̧kuȩ iyü kue'ächinä̧tü̧.