Hechos 14:21 - Nuevo Testamento Uwotjüja

²¹ Jua̧u̧ ütawiyänä̧ jareü adiwä wȩnȩ ji'äwi'ipü, rekuätü ttesetäji o'ka'a, Ritra ütawiyära̧'a̧ku̧, Iconio ütawiyära̧'a̧ku̧ ja̧'wa̧ta̧nü̧ Antioquía ütawiyära̧'a̧ku̧ ppa̧'ä̧chi̧nä̧tü̧.

TÄ̧DO Ä̧CUÄ̧ I̧HUȨNȨ

²¹ Pablocu, Bernabécu adihuä huȩnȩ Derbe ötahuiyättö ji'ähuinätödo. Recuätö Jesucristorö esetinätödo. Ja̧'hua̧nö̧ ja̧'a̧ Pablocu, Bernabécu ppa̧'ä̧chä̧chi̧nä̧tö̧do Listra ötahuiyära̧'a̧. Juhuorö kä̧nö̧ Iconio ötahuiyära̧'a̧ ppa̧'ä̧chä̧chi̧nä̧tö̧do. Juhuorö kä̧nö̧ Antioquía ötahuiyära̧'a̧ ppa̧'ä̧chä̧chi̧nä̧tö̧do.

Hechos 14:21 Referans Kwoze

Hechos 14:19

Ja̧'wa̧nü̧ ja̧'a̧ jakuänä̧ Antioquía-ttü'i̧nä̧, Iconiottü̧'i̧nä̧ Judío-mä̧ ichi'ü ttü̧ja̧rü̧ esekuinä̧tü̧; ttesekuä̧u̧ Pauru-rü inä̧dunä̧ ikuäu ikuäjä'kotü, täkü 'koru pä'i'äjikü̧ pä'ü, ütawiyättü dodopü rä'epü ttikuinä̧ku̧.

Hechos 14:1

Ja̧'wa̧nü̧ ja̧'a̧ Iconio ütawiyättümä̧, Pauru-mä̧, Bernawé-ku ji̧nä̧ yo̧mȩtȩnä̧ dodepinä̧tü̧ judío ttiärode sinagoga isodenä̧. Ja̧'wa̧nü̧ dodepü jittäwomȩnä̧ rekuätü esetinä̧tü̧ judío'i̧nä̧ ja̧'wa̧ta̧nü̧ judío pokotü'i̧nä̧, jü̧nä̧.

Hechos 13:51

Ja̧'wa̧nü̧ jȩttä̧u̧, tti̧jä̧pi̧yä̧ ppüsäwi'ütä rä'opächinä̧tü̧ Iconio ütawiyära̧'a̧ku̧.

2 Timoteo 3:11

Ja̧'wa̧ta̧nü̧ Antioquía-ttü'i̧nä̧, Iconiottü̧'i̧nä̧, ja̧'wa̧ta̧nü̧ Ritra ütawiyättü'i̧nä̧ ttürü kuäkuätta'a, usurä chȩmä̧wi̧nü̧mä̧ wo̧jua̧jä̧, ja̧'wa̧nü̧ ja̧'a̧nä̧ chu̧ru̧wa̧ Jesucrito-mä̧ ja̧u̧ttü̧mä̧ o'kajuiyünä̧tä̧ rä'epü ikuinä̧ku̧sä̧.

Hechos 14:6

Ja̧'wa̧nü̧ jȩtta̧tü̧ pä'ü tta̧mü̧kuädäja'a, ä̧ju̧kuä̧kuä̧wo̧'ü̧ Pauru-mä̧, Bernawé-kumä̧ tü'ipächü i̧wi̧'i̧nä̧tü̧ Ritra ütawiyära̧'a̧ku̧, Derbe-ra̧'a̧ku̧, Ricaonia rȩjȩnä̧ tü'künä̧nü̧ wȩjü̧ ütawiyä pünä̧.

Hechos 13:14

Ja̧'wa̧nü̧ ja̧'a̧nä̧, Perge-ttü 'kuä'o'ü Antioquía ütawiyänä̧ pisidia rȩjȩnä̧ rȩbȩä̧kuä̧wi̧nä̧tü̧; ja̧'wa̧nü̧ jä̧ja̧'a̧mä̧, sawaru mo̧ro̧ sinagoga isodenä̧ dodepipü pȩjä̧mi̧nä̧tü̧.

San Mateo 28:19

Ja̧'wa̧nü̧ ja̧'a̧ttü̧ pi̧jä̧ o'kajuiyünä̧ 'chä̧nü̧ ttü̧ja̧rü̧ chu̧wo̧juȩtä̧u̧ jü̧nä̧; Jä'o i̧mi̧nä̧, i̧tti̧ i̧mi̧nä̧ ja̧'wa̧ta̧nü̧ Epíritu Sa̧tu̧ i̧mi̧nä̧ bautizo jȩpä̧tu̧kui̧,

Hechos 16:2

Ja̧'wa̧nü̧ ja̧'a̧, Ritra-ttü'i̧nä̧, Iconio-ttü̧'i̧nä̧ Dio-rü esetätümä̧ jua̧u̧ ütü'kümä̧ adiu ukuokuinä̧tü̧.

Hechos 15:36

Rekuinü̧ o'ka'a, Pauru-mä̧ Bernawé-rü pä'inü̧: —Pä'äji ta̧'a̧nü̧ ppa̧'ä̧chü̧ dotächäja, Tu̧ru̧wa̧ i̧wȩnȩ jitäwinomȩ ütawiyä pünä̧, Jesucrito-rü esetätürü toku ttü̧ja̧kua̧ pä'ü.

Hechos 14:8

Ritra ütawiyänä̧ pi̧nü̧ ya̧tȩ kueächü juiyünä̧ wa̧. Uwäpächinü̧tä̧ päi'ünä̧ kue'ächokü pä'ijü ji̧na̧'a̧.

Hechos 2:47

Dio-rü rü̧ȩnä̧ eseu ttü̧ja̧rü̧'i̧nä̧ o'katoi'ünä̧rü̧ ppä'ädinä̧tü̧. Ja̧'wa̧nü̧ jo̧mȩnä̧, mo̧ro̧ ji̧nü̧'a̧kuä̧ Dio-mä̧ igresia yaboku rü̧ä̧chü̧nä̧ jȩpi̧nü̧, ra̧wä̧pi̧jü̧ttü̧ ttü̧ji̧pü̧nä̧.

Hechos 14:7

Jua'attütä ji'äwinä̧tü̧ jareü wȩnȩmä̧.

Hechos 14:15

Chawaruwä, ¿tta̧'a̧nü̧ pä'ü pi̧yȩmä̧ jȩ'kuä̧tu̧kua̧'a̧jä̧ttü̧? ujutu'i̧nä̧ ukutu jü̧ta̧'a̧nü̧ ttü̧ja̧jä̧. Suronä̧ jȩ'kuä̧tu̧ku̧ttü̧ kä'ädi'ü, Dio a̧'kua̧rü̧ku̧, mo̧ro̧jä̧'i̧nä̧, pi̧jä̧'i̧nä̧, rü̧ä̧ aje'i̧nä̧, juotonä̧ kka̧ku̧'i̧nä̧ o'kajuiyünä̧ aditinü̧ku̧ ppa̧kuä̧chä̧tu̧kua̧ pä'ü ji'äwätüjä̧.

Hechos 14:26

Juorü rä'opächümä̧ woi'kanä̧ kkäu 'chi̧nä̧tü̧, Antioquía ütawiyära̧'a̧ku̧, Siria rȩjȩra̧'a̧ku̧. Ä̧kuo̧mȩnä̧ Dio re ü̧jü̧ wȩnȩ jittäwa pä'ü ttü̧ja̧kuä̧mi̧no̧mȩku.