Hechos 14:16 - Nuevo Testamento Uwotjüja

¹⁶ Mo̧ täbokümä̧ Dio-mä̧, pä̧wä̧rü̧ja̧'a̧ku̧ jȩtta̧'a̧nä̧, ja̧'a̧tä̧ topinü̧.

TÄ̧DO Ä̧CUÄ̧ I̧HUȨNȨ

¹⁶ Pä'äjimä Dios o'ca toi'önä pa̧ja̧cu̧nä̧ ka̧cuä̧tö̧rö̧ ja̧'a̧tä̧ topinö, jitötä ttamöcuädötä jȩpö̧ ttö̧ja̧cua̧'a̧nä̧.

Hechos 14:16 Referans Kwoze

Hechos 17:30

Ja̧'wa̧nü̧ ja̧'a̧ttü̧, Dio-mä̧ ttü̧ja̧ ttieruwiyäku ja̧'a̧tä̧ toinü̧ mo̧ro̧ ji̧na̧'a̧nä̧, jitämä̧ o'katoi'ünä̧rü̧ ttü̧ja̧kuo̧mȩ pünä̧mä̧ surojüttü kättädi'a pä'ü.

1 Pedro 4:3

Ukutumä̧ rekuo mo̧ro̧ judío pokotü jȩttä̧'i̧jü̧ jȩpi̧nä̧tü̧jä̧ ja̧'wa̧ta̧nü̧ kukuojatuku juoächünä̧tä̧, surojü kkü'kekunä̧tä̧, pä'kärinä̧tä̧, tä̧mä̧'chä̧kuä̧wä̧nä̧tä̧ ja̧'wa̧ta̧nü̧ kkü'käwokü tturuwo juoekuänä̧tä̧ kka̧kui̧nä̧tü̧jä̧.

Efesios 2:12

Amükuädätukui ji̧yȩnü̧ mo̧ro̧mä̧ Crito-ttümä̧ otó winä̧tü̧jä̧, Irae ttü̧ja̧ttü̧'i̧nä̧ ikuikuotü winä̧tü̧jä̧. Ja̧'wa̧ta̧nü̧ Dio iya pä'ü esekuinü̧ttü̧'i̧nä̧ otó winä̧tü̧jä̧, tta̧'ä̧rü̧ kuamükuä̧rä̧tu̧ku̧'i̧nä̧ jui'inä̧tü̧jä̧, Dio-rü'i̧nä̧ pi̧jä̧ttü̧mä̧ to'inä̧tü̧jä̧.

Romanos 1:28

Dio-rümä̧ ttu̧wo̧jua̧rü̧ pättokoku, surojü tta̧mü̧kuäda'aku jȩpü̧ ttü̧jü̧nä̧tä̧ iyipinä̧u̧, jȩä̧kuä̧wo̧kü̧nä̧ jȩpü̧ ttü̧jü̧nä̧tä̧.

Romanos 3:25

Dio-mä̧, Crito-rü ukuoja erünä̧ jȩo̧mȩnä̧, eseku ikuäwä iya pä'ü iyinü̧. Jua̧u̧ eseku ikuäwämä̧ tta̧'kua̧ wȩnä̧rü̧tä̧ rȩbȩä̧kuä̧wä̧ ja̧'a̧. Ja̧'wa̧nü̧ jȩpü̧ Dio-mä̧, i̧jȩpi̧nä̧u̧jä̧ adiwä jueinä̧tä̧ pärotü ikumä̧, suronä̧ jȩtä̧'i̧jü̧, jȩpü̧ ikua'attü̧.