Hechos 13:49 - Nuevo Testamento Uwotjüja

⁴⁹ Ja̧'wa̧nü̧tä̧ rü̧ä̧chi̧na̧'a̧, Tu̧ru̧wa̧ i̧wȩnȩ juä̧jä̧ rȩjȩnä̧mä̧.

TÄ̧DO Ä̧CUÄ̧ I̧HUȨNȨ

⁴⁹ Recuätö ttö̧ja̧ ja̧u̧ rȩjȩ o'ca juiyönä Tu̧ru̧hua̧ i̧huȩnȩ ä̧ju̧cui̧nä̧tö̧do.

Hechos 13:49 Referans Kwoze

Hechos 19:10

Ja̧'wa̧nü̧ ji'äwinü̧ todäre años jo̧mȩnä̧ ja̧'wa̧nü̧ ja̧'a̧ttü̧ Asia rȩjȩnä̧ kka̧kuä̧tü̧mä̧ o'katoi'ünä̧ ä̧ju̧kui̧nä̧tü̧, judío-ttü'i̧nä̧, judío pokotüttü'i̧nä̧, griego-ttü'i̧nä̧, jü̧nä̧, Tu̧ru̧wa̧ Jesú i̧wȩnȩmä̧.

Hechos 12:24

Ja̧'wa̧nü̧ ja̧'a̧nä̧, Dio i̧wȩnȩmä̧ yabonü̧ rü̧ä̧chi̧na̧'a̧.

Hechos 19:26

Ja̧'wa̧nü̧ ja̧'a̧nä̧ ukutu to'kuätukutämä̧ ja̧'wa̧ta̧nü̧ kuä̧ju̧kuä̧tu̧ku̧tä̧mä̧, pide Pauru pä'a ä̧ju̧kuä̧tü̧jä̧, ttu̧mü̧ttü̧ adikuotü ttü̧ä̧nä̧wa̧tü̧mä̧, ttü̧ä̧nä̧wa̧tü̧mä̧kü̧, jü̧nä̧; suro, porü Éfeso ütawiyättütämä̧kü̧, Asia rȩjȩnä̧'i̧nä̧ o'kajuiyünä̧tä̧ rekuätü esetü ttikunä̧ jȩa̧'a̧mä̧.

Hechos 9:42

Pi̧yȩ wȩnȩmä̧, Jope ütawiyänä̧ kkakuä̧tü̧mä̧ o'katoi'ünä̧ ä̧ju̧ku̧, Jesucrito-rü esetinä̧tü̧.

Hechos 6:7

Ja̧'wa̧nü̧ ja̧'a̧mä̧, yabokutä Dio i̧wȩnȩmä̧ rü̧ä̧chi̧na̧'a̧, Jerusarȩ́-nä̧mä̧ Jesucrito-rü esetätümä̧ rekuächinä̧tü̧; ja̧'wa̧ta̧nü̧ rekuätü sacerdote'i̧nä̧ esetächinä̧tü̧, jua̧u̧ tta̧'kua̧ wȩnä̧rä̧kuä̧wä̧mä̧.

San Mateo 9:31

Ja̧'wa̧nü̧ päja'anä̧, yotäku rä'opächü, Jesú jȩä̧ji̧mä̧ juä̧jä̧nä̧mä̧ o'kajuiyünä̧ ukuounä̧ ji'äwinä̧tü̧.

Hechos 13:12

Ja̧'wa̧nü̧ ja̧'a̧ topü, ru̧wa̧ gobernador-mä̧, esetinü̧, Tu̧ru̧wa̧ i̧wȩnȩnä̧ kkä̧kuä̧wä̧mä̧, ¡isoó! pä'ü amükuädü.