Hechos 13:48 - Nuevo Testamento Uwotjüja

⁴⁸ Pi̧yȩ pätta'a ä̧ju̧ku̧, judío pokotümä̧ rü̧ȩnä̧ eseäkuäwinä̧tü̧, Tu̧ru̧wa̧ i̧wȩnȩmä̧; Ja̧'wa̧ta̧nü̧ kkä̧kuä̧wä̧ i'ko tteseta pä'ü wotümä̧ esetinä̧tü̧.

TÄ̧DO Ä̧CUÄ̧ I̧HUȨNȨ

⁴⁸ Judíos huocotömä, Pablocu, Bernabécu jittähua'a ä̧ju̧cu̧, esehuinätödo. —Tu̧ru̧hua̧ i̧hu̧ȩnȩ iso päi'önä adihuä huȩnȩ, —pä'inätödo. Dios ȩmi̧nä̧u̧mä̧ kä̧cuä̧huä̧ i'co ttu̧ju̧nä̧ra̧ pä'ö esetinätödo.

Hechos 13:48 Referans Kwoze

Efesios 1:4

Dio-mä̧ pi̧jä̧ uwäbe'äkua'a ä'kanä̧, Crito-nä̧mä̧ pojopü ȩmi̧nä̧u̧jä̧, chutä ä'ka jo̧mȩ surojü juiyünä̧, chutä üjü'komȩnä̧ tü̧ja̧kui̧ya̧rü̧ pä'ü. Rȩrü̧jü̧ toa'attü̧,

Romanos 11:7

¿Jua̧u̧nu̧mä̧ toku ji̧na̧'a̧jä̧ttü̧? Irae ttü̧ja̧mä̧ ttusinü̧mä̧ po̧kui̧po̧ko̧tü̧ pinä̧tü̧ ja̧'wa̧nü̧ ja̧'a̧nä̧ pojopü ȩmi̧nä̧u̧tä̧ ji̧na̧'a̧ po̧kui̧pi̧nä̧tü̧mä̧. Kkorotümä̧ tta̧mi̧ 'kittädäkuäwa'anä̧;

San Juan 10:16

Ja̧'wa̧ta̧nü̧, kkorotü oweja-tü̧ po̧ka̧nä̧ kka̧kuo̧ko̧tü̧rü̧'i̧nä̧ kku̧nä̧rü̧sä̧; juätürü'i̧nä̧ chi̧'chä̧chä̧kua̧sä̧, chi̧wȩnȩ ttä̧ju̧kua̧'a̧ttü̧; ja̧'wa̧nü̧ jo̧mȩnä̧ oweja-tü̧mä̧, ji̧nä̧ yo̧mȩtȩ ttu̧ru̧wa̧ku̧ ttü̧ja̧kuä̧kuo̧tü̧.

San Juan 11:52

Suro juätü judío-rü ja̧'a̧tȩ'ü̧tä̧mä̧kü̧, kko̧ro̧jä̧nä̧ kka̧kuä̧tü̧ Dio i̧tti̧mü̧ judío-rümä̧ ü̧ka̧ka̧ta̧ pä'ü ja̧'a̧, pä'ü pä'inü̧.

Efesios 1:19

Ja̧'wa̧ta̧nü̧ uruwo, churutä esetätürü i̧yä̧kuȩmä̧ ya̧'a̧nü̧ rü̧a̧'a̧ tä̧jí̧ pä'ü ku̧wo̧juä̧tu̧kua̧ pä'ü. Jua'amä̧ chutä Dio ujuru adita'aku.

Hechos 2:41

Ja̧'wa̧nü̧ jiäu esetäjätümä̧, bautizo jȩtti̧nä̧u̧, jua̧u̧nü̧ mo̧ro̧tä̧mä̧ tres mil-nü̧ jo̧mȩnä̧ ji̧na̧'a̧, Jesucrito-rü esetätümä̧.

Hechos 22:10

Ja̧'wa̧nü̧ jä̧ku̧ pä'inü̧sä̧: «¿Chu̧ru̧wa̧, däjé jȩchä̧kua̧'a̧jä̧ttü̧? Chu̧ru̧wa̧mä̧ ädätinä̧ku̧sä̧: Ä̧rä̧mi̧'ü̧, Damasco ütawiyänä̧ do'ächi. Jua'attü o'kajuiyünä̧ jiäkuäwäkua'a jȩ'kuä̧kuȩmä̧.»

San Lucas 7:8

Ja̧'wa̧ta̧nü̧ ttütä'i̧nä̧ churuwomä̧ kku̧nä̧rü̧sä̧ ja̧'wa̧nü̧ ja̧'a̧ttü̧ su̧ro̧do̧u̧ru̧ chüjü'komȩnä̧ wȩdä̧u̧ru̧ kku̧nä̧rü̧sä̧; ya̧tȩrü̧ täi pädomȩnä̧mä̧, 'chü̧; ichí pädomȩnä̧mä̧ ichü; ja̧'wa̧ta̧nü̧ chu̧mü̧wä̧ya̧rü̧: Pi̧yȩ jȩpi̧ pädomȩnä̧mä̧, jȩpü̧.»

Romanos 13:1

O'katoi'ünä̧ ruwo we'ätürü ukuotätukui; isopäi'ünä̧ o'kajuiyünä̧ ruwo jäwämä̧ Dio jäwätä ja̧'a̧ttü̧ ja̧'wa̧nü̧ ja̧'a̧ttü̧ ruwonä̧ pȩjä̧tü̧mä̧, Dio u̧ju̧ni̧na̧'a̧tä̧ pȩjä̧tü̧.

Hechos 28:23

Ja̧'wa̧nü̧ ja̧'a̧ttü̧, ji̧yȩtȩ mo̧ro̧ ttü̧ka̧ka̧kua̧ pä'ü, pätetü ttu̧ju̧nä̧ja̧'a̧ rekuätü ichinä̧tü̧ Pauru ü̧jodenä̧. Juodettü jiäwinä̧u̧ ru̧wa̧ Dio weü wȩnȩ yo̧ä̧i̧ ü̧jä̧mä̧dä̧ja̧'a̧mä̧ ni̧pä̧ro̧mȩbü päi'ünä̧. Pauru-mä̧ jiäwinä̧u̧ Moisé weäwä wȩnȩnä̧'i̧nä̧ ja̧'wa̧ta̧nü̧ profeta-tü̧ ttukuokuinü̧nä̧'i̧nä̧, jü̧nä̧; Jesú-ru tesetiyarü pä'ümä̧.

Hechos 2:47

Dio-rü rü̧ȩnä̧ eseu ttü̧ja̧rü̧'i̧nä̧ o'katoi'ünä̧rü̧ ppä'ädinä̧tü̧. Ja̧'wa̧nü̧ jo̧mȩnä̧, mo̧ro̧ ji̧nü̧'a̧kuä̧ Dio-mä̧ igresia yaboku rü̧ä̧chü̧nä̧ jȩpi̧nü̧, ra̧wä̧pi̧jü̧ttü̧ ttü̧ji̧pü̧nä̧.

Hechos 20:13

Ujutumä̧, ä'kanä̧ woi'kanä̧ 'chi̧nä̧tü̧jä̧ Asón ütawiyättü Pauru-rü tȩma̧ pä'ü ja̧'wa̧nü̧ päjä̧u̧, chutämä̧ rȩjȩnä̧ 'chä̧nü̧.

San Mateo 28:16

Ja̧'wa̧nü̧ ja̧'a̧ttü̧ ttü̧jä̧pü̧ttü̧ ya̧tȩnü̧ wotü u̧wo̧juȩtä̧u̧mä̧ Galirea rȩjȩ mü̧ä̧'kara̧'a̧, Jesú jiäwäjita'anü̧ 'chi̧nä̧tü̧.

2 Tesalonicenses 3:1

Chi̧jä̧wa̧tü̧, rüjinä̧mä̧, ujuturu'i̧nä̧ Dio-rü kukuokuätukua pä'ü jätepä̧u̧jä̧, kkoromȩ pünä̧ o'kajuiyünä̧tä̧ Tu̧ru̧wa̧ i̧wȩnȩ jitätä ja̧'a̧ku̧ rȩbȩwä̧kua̧'a̧nü̧, ja̧'wa̧ta̧nü̧ ukutu ȩmü̧ kuesewinä̧tukuta'anü̧ kkorotü'i̧nä̧ ȩmü̧ ttesewäkua'anü̧.

1 Corintios 16:15

Chawaruwä chi̧jä̧wa̧tü̧, ukutumä̧ wo̧juä̧tü̧jä̧ Estéfana i̧tti̧mü̧ku̧ ä̧kuo̧mȩnä̧ Acaya rȩjȩttü̧ Dio-rü esetinä̧tü̧ pä'ümä̧ ja̧'wa̧ta̧nü̧ juätütä ja̧'a̧ Dio-rü esetinä̧tü̧rü̧ ppä'ädätümä̧.

Hechos 15:31

Ja̧'wa̧nü̧ ja̧'a̧, juojänä̧ pȩjü̧ topü, rü̧ȩnä̧ eseäkuäwinä̧tü̧.

Hechos 15:2

Ja̧'wa̧nü̧ ji̧yä̧u̧ Pauru-mä̧, Bernawé'i̧nä̧ juätuku rü̧ȩnä̧ pä'ä'kuäwinä̧tü̧ ja̧'wa̧nü̧ jä̧jí̧ o'ka'a Antioquía-ttü igresia tturuwotümä̧, Pauru-rü'i̧nä̧, Bernawérü'i̧nä̧, kkorotürü'i̧nä̧ Jerusarȩ́-ra̧'a̧ tti̧'chi̧ya̧tü̧ pä'ü we'inä̧tü̧; pi̧yȩ tü'kü, jua̧u̧ ütawiyära̧'a̧ttü̧, apótore-ku, igresia-ttü a̧ci̧a̧nu̧ wotüku ttukuokuäja pä'ü.

Hechos 13:42

Pä'ü ukuokui'ipü, Pauru-mä̧ awaruwäku, judío ttü̧'ȩjä̧'i̧jode sinagoga-ttü rättekuächomȩnä̧, judío pokotümä̧ jättepinä̧u̧ kkoro mo̧ro̧, sawaru mo̧ro̧ juätürü'i̧nä̧ jua̧u̧ tü'kü jittäwatü pä'ü.

Hechos 8:8

Ja̧'wa̧nü̧ jo̧mȩnä̧, juȩnȩ ütawiyä ttü̧ja̧mä̧ rü̧ȩnä̧ eseäkuäwinä̧tü̧.

San Mateo 25:46

Ja̧'wa̧nü̧ ja̧'a̧ttü̧, pa̧'a̧nü̧ suronä̧ jȩpi̧nä̧tü̧mä̧ ro̧ȩkuä̧ beipokomȩtä̧ tti̧'cha̧'a̧nä̧, adiu jȩpi̧nä̧tü̧mä̧ kkä̧kuä̧wä̧ i'ko kka̧'a̧tä̧ tti̧'chä̧kuo̧tü̧.

Hechos 13:12

Ja̧'wa̧nü̧ ja̧'a̧ topü, ru̧wa̧ gobernador-mä̧, esetinü̧, Tu̧ru̧wa̧ i̧wȩnȩnä̧ kkä̧kuä̧wä̧mä̧, ¡isoó! pä'ü amükuädü.

Romanos 8:28

Ja̧'wa̧ta̧nü̧ wo̧juä̧tü̧jä̧, Dio-rü repe'ü esewätürümä̧ o'kajuiyünä̧tä̧ adiu ppä̧dä̧u̧ pä'ü, churutä pä̧wä̧rü̧jo̧mȩnä̧ woinä̧u̧ru̧mä̧.

Efesios 1:5

Rü̧ȩnä̧ repea'attü̧, ä̧kuo̧mȩnä̧tä̧ päi'ünä̧ pojopü u̧ju̧ni̧nä̧u̧jä̧, I̧tti̧ Jesucrito-nä̧ i̧tti̧mü̧ päi'ünä̧ ȩma̧tü̧ pä'ümä̧, churutä pä̧wä̧rü̧jo̧mȩnä̧.

Efesios 1:11

Ja̧'wa̧ta̧nü̧ Crito-nä̧mä̧, Chutä iäre tȩma̧ pä'ü ä'kojitä päi'ünä̧ ü'ojo'inä̧u̧jä̧, Chutä o'kajuiyünä̧ jȩpü̧ ja̧'a̧ttü̧, churutä pä̧wä̧rü̧jo̧mȩnä̧tä̧.