Hechos 13:25 - Nuevo Testamento Uwotjüja

²⁵ Ja̧'wa̧nü̧ ja̧'a̧, Ju̧a̧-mä̧ aditäwä jo̧mȩnü̧ kä'ädäkuäumä̧ pä'inü̧: Ttümä̧, ukutu jua̧u̧tä̧ ja̧'a̧ pä'ü kuamükuädä'ijätukuäkumä̧kü̧sä̧; ja̧'wa̧nü̧ ja̧'a̧nä̧ ttü cho'ka'anä̧ ichü, ya̧tȩ, jua̧u̧ru̧ ttümä̧ ü̧jä̧pü̧ isäya isappä'i̧nä̧ chejäda pä'ümä̧ weü juiyü'anü̧ wa̧sä̧.

TÄ̧DO Ä̧CUÄ̧ I̧HUȨNȨ

²⁵ Juhua'a yabonö pä'inödo Pablo: —Juan aditähuä cädäcua'a tö'cöhuächi'omenä, pä'inödo: “¿Tta̧'a̧nö̧ cuamöcuädätucuättö ttörömä? Ucutu cuamöcuädätucuäcumä̧cö̧sä̧. Ttö cho'ca'anä ichömä, ö̧jä̧pö̧ isäya'inä ko̧'ä̧dö̧ chicu juiyö'a̧nö̧ ja̧'a̧, pä'inödo Juan, —pä'ö ji'ähuinödo Pablo.

Hechos 13:25 Referans Kwoze

San Mateo 3:11

Isopäi'ünä̧ ttümä̧, Dio-ku ppa̧kuä̧chä̧tu̧kua̧'a̧ kui̧jȩkuä̧tu̧kua̧ pä'ümä̧ ajiyanä̧tä̧ bautizo jȩpü̧sä̧; ja̧'wa̧nü̧ ja̧'a̧nä̧ ttü cho'komȩnä̧ ichümä̧ Epíritu Sa̧tu̧nä̧'i̧nä̧, okurä jäwänä̧'i̧nä̧ bautizo jȩä̧kua̧. Jua̧u̧mä̧ ttüttü'i̧nä̧ abonä̧nü̧ ujuru kku̧nä̧rü̧, jua̧u̧ ü̧jä̧pü̧ isäya chȩpü̧ juiyü'anü̧'i̧nä̧ wa̧sä̧.

San Marcos 1:7

Jua̧u̧mä̧ pa̧'a̧nü̧, ji'äwinü̧: Ttü cho'ka'anä̧ ya̧tȩ ichü. Jua̧u̧mä̧ ttüttü'i̧nä̧ abonä̧nü̧ uruwo kku̧nä̧rü̧. Jua̧u̧ ü̧jä̧pü̧ isäya isappä'i̧nä̧ ja̧rȩyu̧ pä'i'ümä̧ chejädü juiyü'anü̧ wa̧sä̧.

Hechos 20:24

Ja̧'wa̧nü̧ ja̧'a̧nä̧, cha̧'kua̧rü̧mä̧ ukuo te'äwoküsä, Chu̧ru̧wa̧ttü̧ chȩmi̧nü̧ chaditäwä, eseunu̧ kädäda pä'ütä amükuädüsä, Dio rettü iyinü jareü wȩnȩ ji'äunu̧.

Apocalipsis 11:7

Ja̧'wa̧nü̧ ja̧'a̧ ji'äu kättädü o'ka'amä̧, 'kuȩya̧ppa̧nü̧ jä̧ju rejuttü rä'opü i̧sa̧ Betia pättäkumä̧ juätuku ürowäwä̧kua̧, juätüttü'i̧nä̧ abo 'kuä'o'ü, kuä'ü i̧kuä̧kuä̧u̧.

2 Timoteo 4:7

Surojükumä̧ adiwäjuei kuränä̧ rowäwinü̧sä̧, ja̧'wa̧nü̧ rowäu jo̧mȩnü̧ rȩbȩwi̧nü̧sä̧, Dio-rü'i̧nä̧ kädädi'oka'a cha̧'kua̧ wȩnä̧ri̧nü̧sä̧.

2 Corintios 4:5

Ujututä ta̧mü̧nä̧ pa̧ja̧tü̧mä̧ ji'äwokotüjä̧, ji̧nä̧somä̧ Jesucrito-mä̧, Tu̧ru̧wa̧ ja̧'a̧ pä'ü ji'äu kkä̧nü̧, ukutumä̧ ku̧wo̧juȩtä̧u̧jä̧ pä'ätüjä̧, Crito-rü eseu repeta'attü̧.

Hechos 19:4

Pättiyäku, Pauru-mä̧ päinä̧u̧: Ju̧a̧-mä̧, surojüttü kättädi'a pä'ütä, bautizo jȩpü̧ pä'inü̧: Cho'ka'anä̧ ichürü kuesetätukua pä'ü ja̧'a̧, jua̧u̧mä̧ Jesú jä̧kua̧'a̧, Crito-mä̧.

Hechos 13:36

Isopäi'ünä̧ Dawi-mä̧, Dio-rü pä̧wä̧rü̧jo̧mȩnä̧ ukuojattü awaruwärü ppä'ädinü̧ ja̧'wa̧nü̧ ja̧'a̧ 'korujuoächomȩnä̧mä̧, idepä pparuwächinä̧ku̧.

San Juan 7:18

Ya̧tȩ chutä a̧mü̧nä̧ pa̧ja̧tü̧ amükuädäkuäu ukuokumä̧, churutä tesewarü pä'ü usú ja̧'wa̧nü̧ ja̧'a̧nä̧, churutä we'inü̧rü̧ ttesewiyarü pä'ü usomȩnä̧mä̧, jueü wȩnȩtä̧ ukuoku, surojü jui'attü.

San Juan 4:34

Jesú-mä̧ päinä̧u̧: Ttü chu̧kuȩmä̧, Ttürü we'inü̧rü̧ pä̧wä̧rü̧jü̧ jȩä̧kuä̧wä̧ ja̧'a̧ ja̧'wa̧ta̧nü̧ aditäwä kädäda pä'ü.

San Juan 1:36

Ja̧'wa̧nü̧ ja̧'a̧, Ju̧a̧-mä̧ Jesú 'kuäopa'a topü pä'inü̧: —¡Chujua ja̧'a̧, Dio äji oweja mü̧ä̧ya̧mä̧!

San Juan 1:34

Ja̧'wa̧nü̧ tochina̧'a̧ttü̧ pä'üsä, jua̧u̧tä̧ ja̧'a̧ Dio i̧tti̧mä̧, jü̧nä̧.

San Juan 1:29

Jua̧u̧ o'ka'a kkoro mo̧ro̧, Ju̧a̧-mä̧ chutä ü̧ja̧'a̧ku̧ Jesú icha'a topü pä'inü̧: Täkü ichü Dio äji mü̧ä̧ya̧ oweja, pi̧jä̧ ttü̧ja̧ suronä̧ jȩttü̧ si'epü ikumä̧.