Hechos 13:23 - Nuevo Testamento Uwotjüja

²³ Täkü, jua̧u̧ Dawi i̧tti̧mü̧ päjuriyättütä, Dio-mä̧ ukuokuinü̧ta'anü̧ rä'epinü̧ Jesú-ru, Irae ttü̧ja̧rü̧ surojüttü rä'epü i̧kuä̧kua̧rü̧mä̧.

TÄ̧DO Ä̧CUÄ̧ I̧HUȨNȨ

²³ Dios ä'canä päinö ta'anö David isotö i̧sa̧ttö̧ hue'inö Jesúsru, Israel ttö̧ja̧ suronä jȩttö̧ttö̧ ttö̧ji̧pö̧nä̧ jȩa̧ pä'ö.

Hechos 13:23 Referans Kwoze

San Mateo 1:1

Jesucrito-mä̧, Dawi-ttü'i̧nä̧, Abraha̧-ttü̧'i̧nä̧ isotü i̧sa̧ ji̧na̧'a̧ttü̧, ü̧tä̧mü̧ mi̧nä̧ttü̧ kkä̧mä̧dü̧ tti̧mi̧ pi̧yȩmä̧, pa̧'a̧nü̧ ji̧na̧'a̧:

Apocalipsis 22:16

«Ttü, Jesú-mä̧, chu̧mü̧wä̧ya̧ á̧gȩ-rü̧ we'äjisä pi̧yȩ o'kajuiyünä̧ igresia ttü̧ja̧rü̧ jidäwa pä'ü. Ttütä ja̧'a̧ Dawi-ttü ichäkuäwa̧ kkada'ka jü̧nä̧ wa̧mä̧, pä'ü mo̧ro̧ juomȩnä̧ siri'ko tejäda'a jä'i̧nü̧'a̧nü̧.»

Judas 1:25

Chutä, Dio ya̧tȩrü̧tä̧, Jesucrito-nä̧ ujuturu surojüttü rä'epü ikuinü̧rü̧, eseäkuäu tiyätukua gloria pättü'i̧nä̧, Chutä ukuo jäwä'i̧nä̧, mo̧ro̧ kki̧ä̧mü̧nä̧. Amȩ́.

Hechos 13:32

Ja̧'wa̧nü̧ ja̧'a̧ jitämä̧ ukuturu pi̧yȩ jareü wȩnȩ ji'äwätüjä̧: Tü̧tä̧mü̧ mi̧nä̧rü̧, Dio-mä̧ jȩchä̧kua̧sä̧ päinü̧ta'anü̧ jȩpi̧nü̧ pä'ü,

Romanos 1:3

Jua̧u̧ wȩä̧kua̧mä̧ I̧tti̧, Tu̧ru̧wa̧ Jesucrito ji̧na̧'a̧, ü̧tä̧mü̧ttü̧mä̧ Dawi isotü i̧sa̧ pinü̧,

1 Juan 4:14

Ja̧'wa̧ta̧nü̧ ujutujä̧ topinä̧tü̧ ta'attü̧, Jä'o Dio-mä̧, I̧tti̧rü̧ pi̧jä̧ra̧'a̧, surojüttü rä'epü ikua pä'ü we'inü̧, pä'ü ji'äwätümä̧.

2 Pedro 3:18

Ja̧'wa̧nü̧ ja̧'a̧nä̧ Tu̧ru̧wa̧ Jesucrito surojüttü kki̧'ä̧kuä̧wa̧rü̧tä̧ adiunä̧nü̧ wo̧juä̧tü̧kui̧ ja̧'wa̧ta̧nü̧ eseäkuäwänä̧ büó juo'ätukui. Jua̧u̧ru̧mä̧ jitä'i̧nä̧, yodoji'i̧nä̧ tesewarüjä̧. Amȩ́.

2 Pedro 3:2

Ji̧yȩnü̧ pä̧nä̧ surojü jui'ätü profeta-tü̧ pättinü̧ ji̧nü̧ amükuädätukui; ja̧'wa̧ta̧nü̧ tu̧ru̧wa̧ surojüttü kki̧'ä̧kuä̧wä̧ i̧sa̧ttü̧ weäwä wȩnȩ apótore pä̧ttä̧u̧ ukuturu ttu̧wo̧juȩti̧nü̧mä̧.

2 Pedro 2:20

Ja̧'wa̧nü̧ ja̧'a̧ttü̧ tu̧ru̧wa̧ Jesucrito surojüttü tü̧ji̧pü̧nä̧ jȩpü̧rü̧ wo̧juä̧chi̧'ä̧tü̧mä̧, pi̧jä̧ jäwä surojüttü tü'ipächü ttü̧ja̧kui̧na̧'a̧nä̧, ja̧u̧nä̧ jerupächi'ü pä'äjita'anü̧ iyäwätümä̧, jua̧u̧tä̧tä̧ wȩä̧ro̧mȩnä̧, ä'koji suro ttino̧mȩttü̧'i̧nä̧ yabonä̧nü̧ wotü.

2 Pedro 1:11

Ja̧'wa̧nü̧tä̧ tu̧ru̧wa̧ Jesucrito surojüttü tü̧ji̧pü̧nä̧ jȩpi̧nü̧ ruwo beipokü weomȩ doächäkuäwomȩ bawekuächäkua'a.

2 Pedro 1:1

Ttü Simón Peduru, Jesucrito wȩ'ä̧wa̧ ja̧'wa̧ta̧nü̧ u̧mü̧wä̧ya̧ wa̧, te'äusä ujutu jü̧ta̧'a̧nü̧ adiwäjuei tta̧'kua̧ wȩnä̧rä̧kuä̧wä̧nä̧ rȩbȩwi̧nä̧tü̧rü̧, isopäi'ünä̧ tü̧ä̧nä̧wa̧ Dio'i̧nä̧, Jesucrito ra̧wä̧pi̧jü̧ttü̧ kki̧'i̧kuä̧ i̧sa̧'i̧nä̧ adiwä i̧sa̧ jo̧mȩttü̧.

Tito 1:4

Tito, Jesucrito-nä̧ kua̧'kua̧ ku̧wȩnä̧ra̧ pä'ü ppädädinä̧ku̧jä̧ ja̧'wa̧nü̧ ja̧'a̧ttü̧ isopäi'ünä̧ chi̧tti̧ jä̧'i̧nü̧'a̧nü̧ wa̧jä̧. Ttü'i̧nä̧ uku'i̧nä̧ Dio-rü ta̧'kua̧ tu̧wȩnä̧ro̧mȩttü̧ jua̧u̧ru̧mä̧ jä'epüsä Tä'o jo̧mȩttü̧ ja̧'wa̧ta̧nü̧ tu̧ru̧wa̧ Jesucrito ra̧wä̧pi̧jü̧ttü̧ tü̧ji̧pü̧nä̧ ppädäkuäwä i̧sa̧rü̧mä̧ eseäkuäwä'i̧nä̧ unichä̧rü̧ kkä̧kuä̧wä̧'i̧nä̧ ttiyäku pä'ü.

Romanos 11:26

Juȩnȩ o'komȩnä̧ Irae ttü̧ja̧mä̧ ra̧wä̧pi̧jü̧ttü̧ ttü̧ji̧pä̧kuo̧tü̧, wȩyu̧kuä̧ wȩnȩ päüta'anü̧: «Sión-ttü̧ i̧chä̧kua̧ ra̧wä̧pi̧jü̧ttü̧ rä'epü ikuäwä i̧sa̧mä̧, Jaco suronä̧ jȩi̧nü̧ jȩpü̧ i̧kuä̧kua̧mä̧.

Hechos 3:26

Ä̧kuo̧mȩnä̧, Dio i̧tti̧rü̧ wa'arettü tto'ädäji̧'ka̧mä̧, adiwä juei kuȩmä̧tu̧kua̧ pä'ü weinä̧u̧jä̧, surojüttü räkuopächätukua pä'ü, ukuturu.

Hechos 2:30

Ja̧'wa̧nü̧ ji̧na̧'a̧nä̧ Dawi-mä̧ profeta ja̧'a̧ttü̧, Dio-mä̧ i̧tti̧mü̧ttü̧ Crito-rü äräbe'äkua'a jiäwinä̧ku̧.

San Juan 7:42

Wȩyu̧kuä̧ wȩnȩmä̧ pä'ija'a: Crito-mä̧, Rey Dawi isotüttü, Berȩ́ ütawiyättü, Dawi idepiyu ji̧no̧mȩttü̧ i̧chä̧kua̧, jü̧nä̧.

San Juan 4:42

Ja̧'wa̧nü̧ esetü juäjuru pä'inä̧tü̧: —Jitämä̧, suro ukú jikuäwäja'atämä̧ esetokotüjä̧, jua'a yabo ujututä ta̧mü̧nä̧ ä̧ju̧kuä̧jä̧'kotü esetätüjä̧, isopäi'ünä̧ Jua̧u̧tä̧ ja̧'a̧ pi̧jä̧ ttü̧ja̧rü̧ ra̧wä̧pi̧jü̧ttü̧ ttü̧ji̧pü̧nä̧ ppä̧dä̧kua̧mä̧ pä'ü.

San Lucas 1:69

Ja̧'wa̧ta̧nü̧ ujuru kku̧nä̧rü̧ ra̧wä̧pi̧jü̧ttü̧ ppädäkuäwä i̧sa̧rü̧ weäja'attü, chutä u̧mü̧wä̧ya̧ Dawi pinü̧ isotürü ja̧'a̧tȩ'ü̧.

San Mateo 22:42

Jesú-mä̧ jä'epü ä̧ju̧kui̧nä̧u̧: —¿Toku päkuätukua'ajä̧ttü̧ Crito ütü'kümä̧? ¿Dí i̧tti̧ ja̧'a̧jä̧ttü̧? Päomȩnä̧ ttädätinä̧ku̧: —Dawi i̧tti̧, pä'ätüjä̧.

San Mateo 21:9

Ja̧'wa̧ta̧nü̧ kkorotü Jesú ä'kanä̧ 'chä̧tü̧'i̧nä̧ o'ka'anä̧ ichätü'i̧nä̧ wopinä̧tü̧: —¡Ppä'äditü, ra̧wä̧pi̧jü̧ttü̧, Dawi i̧tti̧jä̧! ¡Tu̧ru̧wa̧ i̧mi̧nä̧ ichümä̧, bendito pättü kkä̧ku̧jä̧! mo̧ro̧jä̧nä̧ttü̧, pä'ü wopinä̧tü̧:

San Mateo 1:21

Juäju María-mä̧, kki̧tti̧ uborü kkuwäbekuäkuaju, jua̧u̧ i̧mi̧mä̧ Jesú pä'ü okuarüjä̧, jua'amä̧ awaruwärü suronä̧ jȩttä̧'i̧jü̧ttü̧ rä'epü i̧kuä̧kua̧ ja̧'a̧ttü̧.

Hechos 4:12

Ya̧tȩtä̧ Jesú-tä ja̧'a̧ surojüttü kki̧'ä̧kuä̧wä̧ ujuru kku̧nä̧rü̧mä̧; pi̧jä̧ra̧'a̧ mo̧ro̧jä̧ra̧'a̧ttü̧ weinä̧ku̧ kka̧ra̧mä̧ toa'a; Jua̧u̧tä̧tä̧ ja̧'a̧ i̧mi̧nä̧ ra̧wä̧pi̧jü̧ttü̧ ttü̧ja̧ kki̧'ä̧kuä̧wa̧mä̧.