Hechos 13:22 - Nuevo Testamento Uwotjüja

²² Jua̧u̧ 'kuäopinü̧ o'ka'a, Dio-mä̧ Saúrü rä'epü iku, pä̧ro̧kua̧ Dawi-rü rütü pä'inü̧: «po̧kui̧pä̧ji̧sä̧ Dawi-rü, Isaí i̧tti̧rü̧, ttü chamükuädüta'anü̧ amükuädürü, jua̧u̧tä̧ jä̧kua̧'a̧ ttürü pä̧wä̧rü̧jo̧mȩnä̧ jȩä̧kua̧mä̧.»

TÄ̧DO Ä̧CUÄ̧ I̧HUȨNȨ

²² Diosmä Saúl hueäji 'cho'ipö, Davidrö hue'inö ttu̧ru̧hua̧ päi'önä ö̧ja̧ pä'ö. Dios pä'inödo: “Isaí i̧tti̧ Davidrö pä̧huä̧ rö̧jä̧cu̧sä̧. O'ca juiyönä ttörö pä̧huä̧ rö̧jö̧mä̧ jȩä̧cua̧ David.”

Hechos 13:22 Referans Kwoze

Hechos 7:46

Jua̧u̧ Dawi-mä̧ Dio esewinä̧ku̧ ja̧'wa̧nü̧ ja̧'a̧ttü̧ Dio-rü jä'epinü̧ Jaco isotü ttü̧ä̧nä̧wa̧ ü̧jä̧kuo̧mȩ tabenákuro pättode aditü iya pä'ü;

Hechos 15:8

Ja̧'wa̧nü̧ ja̧'a̧, Dio-mä̧ tta̧mi̧ iso'ki wo̧jua̧ ja̧'a̧ttü̧ juätürü'i̧nä̧ Epíritu Sa̧tu̧rü̧ iyinä̧u̧ totünä̧, ujuturu jü̧ta̧'a̧nü̧;

Hechos 13:36

Isopäi'ünä̧ Dawi-mä̧, Dio-rü pä̧wä̧rü̧jo̧mȩnä̧ ukuojattü awaruwärü ppä'ädinü̧ ja̧'wa̧nü̧ ja̧'a̧ 'korujuoächomȩnä̧mä̧, idepä pparuwächinä̧ku̧.