Hechos 13:10 - Nuevo Testamento Uwotjüja

¹⁰ päinä̧ku̧: —¡Isoo, yapareäkuäwätä, surojütä jo̧mȩnü̧ wa̧jä̧, äwettätä i̧tti̧jä̧, adiwä wȩnȩ aboi̧ya̧tä̧ wa̧jä̧! ¿Tu̧ru̧wa̧ u̧mä̧nä̧ jueü mä̧nä̧, surojuokuepa'amä̧ ti̧yȩnü̧tä̧ käkuädäkua'ajä̧ttü̧?

TÄ̧DO Ä̧CUÄ̧ I̧HUȨNȨ

¹⁰ Pä'inödo: —¡Yapareu jȩä̧cuä̧huä̧ i̧sa̧jä̧! Suronä jȩpö̧jä̧. Ähuettä i̧tti̧jä̧. Adiu jȩpä̧tö̧ tta̧bo̧i̧ya̧jä̧. 'Cuäopönä Dios iso päi'önä huȩnȩ pärotö icu, yapareu jicuhuähua pä'öjä.

Hechos 13:10 Referans Kwoze

San Juan 8:44

Ukutumä̧ kuä'otuku äwettä i̧tti̧mü̧jä̧; jua̧u̧ru̧ pä̧wä̧rü̧jü̧tä̧ jȩ'kuä̧tu̧kua̧'a̧ttü̧. Jua̧u̧mä̧ ä̧kuo̧mȩnä̧ttü̧tä̧ päi'ünä̧ kkä̧mä̧dü̧ ttü̧ja̧rü̧ kuäwä i̧sa̧ pinü̧. Jua̧u̧mä̧ isopäi'ünä̧ wȩnȩ jäwänä̧mä̧ kko̧kü̧ pinü̧, chunä̧tä̧ isopäi'ünä̧ wȩnȩ juiya'attü. Ja̧'wa̧nü̧ ja̧'a̧ttü̧ yapareu wȩnȩ ukuokuomȩnä̧mä̧, chuttutä rä'eku ukuoku; jua'amä̧ ya̧pa̧rȩwa̧ ja̧'a̧ttü̧ ja̧'wa̧ta̧nü̧ jua̧u̧mä̧ yapareäkuäwätä jä'o ja̧'a̧.

Gálatas 1:7

Isopäi'ünä̧ kkoro jareü wȩnȩmä̧ juiya'anä̧, yotukunä̧ kka̧kuä̧tü̧ ukuturu jerutu ikuätü, Crito i̧wȩnȩ jareü wȩnȩ surojuo'epü.

2 Corintios 11:3

Ja̧'wa̧nü̧ ja̧'a̧nä̧, yedekunä̧ jä̧ku̧sä̧, Ewa-rü ä̧ka̧ üyaparewinü̧ta̧'a̧nü̧, ukutu'i̧nä̧ Crito-rü eseunu̧ kukuotätukuttü 'kä̧kui̧pä̧chä̧tu̧ku̧'a̧nü̧ ji̧yä̧ku̧.

San Mateo 13:38

pätta jä̧ji̧mä̧ pi̧jä̧ rȩjȩ ja̧'a̧. Adiwäjuei u̧wä̧ju̧ trigo jä̧ji̧mä̧ ru̧wa̧ Dio weünä̧ kka̧kuä̧tü̧ ja̧'a̧ ja̧'wa̧ta̧nü̧ surojü adiyä jä̧ji̧mä̧ su̧ro̧pa̧ i̧tti̧mü̧ ja̧'a̧.

1 Juan 3:8

Surojü jȩpü̧ kkü̧mä̧ äwettä i̧sa̧ ja̧'a̧; isopäi'ünä̧ äwettämä̧ ä̧kuo̧mȩnä̧ttü̧tä̧ päi'ünä̧ surojü jȩi̧na̧'a̧ttü̧. Isopäi'ünä̧ Dio I̧tti̧mä̧ ichinü̧, äwettä aditäwä si'epü ikua pä'ü.

San Lucas 11:52

«¡Isottü̧ ukutu weäwä wȩnȩ wo̧juȩkuä̧ isotüwe!, wo̧juä̧wä̧ wȩnȩ llawi kku̧nä̧rä̧tü̧ kuätukua'anä̧; ukututä'i̧nä̧ dode'kuätukuoka'anä̧ kkorotürü'i̧nä̧ dodettü juiyünä̧ jȩpä̧tü̧jä̧.»

2 Pedro 2:15

Kue'ächü re'tewächätü, jua'amä̧ jueü mä̧nä̧ttü̧ 'kȩtti̧pä̧chi̧na̧'a̧ttü̧. Bosor i̧tti̧ profeta Balaam suronä̧ jȩpü̧ premio pättü ȩma̧ pä'ü jȩi̧nü̧'a̧kuä̧ jȩpä̧tü̧,

Hechos 20:30

Ja̧'wa̧ta̧nü̧ ukututtütä'i̧nä̧ rättopäkuotü, yapareu wȩnȩ wo̧juȩtä̧tü̧, Jesucrito-rü esetätürü 'kȩ'ȩpü̧ iku ottipächa pä'ü.

San Mateo 23:13

¡Isottü̧ ukutuwe! weäwä wȩnȩ wo̧juȩtä̧tü̧mä̧ ja̧'wa̧ta̧nü̧ fariseo wotümä̧ ä'koyättütä esetätüjä̧, ukutumä̧ mo̧ro̧jä̧ ru̧wa̧ weünä̧ dodettü juiyünä̧ tto̧'ȩpä̧rä̧tü̧jä̧. Ukututä'i̧nä̧ dode'kuätukuoka'anä̧, kkorotürü'i̧nä̧ dottächa pä'ätürü dodettü juiyünä̧ jȩpä̧tü̧jä̧.

San Mateo 15:19

Isopäi'ünä̧ tta̧mi̧so'kittütä räopa'a suronä̧ tta̧mü̧kuädümä̧, kuä'ü ikuäwämä̧, kkorotü ttü'käwinä̧u̧ku̧ jȩttä̧'chä̧kuä̧u̧mä̧, ttü'käwoko̧u̧ku̧ jȩttä̧'chä̧kuäu̧mä̧, ttünä̧u̧kuä̧rü̧mä̧, ttüyapareumä̧ ja̧'wa̧ta̧nü̧ ttürowäumä̧.

San Mateo 3:7

Ja̧'wa̧nü̧ ja̧'a̧nä̧, rekuätü fariseo wotü'i̧nä̧, saduceo wotü'i̧nä̧, Ju̧a̧ bautizo jȩa̧'a̧ topü ttichäja'a, päinä̧u̧. «¡Ukutumä̧ ä̧ka̧tü̧ isotü wotüjä̧!» ¿Dí jiäwinä̧tu̧kuä̧ku̧ttü̧ usurä ttȩmä̧u̧nä̧ ro̧ȩpä̧kuȩttü̧ tü'ipächü ku̧ji̧pä̧tu̧kua̧ pä'ümä̧?

San Juan 1:23

Ju̧a̧-mä̧ ädätinä̧u̧: —Ttümä̧ rȩba̧ dȩ'a̧ra̧'a̧ttü̧, pa̧'a̧nü̧ woäkuäwä i̧sa̧sä̧: «Tu̧ru̧wa̧ u̧mä̧nä̧ jue'epiyätukuirü», Profeta Isaía päinü̧ta'anü̧.

San Lucas 11:39

Ja̧'wa̧nü̧ amükuädiyäku Jesú-mä̧ päinä̧ku̧: —Ukutu fariseo wotümä̧, i̧so̧'ta̧'i̧nä̧, sä̧rä̧bä̧'i̧nä̧ wä̧mȩnä̧tä̧ tükätüjä̧ ja̧'wa̧nü̧ ja̧'a̧nä̧ jakuänä̧mä̧ nä̧u̧kuä̧rä̧kuä̧wä̧tä̧, surojütä rü̧ȩnä̧ ȩnä̧rä̧tü̧jä̧.

Efesios 4:14

Ja̧'wa̧nü̧ jo̧mȩnä̧mä̧ ppo̧'ä̧tü̧ tta̧mi̧ 'kuä'ätü jä̧'i̧nü̧'a̧nü̧, kkoro ttu̧wo̧juȩtü̧ jü̧'a̧kuä̧mä̧ kue'ächü kko̧ko̧tü̧ täkuotüjä̧. Pi̧jä̧ ttü̧ja̧ tta̧mü̧kuäda'aku ma̧ttä̧chü̧nä̧ jȩpä̧'chä̧tü̧ku̧mä̧.