Hechos 12:8 - Nuevo Testamento Uwotjüja

⁸ á̧gȩ-mä̧ pä'inü̧: «ku̧'ka̧tä̧wä̧ta̧ 'ka̧tä̧wo̧'ü̧, ku̧jä̧pü̧ isäya kku̧nä̧wo̧'i̧.» Päüta'anü̧ Peduru-mä̧ jȩpi̧nü̧. Ja̧'wa̧ta̧nü̧, á̧gȩ-mä̧ päinä̧ku̧ «wä̧mȩnä̧ 'ku̧'ka̧tä̧wä̧'i̧jä̧ta̧ 'ka̧tä̧wo̧'ü̧ cho'ka'anä̧ ichi.»

TÄ̧DO Ä̧CUÄ̧ I̧HUȨNȨ

⁸ Angel Pedrorö pä'inödo: —Cu̧'ca̧tä̧huä̧ta̧ 'ca̧tä̧huo̧'i̧. Cu̧jä̧pö̧ isäya'inä ku̧nä̧huo̧'i̧. Pedro ja̧'hua̧nö̧ jȩo̧mȩnä̧, ángel pä'inödo: —Cu̧'ca̧tä̧huä̧ta̧ huäme i̧sä̧ta̧'i̧nä̧ juä'ocui'ö, ttöcu ichi.

Hechos 12:8 Referans Kwoze

San Mateo 3:11

Isopäi'ünä̧ ttümä̧, Dio-ku ppa̧kuä̧chä̧tu̧kua̧'a̧ kui̧jȩkuä̧tu̧kua̧ pä'ümä̧ ajiyanä̧tä̧ bautizo jȩpü̧sä̧; ja̧'wa̧nü̧ ja̧'a̧nä̧ ttü cho'komȩnä̧ ichümä̧ Epíritu Sa̧tu̧nä̧'i̧nä̧, okurä jäwänä̧'i̧nä̧ bautizo jȩä̧kua̧. Jua̧u̧mä̧ ttüttü'i̧nä̧ abonä̧nü̧ ujuru kku̧nä̧rü̧, jua̧u̧ ü̧jä̧pü̧ isäya chȩpü̧ juiyü'anü̧'i̧nä̧ wa̧sä̧.

San Lucas 12:37

Rü̧ȩnä̧ eseäkuäwä kka̧'a̧, ttu̧ru̧wa̧ ichomȩnä̧ ttä'i'oka'a to̧pä̧rä̧tü̧rü̧mä̧. Isopäi'ünä̧tä̧ ttu̧ru̧wa̧mä̧ chutätä ü̧'ka̧tä̧wä̧ta̧ ti̧'ä̧dä̧kuä̧wo̧po̧'ü̧, mesa isodänä̧ ttü̧'ä̧mä̧da̧ pä'ü we'ü, ttu̧kuȩ i̧yä̧'chä̧kuä̧u̧.

Hechos 12:7

Ttu̧ni̧chä̧ra̧'a̧nä̧, Tu̧ru̧wa̧ i̧sa̧ á̧gȩ kkä̧mä̧di̧nü̧, kärenä̧ pä̧kuä̧wo̧ka̧mä̧ kkȩdȩ'ü̧nä̧tä̧. Ja̧'wa̧nü̧ päi'a'attü, jua̧u̧ á̧gȩ-mä̧ Peduru-rü i'esubänä̧ mȩ'ü̧ porädü päinä̧ku̧: «Jurunä̧ ä̧rä̧mi̧'i̧» päüta'anü̧, yotäku kärenä̧sa̧, Peduru u̧mü̧nä̧ nü̧'käwä̧jä̧sa̧mä̧ ejächi'ü ttawäwipa'anä̧,

Hechos 12:9

Ja̧'wa̧nü̧ o'ka'anä̧ Peduru-mä̧ rä'opü kkä̧nü̧, isopäi'ünä̧ ja̧'a̧ tä̧jí̧, yaparekü̧ päomȩ'i̧nä̧ juiya'attü̧, 'kuo̧ti̧nä̧ jä̧'i̧nü̧'a̧nü̧ jä̧ku̧sä̧kü̧ pä'ütä amükuädinü̧.

San Marcos 6:9

Ku̧jä̧pü̧ isäyatä kku̧nä̧wi̧'ü̧ tätukui, kui̧ä̧rȩta̧ ppä̧chä̧ta̧mä̧ kuȩpä̧tu̧kuä̧ päinä̧u̧.

Hechos 8:26

Ya̧tȩ á̧gȩ Dio i̧sa̧, Felipe-rü pä'inü̧: Ä̧rä̧mi̧'ü̧ kkä̧wa̧ ü'oweku ja̧'a̧ku̧nä̧ku̧ täi, Jerusarȩ́-ttü̧mä̧ Gaza ütawiyä mä̧nä̧ku̧nä̧, rȩbi̧yu̧ dȩ'a̧ra̧'a̧ kkä'konä̧ 'kuäopä̧'ijä̧mä̧nä̧.

Hechos 27:23

Mo̧ro̧ji̧ yodomä̧, Dio i̧sa̧ á̧gȩ i̧wä̧chä̧ji̧. Jua̧u̧ Dio-rü esetü ukuotü cha'attü ttümä̧,