Hechos 12:4 - Nuevo Testamento Uwotjüja

⁴ Herode-mä̧ Peduru-rü 'chuttädünä̧ su̧ro̧do̧u̧ru̧ we'äji̧'ka̧ pa̧ja̧kuä̧nü̧ osa pünä̧ tta̧ttä̧rü̧nä̧ we'ü ütinä̧ku̧. Pacua o'ka'a päi'omȩ ttü̧ja̧ ttä'ka jo̧mȩ i̧jȩpa̧ pä'ü amükuädü jȩpi̧nü̧.

TÄ̧DO Ä̧CUÄ̧ I̧HUȨNȨ

⁴ Herodes Pedrorö 'chu'ädäji'ca̧ cärenä rötinödo. Juhuodenä pa̧ja̧cuä̧nö̧ su̧ro̧da̧u̧ pärocuotönö Pedrorö tta̧'ä̧ri̧nä̧tö̧do. Herodes ttö̧ja̧ ttä'ca jo̧mȩ Pedrorö i'cächa pä'ö amöcuädinödo pascua fiesta jȩtti̧nö̧ mo̧ro̧ o'ca'a.

Hechos 12:4 Referans Kwoze

San Lucas 22:33

Simón-mä̧ pä'inü̧: —Chu̧ru̧wa̧, kärenä̧ra̧'a̧'i̧nä̧ ukutäku chi̧'chä̧kua̧sä̧. Suro, jua̧u̧tä̧mä̧kü̧, ukutäku wä̧i̧nä̧ kuä'ü'i̧nä̧ tti̧kuä̧kua̧sä̧.

San Lucas 21:12

Ja̧'wa̧nü̧ ja̧'a̧nä̧ pi̧yȩ 'kuäopäkua'a ä'kanä̧mä̧, 'chuttädätukuaku pä'ü ttusäkuä̧u̧jä̧. Ja̧'wa̧ta̧nü̧ sinagoga odewiyära̧'a̧ ttȩpä̧kuä̧u̧jä̧ jua'attü kärenä̧ ku̧'ä̧tu̧ku̧nä̧ wetta pä'ü, ruwotü ttä'ka jo̧mȩ'i̧nä̧ ttȩpä̧kuo̧tü̧jä̧ ttü chi̧mi̧ jäwänä̧mä̧.

Hechos 4:28

Ja̧'wa̧nü̧ ja̧'a̧nä̧, juätü jȩttü̧mä̧ suro uku ku̧wo̧juo̧mȩnä̧ amükuädü ku̧ju̧ni̧nü̧tä̧ 'kuäopa'a.

Hechos 4:3

Ja̧'wa̧nü̧ ja̧'a̧, 'chu'ädü, kärenä̧ ttütinä̧u̧, ni̧pä̧ro̧mȩ ji̧yä̧u̧, kkoro mo̧ro̧tä̧ tottatü pä'ü.

San Juan 21:18

Isopäi'ünä̧tä̧ pädäkujä̧: Ji̧nä̧ mü̧ä̧ya̧ kuäimä̧, ku̧'ka̧tä̧wä̧ta̧tä̧ 'ka̧tä̧wi̧'ü̧ pä̧wä̧rü̧ja̧'a̧ kue'ächü 'chi̧nü̧jä̧; ja̧'wa̧nü̧ ja̧'a̧nä̧ bü̧o̧sa̧ kuomȩnä̧nä̧mä̧, kujo käkuepa'anä̧ kka̧ra̧tä̧ ü̧'ka̧tä̧ku̧jä̧ ja̧'wa̧nü̧ jȩpü̧ kuju'kokomȩ ȩpä̧ku̧jä̧.

San Mateo 26:5

Ja̧'wa̧nü̧ ja̧'a̧nä̧ pä'inä̧tü̧: —Pä'käri 'kä̧tȩnä̧mä̧kü̧, ttü̧ja̧ ttürowäwi'ü juiyäkua'anü̧.

San Mateo 24:9

Ja̧'wa̧nü̧ jo̧mȩnä̧ usurä kuȩmä̧wä̧tu̧ku̧nä̧ iyü tti̧kuä̧kuä̧u̧jä̧; ja̧'wa̧nü̧ jȩpü̧ kuä'äu iku, pi̧jä̧ ttü̧ja̧mä̧ o'katoi'ünä̧ ttü jäwänä̧ ttüjü'koko̧u̧ kuäkuotüjä̧.

Hechos 8:3

Ja̧'wa̧nü̧ jȩpü̧ Sauro-mä̧, Jesucrito-rü esetätürü usurä ttȩmä̧u̧nä̧ jȩpi̧nü̧, u̧mä̧tü̧rü̧'i̧nä̧, nä̧tü̧rü̧'i̧nä̧ dodottünä̧ jȩpü̧, kärenä̧ rütä'chinü jȩpi̧nü̧.

Hechos 5:18

Ja̧'wa̧nü̧ ja̧'a̧ apótore-rü 'chu'ädü kärenä̧ rütinä̧tü̧.

San Juan 19:23

Jesú-ru ü̧jo̧kä̧ jäinä̧ pȩ'o̧pü̧ kku̧nä̧jä̧'kotü, su̧ro̧do̧u̧mä̧ ü̧'ka̧tä̧wä̧ta̧ ȩmo̧po̧'ü̧ pa̧ja̧kuä̧nü̧ jo̧mȩnä̧ 'toräu iyäkuäwinä̧tü̧ yotukunä̧. Ja̧'wa̧ta̧nü̧ wä̧mȩnä̧ ü̧'ka̧tä̧wä̧'i̧jä̧ta̧'i̧nä̧ ȩmi̧nä̧tü̧, ji̧nä̧ ji̧yȩtȩnä̧tä̧ 'tü̧ä̧wä̧ta̧, rȩjȩbü päi'ünä̧.

San Marcos 14:1

Pacua pä'käri, Trigo o̧si̧ ppü̧ä̧mo̧kü̧ ttukuä'ijü pä̧nä̧ päi'a pä'ümä̧, todäre mo̧ro̧tä̧ juiyina̧'a̧. Ja̧'wa̧nü̧ ja̧'a̧ sacerdote wotü tturuwotü'i̧nä̧, weäwä wȩnȩ wo̧juȩkuä̧ isotü'i̧nä̧. Yapare ji'äu, Jesú-ru 'chu'ädü kuä'ü ttikua pä'ü usinä̧tü̧.

Hechos 12:3

Ja̧'wa̧nü̧ jȩä̧ja̧'a̧ judío ttesewiyäku, Peduru-rü'i̧nä̧ kärenä̧ 'chuttäda pä'ü we'inü̧. Pi̧yȩmä̧ 'kuäopina̧'a̧, pan levadura juiyünä̧ ttüku pä'käri mo̧ro̧.

Hechos 12:5

Ja̧'wa̧nü̧ ja̧'a̧ttü̧, Peduru-mä̧ kärenä̧ pi̧nü̧, rü̧ȩnä̧ tta̧ttä̧ra̧'a̧nä̧tä̧; ja̧'wa̧nü̧ ja̧'a̧nä̧, igresia jü̧nä̧ wotümä̧ yoriso kättädi'oka'a, Dio-rü ukuokuinä̧tü̧, jua̧u̧ ütü'kümä̧.